1 ကရံၣ်သူး 1:20 - Sgaw Karen Common Bible

²⁰ မ့မ့ၢ်ဒ်န့ၣ်ဒီး, ပှၤကူၣ်ဘၣ်ကူၣ်သ့မ့ၢ်ဂ့ၤ, ပှၤသ့လံာ်သ့လဲၢ်မ့ၢ်ဂ့ၤ, မ့တမ့ၢ်ဘၣ်ဒီးပှၤသ့ဂ့ၢ်လိာ်ဘှီလိာ်တၢ်လၢဟီၣ်ခိၣ်တဘ့ၣ်အံၤ အပူၤန့ၣ်အိၣ်ဝဲဖဲလဲၣ်ပူၤလဲၣ်. ကစၢ်ယွၤဒုးနဲၣ်တ့ၢ်ဝဲဒၣ်လၢဟီၣ်ခိၣ်တဘ့ၣ်အံၤအတၢ်ကူၣ်ဘၣ်ကူၣ် သ့မ့ၢ်ဒၣ်တၢ်သူၣ်တဆးသးတဆးန့ၣ်လီၤ.

1 ကရံၣ်သူး 1:20 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:31

ဖဲစီၤဒၤဝံးဘၣ်တၢ်တဲအီၤလၢစီၤအဃံသဖ့ၤလးမၤသကိးလံ တၢ်လၢစီၤအးဘၡါလိၣ်အတၢ်ပူထီၣ်ထီထီၣ်အပူၤလံန့ၣ်, အဝဲဘါထုကဖၣ်ဝဲဒ်အံၤ, “ယွၤဧၢ, ဝံသးစူၤဘိးကဒါကွံာ်စီၤအဃံသဖ့ၤလး အတၢ်ဟ့ၣ်ကူၣ်ဆူတၢ်လၢအခီပညီတအိၣ်ဘၣ်န့ၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 16:23

ကယဲၢ်တၢ်ဟ့ၣ်ကူၣ်ဟ့ၣ်ဖးလၢ စီၤအဃံသဖ့ၤလးဟ့ၣ်တ့ၢ်ဝဲလၢမုၢ်နံၤတဖၣ်အပူၤန့ၣ်, ဘၣ်တၢ်တူၢ်လိာ်အီၤဒ်ကစၢ်ယွၤအကစၢ်ဒၣ် ဝဲအတၢ်ကတိၤအသိးဒီးစီၤဒၤဝံးဒီးစီၤအးဘၡါလိၣ်မၤထွဲဝဲဒၣ်ခံဂၤလိာ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 17:14

စီၤအးဘၡါလိၣ်ဒီးကယဲၢ်ပှၤအံၣ်စရ့လးဖိခဲလၢာ်စံးဝဲဒၣ်, “စီၤဃူၤၡဲအတၢ်ဟ့ၣ်ကူၣ်န့ၣ်ဂ့ၤဒိၣ်န့ၢ်ဒံးစီၤအဃံသဖ့ၤလး အတၢ်ဟ့ၣ်ကူၣ်တက့ၢ်လီၤ.” ယွၤပာ်လီၤတ့ၢ်လံအသးလၢစီၤအဃံသဖ့ၤလးအတၢ်ဟ့ၣ်ကူၣ်လၢအဂ့ၤန့ၣ်တၢ်သုတမၤထွဲအီၤတဂ့ၤ, ဒ်သိးတၢ်တတၢးတနါကလီၤဘၣ်လၢစီၤအးဘၡါလိၣ်အလိၤအဂီၢ်န့ၣ် လီၤ.

လံာ်စီၤၡမူၤအ့လးခံဘ့ၣ်တဘ့ၣ် 17:23

ဖဲစီၤအဃံသဖ့ၤလးထံၣ်သ့ၣ်ညါဝဲလၢအတၢ်ဟ့ၣ်ကူၣ်တဘၣ်တၢ်မၤ ထွဲအီၤန့ၣ်, အဝဲဂီၤကၢ်ထီၣ်အကသ့ၣ်ယီၤဒီးက့ၤကဒါက့ၤဆူအဝ့ၢ်ဒၣ်ဝဲန့ၣ်လီၤ. တုၤအဝဲကျဲၤလီၤအဟံၣ်အဃီ အဂ့ၢ်အကျိၤဘၣ်ဘၣ်ဝံၤအလီၢ်ခံန့ၣ်, အဝဲစၢသံလီၤက့ၤအသးန့ၣ် လီၤ. အဝဲဘၣ်တၢ်ခူၣ်လီၤကွံာ်အီၤဖဲအဒူၣ်ဖိထၢဖိအသွၣ်ခိၣ်အပူၤန့ၣ်လီၤ.

