1 ကရံၣ်သူး 10:1 - Sgaw Karen Common Bible

¹ ယဒီပုၢ်ဝဲၢ်သ့ၣ်ဧၢ, ယအဲၣ်ဒိးလၢသုကသ့ၣ်နီၣ်ထီၣ်က့ၤတၢ်ဘၣ်ဃးဒီး တၢ်မၤအသးဒီးပမိၢ်ပၢ်ဖံဖုလၢပျၢၤတဖၣ်အပိာ်စီၤမိၤၡ့အခံဒ်လဲၣ်အဂ့ၢ် န့ၣ်လီၤ. အဝဲသ့ၣ်ကိးဂၤဒဲးအိၣ်လၢတၢ်အၢၣ်အတၢ်ကဟုကယာ် အဖီလာ်ဒီးအဝဲသ့ၣ်ကိးဂၤဒဲးလဲၤခီဂာ်ဝဲဒၣ်ပီၣ်လဲၣ်ဂီၤပူၤပူၤ ဖျဲးဖျဲးဂ့ၤဂ့ၤဘၣ်ဘၣ်န့ၣ်လီၤ.

1 ကရံၣ်သူး 10:1 Iomraidhean Croise

လံာ်စီၤနဃ့မယၤ 9:19

ဘၣ်ဆၣ်နတလဲၤသဒၣ်အဝဲသ့ၣ်ဖဲန့ၣ်လၢပှၢ်မုၢ်ကနၢအပူၤန့ၣ်ဘၣ်. အဂ့ၢ်ဒ်အံၤ, နတၢ်သးကညီၤဒိၣ်ဝဲနီၢ်မးန့ၣ်လီၤ. နတဟံးထီၣ်ကွံာ်တၢ်အၢၣ်မ့ၢ်ဂ့ၤ, မ့ၣ်အူမ့ၢ်ဂ့ၤ လၢအဒုးနဲၣ်အဝဲသ့ၣ်ကျဲလၢမုၢ်နံၤဒီးမုၢ်နၤန့ၣ်ဘၣ်.

စံးထီၣ်ပတြၢၤ 105:39

ကစၢ်ယွၤသလၣ်ထီၣ်တၢ်အၢၣ်လၢ အပှၤဂီၢ်မုၢ်အဖီခိၣ်ဒီး ဟ့ၣ်လီၤအီၤ မ့ၣ်အူလၢ မုၢ်နၤဒ်သိးကဟ့ၣ်အဝဲသ့ၣ်လၢတၢ်ကပီၤန့ၣ်လီၤ.

စံးထီၣ်ပတြၢၤ 66:6

အဝဲဒုးကဲထီၣ်ပီၣ်လဲၣ်ဆူ ခိဒီးပမိၢ်ပၢ်ဖံဖုတဖၣ် ခီဂာ်ထံကျိလၢအခီၣ်လီၤ. ဒီးအဝဲသ့ၣ်သးခုလၢ တၢ်လၢယွၤမၤတ့ၢ်ဝဲအဃိန့ၣ်လီၤ.

စံးထီၣ်ပတြၢၤ 78:53

အဝဲဆှၢအဝဲသ့ၣ်လၢတၢ်ပူၤဖျဲးအပူၤဒ်သိး အသုတပျံၤတၢ်တဂ့ၤ, အဂီၢ်န့ၣ်လီၤ. မ့မ့ၢ်အဒုၣ်အဒါတဖၣ်န့ၣ် ပီၣ်လဲၣ်လုၣ်ဘၢကွံာ်အီၤလီၤ.

လံာ်တၢ်ဟးထီၣ်ကွံာ် 14:29

မ့မ့ၢ်ပှၤအံၣ်စရ့လးဖိတဖၣ်ဟးဝဲလၢဟီၣ်ခိၣ်ဃ့ထီအဖီခိၣ် ခီဂာ်ပီၣ်လဲၣ်လၢအအိၣ်ဒီးထံအဒူၣ်ခံခီန့ၣ်လီၤ.

