လံာ်ကွဲးနီၣ်တၢ်အခီၣ်ထံးတဘ့ၣ် 9:13 - Sgaw Karen Common Bible

¹³ ပှၤလုၢ်တၢ်အခိၣ်တဖၣ်လၢအမ့ၢ်ဟံၣ်ဒူၣ်ဃီထၢတဖၣ်အခိၣ်ခဲလၢာ်အိၣ် ဝဲတကထိနွံကယၤဃုဆံဂၤန့ၣ်လီၤ. အဝဲသ့ၣ်မ့ၢ်ပှၤသ့ဂ့ၤဂ့ၤဘၣ်ဘၣ်တဖၣ်လၢတၢ်ဖံးတၢ်မၤခဲလၢာ် လၢအဘၣ်တၢ်မၤအီၤလၢတၢ်လုၢ်ဟံၣ်အပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:13 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 26:30

လၢစီၤဃ့ဘြိၣ်အစၢၤအသွဲၣ်အကျါစီၤဃၡၤဘယၤဒီးအ ဘူးအတံၢ်တကထိနွံကယၤဂၤ, ပှၤသ့ပှၤဘၣ်လီၤဆီခဲလၢာ်, ဘၣ်တၢ်ပာ်အီၤဒ်ပှၤကဲခိၣ်ကဲနၢ်လၢတၢ်ပၢတၢ်ဆှၢကယဲၢ်တၢ်ဘူၣ် တၢ်ဘါဒီးတၢ်မၤဘၣ်ထွဲဒီးထံကီၢ်အတၢ်ဂ့ၢ်တၢ်ကျိၤတဖၣ်အဂီၢ်, လၢထံကျိယၢ်ဒ့ၣ်အမုၢ်နုာ်ကီၢ်အံၣ်စရ့လးအပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 26:32

စီၤပၤစီၤဒၤဝံးဃုထၢဟံၣ်ဖိဃီဖိအခိၣ်အနၢ်လၢအသ့အဘၣ်လီၤ ဆီ, ခံကထိနွံကယၤဂၤလၢစီၤယရံယၤအဘူးအတံၢ်တဖၣ်အကျါဒီးပာ် အီၤလၢကကဲခိၣ်ကဲနၢ်လၢတၢ်ပၢတၢ်ဆှၢကယဲၢ်တၢ်ဘူၣ်တၢ်ဘါဒီး တၢ်မၤဘၣ်ထွဲဒီးထံကီၢ်အတၢ်ဂ့ၢ်တၢ်ကျိၤတဖၣ်လၢထံကျိယၢ်ဒ့ၣ် အမုၢ်ထီၣ်ကီၢ်အံၣ်စရ့လးအပူၤ, လၢလီၢ်ကဝီၤတဖၣ်ဖဲပှၤရူၤဘ့ၣ်ဖိ, ပှၤကးဖိဒီးပှၤမနၤၡ့ၤမုၢ်ထီၣ်ဖိအိၣ်ဆိးဝဲန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 26:6

စီၤဧိၤဘ့းအ့ဒိၣ်အဖိခွါဝဲၢ်ကိစီၤၡမါယၤအိၣ်ဒီးအဖိ ခွါဃုဂၤလၢအမ့ၢ်ပှၤမံၤဟူသၣ်ဖျါတဖၣ်လၢအဒူၣ်ထၢတဖၣ်အပူၤ, မ့ၢ်လၢအဝဲသ့ၣ်အတၢ်သ့တၢ်ဘၣ်ဖးဒိၣ်အဃိန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:12

စီၤဧဒါယၤလၢအမ့ၢ်စီၤယရိဃၣ်အဖိခွါ, လၢအပၢ်ဖးဒိၣ်လၢပျၢၤ တဖၣ်အကျါအိၣ်ဃုာ်ဒီးစီၤပၤၡဃူၢ်ဒီးစီၤမၤလကံယၤ, စီၤမၤစဲလၢအမ့ၢ်စီၤဧၤဒံၤအ့လးအဖိခွါ, လၢအပၢ်ဖးဒိၣ်လၢပျၢၤတဖၣ်အကျါအိၣ်ဃုာ်ဒီးစီၤယၤကစ့ရၤ, စီၤမၡူလၣ်, စီၤမၡံးလ့မံးဒီးစီၤအံးမ့ၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:14

ပှၤလ့ၤဝံဖိလၢလာ်သ့ၣ်တဖၣ်အံၤအိၣ်ဝဲဆိးဝဲလၢဝ့ၢ်ယရူၤ ၡလ့ၣ်အပူၤန့ၣ်လီၤ. စီၤၡမါယၤလၢအမ့ၢ်စီၤဃၤၡူာ်အဖိခွါ, လၢအပၢ်ဖးဒိၣ်လၢပျၢၤတဖၣ်အကျါအိၣ်ဃုာ်ဒီး စီၤဧးစရံကၣ်ဒီးစီၤဃၡၤဘယၤလၢအဘၣ်ဃး ဒီးပှၤမရၤရံၤအဒူၣ်န့ၣ်လီၤ.

လံာ်စီၤနဃ့မယၤ 11:14

ပှၤအိၣ်ဝဲတကယၤခံဆံဃိးဂၤလၢဒူၣ်ထၢအံၤအပူၤလၢအမ့ၢ်ပှၤ သုးဖိစဲၣ်နီၤတဖၣ်န့ၣ်လီၤ. စီၤစးဘဒ့ၤအ့လးလၢအမ့ၢ်ဒူၣ်ဖိထၢဖိလၢအကဲခိၣ်ကဲနၢ်လၢ ဟံၣ်ဒူၣ်ဃီထၢအပူၤတဂၤလၢအမ့ၢ်စီၤဟးကဒိလံၣ်အဖိခွါ, မ့ၢ်အဝဲသ့ၣ်အပှၤအခိၣ်န့ၣ်လီၤ.