လံာ်ကွဲးနီၣ်တၢ်အခီၣ်ထံးတဘ့ၣ် 9:1 - Sgaw Karen Common Bible

¹ ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ်ဘၣ်တၢ်ကွဲးနီၣ်အမံၤဒ် အဝဲသ့ၣ်အဟံၣ်ဒူၣ်ဃီထၢတဖၣ်အိၣ်ဝဲအသိး, ဒီးတၢ်ဂ့ၢ်ကြၢးသ့ၣ်ညါအံၤဘၣ်တၢ်ကွဲးနီၣ်အီၤလၢကီၢ်အံၣ်စရ့ လးအစီၤပၤတဖၣ်အလံာ်အပူၤန့ၣ်လီၤ. ကီၢ်ယူဒၤအပှၤဂီၢ်မုၢ်တဖၣ်ဘၣ်တၢ်ဆှၢဖျိးကွံာ်အီၤဆူ ကီၢ်ဘၤဘူၤလိၣ်ဒ်တၢ်စံၣ်ညီၣ်လၢအဝဲသ့ၣ်အတၢ်ကမၣ်တဖၣ်အဃိန့ၣ် လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:1 Iomraidhean Croise

လံာ်စီၤပၤအခီၣ်ထံးတဘ့ၣ် 14:19

ကယဲၢ်တၢ်တမံၤလၢ်လၢ်လၢစီၤပၤယၤရၤဘၣ်မၤတ့ၢ်ဝဲ, တၢ်ဒုးတဖၣ်လၢအဒုးတ့ၢ်ဝဲ, ဒီးအဝဲပၢတ့ၢ်တၢ်ဒ်လဲၣ်န့ၣ်, ခဲလၢာ်ဘၣ်တၢ်ကွဲးနီၣ်ကွဲးဃါအီၤလၢကီၢ်အံၣ်စရ့လးအစီၤပၤ တဖၣ်အတၢ်စံၣ်စိၤတဲစိၤအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 24:14

စီၤနဘူၤကးန့စၢ်စိာ်ထီၣ်ကွံာ်ဝ့ၢ်ယရူၤၡလ့ၣ်အပှၤဂီၢ်မုၢ်ဒ် ပှၤဘၣ်တၢ်စၢဃာ်တဖၣ်အသိး, ကယဲၢ်စီၤပၤအဖိခွါခဲလၢာ်, ဒီးကယဲၢ်ပှၤတူၢ်ဒိၣ်ကီၤဒိၣ်တဖၣ်, ခဲလၢာ်ပှၤအဂၤတကလးန့ၣ် လီၤ. အဝဲက့ၤကိးဃုာ်စ့ၢ်ကီးဝဲပှၤမၤတၢ်သ့ဂ့ၤဂ့ၤတဖၣ်, အိၣ်ဃုာ်ဒီးပှၤပိာ်ထးဖိတဖၣ်, ပာ်တ့ၢ်ဝဲထဲပှၤဂီၢ်မုၢ်လၢ အဖှီၣ်ကတၢၢ်တဖၣ်လၢကီၢ်ယူဒၤအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 24:15

စီၤနဘူၤကးန့စၢ်က့ၤကိးကွံာ်စီၤယဟိယါခံၣ်ဆူဝ့ၢ်ဘၤဘူၤ လိၣ်ဒ်ပှၤဘၣ်တၢ်စၢဃာ်တဂၤအသိး, ဃုာ်ဒီးစီၤယဟိၤယါခံၣ်အမိၢ်, အမါတဖၣ်, အပဒိၣ်ပပှၢ်တဖၣ်ဒီးပှၤတူၢ်ဒိၣ်ကီၤဒိၣ်တဖၣ်လၢကီၢ်ယူ ဒၤအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 24:16