လံာ်တၢ်ဟးထီၣ်ကွံာ် 40:34

တုၤနုၤတစုတၢ်အၢၣ်ကးဘၢဒဲစီဆှံ, ဒီးကစၢ်ယွၤအိၣ်ဝဲ ဆိးဝဲအတၢ်ကပီၤကပြုၢ်ကပြီၤန့ၣ်မၤပှဲၤအီၤန့ၣ်လီၤ.

လံာ်တၢ်ဂံၢ် 14:14

အဝဲသ့ၣ်ကတဲဘၣ်တၢ်အံၤဆူပှၤဂီၢ်မုၢ်လၢအအိၣ်လၢကီၢ်တဘ့ၣ်အံၤ အပူၤလီၤ. ပှၤဂီၢ်မုၢ်အံၤနၢ်ဟူတ့ၢ်လံလၢနၤ, ယွၤ, အိၣ်ဒီးပှၤ, လၢနအိၣ်ဖျါလီၤတံၢ်လီၤဆဲးဖဲနတၢ်အၢၣ်အထူၣ်အိၣ် ကတီၢ်လၢပဖီခိၣ်ဒီးနလဲၤဆိတၢ်လၢပမဲာ်ညါလၢတၢ်အၢၣ်အထူၣ် တထူၣ်အပူၤလၢမုၢ်ဆါခီဒီးလၢမ့ၣ်အူထူၣ်တထူၣ်အပူၤလၢမုၢ်နၤ ခီန့ၣ်လီၤ.

လံာ်တၢ်ဂံၢ် 33:8

အဝဲသ့ၣ်ဟးထီၣ်လၢပံၤဟဃံရိးဒီးလဲၤခီဖျိပီၣ်လဲၣ်ဂီၤဆူ ပှၢ်မုၢ်ကနၢၡူၢ်န့ၣ်လီၤ. ဒီးသၢသီလဲၤကျဲဝံၤအလီၢ်ခံန့ၣ်အဝဲသ့ၣ်သူၣ်ဒဲဖဲမၤရၤန့ၣ်လီၤ.

လံာ်ယိၤဟၣ် 4:20

ပဝဲပှၤၡၤမရံဖိပမိၢ်ပၢ်ဖံဖုလၢပျၢၤတဖၣ်ဘူၣ်ထီၣ်ဘါထီၣ် ကစၢ်ယွၤဖဲကစၢၢ်အံၤအလိၤ, မ့မ့ၢ်သုဝဲပှၤယူဒၤဖိတဖၣ် သုစံးလၢပကြၢးဘူၣ်ထီၣ်ဘါထီၣ်ကစၢ်ယွၤလၢဝ့ၢ်ယရူၤၡလ့ၣ် အပူၤန့ၣ်လီၤ.”

ရိမ့ၤ 1:13

ယဒီပုၢ်ဝဲၢ်သ့ၣ်ဧၢ, သုကဘၣ်သ့ၣ်နီၣ်ထီၣ်လၢအါစုအါဘျီ ယတိာ်ပာ်လၢယကလဲၤဆူသုအိၣ်, ဘၣ်ဆၣ်တၢ်မၤတံာ်တာ်ယကျဲအိၣ်ထီၣ်ဝဲထီဘိလီၤ. ယသးအိၣ်မၤန့ၢ်စ့ၢ်ကီးသးသမူတဖၣ်လၢသုကျါ, ဒ်ယမၤန့ၢ်လၢပှၤကလုာ်ဂၤတဖၣ်အကျါအသိးန့ၣ်လီၤ.

ရိမ့ၤ 11:21

ကစၢ်ယွၤမ့ၢ်တပျၢ်ဖျဲးပှၤယူဒၤဖိတဖၣ်လၢအလီၤဂာ်ဒီးဒ့နီၢ်နီၢ် တဖၣ်ဘၣ်ဒီး, မ့ၢ်နဆိကမိၣ်လၢကပျၢ်ဖျဲးနၤစ့ၢ်ကီးဧါ.

