လံာ်ကွဲးနီၣ်တၢ်အခီၣ်ထံးတဘ့ၣ် 9:2 - Sgaw Karen Common Bible

² ပှၤအဆိကတၢၢ်တဖုလၢအဟဲက့ၤကဒါက့ၤဆူအဝဲသ့ၣ်အတၢ်စုလီၢ်ခီၣ် ခိၣ်အိၣ်အဝ့ၢ်တဖၣ်အကျါန့ၣ်အိၣ်ဃုာ်ဒီးပှၤအံၣ်စရ့လးဖိပတီၢ်မုၢ်တဖၣ်, ပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်ဒီးတၢ်လုၢ်ဟံၣ်အပှၤမၤတၢ်ဖိသ့ၣ်တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:2 Iomraidhean Croise

လံာ်စီၤဧ့စြၤ 2:1

ပှၤအါဂၤလၢပှၤဘၣ်စိာ်မၢကဲကုၢ်အကျါဟးထီၣ်ကွံာ်လၢဘၤဘူၤ လိၣ်အကီၢ်ပူၤဒီးက့ၤကဒါက့ၤဆူဝ့ၢ်ယရူၤၡလ့ၣ်ဒီးကီၢ်ယူဒၤ, ဆူအဝ့ၢ်ဒၣ်ဝဲစုာ်စုာ်န့ၣ်လီၤ. အဝဲသ့ၣ်အဟံၣ်ဖိဃီဖိတဖၣ် အိၣ်ဆိးတ့ၢ်လံလၢတၢ်ကဲကုၢ်အပူၤလၢကီၢ်ဘၤဘူၤလိၣ် စးထီၣ်လၢစီၤပၤနဘူၤကးန့စၢ်စိာ်ထီၣ်ကွံာ်အဝဲသ့ၣ်ဖဲန့ၣ်ဒ် ပှၤဘၣ်တၢ်စၢဃာ်တဖၣ်အသိးန့ၣ်လီၤ.

လံာ်စီၤဧ့စြၤ 2:43

တၢ်လုၢ်ဟံၣ်အပှၤမၤတၢ်ဖိအဒူၣ်ဖိထၢဖိလၢအဟဲက့ၤကဒါက့ၤလၢ တၢ်စိာ်မၢကဲကုၢ်တဖၣ်,

လံာ်စီၤဧ့စြၤ 2:58

တၢ်လုၢ်ဟံၣ်အပှၤမၤတၢ်ဖိတဖၣ်အစၢၤအသွဲၣ်ဒီးစီၤၡလိၤမိၤအခ့ အပှၤတဖၣ်အစၢၤအသွဲၣ်လၢအဟဲက့ၤကဒါက့ၤလၢတၢ်စိာ်မၢကဲကုၢ်ခဲ လၢာ်မ့ၢ်ဝဲသၢကယၤခွံဆံခံ ဂၤလီၤ.

လံာ်စီၤဧ့စြၤ 2:70

ပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်ဒီးပှၤဂီၢ်မုၢ်တနီၤဆီ လီၤအတၢ်အိၣ်တၢ်ဆိးအလီၢ်လၢဝ့ၢ်ယရူၤၡလ့ၣ်အပူၤ, မ့တမ့ၢ်ဘူးဒီးဝ့ၢ်ယရူၤၡလ့ၣ်န့ၣ်လီၤ. ပှၤသးဝံၣ်တၢ်ဖိတဖၣ်, ပှၤပၢၤတၢ်လုၢ်ဟံၣ်တဖၣ်ဒီးတၢ်လုၢ်ဟံၣ်အပှၤမၤတၢ်ဖိတဖၣ်ဆီလီၤ အတၢ်အိၣ်တၢ်ဆိးအလီၢ်လၢဝ့ၢ်အဘူးအတံၢ်တဖၣ်အပူၤဒီးပှၤအံၣ်စရ့ လးဖိအိၣ်လီၤတဲာ်တ့ၢ်အဂၤတဖၣ်ဆီလီၤအတၢ်အိၣ်တၢ်ဆိးအလီၢ်လၢ ဝ့ၢ်တဖၣ်ဖဲအမိၢ်ပၢ်ဖံဖုလၢပျၢၤတဖၣ်အိၣ်ဆိးတ့ၢ်လၢအပူၤန့ၣ်လီၤ.

