လံာ်ကွဲးနီၣ်တၢ်အခီၣ်ထံးတဘ့ၣ် 9:3 - Sgaw Karen Common Bible

³ ပှၤဂီၢ်မုၢ်လၢပှၤယူဒၤအဒူၣ်, ပှၤဘံၣ်ယၤမံၣ်အဒူၣ်, ပှၤအ့ဖရဲၣ်အဒူၣ်ဒီးပှၤမနၤၡ့ၤအဒူၣ်တဖၣ်လဲၤဝဲဒ်သိးကအိၣ်ဝဲ ဆိးဝဲလၢဝ့ၢ်ယရူၤၡလ့ၣ်အပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:3 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 8:28

ပှၤတဖၣ်အံၤမ့ၢ်ဟံၣ်ဒူၣ်ဃီထၢအခိၣ်အပၢ်ဖးဒိၣ်လၢပျၢၤတဖၣ်ဒီး အဝဲသ့ၣ်အပှၤအခိၣ်အဒိၣ်ကတၢၢ်အစၢၤအသွဲၣ်တဖၣ်လၢအအိၣ်ဆိးတ့ၢ်လၢ ဝ့ၢ်ယရူၤၡလ့ၣ်အပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:4

ပှၤယူဒၤဖိအဒူၣ်, အဟံၣ်ဒူၣ်ဃီထၢဃုကယၤခွံဆံဒူၣ်အိၣ်ဝဲ ဆိးဝဲဖဲဝ့ၢ်ယရူၤၡလ့ၣ်အပူၤန့ၣ်လီၤ. စီၤယူဒၤအဖိခွါစီၤဖ့ၤရ့းအစၢၤအသွဲၣ်တဖၣ်န့ၣ်အိၣ်ဒီးစီၤ ဧူသဲၤလၢအမ့ၢ်စီၤဧးမံၤဟူးအဖိခွါဒီးစီၤဧိၣ်ရံၤအလံၤဒ် အဝဲသ့ၣ်အပှၤအခိၣ်အသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 11:16

ပှၤဂီၢ်မုၢ်လၢကယဲၢ်အံၣ်စရ့လးအဒူၣ်တဖၣ်အပူၤ, လၢအသးအိၣ်နီၢ်နီၢ်လၢကဘူၣ်ထီၣ်ဘါထီၣ်ယွၤ, အံၣ်စရ့လးအကစၢ်ယွၤန့ၣ်, ပိာ်ထီၣ်ပှၤလ့ၤဝံဖိတဖၣ်အခံဆူ ဝ့ၢ်ယရူၤၡလ့ၣ်, ဒ်သိးကလုၢ်ထီၣ်ဘၣ်တၢ်လုၢ်တၢ်ပာ်တဖၣ်ဆူယွၤ, အဝဲသ့ၣ်အမိၢ်ပၢ်ဖံဖုလၢပျၢၤတဖၣ်အကစၢ်ယွၤအအိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:11

ပှၤအိၣ်ဒံးတနီၤလၢအၤၡ့ၢ်, မနၤၡ့ၤဒီးစဘူလိၣ်အဒူၣ်တဖၣ်အပူၤ လၢအသးအိၣ်ဟဲဝဲဆူဝ့ၢ်ယရူၤရှလ့ၣ်န့ၣ်လီၤ.

လံာ်စီၤနဃ့မယၤ 11:1

ပှၤခိၣ်ပှၤနၢ်တဖၣ်သူၣ်လီၤဆီလီၤအသးလၢဝ့ၢ်ယရူၤၡလ့ၣ်အပူၤ, ဒီးပှၤဂီၢ်မုၢ်အိၣ်လီၤတဲာ်တဖၣ်ဖီၣ်တၢ်ဖးတဖၣ်လၢကဃုထၢဒူၣ် ဖိထၢဖိတဒူၣ်လၢကယဲၢ်ဒူၣ်ဖိထၢဖိတဆံဒူၣ်စုာ်စုာ်အပူၤဒ်သိး ကလဲၤဒီးအိၣ်ဝဲဆိးဝဲလၢဝ့ၢ်ယရူၤရှလ့ၣ်ဝ့ၢ်စီဆှံအပူၤ, ဖဲပှၤအိၣ်လီၤတဲာ်အဂၤတဖၣ်ကဘၣ်လဲၤအိၣ်လၢဝ့ၢ်အဂၤတဖၣ်အပူၤ အခါန့ၣ်လီၤ.