လံာ်စီၤယိၤဘး 12:17

အဝဲဟံးထီၣ်ကွံာ်ပဒိၣ်ပပှၢ်တဖၣ်အတၢ်ကူၣ်ဘၣ်ကူၣ်သ့ဒီး, မၤပျူၢ်ပှၤခိၣ်ပှၤနၢ်တဖၣ်လီၤ.

လံာ်စီၤယိၤဘး 12:20

အဝဲဒုးအိၣ်ဘှီၣ်ကွံာ်ပှၤလၢအဘၣ်တၢ်နာ်န့ၢ်အီၤဒီးဟံးထီၣ် ကွံာ်ပှၤသးပှၢ်တဖၣ်အတၢ်ကူၣ်သ့န့ၣ်လီၤ.

လံာ်စီၤယိၤဘး 12:24

အဝဲမၤပျူၢ်အဝဲသ့ၣ်အခိၣ်အနၢ်သ့ၣ်တဖၣ်, ဒီးပျဲအဝဲသ့ၣ်ဟး ဝ့ၤဝီၤ, သဘံၣ်ဘုၣ်ဒီးလီၤမၢ်ကွံာ်န့ၣ်လီၤ.

လံာ်ယၡါယၤ 33:18

သုတၢ်ပျံၤတၢ်ဖုးလီၢ်လံၤတဖၣ်လၢအဘၣ်ထွဲဒီးပှၤတခီဘီမုၢ် ဖိအပှၤဃ့သွဲတဖၣ်မ့ၢ်ဂ့ၤ, ပှၤကွၢ်ဟုၣ်ကွၢ်စုးတၢ်တဖၣ်မ့ၢ်ဂ့ၤန့ၣ် ကမၤအသးဒ်တၢ်မံမီၢ်တယုၢ်အသိးဧိၤန့ၣ်လီၤ.

လံာ်ယၡါယၤ 44:25

ယမၤပျုၢ်ပှၤဖးတၢ်ဟဲဝံဟဲစိာ်တဖၣ် ဒီးတြီတံာ်တာ်ပှၤဖးဆၣ်ဧိၤဖီဧိၤတဖၣ်အတၢ်ကတိၤဆိပာ်တဖၣ်လီၤ. ယကတိၤဘျီပှၤကူၣ်သ့အတၢ်ကတိၤတဖၣ်ဒီးဒုးနဲၣ်အဝဲသ့ၣ်လၢအတၢ် ကူၣ်သ့မ့ၢ်တၢ်တဂီာ်တသီၣ်ဘၣ်လီၤ.

လံာ်ယၡါယၤ 53:1

ပှၤဂီၢ်မုၢ်စံးဆၢကဒါက့ၤဝဲ, “တၢ်လၢပပာ်ဖျါခဲအံၤမ့ၢ်မတၤကနာ်အီၤန့ၣ်လဲၣ်. မ့ၢ်မတၤထံၣ်ယွၤအစုမၤတၢ်လၢတၢ်အံၤအပူၤ ကသ့န့ၣ်လဲၣ်.

လံာ်ယံးရမံယၤ 10:7

ပှၤကလုာ်ခဲလၢာ်အစီၤပၤဧၢ, ပှၤလၢကယူးယီၣ်မၤလၤကပီၤ နၤန့ၣ်မ့ၢ်မတၤလဲၣ်. နကြၢးဒီးတၢ်မၤလၤကပီၤန့ၣ်လီၤ. လၢပှၤကူၣ်သ့ခဲလၢာ်လၢပှၤကလုာ်တဖၣ်အကျါမ့ၢ်ဂ့ၤ, လၢ အဝဲသ့ၣ်အစီၤပၤတဖၣ်အကျါမ့ၢ်ဂ့ၤ, ပှၤဒ်သိးနၤတအိၣ်ဘၣ် နီတဂၤဘၣ်.