လံာ်စီၤဧ့စြၤ 8:20

လၢပှၤတဖၣ်န့ၣ်အမဲာ်ညါ, တၢ်လုၢ်ဟံၣ်အပှၤမၤတၢ်ဖိတဖၣ်လၢအပၢ်လၢ ပျၢၤတဖၣ်ဘၣ်တၢ်ဃုထၢပာ်လီၤဆိတ့ၢ်အီၤလၢစီၤပၤဒၤဝံးဒီး အပဒိၣ်ပပှၢ်တဖၣ်လၢကမၤစၢၤပှၤလ့ၤဝံဖိတဖၣ်န့ၣ်, အိၣ်ဝဲခံကယၤခံဆံဂၤလီၤ. အဝဲသ့ၣ်ခဲလၢာ်ဘၣ်တၢ်ကွဲးနီၣ် ကွဲးဃါအမံၤန့ၣ်လီၤ.

လံာ်စီၤနဃ့မယၤ 10:29

ဖဲအံၤပပာ်ဖှိၣ်ပသးဒီးပခိၣ်ပနၢ်တဖၣ်ဒီးမၤတၢ်ဆိၣ်တမံၤ, လၢပမ့ၢ်မၤဟးဂီၤအီၤဒီးပကန့ၢ်ဘၣ်အဘူးအလဲလၢတၢ်ဆိၣ်အၢတ မံၤ, လၢပကအိၣ်မူဒ်ကစၢ်ယွၤအတၢ်သိၣ်တၢ်သီလၢပှၤယူဒၤဖိအဂီၢ်, လၢကစၢ်ယွၤဟ့ၣ်လီၤအီၤခီဖျိအခ့အပှၤစီၤမိၤၡ့, လၢပကစူၢ်တၢ်ခဲလၢာ်လၢယွၤ, ပကစၢ်မၤလိာ်ပှၤဒီးလၢပက တိၢ်န့ၢ်ဖံးဃာ်ကယဲၢ်အတၢ်သိၣ်တၢ်သီခဲလၢာ်ဒီးတၢ်လၢအဃ့ ဝဲတဖၣ်န့ၣ်လီၤ.

လံာ်စီၤနဃ့မယၤ 11:1

ပှၤခိၣ်ပှၤနၢ်တဖၣ်သူၣ်လီၤဆီလီၤအသးလၢဝ့ၢ်ယရူၤၡလ့ၣ်အပူၤ, ဒီးပှၤဂီၢ်မုၢ်အိၣ်လီၤတဲာ်တဖၣ်ဖီၣ်တၢ်ဖးတဖၣ်လၢကဃုထၢဒူၣ် ဖိထၢဖိတဒူၣ်လၢကယဲၢ်ဒူၣ်ဖိထၢဖိတဆံဒူၣ်စုာ်စုာ်အပူၤဒ်သိး ကလဲၤဒီးအိၣ်ဝဲဆိးဝဲလၢဝ့ၢ်ယရူၤရှလ့ၣ်ဝ့ၢ်စီဆှံအပူၤ, ဖဲပှၤအိၣ်လီၤတဲာ်အဂၤတဖၣ်ကဘၣ်လဲၤအိၣ်လၢဝ့ၢ်အဂၤတဖၣ်အပူၤ အခါန့ၣ်လီၤ.

လံာ်စီၤနဃ့မယၤ 7:60

ပှၤမၤတၢ်လၢတၢ်လုၢ်ဟံၣ်, ဒီးစီၤၡလိၤမိၤအခ့အပှၤအစၢၤအသွဲၣ် ခဲလၢာ်လၢအဟဲက့ၤလၢတၢ်စိာ်မၢကဲကုၢ်အလီၢ်အတၢ်ဂံၢ်န့ၣ်မ့ၢ် ဝဲပှၤသၢကယၤခွံဆံခံဂၤန့ၣ်လီၤ.

လံာ်စီၤနဃ့မယၤ 7:73

ဒီးပှၤလုၢ်တၢ်အခိၣ်, ပှၤလ့ၤဝံဖိ, ပှၤပၢၤပဲတရီဖိ, ပှၤသးဝံၣ်တၢ်ဖိ, ပှၤပတီၢ်မုၢ်ဖိ, ပှၤမၤတၢ်လၢတၢ်လုၢ်ဟံၣ်, ဒီးကယဲၢ်ပှၤအံၣ်စရ့လးဖိခဲလၢာ်သူၣ်လီၤဆီလီၤအတၢ်အိၣ်တၢ် ဆိးအလီၢ်လၢဝ့ၢ်တဖၣ်လၢကီၢ်ယူဒၤအပူၤန့ၣ်လီၤ.