1 ကရံၣ်သူး 1:7 - Sgaw Karen Common Bible

⁷ ဖဲသုအိၣ်ခိးတၢ်ကလီၣ်ဖျါထီၣ်ပကစၢ်ယ့ၣ်ၡူးခရံာ်အဖၢမုၢ် န့ၣ်တၢ်ဆိၣ်ဂ့ၤဆိၣ်ဝါထဲတမံၤဒၣ်လဲာ်, သုတလီၤတိၢ်လၢသုကဒိး န့ၢ်အီၤန့ၣ်ဘၣ်.

1 ကရံၣ်သူး 1:7 Iomraidhean Croise

လံာ်တၢ်ကဲထီၣ်အခီၣ်ထံး 49:18

ယွၤဧၢ, ယအိၣ်ခိးကွၢ်လၢ်နတၢ်မၤပူၤမၤဖျဲးယၤလီၤ.

လံာ်မးသဲ 25:1

တုၤနုၤတစု, မူခိၣ်အဘီအမုၢ်န့ၣ်ကမၤအသးဒ်အံၤလီၤ. တဘျီပှၤမုၣ်ကနီၤအိၣ်ဝဲအဂၤတဆံ, လၢအဟံးန့ၢ်အမ့ၣ်အူဒၢ, ဒီးဟးထီၣ်လဲၤသဂၢၢ်တလးမူးပိာ်ခွါတဂၤန့ၣ်လီၤ.

လံာ်လူၤကၣ် 12:36

ဒ်တၢ်ခ့တၢ်ပှၤတဖၣ်လၢအအိၣ်ခိးအကစၢ်အတၢ်ဟဲက့ၤလၢတၢ်တ့တၢ်ဖျီ အမူးအဂီၢ်အသိးန့ၣ်တက့ၢ်. ဖဲအဝဲဒၣ်ဟဲဒီးဒိတကျိာ်တၢ်န့ၣ်, အဝဲသ့ၣ်ကအိးထီၣ်တြဲၤလၢအဂီၢ်တဘျီဃီလီၤ.

လံာ်လူၤကၣ် 17:30

တၢ်ကမၤအသးဒ်န့ၣ်အသိးဖဲမုၢ်တနံၤလၢပှၤကညီဖိခွါဘၣ် တၢ်လီၣ်ဖျါထီၣ်အီၤန့ၣ်လီၤ.

ရိမ့ၤ 8:19

လၢတၢ်သူၣ်ဆူၣ်သးဂဲၤအပူၤ, တၢ်ဘၣ်တ့ခဲလၢာ်အိၣ်ခိးကွၢ်လၢ်ကစၢ်ယွၤကလီၣ်ဖျါထီၣ် အဖိခွါတဖၣ်န့ၣ်လီၤ.

ရိမ့ၤ 8:23

ဒီးတၢ်အံၤတမ့ၢ်ထဲတၢ်ဘၣ်တ့ဧိၤန့ၣ်ဘၣ်. ပဝဲလၢအအိၣ် ဒီးယွၤအသးလၢအမ့ၢ်ကစၢ်ယွၤအတၢ်ဟ့ၣ်အခီၣ်ထံးကတၢၢ် တမံၤစ့ၢ်ကီး, ပကအုကစွါလၢပသးကံၢ်ပူၤဖဲပအိၣ်ခိးကွၢ်လၢ် ယွၤအတၢ်ဒုးကဲထီၣ်ပှၤလၢအဖိတဖၣ်ဒီးအတၢ်မၤထူၣ်ဖျဲး ပနီၢ်ခိဒီဂၤညါအခါန့ၣ်လီၤ.

1 ကရံၣ်သူး 4:5

လၢတၢ်န့ၣ်အဃိတချုးတၢ်ဆၢကတီၢ်အဘၣ်တုၤဃီၤဒံးဘၣ်န့ၣ်, သုတကြၢးဟ့ၣ်တၢ်စံၣ်ညီၣ်ဘၣ်ဃးဒီးပှၤနီတဂၤဘၣ်. တၢ်စံၣ်ညီၣ်လၢခံကတၢၢ်န့ၣ်, ကဘၣ်အိၣ်ခိးတုၤလၢကစၢ်ဟဲတုၤ တစုလီၤ. အဝဲကလီၣ်ဖျါထီၣ်တၢ်ခူသူၣ်အိၣ်တဒၢလၢတၢ်ခံးတၢ်နၤ အပူၤတဖၣ်ဒီးမၤဖျါထီၣ်တၢ်တိာ်ပာ်ခူသူၣ်အိၣ်လၢ ပှၤကညီအသူၣ်ကံၢ်သးလဲအပူၤန့ၣ်လီၤ. တုၤနုၤတစုပှၤကိးဂၤဒဲးကဒိးန့ၢ်တၢ်စံးထီၣ်ပတြၢၤလၢအ ကြၢးဒီးအီၤလၢကစၢ်ယွၤအအိၣ်န့ၣ်လီၤ.

