လံာ်ကွဲးနီၣ်တၢ်အခီၣ်ထံးတဘ့ၣ် 9:31 - Sgaw Karen Common Bible

³¹ ပှၤလ့ၤဝံဖိတဂၤလၢအမံၤမ့ၢ်စီၤမးတံးသယၤ, စီၤၡၤလူၣ်အဖိခွါဝဲၢ်ကိ, လၢပှၤကိၤရးဖိအဒူၣ်ထၢပူၤန့ၣ် အိၣ်မူအိၣ်ဒါလၢတၢ်ကတဲာ်ကတီၤတၢ်လုၢ်တၢ်ပာ်လၢတၢ်ကကုၢ်ဃိအီၤ တဖၣ်အဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:31 Iomraidhean Croise

လံာ်တၢ်ကဲထီၣ်အခီၣ်ထံး 19:3

စီၤလိာ်ကွဲဆူၣ်အဝဲသ့ၣ်ဒီးလၢခံကတၢၢ်န့ၣ်အဝဲသ့ၣ်လဲၤဃုာ် ဒီးအီၤဆူအဟံၣ်လီၤ. စီၤလိာ်မၤလိာ်အခ့အပှၤတဖၣ်လၢကကုၢ်ကိၣ်တစဲးဒီးကတဲာ်ကတီၤတၢ် အီၣ်တၢ်အီအဂ့ၤလၢပှၤတမှံၤသ့ၣ်တဖၣ်အဂီၢ်လီၤ. ဒီးတုၤအဘၣ်တၢ်ကတဲာ်ကတီၤအီၤဝံၤန့ၣ်အဝဲသ့ၣ်အီၣ်ဝဲဒၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 23:29

ဒ်သိးကဟံးန့ၢ်မူဒါလၢကိၣ်လၢကဘၣ်တၢ်လုၢ်ထီၣ်အီၤဆူ ကစၢ်ယွၤအအိၣ်, ကိၣ်ကမူၣ်လၢအဘၣ်တၢ်သူအီၤလၢတၢ်လုၢ်မၤဘူၣ် တဖၣ်အဂီၢ်, ကိၣ်ဘ့ၣ်ဘၣ်တဖၣ်လၢတအိၣ်ဒီးကိၣ်မံၣ်အဂီၢ်, တၢ်လုၢ်မၤဘူၣ်တဖၣ်လၢတၢ်ကုၢ်အီၤအဂီၢ်ဒီးကိၣ်ကမူၣ်လၢအဘၣ်တၢ် ဃါဃုာ်အီၤဒီးသ့ၣ်စၤယံးအသိအဂီၢ်, လၢတၢ်စီၤဒီးတၢ်ထိၣ်မ့ၢ်ဂ့ၤဃီၣ်မ့ၢ်ဂ့ၤတၢ်ဟ့ၣ်ဆူအတၢ်လုၢ် တၢ်ပာ်တဖၣ်အဂီၢ်,

လံာ်ကွဲးနီၣ်တၢ်အခီၣ်ထံးတဘ့ၣ် 9:17

တၢ်လုၢ်ဟံၣ်အပှၤပၢၤတၢ်ဖိလၢလာ်တဖၣ်အံၤအိၣ်ဝဲဆိးဝဲ လၢဝ့ၢ်ယရူၤၡလ့ၣ်အပူၤန့ၣ်လီၤ. စီၤၡၤလူၣ်, စီၤဧးကူာ်, စီၤတၤလမိၣ်ဒီးစီၤဃံမ့ၣ်န့ၣ်လီၤ. စီၤၡၤလူၣ်မ့ၢ်အဝဲသ့ၣ်အပှၤအခိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:19

စီၤၡၤလူၣ်လၢအမ့ၢ်စီၤကိၤရ့အဖိခွါဒီးစီၤအဘံယၤစာ်အလံၤခွါ, ဃုာ်ဒီးအဝဲအဒူၣ်ထၢအဟံၣ်ဖိဃီဖိကဒဲကဒဲလၢပှၤကိၤရးအဒူၣ် ထၢပူၤတဖၣ်, အိၣ်မူဒါလၢတၢ်ပၢၤကျဲစၢၤလဲၤနုာ်ဆူ ယွၤအိၣ်ဝဲဆိးဝဲအလီၢ်အဒဲ, ဒ်အဝဲသ့ၣ်အပၢ်ဖးဒိၣ်လၢပျၢၤ တဖၣ်မၤတ့ၢ်ဝဲ, ဖဲအဝဲသ့ၣ်မ့ၢ်ပှၤအခိၣ်တဖၣ်လၢယွၤသူၣ်ဒဲအလီၢ်အဂီၢ်အသိးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:22

