လံာ်ကွဲးနီၣ်တၢ်အခီၣ်ထံးတဘ့ၣ် 9:22 - Sgaw Karen Common Bible

²² ပှၤပိာ်ခွါခဲလၢာ်အိၣ်ဝဲခံကယၤတဆံခံဂၤလၢအဘၣ်တၢ်ဃုထၢ ထီၣ်အီၤဒ်ပှၤပၢၤတၢ်ဖိတဖၣ်အသိးလၢကျဲစၢၤတဖၣ်ဒီးတြဲၤတဖၣ် အဂီၢ်န့ၣ်လီၤ. တၢ်ကွဲးနီၣ်အဝဲသ့ၣ်အမံၤအသၣ်ဒ်သဝီတဖၣ်လၢအဝဲသ့ၣ်အိၣ်ဆိးဝဲ အသိးန့ၣ်လီၤ. ပှၤလၢအပာ်လီၤအဝဲသ့ၣ်အပၢ်ဖးဒိၣ်လၢပျၢၤတဖၣ်လၢမူဒါလီၢ်လၤ တဖၣ်အံၤအဂီၢ်မ့ၢ်စီၤပၤစီၤဒၤဝံးဒီးဝံစီၤၡမူၤအ့လးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:22 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 28:13

စီၤဒၤဝံးဟ့ၣ်ဃီၤစ့ၢ်ကီးအီၤလၢတၢ်တိာ်ကျဲၤတဖၣ်လၢအဘၣ်ထွဲ ဒီးတၢ်ကရၢကရိထီၣ်ပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ် လၢကမၤအတၢ်မၤတဖၣ်အဂီၢ်, လၢကမၤယွၤအတၢ်လုၢ်ဟံၣ်အတၢ်မၤအဂီၢ်, ဒီးလၢကအံးထွဲကွၢ်ထွဲ ကယဲၢ်ယွၤအတၢ်လုၢ်ဟံၣ်အဃၢၤအဃိၢ်တဖၣ်အဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:21

ပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ်ဘၣ်တၢ်ဟ့ၣ်လီၤတ့ၢ်လံ အမူအဒါလၢကမၤဝဲလၢယွၤအတၢ်လုၢ်ဟံၣ်အပူၤအဂီၢ်န့ၣ်လီၤ. ပှၤမၤတၢ်ဖိတဖၣ်လၢအအိၣ်ဒီးကယဲၢ်တၢ်သ့တၢ်ဘၣ်အကလုာ်ကလုာ်သး အိၣ်မၤစၢၤနၤ, ဒီးကယဲၢ်ပှၤဂီၢ်မုၢ်ခဲလၢာ်ဒီးအဝဲသ့ၣ်အခိၣ်အနၢ်တဖၣ်ကမၤတၢ်ဒ် နမၤလိာ်အီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:29

တၢ်စံၣ်စိၤတဲစိၤဘၣ်ဃးဒီးစီၤပၤစီၤဒၤဝံးစးထီၣ်လၢအခီၣ် ထံးတုၤလၢအကတၢၢ်န့ၣ်ဘၣ်တၢ်ကွဲးနီၣ်တ့ၢ်အီၤလၢဝံသၢဂၤလၢ အမ့ၢ်, ဝံၡမူၤအ့လး, ဝံနၤသၣ်ဒီးဝံကးတဖၣ်အတၢ်ကွဲးနီၣ်ကွဲးဃါ တဖၣ်အပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:16

စီၤဧိၤဘါဒယၤလၢအမ့ၢ်စီၤၡမါယၤအဖိခွါ, လၢအပၢ်ဖးဒိၣ်လၢပျၢၤအကျါအိၣ်ဃုာ်ဒီးစီၤကၤလလးဒီးစီၤယဒူ သူၣ်. စီၤဘ့ရ့ကံယၤလၢအမ့ၢ်စီၤအၤစါအဖိခွါဒီးစီၤအ့လကါနၤ အလံၤခွါလၢအအိၣ်ဝဲဆိးဝဲလၢတၢ်လီၢ်ကဝီၤဘၣ်ထွဲဒီးပှၤနတိ ဖၤဖိအဝ့ၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:23

အဝဲသ့ၣ်ဒီးအစၢၤအသွဲၣ်တဖၣ်ပၢၤဒံးဒၣ်တြဲၤတဖၣ်လၢပှၤလဲၤနုာ် ဆူတၢ်လုၢ်ဟံၣ်ပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:31

ပှၤလ့ၤဝံဖိတဂၤလၢအမံၤမ့ၢ်စီၤမးတံးသယၤ, စီၤၡၤလူၣ်အဖိခွါဝဲၢ်ကိ, လၢပှၤကိၤရးဖိအဒူၣ်ထၢပူၤန့ၣ် အိၣ်မူအိၣ်ဒါလၢတၢ်ကတဲာ်ကတီၤတၢ်လုၢ်တၢ်ပာ်လၢတၢ်ကကုၢ်ဃိအီၤ တဖၣ်အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 23:19

စီၤယဟိယဒါပာ်လီၤစ့ၢ်ကီးပှၤပၢၤတၢ်ဖိတဖၣ်လၢကအိၣ်မူ အိၣ်ဒါဖဲယွၤအတၢ်လုၢ်ဟံၣ်အတြဲၤ, လၢကတြီကွံာ်ပှၤတဂၤလၢ်လၢ်, လၢအတကဆှီဘၣ်ဒ်တၢ်အလုၢ်အလၢ်အိၣ်ဝဲအသိးအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 31:15