လံာ်မးသဲ 13:22

တၢ်ချံလၢအဘၣ်တၢ်ဖှံလီၤအီၤလၢတၤဆှုၣ်တၤမဲအကျါတဖၣ်, မ့ၢ်ပှၤလၢအနၢ်ဟူတၢ်ကစီၣ်, ဘၣ်ဆၣ်တၢ်ဘၣ်ယိၣ်ဘၣ်ဘီဘၣ်ဃးဒီးဟီၣ်ခိၣ် ဒီးတၢ်အဲၣ်တၢ်ထူးတၢ်တီၤတဖၣ်ခဲဘၢကွံာ်တၢ်ကစီၣ်သတးဒီး တသၣ်ထီၣ်ဘၣ်ဝဲဘၣ်.

လံာ်ယိၤဟၣ် 12:31

ခဲကနံၣ်အံၤ, မ့ၢ်တၢ်ဆၢကတီၢ်လၢဟီၣ်ခိၣ်ကဘၣ်တၢ်စံၣ်ညီၣ်အီၤ အဂီၢ်လီၤ. ခဲကနံၣ်အံၤပှၤလၢအပၢဟီၣ်ခိၣ်တဂၤန့ၣ်, ကဘၣ်တၢ်တၢၤကွံာ်အီၤလၢစီၤပၤအလီၢ်လီၤ.

မၤတၢ် 17:18

ပှၤအ့းပံၤကူၤရူးဖိအသရၣ်ဒီးပှၤစတီးအၤဖိအသရၣ်တနီၤ ကတိၤဂ့ၢ်လိာ်ဘှီလိာ်စ့ၢ်ကီးတၢ်ဒီးအီၤန့ၣ်လီၤ. အဝဲသ့ၣ်တနီၤစံးဝဲ, “ပှၤတသ့ၣ်ညါနၢ်ပၢၢ်တၢ်ဒီးလိာ်သ့အသးတဂၤအံၤမ့ၢ်အအဲၣ်ဒိး တဲတၢ်မနုၤလဲၣ်.” ပှၤအဂၤတနီၤစံးဝဲ, “ဖျါလၢအဝဲကတိၤတၢ်ဘၣ်ဃးထံဂၤကီၢ်ဂၤအကစၢ်ယွၤ တဖၣ်အဂ့ၢ်လီၤ.” အဝဲသ့ၣ်စံးတၢ်ဒ်သိးအံၤန့ၣ်မ့ၢ်လၢစီၤပီလူးစံၣ်တဲၤတဲ လီၤတၢ်ဘၣ်ဃးယ့ၣ်ၡူးဒီးတၢ်ဂဲၤဆၢထၢၣ်သမူထီၣ်က့ၤအဂ့ၢ် အဃိလီၤ.

ရိမ့ၤ 1:20

စးထီၣ်လၢကစၢ်ယွၤတ့လီၤဟီၣ်ခိၣ်လံၤလံၤန့ၣ်, အတၢ်စိကမီၤအထူအယိာ်ဒီးအတၢ်မ့ၢ်ကစၢ်ယွၤအန့ဆၢၣ်လၢ ပှၤထံၣ်အီၤတသ့ဘၣ်တဖၣ်အံၤန့ၣ်, ဘၣ်တၢ်သ့ၣ်ညါနၢ်ပၢၢ်အီၤဆှံဆှံသ့ဝဲခီဖျိတၢ်လၢကစၢ် ယွၤတ့လီၤဝဲသ့ၣ်တဖၣ်အပူၤန့ၣ်လီၤ. လၢတၢ်န့ၣ်အဃိ, အဝဲသ့ၣ်ကတိၤပူၤဖျဲးအသးတသ့ဘၣ်န့ၣ်လီၤ.

ရိမ့ၤ 1:22

အဝဲသ့ၣ်စံးလီၤအသးလၢအကူၣ်တၢ်သ့, ဘၣ်ဆၣ်အဝဲသ့ၣ်မ့ၢ်ဒၣ်ပှၤဟးဂီၤဖိတဖၣ်န့ၣ်လီၤ.

