လံာ်ကွဲးနီၣ်တၢ်အခီၣ်ထံးတဘ့ၣ် 9:25 - Sgaw Karen Common Bible

²⁵ ပှၤပၢၤတၢ်ဖိတဖၣ်အံၤဘၣ်တၢ်မၤစၢၤအီၤလၢအဘူးအတံၢ်တဖၣ်လၢ အအိၣ်ဝဲဆိးဝဲလၢဒူသဝီတဖၣ်အပူၤ, လၢအဟံးန့ၢ်တၢ်ပၢၤတၢ်အမူအဒါတဘျီနွံသီတကတီၢ်ဘၣ်တကတီၢ်စုာ် စုာ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:25 Iomraidhean Croise

လံာ်စီၤပၤခံဘ့ၣ်တဘ့ၣ် 11:5

ဒီးဟ့ၣ်လီၤအဝဲသ့ၣ်တၢ်မၤလိာ်တဖၣ်ဒ်လာ်အံၤအသိးလီၤ. ဖဲသုဟဲဒ်သိးသုကမၤသုမူသုဒါလၢအိၣ်ဘှံးအနံၤန့ၣ်, သုဝဲပှၤသၢပူတပူကဘၣ်ခိးနူၢ်ဧိၤစီၤဧိၤ,

လံာ်စီၤပၤခံဘ့ၣ်တဘ့ၣ် 11:7

ပှၤခံဖုလၢအမူအဒါတအိၣ်လၢမုၢ်အိၣ်ဘှံးနံၤန့ၣ်, ကဘၣ်ဆၢထၢၣ်ခိးတၢ်ဖဲယွၤအတၢ်လုၢ်ဟံၣ်လၢတၢ်ဒီဒၣ်အိၣ်ပှိၤစီၤ ပၤအဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 24:19

ပှၤတဖၣ်အံၤဘၣ်တၢ်ကွဲးနီၣ်ကွဲးဃါအမံၤဒ်အဝဲသ့ၣ်အမူ အဒါတဖၣ်လၢတၢ်ပာ်လီၤန့ၢ်အီၤ, ဒ်သိးကလဲၤဆူယွၤအတၢ်လုၢ်ဟံၣ် ဒီးစိာ်ထီၣ်မူဒါတဖၣ်လၢအဝဲသ့ၣ်အပၢ်ဖးဒိၣ်လၢပျၢၤစီၤအၤ ဟရိၣ်ပာ်လီၤတ့ၢ်ဝဲ, လၢတၢ်စူၢ်ယွၤ, အံၣ်စရ့လးအကစၢ်ယွၤအတၢ်မၤလိာ်တဖၣ်အဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:24

တြဲၤလၢအမဲာ်ကွၢ်ဃီၤဆူမူပၤလွံၢ်ကျိၤ, ကလံၤစိး, ကလံၤထံး, မုၢ်ထီၣ်ဒီးမုၢ်နုာ်အိၣ်တဘ့ၣ်စုာ်စုာ်, ဒီးအပှၤပၢၤတၢ်အဒိၣ်အိၣ်တဂၤစုာ်စုာ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:26

ပှၤပၢၤတၢ်ဖိအခိၣ်အဒိၣ်ကတၢၢ်လွံၢ်ဂၤ, မ့ၢ်ပှၤလ့ၤဝံဖိတဖၣ် ဒီးမ့ၢ်ပှၤအိၣ်ဒီးမူဒါအဒိၣ်လၢခံကတၢၢ်န့ၣ်လီၤ. အဝဲသ့ၣ်အိၣ်မူအိၣ်ဒါစ့ၢ်ကီးလၢဒၢးတဖၣ်လၢတၢ်လုၢ်ဟံၣ်အပူၤ ဒီးလၢတၢ်လုၢ်ဟံၣ်အတၢ်ပာ်ဖှိၣ်လၢတၢ်ပာ်အီၤဖဲန့ၣ်တဖၣ်အဂီၢ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 23:4

အအံၤမ့ၢ်တၢ်လၢပမၤအီၤန့ၣ်လီၤ. ဖဲပှၤလုၢ်တၢ်အခိၣ်တဖၣ်, ဒီးပှၤလ့ၤဝံဖိတဖၣ်ဟဲဝဲလၢကမၤအမူအဒါလၢမုၢ်အိၣ်ဘှံး အနံၤန့ၣ်, ပှၤလၢအဝဲသ့ၣ်အကျါသၢပူတပူကခိးပၢၤတၢ်လုၢ်ဟံၣ်အတြဲၤဖးဒိၣ်တဖၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 23:8

ပှၤလ့ၤဝံဖိတဖၣ်ဒီးကီၢ်ယူဒၤအပှၤဂီၢ်မုၢ်တဖၣ်မၤတၢ်ဒ်ပှၤ လုၢ်တၢ်အခိၣ်စီၤယဟိယဒါအတၢ်သိၣ်လိနဲၣ်ယုၤအသိးန့ၣ်လီၤ. လၢမုၢ်အိၣ်ဘှံးနံၤန့ၣ်ပှၤလၢတအိၣ်ဒီးမူဒါလၢတၢ်လုၢ်ဟံၣ် ပူၤတဖၣ်တဘၣ်တၢ်ပျၢ်က့ၤအီၤဘၣ်. လၢတၢ်န့ၣ်အဃိ, သုးခိၣ်ဖးဒိၣ်တဖၣ်သူဘၣ်ပှၤလၢအလီၤဘၣ်တၢ်မၤတဖၣ်မ့ၢ်ဂ့ၤ, တလီၤဘၣ်တၢ်မၤတဖၣ်မ့ၢ်ဂ့ၤသ့ဝဲန့ၣ်လီၤ.