လံာ်ကွဲးနီၣ်တၢ်အခီၣ်ထံးတဘ့ၣ် 9:27 - Sgaw Karen Common Bible

²⁷ အဝဲသ့ၣ်အိၣ်ဝဲဆိးဝဲဘူးဒီးတၢ်လုၢ်ဟံၣ်မ့ၢ်လၢအဝဲသ့ၣ်အိၣ်မူ အိၣ်ဒါလၢကပၢၤအီၤဒီးအိးထီၣ်တြဲၤတဖၣ်ကိးမုၢ်ဂီၤဒဲးအဃိန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:27 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 9:26

ပှၤပၢၤတၢ်ဖိအခိၣ်အဒိၣ်ကတၢၢ်လွံၢ်ဂၤ, မ့ၢ်ပှၤလ့ၤဝံဖိတဖၣ် ဒီးမ့ၢ်ပှၤအိၣ်ဒီးမူဒါအဒိၣ်လၢခံကတၢၢ်န့ၣ်လီၤ. အဝဲသ့ၣ်အိၣ်မူအိၣ်ဒါစ့ၢ်ကီးလၢဒၢးတဖၣ်လၢတၢ်လုၢ်ဟံၣ်အပူၤ ဒီးလၢတၢ်လုၢ်ဟံၣ်အတၢ်ပာ်ဖှိၣ်လၢတၢ်ပာ်အီၤဖဲန့ၣ်တဖၣ်အဂီၢ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:28

ပှၤလ့ၤဝံဖိအဂၤတဖၣ်အိၣ်မူအိၣ်ဒါလၢတၢ်အဃၢၤအဃိၢ်တဖၣ်လၢ အဘၣ်တၢ်သူအီၤလၢတၢ်ဘူၣ်ထီၣ်ဘါထီၣ်ယွၤအဂီၢ်န့ၣ်လီၤ. အဝဲသ့ၣ်ဘၣ်သမံသမိးတၢ်အဃၢၤအဃိၢ်တဖၣ်အံၤဖဲ တၢ်ထုးထီၣ်သူအီၤအခါမ့ၢ်ဂ့ၤ, တၢ်ဟဲက့ၤပာ်ကဒါက့ၤအီၤအခါ မ့ၢ်ဂ့ၤန့ၣ်လီၤ.

စံးထီၣ်ပတြၢၤ 134:1

ကွၢ်ကွၢ်ကယဲၢ်ယွၤအခ့အပှၤ လၢအဆၢထၢၣ်လၢယွၤအဟံၣ် လၢမုၢ်နၤခဲလၢာ်သ့ၣ်ဧၢ, စံးထီၣ်ပတြၢၤယွၤတက့ၢ်.

လံာ်ယံးရမံယၤ 35:4

ဒီးဟဲက့ၤကိးအဝဲသ့ၣ်ဆူ ယွၤအတၢ်လုၢ်ဟံၣ်အပူၤန့ၣ်လီၤ. ယကိးဃီၤအဝဲသ့ၣ်ဆူစီၤယံးကဒးလယၤ အဖိခွါဝံဃၤနၣ် အပျဲၢ်အဘီၣ်တဖၣ်အဒၢးပူၤလီၤ. ဒၢးအဝဲအံၤအိၣ်လၢ စီၤၡၤလူၣ်အဖိခွါ, ပှၤပၢၤတြဲၤအခိၣ်စီၤမၤစ့ယၤအ ဒၢးအဖီခိၣ်ဒီး အိၣ်ဘူးဒီး ပဒိၣ်ဖးဒိၣ်အဂၤတဖၣ် အဒၢးန့ၣ်လီၤ.

လံာ်မၤလကံ 1:10

တၢ်သုးမုၢ်ဂီၢ်မုၢ်အယွၤစံးဝဲ, “ယအဲၣ်ဒိးပှၤလၢသုကျါတဂၤကကးတံာ်ဃာ်တၢ်လုၢ်ဟံၣ် အတြဲၤတဖၣ်ဒ်သိးကတြီဃာ်သုလၢတၢ်မၤကဲၤထီၣ်မ့ၣ်အူလၢ အဘျုးတအိၣ်ဘၣ်လၢယတၢ်လုၢ်လီၢ်အဖီခိၣ်န့ၣ်လီၤ. ယတဘၣ်သူၣ်ဘၣ်သးသုဘၣ်. ဒီးယတတူၢ်လိာ်တၢ်လုၢ်တၢ်ပာ်လၢသုဟဲစိာ်န့ၢ်ယၤန့ၣ်ဘၣ်.

ရိမ့ၤ 12:7

မ့မ့ၢ်တၢ်မၤတၢ်ခ့တၢ်ပှၤအတၢ်မၤဒီး, ပကဘၣ်မၤတၢ်ခ့တၢ် ပှၤအတၢ်မၤလီၤ. မ့မ့ၢ်တၢ်သိၣ်လိတၢ်ဒီး, ပကဘၣ်သိၣ်လိ တၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:15

စီၤၡမူၤအ့လးအိၣ်လၢလီၢ်မံခိၣ်တုၤလၢမုၢ်ဆ့ၣ်ဝါလီၤ. ဝံၤဒီးဂဲၤဆၢထၢၣ်ဝဲဒီးအိးထီၣ်ယွၤအဟံၣ်အတြဲၤတဖၣ်လီၤ. အဝဲပျံၤတၢ်လၢကတဲစီၤဧ့လံၤဘၣ်ဃးဒီးတၢ်ထံၣ်လၢညါခီအဂ့ၢ်န့ၣ်လီၤ.