1 ကရံၣ်သူး 1:19

အဂ့ၢ်ဒ်အံၤတၢ်ကွဲးအသးစံးဝဲ, “ယကမၤဟးဂီၤကွံာ်ပှၤကူၣ်သ့အတၢ်ကူၣ်ဘၣ်ကူၣ်သ့ဒီး တၢၤကွံာ်ပှၤသ့လံာ်သ့လဲၢ်တဖၣ်အတၢ်သ့ၣ်ညါနၢ်ပၢၢ်န့ၣ် လီၤ.”

1 ကရံၣ်သူး 1:26

ခဲကနံၣ်အံၤ, ယဒီပုၢ်ဝဲၢ်သ့ၣ်ဧၢ, ဖဲကစၢ်ယွၤကိးသုအခါ, သုမ့ၢ်တ့ၢ်တၢ်မနုၤလဲၣ်န့ၣ် သ့ၣ်နီၣ်ထီၣ်သုဝဲတက့ၢ်. လၢပှၤကညီအတၢ်ထံၣ်တကပၤန့ၣ်သုဝဲ လၢအကူၣ်ဘၣ်ကူၣ်သ့မ့ၢ်ဂ့ၤ, အဂံၢ်ဆူၣ်ဘါဆူၣ်မ့ၢ်ဂ့ၤ, အိၣ်ဒီးအလီၢ်ဒိၣ်လၤထီမ့ၢ်ဂ့ၤအိၣ်ထဲစှၤဂၤလီၤ.

1 ကရံၣ်သူး 1:27

ကစၢ်ယွၤဃုထၢဝဲဒ်အတၢ်တိာ်ပာ်အိၣ်ဝဲအသိး, တၢ်လၢပှၤဟီၣ်ခိၣ်ဖိထံၣ် လၢအတအိၣ်ဒီးတၢ်သူၣ်ဆးသးဆးဒ်သိးအကမၤမဲာ်ဆှးပှၤကူၣ် ဘၣ်ကူၣ်သ့, ဒီးအဝဲဒၣ်ဃုထၢတၢ်လၢပှၤဟီၣ်ခိၣ်ဖိထံၣ်လၢ အဂံၢ်စၢ်ဘါစၢ်, ဒ်သိးအကမၤမဲာ်ဆှးပှၤဂံၢ်ဆူၣ်ဘါဆူၣ်အဂီၢ် န့ၣ်လီၤ.

1 ကရံၣ်သူး 1:28

အဝဲဒၣ်ဃုထၢတၢ်လၢပှၤဟီၣ်ခိၣ်ဖိကွၢ်တလီၤ, ဒီးပာ်လၢအတဂိာ် တသီၣ်, ဒီးဆိကမိၣ်လၢအတမ့ၢ်တၢ်နီတမံၤဘၣ်န့ၣ် ဒ်သိးအကမၤ ဟးဂီၤတၢ်လၢပှၤဟီၣ်ခိၣ်ဖိဆိကမိၣ်အမ့ၢ်တၢ်အကါဒိၣ်န့ၣ်လီၤ.

1 ကရံၣ်သူး 11:32

ဘၣ်ဆၣ်ဒီးပဘၣ်တၢ်စံၣ်ညီၣ်ဒီးသိၣ်ဃီၣ်ပှၤလၢကစၢ်, ဒ်သိးပသုတဘၣ်တၢ်စံၣ်ညီၣ်ဃုာ်ပှၤတပူၤဃီဒီးဟီၣ်ခိၣ် တဂ့ၤအဂီၢ်န့ၣ်လီၤ.

1 ကရံၣ်သူး 2:6

မ့ၢ်သနာ်က့ဒ်န့ၣ်ဒီး, ဆူပှၤဒိၣ်တုာ်ခိၣ်ပှဲၤလၢသူၣ်လၢသးတကပၤ အအိၣ်န့ၣ်, ယစံၣ်တဲၤတဲလီၤတၢ်ကစီၣ်ဘၣ်ဃးဒီးတၢ်ကူၣ်ဘၣ် ကူၣ်သ့ကစီဒီလီၤ. ဘၣ်ဆၣ်ဒီးအဝဲအံၤတမ့ၢ်တၢ်ကူၣ်ဘၣ်ကူၣ်သ့လၢအဘၣ်ဃး ဒီးဟီၣ်ခိၣ်တဘ့ၣ်အံၤမ့ၢ်ဂ့ၤ, တၢ်စိတၢ်ကမီၤလၢအပၢဟီၣ်ခိၣ် တဘ့ၣ်အံၤမ့ၢ်ဂ့ၤ, တၢ်စိတၢ်ကမီၤတဖၣ်လၢအစိကမီၤလီၤမၢ်ကွံာ်ဝဲ န့ၣ်ဘၣ်.