၂ ကရံၣ်သူး 12:13

သုဘၣ်တၢ်မၤသုတရီတပါဒိၣ်န့ၢ်တၢ်အိၣ်ဖှိၣ်အဂၤတဖၣ်လၢ ကျဲဒ်လဲၣ်. အိၣ်ဒၣ်ထဲတမံၤဧိၤလၢယတမၤတံာ်တာ်ဘၣ်သုလၢ တၢ်မၤစၢၤအဂီၢ်န့ၣ်ဘၣ်လီၤ. ဝံသးစူၤပျၢ်ဘၣ်ယတၢ်ကမၣ်လၢယတတီတလိၤမးထဲန့ၣ် အဃိတက့ၢ်.

ကလၤတံ 5:5

မ့မ့ၢ်ပဝဲသ့ၣ်တဖၣ်အံၤ, ပတၢ်မုၢ်လၢ်မ့ၢ်ဝဲကစၢ်ယွၤကမၤလိၤ မၤဘၣ်ပှၤဒီးအီၤ, ဒီးတၢ်တမံၤအံၤမ့ၢ်ဝဲတၢ်လၢပခိးပဝဲလၢယွၤ အသးစီဆှံအစိကမီၤမၤတၢ်ခီဖျိပတၢ်စူၢ်တၢ်နာ်န့ၣ်လီၤ.

ဖံလံးပံၤ 3:20

မ့မ့ၢ်ပဝဲသ့ၣ်တဖၣ်အံၤ, ပမ့ၢ်မူခိၣ်အဘီဖိမုၢ်ဖိ, ဒီးလၢတၢ်သးဆူၣ်အပူၤပအိၣ်ခိးကွၢ်လၢ်ပပှၤအုၣ်က့ၤခီၣ်က့ၤတၢ်, ကစၢ်ယ့ၣ်ၡူးခရံာ်အတၢ်ကဟဲလၢမူခိၣ်န့ၣ်လီၤ.

ကလီးစဲ 3:4

သုတၢ်မူနီၢ်နီၢ်မ့ၢ်ခရံာ်ဒီးတုၤခရံာ်ဒုးနဲၣ်ဖျါကဒီးအသး အိၣ်ဒီးအစိကမီၤအလၤကပီၤန့ၣ်ဒီး, သုဝဲစ့ၢ်ကီးသုကအိၣ်ဖျါထီၣ်ဃုာ်ဒီးအီၤဒီးဒိးဃုာ်တၢ်လၤ ကပီၤဒီးအီၤန့ၣ်လီၤ.

၁ သ့းစၤလနံ 1:10

ဒီးအိၣ်ခိးအဖိခွါအတၢ်ဟဲလီၤလၢမူခိၣ်, အဖိခွါယ့ၣ်ၡူးလၢအဝဲဒၣ်ဒုးဂဲၤဆၢထၢၣ်က့ၤအီၤလၢတၢ်သံတ ဂၤလၢအဒုးပူၤဖျဲးထီၣ်ပှၤလၢကစၢ်ယွၤအတၢ်သးဒိၣ်လၢ အကဟဲန့ၣ်လီၤ.

၂ သ့းစၤလနံ 1:7

အဝဲဒၣ်ကမၤမုာ်ထီၣ်က့ၤသုဝဲလၢအတူၢ်ဘၣ်တၢ်နး တၢ်ဖှီၣ်, ဒီးပဝဲဒၣ်စ့ၢ်ကီးလီၤ. အဝဲဒၣ်ကမၤတၢ်အံၤဖဲကစၢ်ယ့ၣ်ၡူးအိၣ်ဖျါထီၣ်လၢမူခိၣ်ဃုာ် ဒီးအကလူးလၢအအိၣ်ဒီးအစိအကမီၤတဖၣ်,

၂ တံၤမသ့း 4:8

ဒီးခဲကနံၣ်အံၤ, တၢ်မၤနၢၤအခိၣ်ဖးလၢအမ့ၢ်တၢ်မၤဘၣ်လိာ်က့ၤယၤဒီးကစၢ်ယွၤ န့ၣ် အိၣ်ခိးပာ်စၢၤယၤလံ. မ့ၢ်ခိၣ်ဖးလၢကစၢ်, ပှၤစံၣ်ညီၣ်တီတၢ်တဂၤကဟ့ၣ်လီၤယၤလၢမုၢ်နံၤအဝဲန့ၣ်, ဒီးထဲယၤတဂၤဧိၤတမ့ၢ်ဘၣ်, မ့ၢ်ကယဲၢ်ပှၤခဲလၢာ်လၢအအိၣ်ခိးကွၢ်လၢ် အဝဲကအိၣ်ဖျါထီၣ်အဂီၢ်စ့ၢ်ကီးန့ၣ်လီၤ.

တံတူး 2:13

ဖဲပအိၣ်ခိးမုၢ်နံၤဘၣ်ဆိၣ်ဂ့ၤလၢပမုၢ်လၢ်တ့ၢ်, ဖဲပကစၢ်ယွၤလၢအဒိၣ်ဝဲ ဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်အလၤကပီၤ ကအိၣ်ဖျါထီၣ်ဝဲန့ၣ်လီၤ.

