1 ကရံၣ်သူး 1:5 - Sgaw Karen Common Bible

⁵ အဂ့ၢ်ဒ်အံၤ, လၢတၢ်ပာ်ဖှိၣ်ဃုာ်သုသးတဖျၢၣ်ဃီဒီးခရံာ်အပူၤ န့ၣ်, သုထူးထီၣ်တီၤထီၣ်တ့ၢ်လၢတၢ်ကိးမံၤဒဲးအပူၤ, ဃုာ်ဒီးတၢ်စံးတၢ်ကတိၤခဲလၢာ်, ဒီးတၢ်သ့ၣ်ညါနၢ်ပၢၢ်ခဲလၢာ် န့ၣ်လီၤ.

1 ကရံၣ်သူး 1:5 Iomraidhean Croise

မၤတၢ် 2:4

အဝဲသ့ၣ်ခဲလၢာ်လၢထီၣ်ပှဲၤထီၣ်ဒီးသးစီဆှံ, ဒီးကတိၤထီၣ်တၢ်လၢကျိာ်ဂၤတဖၣ်ဒ်ယွၤအသးဒုးသ့စံးသ့ ကတိၤအီၤအသိးန့ၣ်လီၤ.

ရိမ့ၤ 11:12

ပှၤယူဒၤဖိတဖၣ်အတၢ်ဒဲးဘးဟဲစိာ်တၢ်ဆိၣ်ဂ့ၤအထူး အတီၤတဖၣ်ဆူဟီၣ်ခိၣ်ချၢ, ဒီးအဝဲသ့ၣ်အတၢ်ဖှီၣ်တၢ်ယာ်လၢသူၣ်လၢသးဟဲစိာ်တၢ်ဆိၣ်ဂ့ၤ အထူးအတီၤတဖၣ်ဆူပှၤကလုာ်ဂၤတဖၣ်အအိၣ်န့ၣ်လီၤ. မ့မ့ၢ်ဒ်န့ၣ်ဒီး, ပှၤယူဒၤဖိတဖၣ်မ့ၢ်တုၤက့ၤလၢတၢ်အုၣ်က့ၤခီၣ်က့ၤခဲလၢာ်ဒီး ကကဲထီၣ်တၢ်ဆိၣ်ဂ့ၤအါန့ၢ်အန့ၣ်တက့ၢ်ဆံးဒိၣ်လဲၣ်.

ရိမ့ၤ 15:14

ယဒီပုၢ်ဝဲၢ်သ့ၣ်ဧၢ, ယကစၢ်ဒၣ်ယဲယနာ်လၢသုလၢပှဲၤဒီးတၢ်ဂ့ၤတၢ်ဝါ, ဒီးတၢ်သ့ၣ်ညါအိၣ်ပှဲၤသုပူၤ ဒီးသုသိၣ်လိလိာ်သုသးတဂၤ ဒီးတဂၤသ့ဝဲန့ၣ်လီၤ.

ရိမ့ၤ 15:4

တၢ်ကိးမံၤဒဲးလၢတၢ်ကွဲးအသးစီဆှံအပူၤန့ၣ်ဘၣ်တၢ် ကွဲးအီၤလၢတၢ်ကသိၣ်လိပှၤအဂီၢ်, ဒ်သိးပကအိၣ်ဒီးတၢ်မုၢ်လၢ်ခီဖျိတၢ်ကွဲးအသးစီဆှံ အတၢ်ဟ့ၣ်ပှၤတၢ်သူၣ်စူၤသးစူၤဒီးတၢ်ဟ့ၣ်ဂံၢ်ဟ့ၣ်ဘါအဃိ န့ၣ်လီၤ.

1 ကရံၣ်သူး 12:10

သးစီဆှံဟ့ၣ်ပှၤတဂၤတၢ်စိတၢ်ကမီၤလၢအကမၤတၢ်လီၤလးတဖၣ်, ပှၤအဂၤတဂၤ, တၢ်ဟ့ၣ်ဘၣ်ဃးတၢ်ကတိၤတၢ်လၢဝံအကျိာ်, ဒီးပှၤတဂၤဒၣ်တၢ်သ့တၢ်ဘၣ်လၢအကပဲာ်ဖးနီၤဖးတၢ်ဟ့ၣ်တဖၣ်လၢ အဟဲလၢသးစီဆှံအအိၣ်ဒီးတၢ်ဟ့ၣ်တဖၣ်လၢအတဟဲလၢသးစီဆှံ အအိၣ်န့ၣ်အတၢ်လီၤဆီလီၤ. ဆူပှၤတဂၤအအိၣ်န့ၣ်, အဝဲဟ့ၣ်တၢ်သ့တၢ်ဘၣ်လၢအကတဲဖျါထီၣ်တၢ်လၢအဘၣ်တၢ်စံး ကတိၤလၢကျိာ်လၢပှၤတနၢ်ပၢၢ်အီၤတဖၣ်, ဒီးဆူပှၤတဂၤဒၣ် အဝဲဟ့ၣ်တၢ်သ့တၢ်ဘၣ်လၢအကတဲဖျါထီၣ်တၢ်လၢအဘၣ် တၢ်စံးကတိၤလၢကျိာ်လၢပှၤတနၢ်ပၢၢ်ဘၣ်တဖၣ်အခီပညီန့ၣ်လီၤ.

