1 ကရံၣ်သူး 1:12 - Sgaw Karen Common Bible

¹² တၢ်လၢယအဲၣ်ဒိးစံးန့ၣ်မ့ၢ်ဒ်အံၤလီၤ. သုဝဲတဂၤဒီးတဂၤသုစံး, “ယဲယဘၣ်ဃးဒီးစီၤပီလူး,” မ့တမ့ၢ်, “ယဲယဘၣ်ဃးဒီး စီၤအပီးလိၤ,” မ့တမ့ၢ်, “ယဲယဘၣ်ဃးဒီးစီၤပ့းတရူး,” မ့တမ့ၢ်, “ယဲယဘၣ်ဃးဒီးခရံာ်” န့ၣ်လီၤ.

1 ကရံၣ်သူး 1:12 Iomraidhean Croise

လံာ်စီၤပၤအခီၣ်ထံးတဘ့ၣ် 16:21

ကီၢ်အံၣ်စရ့လးအပှၤဂီၢ်မုၢ်လီၤမုၢ်လီၤဖးကွံာ်ဝဲလီၤ. အဝဲသ့ၣ်အကျါတနီၤအဲၣ်ဒိးဒုးကဲထီၣ်စီၤကံနးအဖိခွါစီၤ ကံးဘနံၤလၢစီၤပၤဒီးပှၤအဂၤတနီၤဘၣ်သူၣ်ဘၣ်သးဝဲလၢစီၤ ဧိၣ်ရံၤန့ၣ်လီၤ.

လံာ်မးသဲ 23:8

မ့မ့ၢ်သုဝဲန့ၣ်, တဘၣ်ပျဲပှၤကိးသုလၢသရၣ်တဂ့ၤ. အဂ့ၢ်ဒ်အံၤ သုမ့ၢ်ဒၣ်ဒီပုၢ်ဝဲၢ်ခဲလၢာ်, ဒီးသုသရၣ်အိၣ်ဒၣ်ထဲတဂၤလီၤ.

လံာ်ယိၤဟၣ် 1:42

ဒီးအဝဲဒၣ်လဲၤဆှၢစီၤၡံမိၣ်ဆူယ့ၣ်ၡူးအအိၣ်န့ၣ်လီၤ. ဒီးယ့ၣ်ၡူးကွၢ်ဃီၤအီၤဒီးစံးဝဲ, “နမံၤမ့ၢ်စီၤၡံမိၣ်ဒီးနပၢ်အမံၤမ့ၢ် စီၤယိၤနါန့ၣ်လီၤ. ဘၣ်ဆၣ်တၢ်ကကိးက့ၤနၤလၢစီၤက့ၤဖးန့ၣ်လီၤ.” (မ့ၢ်တမံၤဃီဒီးစီၤပ့းတရူးလၢအခီပညီမ့ၢ်လၢၢ်လီၤ.)

မၤတၢ် 18:24

ပှၤယူဒၤဖိလၢအမံၤမ့ၢ်စီၤအပီးလိၤဒီးအိၣ်ဖျဲၣ်ထီၣ်ဖဲဝ့ၢ် အလ့းစၣ်ဒြူးတဂၤန့ၣ်, ဟဲဆူဝ့ၢ်အ့းဖ့းစူးလီၤ. အဝဲဒၣ်မ့ၢ်ပှၤစံးသ့ကတိၤဘၣ်တဂၤဒီးတၢ်ဂ့ၢ်အိၣ်လၢ တၢ်ကွဲးအသးစီဆှံအပူၤတဖၣ်န့ၣ်နၢ်ပၢၢ်ဝဲဂ့ၤဂ့ၤလီၤ.

မၤတၢ် 19:1

ဖဲစီၤအပီးလိၤအိၣ်ဖဲဝ့ၢ်ကရံၣ်သူးအဖၢမုၢ်န့ၣ်, စီၤပီလူးလဲၤဝဲလၢခိအကျဲဒီးလဲၤတုၤဝဲလၢဝ့ၢ်အ့းဖ့း စူးလီၤ. ဖဲန့ၣ်အဝဲဒၣ်ထံၣ်ဘၣ်အပျဲၢ်အဘီၣ်တနီၤ,

