1 ကရံၣ်သူး 1:26 - Sgaw Karen Common Bible

²⁶ ခဲကနံၣ်အံၤ, ယဒီပုၢ်ဝဲၢ်သ့ၣ်ဧၢ, ဖဲကစၢ်ယွၤကိးသုအခါ, သုမ့ၢ်တ့ၢ်တၢ်မနုၤလဲၣ်န့ၣ် သ့ၣ်နီၣ်ထီၣ်သုဝဲတက့ၢ်. လၢပှၤကညီအတၢ်ထံၣ်တကပၤန့ၣ်သုဝဲ လၢအကူၣ်ဘၣ်ကူၣ်သ့မ့ၢ်ဂ့ၤ, အဂံၢ်ဆူၣ်ဘါဆူၣ်မ့ၢ်ဂ့ၤ, အိၣ်ဒီးအလီၢ်ဒိၣ်လၤထီမ့ၢ်ဂ့ၤအိၣ်ထဲစှၤဂၤလီၤ.

1 ကရံၣ်သူး 1:26 Iomraidhean Croise

လံာ်စီၤပၤခံဘ့ၣ်တဘ့ၣ် 5:4

တုၤစီၤနဧၤမၣ်နၢ်ဟူဘၣ်တၢ်အံၤန့ၣ်, အဝဲလဲၤဃီၤဆူစီၤပၤအ အိၣ်, ဒီးတဲဘၣ်အီၤတၢ်လၢဖိသၣ်ပိာ်မုၣ်စံးတ့ၢ်ဝဲန့ၣ်လီၤ.

လံာ်စီၤယိၤဘး 37:24

မၤသးဒ်န့ၣ်ဒီးပှၤကိးဂၤဒဲးဆၢထၢၣ်လၢတၢ်ပျံၤတၢ်ယူး ယီၣ်အီၤအပူၤ, ဒီးတကနၣ်ဃုာ်ဝဲပှၤသ့ၣ်တဖၣ်လၢအစံးလီၤ အသးလၢအအိၣ်ဒီးတၢ်ကူၣ်သ့န့ၣ်ဘၣ်လီၤ.

လံာ်စဖါနယၤ 3:12

ဒီးဖဲန့ၣ်ယကပာ်တီၢ်တ့ၢ်ပှၤလၢအသးစူၤဒီးဆီၣ်လီၤအသးလၢ အကဟဲဆူယအိၣ်လၢတၢ်မၤစၢၤအဂီၢ်န့ၣ်လီၤ.

လံာ်လူၤကၣ် 1:3

ဒီးလၢတၢ်န့ၣ်အဃိတၢ်ဒိၣ်ဧၢ, ဒ်ယဃုသ့ၣ်ညါနၢ်ပၢၢ်တ့ၢ်လံယဲ ဘၣ်ဃးတၢ်ဂ့ၢ်သ့ၣ်တဖၣ်အံၤခဲလၢာ်ခဲဆ့စးထီၣ်လၢအခီၣ်ထံး အသိး, ယဆိကမိၣ်ယမ့ၢ်ကွဲးလီၤတၢ်ဂ့ၢ်တမံၤအံၤလၢအဂ့ၢ်အဝီ ဒ်သိးနကဖးဘၣ်နဲအဂီၢ်ဒီး, ကမ့ၢ်တၢ်လၢအဂ့ၤလီၤ.

လံာ်လူၤကၣ် 10:21

ဖဲအဆၢကတီၢ်ဝဲန့ၣ်, ယ့ၣ်ၡူးလၢပှဲၤဒီးတၢ်သးခုခီဖျိသးစီဆှံဒီးစံးဝဲ, “မူခိၣ်ဒီးဟီၣ်ခိၣ်အကစၢ်, ပၢ်ယွၤဧၢ, ယစံးဘျုးနၤမ့ၢ်လၢနပာ်ဖျါထီၣ်တၢ်သ့ၣ်တဖၣ်အံၤလၢ နပာ်တဒၢအီၤလၢပှၤကူၣ်ဘၣ်ကူၣ်သ့ဒီးပှၤမၤလိမၤဒိးဘၣ်တၢ်တဖၣ်, ဆူပှၤလၢအတမၤလိမၤဒိးဘၣ်တၢ်တဖၣ်အဃိန့ၣ်လီၤ. မ့ၢ်လီၤ, ပၢ်ဧၢ, တၢ်အဝဲအံၤဘၣ်တၢ်မၤအီၤလၢနတၢ်ဘၣ်နသးဒၣ်ဝဲအဃိလီၤ.

မၤတၢ် 13:12

ဖဲပဒိၣ်တဂၤအံၤထံၣ်ဘၣ်တၢ်လၢအမၤတ့ၢ်အသးတဖၣ်အံၤန့ၣ်, အဝဲဒၣ်စူၢ်က့ၤနာ်က့ၤတၢ်လီၤ. အဝဲဒၣ်ကမၢကမၣ်အဒိၣ်အအါ, ဖဲအနၢ်ဟူဘၣ်တၢ်သိၣ်လီၤသီလီၤဘၣ်ဃးကစၢ်အဂ့ၢ်န့ၣ်လီၤ.

မၤတၢ် 13:7

အဝဲမ့ၢ်ပှၤဒီတံၤဒီသကိးဒီးကီးအပဒိၣ်ဖးဒိၣ်, စီၤစ့ၢ်ကံပီလူးလၢအမ့ၢ်ပှၤသူၣ်ဆးသးဆးဒီးကူၣ်ဘၣ်ဖးသ့တဂၤ န့ၣ်လီၤ. ပဒိၣ်ဖးဒိၣ်တဂၤအံၤကိးန့ၢ်စီၤဘၢ်နါဘၤဒီးစီၤစီလူးဆူအ အိၣ်မ့ၢ်လၢအဝဲဒၣ်သးအိၣ်နၢ်ဟူဘၣ်ကစၢ်ယွၤအကလုၢ်ကထါ အဃိန့ၣ်လီၤ.

