1 ကရံၣ်သူး 1:18 - Sgaw Karen Common Bible

¹⁸ အဂ့ၢ်ဒ်အံၤ, လၢပှၤလီၤမၢ်တဖၣ်အဂီၢ်န့ၣ်, တၢ်ကစီၣ်ဘၣ်ဃးခရံာ်အတၢ်သံလၢထူၣ်စုညါအလိၤတမ့ၢ်တၢ်လၢ အခီပညီအိၣ်ဘၣ်. မ့မ့ၢ်, လၢပဝဲပှၤဒိးန့ၢ်တၢ်အုၣ်က့ၤခီၣ်က့ၤတဖၣ် အဂီၢ်န့ၣ်, ခရံာ်အတၢ်သံလၢထူၣ်စုညါအလိၤမ့ၢ်ဝဲကစၢ်ယွၤအစိ ကမီၤလီၤ.

1 ကရံၣ်သူး 1:18 Iomraidhean Croise

မၤတၢ် 13:41

‘ပှၤကတိၤဒုၣ်ဒွဲၣ်တၢ်သ့ၣ်ဧၢ, ကွၢ်, ကမၢကမၣ်ဒီးဟးဂီၤတက့ၢ်. အဂ့ၢ်ဒ်အံၤ, တၢ်မၤလၢယမၤယဲဖဲ သုစိၤသုဆၢကတီၢ်ဒၣ်ဝဲအံၤန့ၣ်, မ့ၢ်တၢ်တမံၤလၢပှၤတဂၤဂၤမ့ၢ်တဲနၢ်ပၢၢ်သုလၢ အဂ့ၢ်ဒၣ်လဲာ်, တမ့ၢ်လၢသုကစူၢ်ကနာ်အီၤဘၣ်န့ၣ်လီၤ.’ ”

မၤတၢ် 17:18

ပှၤအ့းပံၤကူၤရူးဖိအသရၣ်ဒီးပှၤစတီးအၤဖိအသရၣ်တနီၤ ကတိၤဂ့ၢ်လိာ်ဘှီလိာ်စ့ၢ်ကီးတၢ်ဒီးအီၤန့ၣ်လီၤ. အဝဲသ့ၣ်တနီၤစံးဝဲ, “ပှၤတသ့ၣ်ညါနၢ်ပၢၢ်တၢ်ဒီးလိာ်သ့အသးတဂၤအံၤမ့ၢ်အအဲၣ်ဒိး တဲတၢ်မနုၤလဲၣ်.” ပှၤအဂၤတနီၤစံးဝဲ, “ဖျါလၢအဝဲကတိၤတၢ်ဘၣ်ဃးထံဂၤကီၢ်ဂၤအကစၢ်ယွၤ တဖၣ်အဂ့ၢ်လီၤ.” အဝဲသ့ၣ်စံးတၢ်ဒ်သိးအံၤန့ၣ်မ့ၢ်လၢစီၤပီလူးစံၣ်တဲၤတဲ လီၤတၢ်ဘၣ်ဃးယ့ၣ်ၡူးဒီးတၢ်ဂဲၤဆၢထၢၣ်သမူထီၣ်က့ၤအဂ့ၢ် အဃိလီၤ.

မၤတၢ် 17:32

ဘၣ်ဆၣ်ဒီး, ဖဲအဝဲသ့ၣ်နၢ်ဟူစီၤပီလူးကတိၤတၢ်ဘၣ်ဃးတၢ် ဒုးဂဲၤဆၢထၢၣ်က့ၤပှၤလၢတၢ်သံန့ၣ်, အဝဲသ့ၣ်တနီၤနံၤဘၣ်ဖၣ်လဲအီၤ, မ့မ့ၢ်အဂၤတဖၣ်စံးဝဲ, “ပသးအိၣ်နၢ်ဟူဘၣ်ကဒီးနကတိၤတၢ်ဂ့ၢ် တမံၤအံၤလီၤ.”