1 ကရံၣ်သူး 1:11

အဂ့ၢ်ဒ်အံၤ, ပှၤလၢနီၢ်ကျိးအ့ၤအဒူၣ်ဖိထၢဖိအပူၤတနီၤ စံးဘၣ်တဲဘၣ်တ့ၢ်ယၤဖျါဖျါလၢ တၢ်အ့ၣ်လိာ်ဆိးက့အိၣ်ဝဲဒၣ်လၢသုသိးသုကျါလီၤ. ယဒီပုၢ်ဝဲၢ်သ့ၣ်ဧၢ,

1 ကရံၣ်သူး 15:5

လၢအဝဲဒၣ်လီၣ်ဖျါထီၣ်အသးလၢစီၤပ့းတရူးဝံၤအလီၢ်ခံလၢပှၤ တၢ်မၢဖိတဆံခံဂၤလၢာ်န့ၣ်လီၤ.

1 ကရံၣ်သူး 15:50

တၢ်လၢယအဲၣ်ဒိးစံးယဲန့ၣ်ယဒီပုၢ်ဝဲၢ်သ့ၣ်ဧၢ, တၢ်လၢအဘၣ်တၢ်တ့အီၤလၢတၢ်ညၣ်ဒီးတၢ်သွံၣ်တၢ်ထံန့ၣ်, ဒိးန့ၢ်ဃုာ်ယွၤအဘီအမုၢ်တသ့ဘၣ်. ဒီးတၢ်လၢအသံသ့န့ၣ်, န့ၢ်ဘၣ်တၢ်သံတသ့န့ၣ် တသ့ဘၣ်.

1 ကရံၣ်သူး 16:12

ခဲကနံၣ်အံၤ, ဖဲလၢအဘၣ်ဃးဒီးစီၤအပီးလိၤအဂ့ၢ်န့ၣ်, ယသဆၣ်ထီၣ်တ့ၢ်အခံဒ်သိးအကလဲၤအိၣ်သကိးသုဒီးဒီပုၢ်ဝဲၢ် အဂၤတဖၣ်, ဘၣ်ဆၣ်ဒီးအဝဲတနာ်သပှၢ်ကတၢၢ်လၢအကြၢးလဲၤဝဲခဲ ကနံၣ်အံၤဘၣ်. ဘၣ်ဆၣ်ဒီး ဖဲအဝဲဒိးန့ၢ်အခွဲးန့ၣ်, ကလဲၤဝဲဒၣ်လီၤ.

1 ကရံၣ်သူး 4:6

လၢသုတၢ်ဘျုးတၢ်ဖှိၣ်အဂီၢ်န့ၣ်, ယဒီပုၢ်ဝဲၢ်သ့ၣ်ဧၢ, ယဒုးဘၣ်ထွဲတၢ်သ့ၣ်တဖၣ်အံၤခဲလၢာ်လၢစီၤအပီးလိၤဒီးယၤလီၤ. ယသူပဝဲခံဂၤဒ်တၢ်အဒိအတဲာ်ဒ်သိးသုကဒိးန့ၢ်တၢ်မၤလိဘၣ်ဃး ဒီးတၢ်ကတိၤတထံၣ်အခီပညီန့ၣ်လီၤ. တၢ်ကတိၤတထံၣ်န့ၣ်မ့ၢ်ဝဲ, “အိၣ်မူပိာ်ထွဲတၢ်ဘျၢလၢအကြၢးအဘၣ်တက့ၢ်” န့ၣ်လီၤ. သုဝဲတဂၤမးသုတကြၢးပာ်ကဖၢလၢသုသးလၢပှၤတဂၤ အဃိဒီးကွၢ်တလီၤပှၤအဂၤတဂၤဘၣ်.

1 ကရံၣ်သူး 7:29

တၢ်လၢယသးအိၣ်စံးယဲန့ၣ်, ယဒီပုၢ်ဝဲၢ်သ့ၣ်ဧၢ, မ့ၢ်ဒ်အံၤလီၤ. တၢ်ဆၢကတီၢ်တအိၣ်တ့ၢ်အါကဲၣ်ဆိးဘၣ်. ဒီးစးထီၣ်ခဲအံၤဒီး ဆူညါန့ၣ်, ပှၤပိာ်ခွါလၢအမါအိၣ်တဖၣ်ကြၢးအိၣ်ဝဲဒ်အမါ တအိၣ်ဘၣ်အသိး,

1 ကရံၣ်သူး 9:5

မ့ၢ်ယတအိၣ်ဒီးတၢ်အခွဲးအယာ်လၢယကကွၢ်လိပှၤတၢ်မၢဖိ အဂၤတဖၣ်, ဒီးကစၢ်အဒီပုၢ်ဝဲၢ်တဖၣ်ဒီးစီၤပ့းတရူး, ခီဖျိယဟးကိးဒီးယမါပှၤခရံာ်ဖိတဂၤလၢယတၢ်လဲၤတၢ်က့ၤတဖၣ် အပူၤန့ၣ်ဘၣ်ဧါ.