ဧ့ၤဘြံၤ 9:28

ခရံာ်ဘၣ်တၢ်လုၢ်ထီၣ်ပာ်ထီၣ်အီၤဒ်တၢ်လုၢ်အသိးတဘျီ ဧိၤဒ်သိးအကဟံးထီၣ်ကွံာ်ပှၤအါဂၤအတၢ်ဒဲးဘးဝံၤအဝဲ လီၣ်ဖျါထီၣ်ကဒီးအသးခံဘျီတဘျီ, တမ့ၢ်လၢအကမၤတံာ်တာ်အသးဒီးတၢ်ဒဲးဘးန့ၣ်ဘၣ်. မ့ၢ်ဒ်သိးအကအုၣ်က့ၤခီၣ်က့ၤပှၤလၢအအိၣ်ခိးကွၢ်လၢ်အီၤ သပှၢ်ကတၢၢ်တဖၣ်လီၤ.

၁ ပ့းတရူး 1:13

လၢတၢ်န့ၣ်အဃိ, ကတဲာ်ကတီၤသုသးလၢတၢ်မၤအဂီၢ် တက့ၢ်. ကီၤသုသးဒီးပာ်လီၤသုတၢ်မုၢ်လၢ်လၢာ်လၢာ်ဆ့ဆ့ လၢတၢ်ဘျုးတၢ်ဖှိၣ်အဖီခိၣ်, လၢတၢ်ကဟ့ၣ်လီၤသုဖဲယ့ၣ်ၡူးခရံာ်ဘၣ်တၢ်လီၣ်ဖျါထီၣ်အီၤ အဆၢကတီၢ်န့ၣ်တက့ၢ်.

၁ ပ့းတရူး 4:13

မ့မ့ၢ်သးခုသုဝဲလၢသုတူၢ်ဃုာ်ဘၣ်ခရံာ်အတၢ်နးတၢ်ဖှီၣ် တဖၣ်, ဒ်သိးသုကလၢပှဲၤဒီးတၢ်သးခုဖဲအဝဲဒၣ်အလၤကပီၤ ဘၣ်တၢ်လီၣ်ဖျါထီၣ်အီၤန့ၣ်တက့ၢ်.

၁ ပ့းတရူး 5:4

ဒီးတုၤပှၤကွၢ်သိအခိၣ်အိၣ်ဖျါထီၣ်ဒီး, သုကဒိးန့ၢ်ဘၣ်တၢ်လၤကပီၤအခိၣ်သလုးလၢအတၢ်ကပြုၢ် ကပြီၤတလီၤမၢ်ကွံာ်နီတစုဘၣ်န့ၣ်လီၤ.

၂ ပ့းတရူး 3:12

ဖဲသုအိၣ်ခိးကစၢ်ယွၤအမုၢ်နံၤအဖၢမုၢ်, ဒီးမၤတၢ်အဂ့ၤကတၢၢ်ဒ်သိးမုၢ်နံၤအံၤကတုၤချ့ချ့အဂီၢ်, မုၢ်တနံၤဖဲမူခိၣ်ကကဲၤထီၣ်ဒီးဟးဂီၤကွံာ်, ဒီးတၢ်အမိၢ်ပှၢ်လၢမူခိၣ်တဖၣ်ကပှံၢ်လီၤကွံာ်ဝဲလၢတၢ်ကိၢ် အဃိလီၤ.

၁ ယိၤဟၣ် 3:2

ယတံၤသကိးသးဘိသ့ၣ်ဧၢ, ခဲအံၤပမ့ၢ်ကစၢ်ယွၤအဖိ တဖၣ်လီၤ. ဘၣ်ဆၣ်ဒီးပကမ့ၢ်တၢ်ဒ်လဲၣ်ဒ်လဲၣ်န့ၣ်, တၢ်တဒုးသ့ၣ်ညါပှၤဒံးဘၣ်. ဘၣ်ဆၣ်ဒီး, ပသ့ၣ်ညါလၢဖဲခရံာ်အိၣ်ဖျါထီၣ်န့ၣ်, ပကလီၤဂာ်ဒီးအီၤမ့ၢ်လၢ ပကထံၣ်အီၤဒ်အဝဲမ့ၢ်တၢ်နီၢ်နီၢ်အသိးအဃိန့ၣ်လီၤ.

ယူဒၤ 1:21

ဒီးဟံးဃာ်ပၢၤဃာ်သုသးလၢကစၢ်ယွၤအတၢ်အဲၣ်တၢ်ကွံ အပူၤ, ဖဲသုအိၣ်ခိးပကစၢ်ယ့ၣ်ၡူးခရံာ်ကဟ့ၣ်လီၤသုတၢ်မူ အထူအယိာ်လၢအတၢ်သးကညီၤဒၣ်ဝဲအပူၤအခါန့ၣ်တက့ၢ်.