မၤတၢ် 2:47

အိၣ်ဒီးတၢ်စံးထီၣ်ပတြၢၤကစၢ်ယွၤ, ဒီးအဝဲသ့ၣ်ဒိးန့ၢ်ပှၤခဲလၢာ်အတၢ်ဘၣ်သူၣ်ဘၣ်သးန့ၣ်လီၤ. ဒီးကိးနံၤဒဲးန့ၣ်, ကစၢ်ပာ်ဖှိၣ်အါထီၣ်ပှၤဒိးန့ၢ်တၢ်အုၣ်က့ၤခီၣ်က့ၤ တဖၣ်ဆူအဝဲသ့ၣ်အတၢ်အိၣ်ဖှိၣ်အပူၤန့ၣ်လီၤ.

ရိမ့ၤ 1:16

အဂ့ၢ်ဒ်အံၤ, ယမဲာ်တဆှးဘၣ်လၢခရံာ်အတၢ်သးခုကစီၣ်အဃိဘၣ်. မ့ၢ်ကစၢ်ယွၤအစိကမီၤလၢကအုၣ်က့ၤခီၣ်က့ၤပှၤလၢအစူၢ်က့ၤနာ် က့ၤတၢ်ခဲလၢာ်, ပှၤယူဒၤဖိတဖၣ်လၢအဆိဒီး ပှၤကြံးခ်ဖိတဖၣ်စ့ၢ်ကီးန့ၣ်လီၤ.

1 ကရံၣ်သူး 1:21

အဂ့ၢ်ဒ်အံၤ, လၢအဝဲဒၣ်အတၢ်ကူၣ်ဘၣ်ကူၣ်သ့အပူၤန့ၣ်, ကစၢ်ယွၤမၤဝဲဒ်သိးပှၤဟီၣ်ခိၣ်ဖိအသုတသ့ၣ်ညါအီၤခီဖျိ အဝဲသ့ၣ်အတၢ်ကူၣ်ဘၣ်ကူၣ်သ့ဒၣ်ဝဲတဂ့ၤ. မ့မ့ၢ်ခီဖျိ, တၢ်ကစီၣ်လၢပစံၣ်တဲၤတဲလီၤ, လၢပှၤစံးလၢအလၢအပှဲၤဒီးတၢ်သူၣ်တဆးသးတဆးန့ၣ်, ကစၢ်ယွၤပာ်လီၤအသးလၢအကအုၣ်က့ၤခီၣ်က့ၤပှၤစူၢ်က့ၤနာ်က့ၤ တၢ်တဖၣ်လီၤ.

1 ကရံၣ်သူး 15:2

အဝဲန့ၣ်မ့ၢ်တၢ်သးခုကစီၣ်, တၢ်ကစီၣ်လၢယစံၣ်တဲၤတဲလီၤ ယဲဆူသုအိၣ်န့ၣ်လီၤ. မ့တမ့ၢ်လၢသုစူၢ်သုနာ်ကလီကလီ တၢ်ဘၣ်ဒီးသုမ့ၢ်ဟံးဃာ်တၢ်သးခုကစီၣ်အံၤကျၢၤကျၢၤန့ၣ်, သုဒိးန့ၢ်ဘၣ်တၢ်အုၣ်က့ၤခီၣ်က့ၤလၢအီၤလီၤ.

1 ကရံၣ်သူး 2:14

ပှၤတဂၤလၢ်လၢ်လၢအတအိၣ်ဒီးကစၢ်ယွၤအသးစီဆှံန့ၣ်, ဒိးန့ၢ်ဘၣ်တၢ်ဟ့ၣ်တဖၣ်လၢအဟဲလၢကစၢ်ယွၤအသးစီဆှံ အအိၣ်န့ၣ်တသ့ဘၣ်. ပှၤဒ်န့ၣ်အသိးတဂၤန့ၣ်, တနၢ်ပၢၢ်တၢ်ဟ့ၣ်သ့ၣ်တဖၣ်န့ၣ်အဂ့ၢ်နီၢ်နီၢ်ဘၣ်. လၢအဝဲဒၣ်အဂီၢ်, တၢ်သ့ၣ်တဖၣ်န့ၣ်မ့ၢ်တၢ်လၢအခီပညီတအိၣ်ဘၣ်. အဂ့ၢ်မ့ၢ်လၢအဝဲသ့ၣ်အလုၢ်အပှ့ၤဘၣ်တၢ်သ့ၣ်ညါနၢ်ပၢၢ်အီၤသ့ဒၣ် ထဲလၢသူၣ်လၢသးတကပၤအဃိန့ၣ်လီၤ.

