လံာ်ကွဲးနီၣ်တၢ်အခီၣ်ထံးတဘ့ၣ် 9:33 - Sgaw Karen Common Bible

³³ လ့ၤဝံအဟံၣ်ဒူၣ်ဃီထၢတနီၤအိၣ်မူအိၣ်ဒါလၢတၢ်လုၢ်ဟံၣ်အတၢ် သူၣ်ဝံၣ်သးဆၢအဂီၢ်န့ၣ်လီၤ. ဟံၣ်ဒူၣ်ဃီထၢတဖၣ်အံၤအခိၣ်အိၣ်ဆိးဝဲလၢတၢ်လုၢ်ဟံၣ်အတၢ်သူၣ် ထီၣ်တနီၤအပူၤ, ဒီးအိၣ်ပူၤအိၣ်ဖျဲးဝဲဒီးမူဒါအဂၤတဖၣ်မ့ၢ်လၢ, အဝဲသ့ၣ်ဘၣ်တၢ်ကိးထီၣ်အီၤလၢမုၢ်ဆါဒီးမုၢ်နၤအဃိန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:33 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 9:34

ပှၤပိာ်ခွါလၢတၢ်ယၢၤထီၣ်အမံၤလၢထးတဖၣ်အံၤ, မ့ၢ်ပှၤလ့ၤဝံဖိအဟံၣ်ဒူၣ်ဃီထၢတဖၣ်အခိၣ်, ဒ်အပၢ်ဖးဒိၣ်လၢပျၢၤအတၢ်ဟဲလီၤစၢၤအသိးန့ၣ်လီၤ. အဝဲသ့ၣ်မ့ၢ်ခိၣ်နၢ်တဖၣ်လၢအအိၣ်ဆိးဝဲဖဲဝ့ၢ်ယရူၤၡလ့ၣ်အပူၤ န့ၣ်လီၤ.

လံာ်စီၤဧ့စြၤ 7:24

သုတဘၣ်ထၢစ့ၢ်ကီးတၢ်ခိတၢ်သွဲတဖၣ်လၢပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်, ပှၤသးဝံၣ်တၢ်ဖိတဖၣ်, ပှၤပၢၤတၢ်လုၢ်ဟံၣ်တ ဖၣ်, ဒီးကယဲၢ်ပှၤတဂၤလၢ်လၢ်လၢအဘၣ်ထွဲဒီးတၢ်လုၢ်ဟံၣ်အံၤအအိၣ် န့ၣ်ဘၣ်.

လံာ်စီၤနဃ့မယၤ 11:17

ဒီးစီၤမးတၤနယၤလၢအမ့ၢ်စီၤမံၤတါအဖိခွါဒီးစီၤစးဘဒံၤ အလံၤခွါမ့ၢ်ပှၤတဂၤလၢအဟဲလီၤစၢၤလီၤသွဲၣ်လၢစီၤအၤစာ်န့ၣ်လီၤ. အဝဲမ့ၢ်ပှၤဆှၢတၢ်လုၢ်ဟံၣ်အတၢ်သးဝံၣ်ရိဖဲပှၤသးဝံၣ်တၢ်စံး ဘျုးစံးဖှိၣ်အတၢ်ထုကဖၣ်န့ၣ်လီၤ. စီၤဘးကဘူကယၤမ့ၢ်ပှၤမၤစၢၤစီၤမးတၤနယၤန့ၣ်လီၤ. ဒီးစီၤဧၤဘဒါလၢအမ့ၢ်စီၤၡံမူၤအဖိခွါဒီးစီၤကၤလလး အလံၤခွါမ့ၢ်ပှၤတဂၤလၢအဟဲလီၤစၢၤလီၤသွဲၣ်လၢစီၤယဒူသူၣ် န့ၣ်လီၤ.

လံာ်စီၤနဃ့မယၤ 12:46

စးထီၣ်လၢစီၤပၤဒၤဝံးဒီးအပှၤသးဝံၣ်တၢ်သ့စီၤအၤစာ်အစိၤ လၢပျၢၤန့ၣ်ပှၤသးဝံၣ်တၢ်ဖိတဖၣ်ဆှၢတၢ်စံးထီၣ်ပတြၢၤဒီးတၢ် စံးဘျုးစံးဖှိၣ်ကစၢ်ယွၤအတၢ်သးဝံၣ်တဖၣ်န့ၣ်လီၤ.

လံာ်ယံးရမံယၤ 35:2

“လဲၤဆူပှၤရ့ကးဖိအဒူၣ်ထၢ အဟံၣ်ဖိဃီဖိတဖၣ်အအိၣ်ဒီး ကတိၤတၢ်ဒီး အဝဲသ့ၣ်တက့ၢ်. ဝံၤဒီးဟဲက့ၤ ကိးအဝဲ သ့ၣ်ဆူဒၢးအကျါတဒၢးလၢ ယွၤအတၢ်လုၢ်ဟံၣ်အပူၤဒီး ဟ့ၣ်အီအဝဲသ့ၣ် လၢစပံးထံတနီၤတက့ၢ်.”