1 ကရံၣ်သူး 2:8

ပှၤပၢတၢ်ပြးတၢ်လၢဟီၣ်ခိၣ်တဘ့ၣ်အံၤအပူၤတသ့ၣ်ညါ တၢ်ကူၣ်ဘၣ်ကူၣ်သ့အဝဲအံၤနီတဂၤဘၣ်. အဝဲသ့ၣ်မ့ၢ်သ့ၣ်ညါ တ့ၢ်ဝဲန့ၣ်, တမ့ၢ်လၢအဝဲသ့ၣ်ကပျၤထီတၢ်လၤကပီၤအကစၢ် လၢထူၣ်စုညါအလိၤဘၣ်.

1 ကရံၣ်သူး 3:18

မတၤတဂၤမးတကြၢးလီလီၤက့ၤအသးဒၣ်ဝဲဘၣ်. ပှၤလၢသုကျါတဂၤဂၤမ့ၢ်ဆိကမိၣ်လီၤအသးလၢအမ့ၢ် ပှၤကူၣ်ဘၣ်ကူၣ်သ့ခီဖျိဟီၣ်ခိၣ်တဘ့ၣ်အံၤအနီၣ်ထိၣ်ဒီး, အဝဲဒၣ်ကြၢးကဲထီၣ်ပှၤအသးတဆးတဂၤ, ဒ်သိးအဝဲဒၣ်ကကဲထီၣ်ပှၤကူၣ်ဘၣ်ကူၣ်သ့နီၢ်နီၢ်တဂၤအဂီၢ်န့ၣ်လီၤ.

1 ကရံၣ်သူး 3:19

အဂ့ၢ်ဒ်အံၤ, တၢ်လၢဟီၣ်ခိၣ်တဘ့ၣ်အံၤထံၣ်လၢအမ့ၢ်တၢ်ကူၣ်ဘၣ် ကူၣ်သ့န့ၣ်, လၢကစၢ်ယွၤအမဲာ်ညါမ့ၢ်တၢ်ကလီကလီန့ၣ်လီၤ. ဒ်တၢ်ကွဲးအသးစံးဝဲအသိးန့ၣ်, “ကစၢ်ယွၤဖီၣ်န့ၢ်ပှၤကူၣ်ဘၣ် ကူၣ်သ့, လၢအဝဲသ့ၣ်အတၢ်ကူၣ်တၢ်ဆးအပူၤလီၤ.”

1 ကရံၣ်သူး 6:2

မ့ၢ်သုတသ့ၣ်ညါလၢယွၤအပှၤဂီၢ်မုၢ်ကစံၣ်ညီၣ်ဟီၣ်ခိၣ်ဘၣ်ဧါ. မ့မ့ၢ်ဒ်န့ၣ်ဒီး, သုမ့ၢ်ဘၣ်စံၣ်ညီၣ်ဟီၣ်ခိၣ်န့ၣ်, မ့ၢ်သုတအိၣ်ဒီး တၢ်သ့တၢ်ဘၣ်လၢသုကစံၣ်ညီၣ်တၢ်ဂ့ၢ်ဆံးကံာ်ဆံးကိာ်ဖိ တဖၣ်ဘၣ်ဧါ.

ယၤကိာ် 4:4

ပှၤလၢအသးတတီဒီးကစၢ်ယွၤသ့ၣ်ဧၢ, မ့ၢ်သုတသ့ၣ်ညါဘၣ်လၢတၢ်ကဲဟီၣ်ခိၣ်အတံၤသကိး န့ၣ်အခီပညီမ့ၢ်တၢ်ကဲကစၢ်ယွၤအဒုၣ်အဒါန့ၣ်ဘၣ်ဧါ. ပှၤတဂၤဂ့ၤတဂၤဂ့ၤလၢသးအိၣ်ကဲဟီၣ်ခိၣ်အတံၤ သကိးန့ၣ်, ဒုးကဲထီၣ်အသးလၢကစၢ်ယွၤအဒုၣ်အဒါ တဖၣ်န့ၣ်လီၤ.