လံာ်ကွဲးနီၣ်တၢ်အခီၣ်ထံးတဘ့ၣ် 9:26 - Sgaw Karen Common Bible

²⁶ ပှၤပၢၤတၢ်ဖိအခိၣ်အဒိၣ်ကတၢၢ်လွံၢ်ဂၤ, မ့ၢ်ပှၤလ့ၤဝံဖိတဖၣ် ဒီးမ့ၢ်ပှၤအိၣ်ဒီးမူဒါအဒိၣ်လၢခံကတၢၢ်န့ၣ်လီၤ. အဝဲသ့ၣ်အိၣ်မူအိၣ်ဒါစ့ၢ်ကီးလၢဒၢးတဖၣ်လၢတၢ်လုၢ်ဟံၣ်အပူၤ ဒီးလၢတၢ်လုၢ်ဟံၣ်အတၢ်ပာ်ဖှိၣ်လၢတၢ်ပာ်အီၤဖဲန့ၣ်တဖၣ်အဂီၢ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:26 Iomraidhean Croise

လံာ်စီၤပၤခံဘ့ၣ်တဘ့ၣ် 7:10

လၢတၢ်န့ၣ်အဃိ, အဝဲသ့ၣ်ဟးထီၣ်ကွံာ်လၢပှၤစူၤရံဖိတဖၣ်သူၣ် ဒဲအလီၢ်, ဒီးက့ၤကဒါက့ၤဝဲဆူဝ့ၢ်ၡၤမရံဒီးကိးထီၣ်ဆူပှၤပၢၤတၢ် တဖၣ်လၢဝ့ၢ်အတြဲၤန့ၣ်, “ပလဲၤတၢ်ဆူပှၤစူၤရံဖိသူၣ်ဒဲအလီၢ်, ဒီးပတထံၣ်ဘၣ်ပှၤနီတဂၤမ့ၢ်ဂ့ၤနၢ်ဟူဘၣ်အကလုၢ်နီတမံၤမ့ၢ် ဂ့ၤဘၣ်. ကသ့ၣ်တဖၣ်ဒီးကသ့ၣ်ယီၤတဖၣ်အိၣ်စၢဃာ်အသးဒီးဒဲတဖၣ်အိၣ်ဒၣ်ဒ် ပှၤစူၤရံဖိတဖၣ်ပာ်တီၢ်တ့ၢ်ဝဲအသိးန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 9:25

ပှၤပၢၤတၢ်ဖိတဖၣ်အံၤဘၣ်တၢ်မၤစၢၤအီၤလၢအဘူးအတံၢ်တဖၣ်လၢ အအိၣ်ဝဲဆိးဝဲလၢဒူသဝီတဖၣ်အပူၤ, လၢအဟံးန့ၢ်တၢ်ပၢၤတၢ်အမူအဒါတဘျီနွံသီတကတီၢ်ဘၣ်တကတီၢ်စုာ် စုာ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:27

အဝဲသ့ၣ်အိၣ်ဝဲဆိးဝဲဘူးဒီးတၢ်လုၢ်ဟံၣ်မ့ၢ်လၢအဝဲသ့ၣ်အိၣ်မူ အိၣ်ဒါလၢကပၢၤအီၤဒီးအိးထီၣ်တြဲၤတဖၣ်ကိးမုၢ်ဂီၤဒဲးအဃိန့ၣ်လီၤ.

လံာ်စီၤနဃ့မယၤ 13:5

အဝဲပျဲတ့ၢ်စီၤတိၤဘံယၤလၢကသူဝဲဒၢးဖးဒိၣ်တဖျၢၣ်လၢတၢ် ပာ်လီၤဆီအီၤထဲဒၣ်လၢတၢ်ကပာ်တၢ်မၤဘူၣ်လၢဘုဧိၤဟုဧိၤဒီး တၢ်နၢမူ, တၢ်ပီးတၢ်လီလၢတၢ်သူအီၤလၢယွၤအတၢ်လုၢ်ဟံၣ်အပူၤ, တၢ်မၤဘူၣ်တဖၣ်လၢပှၤလုၢ်တၢ်အဒိၣ်တဖၣ်အဂီၢ်, ဒီးတၢ်ဆံဆဲၣ်ပူတပူတဖၣ်လၢဘုဧိၤဟုဧိၤ, စပံးထံ, သ့ၣ်စၤယံးအသိလၢအဘၣ်တၢ်ဟ့ၣ်အီၤဆူပှၤလ့ၤဝံဖိ တဖၣ်ဆူတၢ်လုၢ်ဟံၣ်အပှၤသးဝံၣ်တၢ်ဖိတဖၣ်ဒီးဆူပှၤခိးတၢ်လုၢ် ဟံၣ်တဖၣ်အဂီၢ်န့ၣ်လီၤ.

လံာ်ယံးရမံယၤ 35:2

“လဲၤဆူပှၤရ့ကးဖိအဒူၣ်ထၢ အဟံၣ်ဖိဃီဖိတဖၣ်အအိၣ်ဒီး ကတိၤတၢ်ဒီး အဝဲသ့ၣ်တက့ၢ်. ဝံၤဒီးဟဲက့ၤ ကိးအဝဲ သ့ၣ်ဆူဒၢးအကျါတဒၢးလၢ ယွၤအတၢ်လုၢ်ဟံၣ်အပူၤဒီး ဟ့ၣ်အီအဝဲသ့ၣ် လၢစပံးထံတနီၤတက့ၢ်.”

လံာ်ယဃ့းစက့လး 40:17

ပှၤတဂၤန့ၣ်ဆှၢယၤခီဖျိကျဲစၢၤအတြဲၤဆူတၢ်လုၢ်ဟံၣ်အဂၢၤ ပူၤန့ၣ်လီၤ. ဖဲန့ၣ်ဒၢးတဖၣ်လၢအဘၣ်တၢ်ဘှီထီၣ်အီၤ, လၢအချၢဃံထိးအသးဒီးတၢ်ဒူၣ်လၢတၢ်ချၢတကပၤအိၣ်ဝဲ အဖျၢၣ်သၢဆံဒီးလၢအဝဲသ့ၣ်အမဲာ်ညါန့ၣ်အိၣ်ဒီးတၢ်လီၢ်တတီၤ လၢအဘၣ်တၢ်ဒါအီၤလၢလၢၢ်တဖၣ်,