၂ ကရံၣ်သူး 10:7

သုကွၢ်ဃီၤတ့ၢ်သုဝဲဆူတၢ်အိၣ်ဖျါလၢခိတဖၣ်န့ၣ်လီၤ. မ့ၢ်ပှၤအိၣ်ဝဲဖဲန့ၣ်တဂၤဂၤလၢအဒွးလီၤအသးလၢအဘၣ်ထွဲဒီး ခရံာ်န့ၣ်ဧါ. မ့မ့ၢ်ဒ်န့ၣ်ဒီး, ပျဲအဝဲဒၣ်ကွၢ်ဆိကမိၣ်ကဒီးတၢ်လၢအနီၢ်ကစၢ်ဒၣ်ဝဲအဂ့ၢ် န့ၣ်တက့ၢ်. အဂ့ၢ်ဒ်အံၤ, ထဲသိးအဝဲဒၣ်ဘၣ်ဃးဒီးခရံာ်န့ၣ်, ပဘၣ်ဃးပဝဲစ့ၢ်ကီးလီၤ.

၂ ကရံၣ်သူး 9:6

သ့ၣ်နီၣ်ထီၣ်သုဝဲလၢပှၤလၢအဖှံတၢ်ချံစှၤဖျၢၣ်န့ၣ်ကကူး ဘၣ်တၢ်စှၤ, မ့မ့ၢ်ပှၤလၢအဖှံတၢ်ချံအါဖျၢၣ်ကကူးဘၣ် တၢ်အါအါဂီၢ်ဂီၢ်န့ၣ်တက့ၢ်.

ကလၤတံ 2:9

စီၤယၤကိာ်, စီၤပ့းတရူးဒီးစီၤယိၤဟၣ်, လၢအမ့ၢ်ပှၤခိၣ်ပှၤနၢ်တဖၣ်ထံၣ်သ့ၣ်ညါဝဲလၢကစၢ်ယွၤ ဟ့ၣ်တ့ၢ်ယၤတၢ်မၤလီၤဆီအဝဲအံၤန့ၣ်လီၤ. လၢတၢ်န့ၣ် အဃိအဝဲသ့ၣ်ဟံးစုကွၢ်မဲာ်စီၤဘၢ်နါဘၤဒီးယၤဒ်အမ့ၢ် တၢ်ပနီၣ်လၢပဝဲသ့ၣ်ခဲလၢာ်ပမ့ၢ်ပှၤမၤသကိးတၢ်တဖၣ် န့ၣ်လီၤ. ပအၢၣ်လီၤသကိးလၢစီၤဘၢ်နါဘၤဒီးယၤ ပကမၤတၢ်လၢပှၤကလုာ်ဂၤတဖၣ်အကျါဒီးအဝဲသ့ၣ်တခီလၢ ပှၤယူဒၤဖိတဖၣ်အကျါလီၤ.

ကလၤတံ 3:17

တၢ်လၢယအဲၣ်ဒိးစံးန့ၣ်မ့ၢ်ဝဲ, ကစၢ်ယွၤမၤတၢ်အၢၣ်လီၤအီလီၤဒီးစီၤအၤဘြၤဟၣ်ဒီး အၢၣ်လီၤအီလီၤလၢကမၤလၢပှဲၤဝဲလီၤ. တၢ်သိၣ်တၢ်သီလၢအဘၣ်တၢ်ဟ့ၣ်လီၤအီၤလၢခံ အနံၣ်လွံၢ်ကယၤသၢဆံန့ၣ်, မၤဟးဂီၤကွံာ်တၢ်အၢၣ်လီၤအီလီၤအဝဲန့ၣ်ဒီးကစၢ်ယွၤ အတၢ်စံးပာ်တသ့ဘၣ်.