1 ကရံၣ်သူး 12:8

သးစီဆှံဟ့ၣ်ပှၤတဂၤတၢ်ကစီၣ်လၢအလၢပှဲၤဒီးတၢ်ကူၣ်ဘၣ်ကူၣ် သ့, ဖဲပှၤတဂၤဒၣ်ဘၣ်တၢ်ဟ့ၣ်အီၤတၢ်ကစီၣ်လၢပှဲၤဒီး တၢ်သ့ၣ်ညါနၢ်ပၢၢ်, လၢသးစီဆှံတဂၤဃီလီၤ.

1 ကရံၣ်သူး 13:2

ယမ့ၢ်အိၣ်ဒီးဝံဧိၤမီၣ်ဧိၤအစိကမီၤ, ယမ့ၢ်အိၣ်ဒီးတၢ်သ့ၣ်ညါ နၢ်ပၢၢ်ခဲလၢာ်ဒီးသ့ၣ်ညါတၢ်ခူသူၣ်ခဲလၢာ်, ယမ့ၢ်အိၣ်ဒီးတၢ်စူၢ်တၢ်နာ်ခဲလၢာ်လၢယကသုးကစၢၢ် ကလိသ့သနာ်က့, ယတၢ်အဲၣ်တၢ်ကွံမ့ၢ်တအိၣ်နီတစဲးဒီး, ယတမ့ၢ်တၢ်နီတမံၤဘၣ်.

1 ကရံၣ်သူး 13:8

တၢ်အဲၣ်တၢ်ကွံန့ၣ်မ့ၢ်တၢ်လၢအအိၣ်ကၢအိၣ်ခိးဝဲလီၤထူလီၤ ယိာ်လီၤ. တၢ်ကတိၤလၢဝံအကျိာ်တဖၣ်အိၣ်ဝဲ, ဘၣ်ဆၣ်ဒီး တၢ်သ့ၣ်တဖၣ်န့ၣ်မ့ၢ်ဒၣ်တၢ်တစိၢ်တလီၢ်လီၤ. တၢ်ဟ့ၣ်တဖၣ်လၢ အဘၣ်ဃးဒီးတၢ်ကတိၤလၢကျိာ်လၢပှၤတနၢ်ပၢၢ်အိၣ်ဝဲ, ဘၣ်ဆၣ်ဒီးတၢ်သ့ၣ်တဖၣ်န့ၣ်ကဆိကတီၢ်ဝဲဒၣ်လီၤ. တၢ်သ့ၣ်ညါနၢ်ပၢၢ်န့ၣ်အိၣ်ဝဲ, ဘၣ်ဆၣ်ဒီးကလဲၤပူၤကွံာ်ဝဲဒၣ် လီၤ.

1 ကရံၣ်သူး 14:26

တၢ်လၢယသးအိၣ်စံးယဲန့ၣ်မ့ၢ်ဒ်အံၤလီၤ. ယဒီပုၢ်ဝဲၢ်သ့ၣ်ဧၢ, ဖဲသုအိၣ်ဖှိၣ်ဘါသကိးတၢ်န့ၣ်, တဂၤအိၣ်ဒီးတၢ်သးဝံၣ်စံးထီၣ်ပတြၢၤယွၤ, အဂၤတဂၤအိၣ်ဒီးတၢ်သိၣ်လီၤသီလီၤ, မၤကဒီးတဂၤအိၣ်ဒီးတၢ်လီၣ်ဖျါဟဲလၢယွၤအအိၣ်, အဂၤတဂၤအိၣ်ဒီးဝံအတၢ်ကတိၤ, ဒီးအဂၤတဂၤအိၣ်ဒီးတၢ်တဲဖျါထီၣ်တၢ်လၢအဘၣ် တၢ်စံးကတိၤအီၤတဖၣ်အခီပညီလီၤ. တၢ်ကိးမံၤဒဲးကဘၣ်ကဲထီၣ်တၢ်မၤစၢၤလၢတၢ်အိၣ်ဖှိၣ်အဂီၢ်လီၤ.