ပှၤပိာ်ခွါခဲလၢာ်အိၣ်ဝဲခံကယၤတဆံခံဂၤလၢအဘၣ်တၢ်ဃုထၢ ထီၣ်အီၤဒ်ပှၤပၢၤတၢ်ဖိတဖၣ်အသိးလၢကျဲစၢၤတဖၣ်ဒီးတြဲၤတဖၣ် အဂီၢ်န့ၣ်လီၤ. တၢ်ကွဲးနီၣ်အဝဲသ့ၣ်အမံၤအသၣ်ဒ်သဝီတဖၣ်လၢအဝဲသ့ၣ်အိၣ်ဆိးဝဲ အသိးန့ၣ်လီၤ. ပှၤလၢအပာ်လီၤအဝဲသ့ၣ်အပၢ်ဖးဒိၣ်လၢပျၢၤတဖၣ်လၢမူဒါလီၢ်လၤ တဖၣ်အံၤအဂီၢ်မ့ၢ်စီၤပၤစီၤဒၤဝံးဒီးဝံစီၤၡမူၤအ့လးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:26

ပှၤပၢၤတၢ်ဖိအခိၣ်အဒိၣ်ကတၢၢ်လွံၢ်ဂၤ, မ့ၢ်ပှၤလ့ၤဝံဖိတဖၣ် ဒီးမ့ၢ်ပှၤအိၣ်ဒီးမူဒါအဒိၣ်လၢခံကတၢၢ်န့ၣ်လီၤ. အဝဲသ့ၣ်အိၣ်မူအိၣ်ဒါစ့ၢ်ကီးလၢဒၢးတဖၣ်လၢတၢ်လုၢ်ဟံၣ်အပူၤ ဒီးလၢတၢ်လုၢ်ဟံၣ်အတၢ်ပာ်ဖှိၣ်လၢတၢ်ပာ်အီၤဖဲန့ၣ်တဖၣ်အဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 2:5

ဒီးတၢ်လုၢ်မ့မ့ၢ်ကိၣ်ကုၢ်အသးလၢထးကဘျၣ်အဖီခိၣ်န့ၣ်ဒီး, ကဘၣ်မ့ၢ်တၢ်ဃါဃုာ်ကိၣ်ကမူၣ်ဒီးသ့ၣ်စၤယံးအသိ, လၢအတအိၣ်ဘၣ်ဒီးကိၣ်မံၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:7

ဒီးတၢ်လုၢ်မၤဘူၣ်န့ၣ်မ့မ့ၢ်ကိၣ်လၢအဘၣ်တၢ်ဖီတ့ၢ်အီၤလၢ သပၢၤဘံၣ်သလၣ်အပူၤဒီး, ကဘၣ်မ့ၢ်ကိၣ်ကမူၣ်လၢအဂ့ၤဒီးသ့ၣ်စၤယံးအသိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:14

တၢ်သိၣ်တၢ်ဘျၢလီၤဆီဘၣ်ဃးတၢ်လုၢ်ဘုဧိၤဟုဧိၤန့ၣ်, မ့ၢ်ဒ်လၢလာ်အသိးလီၤ. ပှၤလုၢ်တၢ်အခိၣ်လၢအလီၤစၢၤလၢစီၤအၤ ဟရိၣ်န့ၣ်, ကလုၢ်ထီၣ်တၢ်လုၢ်ဘုဧိၤဟုဧိၤဆူ ယွၤအအိၣ်လၢတၢ်လုၢ်လီၢ်အမဲာ်ညါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:21

ဒီးကဘၣ်ဃါဃုာ်ကိၣ်ကမူၣ်န့ၣ်လၢသိဒီးကုၢ်အီၤလၢထးကဘျၣ်အဖီခိၣ်, ဝံၤဒီးမၤတဲာ်အီၤတကူာ်တကူာ်ဒီးလုၢ်ထီၣ်အီၤဒ်တၢ်လုၢ်ဘုဧိၤ ဟုဧိၤအတၢ်နၢမူလၢအမၤမုာ်ယွၤအသးအသိးန့ၣ်လီၤ.