မၤတၢ် 17:34

ပှၤတနီၤပာ်က့ၤအသးတဖျၢၣ်ဃီဒီးအီၤဒီးစူၢ်က့ၤနာ်က့ၤတၢ်လီၤ. လၢအဝဲသ့ၣ်အကျါအိၣ်ဒီးစီၤဒံၤနူၤစံၤလၢအမ့ၢ်ကီၣ်ကးဖိတဂၤ, ဒီးပိာ်မုၣ်တဂၤလၢအမံၤမ့ၢ်နီၢ်ဒမၤရံဒီးပှၤအဂုၤအဂၤတနီၤန့ၣ်လီၤ.

ရိမ့ၤ 11:29

အဂ့ၢ်ဒ်လဲၣ်န့ၣ်, ကစၢ်ယွၤတလဲလိာ်အတၢ်ပာ်သူၣ်ပာ်သးဘၣ် ထွဲဒီးပှၤလၢအဃုထၢဝဲဒီးဆိၣ်ဂ့ၤဝဲန့ၣ်ဘၣ်.

1 ကရံၣ်သူး 1:20

မ့မ့ၢ်ဒ်န့ၣ်ဒီး, ပှၤကူၣ်ဘၣ်ကူၣ်သ့မ့ၢ်ဂ့ၤ, ပှၤသ့လံာ်သ့လဲၢ်မ့ၢ်ဂ့ၤ, မ့တမ့ၢ်ဘၣ်ဒီးပှၤသ့ဂ့ၢ်လိာ်ဘှီလိာ်တၢ်လၢဟီၣ်ခိၣ်တဘ့ၣ်အံၤ အပူၤန့ၣ်အိၣ်ဝဲဖဲလဲၣ်ပူၤလဲၣ်. ကစၢ်ယွၤဒုးနဲၣ်တ့ၢ်ဝဲဒၣ်လၢဟီၣ်ခိၣ်တဘ့ၣ်အံၤအတၢ်ကူၣ်ဘၣ်ကူၣ် သ့မ့ၢ်ဒၣ်တၢ်သူၣ်တဆးသးတဆးန့ၣ်လီၤ.

1 ကရံၣ်သူး 2:13

လၢတၢ်န့ၣ်အဃိ, ပတစံးကတိၤတၢ်လၢတၢ်ကတိၤတဖၣ်လၢအဘၣ်တၢ်သိၣ်လိအီၤ လၢပှၤကညီအတၢ်ကူၣ်ဘၣ်ကူၣ်သ့န့ၣ်ဘၣ်. မ့မ့ၢ်ပစံးကတိၤတၢ်လၢတၢ်ကတိၤတဖၣ်လၢသးစီဆှံသိၣ်လိပှၤမ့ၢ်လၢ ပတဲဖျါဘၣ်ဃးသးအတၢ်မ့ၢ်တၢ်တီတဖၣ်ဆူပှၤတဖၣ်လၢအအိၣ်ဒီး ကစၢ်ယွၤအသးစီဆှံအဃိန့ၣ်လီၤ.

1 ကရံၣ်သူး 2:8

ပှၤပၢတၢ်ပြးတၢ်လၢဟီၣ်ခိၣ်တဘ့ၣ်အံၤအပူၤတသ့ၣ်ညါ တၢ်ကူၣ်ဘၣ်ကူၣ်သ့အဝဲအံၤနီတဂၤဘၣ်. အဝဲသ့ၣ်မ့ၢ်သ့ၣ်ညါ တ့ၢ်ဝဲန့ၣ်, တမ့ၢ်လၢအဝဲသ့ၣ်ကပျၤထီတၢ်လၤကပီၤအကစၢ် လၢထူၣ်စုညါအလိၤဘၣ်.

ဖံလံးပံၤ 4:22

ကစၢ်ယွၤအပှၤဂီၢ်မုၢ်ဖဲအံၤခဲလၢာ်ဆှၢလီၤအတၢ်ဆၢဂ့ၤဆၢဝါ တဖၣ်လီၤဆီဒၣ်တၢ်ဆူပှၤလၢအဘၣ်ဃးဒီးစီၤပၤအနီတဖၣ် အအိၣ်န့ၣ်လီၤ.

ယၤကိာ် 2:5

ယဒီပုၢ်ဝဲၢ်သးဘိသ့ၣ်ဧၢ, ဒိကနၣ်တက့ၢ်. ကစၢ်ယွၤဃုထၢပှၤအဖှီၣ်လၢဟီၣ်ခိၣ်အံၤဒ်သိး ကထူးဝဲတီၤဝဲလၢတၢ်စူၢ်တၢ်နာ်ဒီးမၤန့ၢ်ဘီမုၢ်လၢ အအၢၣ်လီၤတ့ၢ်ဝဲလၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

၂ ယိၤဟၣ် 1:1

လၢပှၤသးပှၢ်, ဆူတူၢ်ဒိၣ်မုၣ်လၢအဘၣ်တၢ်ဃုထၢအီၤဒီးအဖိအလံၤတဖၣ် အအိၣ်, ပှၤလၢယအဲၣ်အီၤလၢတၢ်အဲၣ်နီၢ်နီၢ်ဒီးတမ့ၢ်ထဲ ယၤတဂၤဧိၤဘၣ်, မ့မ့ၢ်ပှၤခဲလၢာ်လၢအသ့ၣ်ညါတၢ်မ့ၢ် တၢ်တီန့ၣ်အဲၣ်ဘၣ်နၤ,