1 ကရံၣ်သူး 8:11

ဒီးလၢတၢ်န့ၣ်အဃိပှၤဂံၢ်စၢ်ဘါစၢ်တဂၤအံၤ, နဒီပုၢ်ဝဲၢ်လၢခရံာ် သံလၢအဂီၢ်န့ၣ်, ကလီၤမၢ်ကွံာ်ဝဲ, မ့ၢ်လၢန, “တၢ်သ့ၣ်ညါနၢ်ပၢၢ်” အဃိန့ၣ်လီၤ.

၂ ကရံၣ်သူး 4:6

ကစၢ်ယွၤလၢအစံးဝဲ, “လၢတၢ်ခံးတၢ်နၤအပူၤန့ၣ်, တၢ်ကပီၤ ကကပီၤထီၣ်ဝဲ” န့ၣ်မ့ၢ်ကစၢ်ယွၤတဂၤဃီလၢအဒုးကပီၤလီၤအတၢ်ကပီၤလၢပသူၣ် ပသးတဖၣ်အပူၤ, ဒ်သိးအကဟဲစိာ်န့ၢ်ပှၤတၢ်သ့ၣ်ညါဘၣ်ဃး ဒီးယွၤအလၤကပီၤလၢအကပီၤထီၣ်လၢခရံာ်အမဲာ်အလိၤန့ၣ်လီၤ.

၂ ကရံၣ်သူး 6:10

တၢ်မၤသးအုးပှၤဘၣ်ဆၣ်ဒီး ပသးခုပဝဲထီဘိလီၤ. ပအိၣ်ဖျါဖှီၣ်ယာ်ဘၣ်ဆၣ်ဒီးပဒုးထူးဒုးတီၤထီၣ်ပှၤအါဒံ အါဂၤလီၤ. အိၣ်ဖျါလၢတၢ်တအိၣ်ဒီးပှၤနီတမံၤ, ဘၣ်ဆၣ်ဒီးအနီၢ်နီၢ်တခီပအိၣ်ဒီးတၢ်ခဲလၢာ်ခဲဆ့န့ၣ်လီၤ.

၂ ကရံၣ်သူး 8:7

လၢတၢ်အိၣ်ဒီးသုခဲလၢာ်အပူၤ, လၢတၢ်စူၢ်တၢ်နာ်, တၢ်စံးတၢ်ကတိၤဒီးတၢ်သ့ၣ်ညါနၢ်ပၢၢ်အပူၤ, လၢသုတၢ် သးဆူၣ်မၤစၢၤတၢ်, ဒီးလၢသုတၢ်အဲၣ်ဘၣ်ပှၤအပူၤန့ၣ်, သုထူးဝဲတီၤဝဲဒိၣ်မးလီၤ. ဒီးလၢတၢ်န့ၣ်အဃိပအဲၣ်ဒိးလၢသုကအိၣ်ဒီးတၢ်သးအိၣ် အတၢ်ဟ့ၣ်တၢ်အါ, လၢတၢ်အဲၣ်အတၢ်ဖံးတၢ်မၤတမံၤအံၤ အပူၤစ့ၢ်ကီးန့ၣ်လီၤ.

၂ ကရံၣ်သူး 9:11

အဝဲဒၣ်ကဒုးထူးဒုးတီၤသုထီဘိထဲသိးဒီးအလီၢ်အိၣ်ဝဲလၢသု ကဟ့ၣ်တၢ်အါအါလၢတၢ်သးအိၣ်အပူၤတဘိယူၢ်ဃီအဂီၢ်, ဒ်သိးပှၤအါဂၤကစံးထီၣ်ပတြၢၤကစၢ်ယွၤလၢသုတၢ်ဟ့ၣ်လၢ အဒိးန့ၢ်ဝဲလၢပအိၣ်တဖၣ်အဃိအဂီၢ်န့ၣ်လီၤ.

အ့းဖ့းစူး 1:17

ဒ်သိးပကစၢ်ယ့ၣ်ၡူးခရံာ်အပၢ်, ပၢ်လၢအလၢပှဲၤဒီးတၢ်လၤကပီၤတဂၤကဟ့ၣ်လီၤသု သးစီဆှံလၢအကဒုးကူၣ်ဘၣ်ကူၣ်သ့သုဒီးလီၣ်ဖျါထီၣ် န့ၢ်သုလၢယွၤဒ်သိးသုကသ့ၣ်ညါအီၤအဂီၢ်န့ၣ်လီၤ.