ရိမ့ၤ 4:11

အဝဲကူးတရံးအသးလၢခံ, ဒီးအတၢ်ကူးတရံးအံၤမ့ၢ်တၢ်ပနီၣ် တမံၤလၢအဒုးနဲၣ်ဝဲကစၢ်ယွၤအတၢ်တူၢ်လိာ်အီၤဒ်ပှၤတီပှၤလိၤ တဂၤအသိးလၢအတၢ်နာ်အဃိ, တချုးဒံးဘၣ်လၢအဝဲဘၣ်တၢ်ကူးတရံးအီၤန့ၣ်လီၤ. သတးဒီး, စီၤအၤဘြၤဟၣ်မ့ၢ်ပှၤနာ်ကစၢ်ယွၤခဲလၢာ်အပၢ် လၢသူၣ်လၢသး, ဒီးပှၤခဲလၢာ်အံၤဘၣ်တၢ်တူၢ်လိာ်အီၤလၢ ယွၤဒ်ပှၤတီပှၤလိၤအသိး, ဖဲအဝဲသ့ၣ်တဒိးဘၣ်တၢ်ကူးတရံးအခါဒၣ်လဲာ်န့ၣ်လီၤ.

1 ကရံၣ်သူး 12:1

ခဲကနံၣ်အံၤ, ဘၣ်ဃးဒီးတၢ်လၢသုကွဲးတ့ၢ်သုဝဲလၢသးစီဆှံ အတၢ်ဟ့ၣ်အဂ့ၢ်န့ၣ် ယသးအိၣ်လၢသုကသ့ၣ်ညါတၢ်မ့ၢ်တၢ်တီဘၣ်ဃးဒီး အဝဲသ့ၣ်အဂ့ၢ်လီၤ. ယဒီပုၢ်ဝဲၢ်သ့ၣ်ဧၢ,

1 ကရံၣ်သူး 14:38

ဘၣ်ဆၣ်ဒီး, အဝဲမ့ၢ်တကနၣ်ဃုာ်တၢ်ဂ့ၢ်အဝဲအံၤန့ၣ်, တဘၣ်ကနၣ်ဃုာ်အီၤနီတစဲးတဂ့ၤ.

ကလၤတံ 3:29

သုမ့ၢ်ဘၣ်ဃးဒီးခရံာ်ဒီး, သုမ့ၢ်စီၤအၤဘြၤဟၣ်အစၢၤအသွဲၣ်တဖၣ်ဒီးသုကဒိး န့ၢ်ဘၣ်တၢ်လၢကစၢ်ယွၤအၢၣ်လီၤတ့ၢ်န့ၣ်လီၤ.

လံာ်သိၣ်လီၤသီလီၤတၢ် 1:33

အဝဲလဲၤဆိဒၣ်လဲာ်လၢသုမဲာ်ညါဒီးဃုထံၣ်တၢ်လီၢ်တတီၤလၢသူၣ် ဒဲအဂီၢ်ဘၣ်ဆၣ်သုတနာ်ဒံးဘၣ်အီၤဘၣ်. အဝဲလဲၤဆိတၢ်လၢသုမဲာ်ညါလၢမ့ၣ်အူထူၣ်အပူၤလၢမုၢ်နၤဒီး လၢတၢ်အၢၣ်အထူၣ်အပူၤလၢမုၢ်ဆါ, ဒ်သိးကဒုးနဲၣ်သု ကျဲအဂီၢ်န့ၣ်လီၤ.

ဧ့ၤဘြံၤ 11:29

လၢတၢ်စူၢ်တၢ်နာ်န့ၣ်ပှၤအံၣ်စရ့လးဖိခီဂာ်ပီၣ်လဲၣ်ဂီၤလၢ ခိသူခိၣ်လီၤ. ဘၣ်ဆၣ်ဒီးဖဲပှၤအဲၤကူပတူးဖိတဖၣ်ခီကွၢ်ဝဲန့ၣ်အဝဲသ့ၣ်လီၤ အုးသံကွံာ်ဝဲလီၤ.

လံာ်စီၤယိၤၡူ 4:23

စံးဘၣ်တဲဘၣ်အဝဲသ့ၣ်လၢယွၤသုကစၢ်ယွၤမၤလီၤသံး ကွံာ်ထံလၢထံကျိယၢ်ဒ့ၣ်အပူၤလၢသုဂီၢ်တုၤလၢသုခီဂာ်တၢ်တစု, ဒ်အမၤလီၤသံးကွံာ်ပီၣ်လဲၣ်ဂီၤလၢပဂီၢ်အသိးန့ၣ်တက့ၢ်.