1 ကရံၣ်သူး 2:2

အဂ့ၢ်ဒ်အံၤ, ဖဲယအိၣ်ဒီးသုန့ၣ်, ယပာ်လီၤတ့ၢ်ယသးဒ်သိးယကသးပ့ၤနီၣ်ကွံာ်တၢ်ခဲလၢာ် ဒီးသ့ၣ်နီၣ်ထီၣ်က့ၤထဲယ့ၣ်ၡူးခရံာ်ဒီးလီၤဆီဒၣ်တၢ်အဝဲ အတၢ်သံလၢထူၣ်စုညါအလိၤန့ၣ်လီၤ.

1 ကရံၣ်သူး 3:19

အဂ့ၢ်ဒ်အံၤ, တၢ်လၢဟီၣ်ခိၣ်တဘ့ၣ်အံၤထံၣ်လၢအမ့ၢ်တၢ်ကူၣ်ဘၣ် ကူၣ်သ့န့ၣ်, လၢကစၢ်ယွၤအမဲာ်ညါမ့ၢ်တၢ်ကလီကလီန့ၣ်လီၤ. ဒ်တၢ်ကွဲးအသးစံးဝဲအသိးန့ၣ်, “ကစၢ်ယွၤဖီၣ်န့ၢ်ပှၤကူၣ်ဘၣ် ကူၣ်သ့, လၢအဝဲသ့ၣ်အတၢ်ကူၣ်တၢ်ဆးအပူၤလီၤ.”

1 ကရံၣ်သူး 4:10

လၢခရံာ်အဂီၢ်ပမ့ၢ်ပှၤသူၣ်တဆးသးတဆး, ဘၣ်ဆၣ်သုဝဲသုကူၣ်ဘၣ်ကူၣ်သ့လၢသုတၢ်ပာ်ဖှိၣ်ဃုာ်သုသး တပူၤဃီဒီးခရံာ်အပူၤလီၤ. ပဝဲပဂံၢ်စၢ်ဘါစၢ်, ဘၣ်ဆၣ်သုဂံၢ်ဆူၣ်ဘါဆူၣ်လီၤ. ပဘၣ်တၢ်ကွၢ်တလီၤပှၤဘၣ်ဆၣ်သုဒိးဘၣ်တၢ်မၤလၤကပီၤသုလီၤ.

၂ ကရံၣ်သူး 10:4

တၢ်စုကဝဲၤလၢပသူအီၤလၢပတၢ်ဒုးအပူၤတဖၣ်န့ၣ်, တမ့ၢ်ဟီၣ်ခိၣ်အတၢ်စုကဝဲၤတဖၣ်ဘၣ်. မ့မ့ၢ်, မ့ၢ်ဝဲကစၢ်ယွၤအတၢ်စုကဝဲၤအသဟီၣ်ဆူၣ်တဖၣ်, လၢပသူအီၤဒ်သိးပကမၤလီၤပှီၢ်ကွံာ်တိာ်ဧိၤတာ်ဧိၤအဒိၣ် အသွါတဖၣ်အဂီၢ်န့ၣ်လီၤ. ပမၤဟးဂီၤကွံာ်တၢ်ဂ့ၢ်လိာ်ဘှီလိာ်အတမ့ၢ်တတီတဖၣ်လီၤ.

၂ ကရံၣ်သူး 4:3

အဂ့ၢ်ဒ်အံၤ, တၢ်သးခုကစီၣ်လၢပစံၣ်တဲၤတဲလီၤအီၤမ့ၢ်အိၣ်ခူ သူၣ်အိၣ်တဒၢန့ၣ်, ကအိၣ်ခူသူၣ်အိၣ်တဒၢဒၣ်လၢပှၤလီၤမၢ်သ့ၣ်တဖၣ်အမဲာ်ညါ န့ၣ်လီၤ.

