လံာ်ကွဲးနီၣ်တၢ်အခီၣ်ထံးတဘ့ၣ် 9:23 - Sgaw Karen Common Bible

²³ အဝဲသ့ၣ်ဒီးအစၢၤအသွဲၣ်တဖၣ်ပၢၤဒံးဒၣ်တြဲၤတဖၣ်လၢပှၤလဲၤနုာ် ဆူတၢ်လုၢ်ဟံၣ်ပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:23 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 23:32

အဝဲသ့ၣ်ဘၣ်တၢ်ဟ့ၣ်မူဟ့ၣ်ဒါအီၤလၢကအံးထွဲကွၢ်ထွဲယွၤအဒဲ စီဆှံလၢယွၤအိၣ်ဝဲ, ဒီးယွၤအတၢ်လုၢ်ဟံၣ်, ဒီးကဘၣ်မၤစၢၤအဝဲသ့ၣ်အဘူးအတံၢ်တဖၣ်, ပှၤလုၢ်တၢ်အခိၣ်တဖၣ်လၢအဟဲလီၤစၢၤလီၤသွဲၣ်လၢစီၤအၤဟရိၣ်လၢ တၢ်ဘူၣ်တၢ်ဘါလၢတၢ်လုၢ်ဟံၣ်ပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 26:12

ပှၤခိးပၢၤတၢ်လုၢ်ဟံၣ်ဖိတဖၣ်, ဘၣ်တၢ်နီၤဖးလီၤအီၤဆူ ကရူၢ်သ့ၣ်တဖၣ်, ဒ်အဟံၣ်ဖိဃီဖိဒၣ်ဝဲအသိး, ဒီးဘၣ်တၢ်ဟ့ၣ်မူဟ့ၣ်ဒါအီၤတၢ်မၤတဖၣ်လၢတၢ်လုၢ်ဟံၣ်အပူၤဒ် ပှၤလ့ၤဝံဖိအဂၤတဖၣ်ဘၣ်မၤဝဲအသိးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:22

ပှၤပိာ်ခွါခဲလၢာ်အိၣ်ဝဲခံကယၤတဆံခံဂၤလၢအဘၣ်တၢ်ဃုထၢ ထီၣ်အီၤဒ်ပှၤပၢၤတၢ်ဖိတဖၣ်အသိးလၢကျဲစၢၤတဖၣ်ဒီးတြဲၤတဖၣ် အဂီၢ်န့ၣ်လီၤ. တၢ်ကွဲးနီၣ်အဝဲသ့ၣ်အမံၤအသၣ်ဒ်သဝီတဖၣ်လၢအဝဲသ့ၣ်အိၣ်ဆိးဝဲ အသိးန့ၣ်လီၤ. ပှၤလၢအပာ်လီၤအဝဲသ့ၣ်အပၢ်ဖးဒိၣ်လၢပျၢၤတဖၣ်လၢမူဒါလီၢ်လၤ တဖၣ်အံၤအဂီၢ်မ့ၢ်စီၤပၤစီၤဒၤဝံးဒီးဝံစီၤၡမူၤအ့လးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:24

တြဲၤလၢအမဲာ်ကွၢ်ဃီၤဆူမူပၤလွံၢ်ကျိၤ, ကလံၤစိး, ကလံၤထံး, မုၢ်ထီၣ်ဒီးမုၢ်နုာ်အိၣ်တဘ့ၣ်စုာ်စုာ်, ဒီးအပှၤပၢၤတၢ်အဒိၣ်အိၣ်တဂၤစုာ်စုာ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 23:19

စီၤယဟိယဒါပာ်လီၤစ့ၢ်ကီးပှၤပၢၤတၢ်ဖိတဖၣ်လၢကအိၣ်မူ အိၣ်ဒါဖဲယွၤအတၢ်လုၢ်ဟံၣ်အတြဲၤ, လၢကတြီကွံာ်ပှၤတဂၤလၢ်လၢ်, လၢအတကဆှီဘၣ်ဒ်တၢ်အလုၢ်အလၢ်အိၣ်ဝဲအသိးအဂီၢ်န့ၣ်လီၤ.

လံာ်စီၤနဃ့မယၤ 12:45

အဂ့ၢ်ဒ်အံၤအဝဲသ့ၣ်မၤဝဲတၢ်မၤကဆှီထီၣ်တၢ်အမူးတဖၣ်ဒီးတၢ် တၢ်ဘူၣ်တၢ်ဘါအလုၢ်အလၢ်အဂၤတဖၣ်လၢကစၢ်ယွၤမၤလိာ်တ့ၢ်ဝဲန့ၣ် လီၤ. ပှၤသးဝံၣ်တၢ်ဖိလၢတၢ်လုၢ်ဟံၣ်အပူၤတဖၣ်, ပှၤခိးတၢ်လုၢ်ဟံၣ်သ့ၣ်တဖၣ်စ့ၢ်ကီးမၤအမူအဒါတဖၣ်ဒ်အကြၢးဝဲ ဒီးတၢ်သိၣ်တၢ်ဘျၢတဖၣ်လၢအဘၣ်တၢ်ပာ်လီၤလၢစီၤပၤဒၤဝံးဒီး အဖိခွါစီၤၡလိၤမိၤန့ၣ်လီၤ.

လံာ်ယဃ့းစက့လး 40:45

ပှၤတဂၤန့ၣ်စံးဘၣ်ယၤလၢဒၢးတဖျၢၣ်လၢအကွၢ်ဃီၤတၢ်ဆူ ကလံၤထံးန့ၣ်မ့ၢ်ဝဲဒၣ်လၢပှၤလုၢ်တၢ်အဒိၣ်တဖၣ်လၢအမၤတၢ် လၢယွၤအတၢ်လုၢ်ဟံၣ်အပူၤအဂီၢ်,

လံာ်ယဃ့းစက့လး 44:14

ယပာ်လီၤတၢ်ခ့တၢ်ပှၤအတၢ်မၤလၢတၢ်ကဘၣ်မၤအီၤလၢယွၤ အတၢ်လုၢ်ဟံၣ်အပူၤန့ၣ်လၢအဝဲသ့ၣ်အစုပူၤလီၤ.”