လၢဝ့ၢ်အဂၤတဖၣ်ဖဲပှၤလုၢ်တၢ်အခိၣ်တဖၣ်အိၣ်ဆိးဝဲန့ၣ်, အဝဲဘၣ်တၢ်မၤစၢၤအီၤလၢတၢ်ကလုၢ်တီအပူၤ, လၢပှၤလ့ၤဝံဖိ အဂၤတဖၣ်လၢအမ့ၢ်ဝဲ, စီၤဧ့ၤဒ့ၣ်, စီၤမံးနယၤမံၣ်, စီၤယ့ၤၡူ, စီၤၡမါယၤ, စီၤအမၤရယၤဒီးစီၤၡကါယၤတဖၣ်န့ၣ် လီၤ. အဝဲသ့ၣ်နီၤဟ့ၣ်လီၤတၢ်အီၣ်တၢ်အီတဖၣ်ပှဲၤသိးသိးဆူအဝဲသ့ၣ် အပှၤလ့ၤဝံဖိကဒဲကဒဲဒီးအီၤ, ဒ်အဝဲသ့ၣ်အမူအဒါတဖၣ်အိၣ်ဝဲအသိး, ဒီးတမ့ၢ်ဘၣ်ဒ်အဒူၣ်ထၢတဖၣ်အသိးန့ၣ်ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 31:18

အဝဲသ့ၣ်ဘၣ်ဆဲးလီၤအမံၤခဲလၢာ်ပၣ်ဃုာ်ဒီးအမါတဖၣ်, အဖိတဖၣ်ဒီးပှၤအဂၤလၢအဘၣ်သန့ၤအသးလၢအီၤတဖၣ်, မ့ၢ်လၢအဝဲသ့ၣ်ကဘၣ်အိၣ်ဒီးတၢ်သူၣ်တီသးရၤဒီးပာ်စီဆှံ ထီၣ်အသးလၢတၢ်မၤမူဒါစီဆှံတဖၣ်တဘျီဂ့ၤတဘျီဂ့ၤအဂီၢ် အဃိန့ၣ်လီၤ.

လံာ်စီၤနဃ့မယၤ 11:36

ပှၤလ့ၤဝံဖိအကရူၢ်တနီၤလၢအအိၣ်ဆိးတ့ၢ်ဝဲလၢကီၢ်ယူဒၤအလီၢ် ကဝီၤတဖၣ်အပူၤန့ၣ်ဘၣ်တၢ်ပာ်လီၤအီၤလၢကအိၣ်ဆိးဒီးဘံၣ်ယၤ မံၣ်ဖိအဒူၣ်အပှၤဂီၢ်မုၢ်န့ၣ်လီၤ.

လံာ်စီၤနဃ့မယၤ 12:44

ဖဲအကတီၢ်န့ၣ်, ပှၤပိာ်ခွါတဖၣ်ဘၣ်တၢ်ပာ်လီၤအီၤလၢပှၤကွၢ်ထွဲ တၢ်ပာ်ဖှိၣ်အဒၢးတဖၣ်လၢတၢ်ဟ့ၣ်မၤဘူၣ်တဖၣ်လၢအဘၣ် တၢ်ဟ့ၣ်အီၤဆူယွၤအတၢ်လုၢ်ဟံၣ်, ဘၣ်တၢ်ပာ်အီၤအိၣ်ဒီးတၢ်မၤဘူၣ်ဆံဆဲၣ်ပူတပူတဖၣ်ဒီးဘုခ့ လၢတၢ်ကူးအီၤအဆိကတၢၢ်ဒီးတၤသူတၤသၣ်လၢတၢ်ဒဲးအီၤအဆိ ကတၢၢ်ကိးနံၣ်ဒဲးန့ၣ်လီၤ. ပှၤတဖၣ်အံၤအိၣ်မူအိၣ်ဒါလၢတၢ်ထၢဖှိၣ်တၢ်လၢပှၤလုၢ်တၢ်အခိၣ် တဖၣ်ဒီးပှၤလ့ၤဝံဖိတဖၣ်အဂီၢ်ဒ်ယူဒၤတၢ်သိၣ်တၢ်သီဃ့ဝဲ အသိးဖဲစံာ်ပျီတဖၣ်လၢအအိၣ်ဘူးဒီးဝ့ၢ်တဖၣ်န့ၣ်လီၤ. ကယဲၢ်ကီၢ်ယူဒၤအပှၤဂီၢ်မုၢ်ခဲလၢာ်ဘၣ်သူၣ်ဘၣ်သးပှၤလုၢ်တၢ် အခိၣ်တဖၣ်ဒီးပှၤလ့ၤဝံဖိတဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:9

စီၤစီလူးစံးဆၢဝဲ, “မ့ၢ်တၢ်ဆိကမိၣ်အဂ့ၤလီၤ. မ်ပလဲၤသကိးတက့ၢ်.” မၤသးဒ်န့ၣ်ဒီး, အဝဲသ့ၣ်လဲၤဆူဝ့ၢ်ဖိလၢပှၤစီဆှံတဂၤအိၣ် ဆိးဝဲန့ၣ်လီၤ.