၁ သ့းစၤလနံ 1:5

အဂ့ၢ်ဒ်အံၤ, ပဟဲစိာ်န့ၢ်သုတၢ်သးခုကစီၣ်တမ့ၢ်ထဲလၢတၢ် ကတိၤဧိၤန့ၣ်ဘၣ်. မ့မ့ၢ်အိၣ်စ့ၢ်ကီးဒီးတၢ်စိတၢ်ကမီၤ, သးစီဆှံ, ဒီးတၢ်စူၢ်ဂၢၢ်နာ်ကျၢၤလၢတၢ်သးခုကစီၣ်အံၤမ့ၢ်ဝဲတီဝဲအဂ့ၢ်န့ၣ်လီၤ. ဖဲပအိၣ်ဒီးသုအဖၢမုၢ်ပအိၣ်မူဒ်လဲၣ်န့ၣ်သုသ့ၣ်ညါသုဝဲလီၤ. တၢ်သ့ၣ်တဖၣ်အံၤခဲလၢာ်န့ၣ်, မ့ၢ်ဒၣ်လၢသုဂီၢ်လီၤ.

၂ သ့းစၤလနံ 2:10

ဒီးကသူဝဲတၢ်အၢတၢ်သီအတၢ်လီန့ၢ်တၢ်လၢကျဲကိးဘိဒဲး ဒီးလီန့ၢ်ပှၤလၢအကတုၤဆူတၢ်ဟးဂီၤအပူၤခဲလၢာ်လီၤ. အဂ့ၢ်မ့ၢ်လၢ, အဝဲသ့ၣ်တသးခုတူၢ်လိာ်, ဒီးတပာ်လုၢ်ပာ်ပှ့ၤတၢ်မ့ၢ်တၢ်တီဒ်သိးကဘၣ်တၢ်အုၣ်က့ၤ ခီၣ်က့ၤအီၤအဂီၢ်ဘၣ်အဃိန့ၣ်လီၤ.

ဧ့ၤဘြံၤ 12:2

ပှၤလၢအဒုးအိၣ်ထီၣ်သီဒီးမၤလၢထီၣ်ပှဲၤထီၣ်ပတၢ်စူၢ်တၢ်နာ်, ယ့ၣ်ၡူးတဂၤန့ၣ် မ်ပကွၢ်ဃီၤတၢ်ဆူအအိၣ်တက့ၢ်. မ့ၢ်လၢတၢ်သးခုအိၣ်ပာ်စၢၤလၢအမဲာ်ညါအဃိ, အဝဲဒၣ်ဒိးထူၣ်စုညါဒီးတၢ်ဘၣ်သံလၢထူၣ်စုညါအလိၤ အတၢ်မဲာ်ဆှးန့ၣ်တပာ်ဘၣ်ဝဲလၢတၢ်နီတမံၤဘၣ်, ဒီးဆ့ၣ်နီၤဝဲလၢကစၢ်ယွၤအလီၢ်ပစိာ်အစုထွဲတခီန့ၣ်လီၤ.

ဧ့ၤဘြံၤ 4:12

အဂ့ၢ်ဒ်အံၤယွၤအကလုၢ်ကထါန့ၣ်မူဝဲဒီးမၤတၢ်သ့ဒီး အကနၣ်အ့ၣ်န့ၢ်ဒံးနးလၢအကနၣ်အိၣ်ခံကပၤလၢာ်တက့ၢ် လီၤ. အဝဲဆဲးဖျိတၢ်ပၢၢ်တုၤတၢ်အကံၢ်အလဲဒီးနီၤဖးသး သမူဒီးနီၢ်သး, တၢ်အဆၢဒီးတၢ်အနူာ်ကံၢ်န့ၣ်လီၤ. အဝဲစံၣ်ညီၣ်ပဲာ်ဖးနီၤဖးပှၤကညီအသးအတၢ်ဆိကမိၣ်ဒီး အတၢ်ဆၢမိၣ်န့ၢ်သးလီတဖၣ်န့ၣ်လီၤ.