အ့းဖ့းစူး 2:7

ယွၤမၤတၢ်အံၤမ့ၢ်ဒ်သိးအကလီၣ်ဖျါထီၣ်န့ၢ်စိၤလၢ အကဟဲခဲလၢာ်လၢအဝဲအတၢ်အဲၣ်ပှၤလၢအလီၣ်ဖျါထီၣ်ဝဲလၢ ယ့ၣ်ၡူးခရံာ်အပူၤန့ၣ်, အဘျုးအဖှိၣ်ဒိၣ်ဝဲအါဝဲလီၤတိၢ်လီၤဆီ အဂ့ၢ်လီၤ.

အ့းဖ့းစူး 3:8

ယမ့မ့ၢ်ပှၤအဆံးန့ၢ်ဒံးပှၤအဆံးကတၢၢ်လၢပှၤစီဆှံတဖၣ် အကျါနာ်သက့, ကစၢ်ယွၤဟ့ၣ်ယၤတၢ်ဘျုးတၢ်ဖှိၣ်အံၤလၢယကစံၣ် တဲၤတဲလီၤန့ၢ်ဘၣ်ပှၤကလုာ်အဂၤတဖၣ်လၢခရံာ် အတၢ်လုၢ်ဒိၣ်ပှ့ၤဒိၣ်လၢတၢ်ဃုထံၣ်န့ၢ်အီၤတလၢာ်ဘၣ်,

အ့းဖ့းစူး 6:19

ဃ့ထုကဖၣ်စ့ၢ်ကီးလၢယဂီၢ်, ဒ်သိးယွၤကဟ့ၣ်ယၤတၢ်ကစီၣ်ဖဲယအိၣ်ကတဲာ်ကတီၤ ယသးလၢယကကတိၤထီၣ်တၢ်အဆၢကတီၢ်ဒီးဒ်သိး ယကကတိၤဘၣ်တၢ်အိၣ်ဒီးတၢ်သးခူတလ့ၢ်သတးဒီး လီၣ်ဖျါထီၣ်တၢ်သးခုကစီၣ်အတၢ်ခူသူၣ်အဂီၢ်န့ၣ်တက့ၢ်.

ဖံလံးပံၤ 1:9

ယဃ့ဘါထုကဖၣ်ဒ်သိးသုတၢ်အဲၣ်တၢ်ကွံကဒိၣ်ထီၣ် အါထီၣ်ဆူညါကွ့ၢ်ကွ့ၢ်, ဃုာ်ဒီးတၢ်သ့ၣ်ညါအမ့ၢ်အတီ ဒီးတၢ်စံၣ်ညီၣ်ပဲာ်ဖးနီၤဖးတၢ်ဘၣ်အပူၤ,

ကလီးစဲ 2:3

ခရံာ်လီၣ်ဖျါထီၣ်ကစၢ်ယွၤအတၢ်ကူၣ်သ့ဒီးအတၢ်သ့ၣ်ညါခဲလၢာ် လၢအလီၤဂာ်ဒီးတၢ်ထူးတၢ်တီၤလုၢ်ဒိၣ်ပှ့ၤဒိၣ်လၢအအိၣ်သဒၢ တဖၣ်န့ၣ်လီၤ.

ကလီးစဲ 3:10

ဒီးသုတူၢ်လိာ်စိာ်မူတ့ၢ်လံတၢ်အိၣ်မူအသီလၢအဘၣ် တၢ်မၤသီထီၣ်အီၤတဘိယူၢ်ဃီလၢကစၢ်ယွၤဒ်အက့ၢ်အဂီၤအသိး ဆူတၢ်သ့ၣ်ညါယွၤအလၢအပှဲၤအပူၤန့ၣ်လီၤ.

ယၤကိာ် 3:13

ပှၤလၢသုကျါအိၣ်ဝဲတဂၤဂၤလၢအကူၣ်သ့ဒီးသ့ၣ်ညါနၢ် ပၢၢ်တၢ်န့ၣ်ဧါ. အဝဲကဘၣ်ဒုးနဲၣ်တၢ်အံၤခီဖျိအတၢ်အိၣ်မူလၢ အဂ့ၤ, ဒီးခီဖျိအတၢ်မၤအဂ့ၤတဖၣ်လၢအမၤဝဲအိၣ်ဒီး တၢ်ဆီၣ်လီၤသးဒီးတၢ်ကူၣ်သ့န့ၣ်လီၤ.

၂ ပ့းတရူး 3:18

မ့မ့ၢ်ဒိၣ်ထီၣ်ဒံးသုဝဲလၢတၢ်ဘျုးတၢ်ဖှိၣ်ဒီးတၢ်သ့ၣ်ညါ ပကစၢ်ဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်အပူၤန့ၣ် တက့ၢ်. မ်တၢ်လၤကပီၤဘၣ်လၢ်အီၤအခဲအံၤဒီးဆူညါ အစိၤစိၤအဃၣ်ဃၣ်တက့ၢ်. အၤမ့ၣ်.