စီၤနဘူၤကးန့စၢ်စိာ်ဖျိးကွံာ်ကယဲၢ်ပှၤအကါဒိၣ်ခဲလၢာ်ဆူ ကီၢ်ဘၤဘူၤလိၣ်ဒီးပှၤခဲလၢာ်ပှၤအဂၤနွံကထိ, ဒီးပှၤမၤတၢ်သ့ ဂ့ၤဂ့ၤအဂၤတကထိအိၣ်ဃုာ်ဒီးပှၤပိာ်ထးဖိတဖၣ်, အဝဲသ့ၣ်ခဲလၢာ်မ့ၢ်ပှၤအဂံၢ်ဆူၣ်ဘါဆူၣ်တဖၣ်လၢအကြၢးဝဲဘၣ်ဝဲ ဒီးတၢ်ဒုးသုးဒုးသံၣ်အတၢ်မၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 8:40

စီၤအူလၣ်အဖိခွါတဖၣ်မ့ၢ်ပှၤသုးဖိဒီးပှၤခးချံၣ်ဖျိးစိ တဖၣ်န့ၣ်လီၤ. အဝဲအိၣ်ဒီးအဖိခွါဒီးအလံၤခွါခဲလၢာ်တကယၤယဲၢ်ဆံဂၤန့ၣ် လီၤ. ပှၤလၢတၢ်ယၢၤထီၣ်အမံၤလၢထးတဖၣ်ခဲလၢာ်န့ၣ်မ့ၢ်စီၤဘံၣ်ယၤ မံၣ်အဒူၣ်, အဒူၣ်ဖိထၢဖိတဖၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:11

လၢတၢ်န့ၣ်အဃိ, ယွၤပျဲကီၢ်စူၤရံအသုးမုၢ်အခိၣ်အနၢ်တဖၣ်လၢ ကလဲၤနုာ်လီၤဒုးကီၢ်ယူဒၤန့ၣ်လီၤ. ဒီးအဝဲသ့ၣ်ဖီၣ်န့ၢ်စီၤမနၤၡ့ၤ, ဘျးထီၣ်ထးက့ၣ်ခိၣ်တဖၣ်လၢအလိၤ, စၢဃးအီၤလၢထးသွဲဒီးက့ၤမိၤအီၤဆူကီၢ်ဘၤဘူၤလိၣ်န့ၣ်လီၤ.

လံာ်စီၤဧ့စြၤ 2:1

ပှၤအါဂၤလၢပှၤဘၣ်စိာ်မၢကဲကုၢ်အကျါဟးထီၣ်ကွံာ်လၢဘၤဘူၤ လိၣ်အကီၢ်ပူၤဒီးက့ၤကဒါက့ၤဆူဝ့ၢ်ယရူၤၡလ့ၣ်ဒီးကီၢ်ယူဒၤ, ဆူအဝ့ၢ်ဒၣ်ဝဲစုာ်စုာ်န့ၣ်လီၤ. အဝဲသ့ၣ်အဟံၣ်ဖိဃီဖိတဖၣ် အိၣ်ဆိးတ့ၢ်လံလၢတၢ်ကဲကုၢ်အပူၤလၢကီၢ်ဘၤဘူၤလိၣ် စးထီၣ်လၢစီၤပၤနဘူၤကးန့စၢ်စိာ်ထီၣ်ကွံာ်အဝဲသ့ၣ်ဖဲန့ၣ်ဒ် ပှၤဘၣ်တၢ်စၢဃာ်တဖၣ်အသိးန့ၣ်လီၤ.

လံာ်စီၤဧ့စြၤ 2:59

ပှၤခဲလၢာ်အိၣ်ဝဲ ဃုကယၤယဲၢ်ဆံခံ ဂၤလၢအမ့ၢ်ဝဲ, ပှၤတဖၣ်လၢအဟဲက့ၤလၢဝ့ၢ်တဖၣ်လၢကီၢ်တ့ၤလမ့ၤလၤ, ကီၢ်တ့လဃၢ်ၡၤ, ကီၢ်ခ့ရူၤ, ကီၢ်အးဒၣ်ဒီးကီၢ်အံးမ့ၢ်တဖၣ်,

လံာ်စီၤနဃ့မယၤ 11:1

ပှၤခိၣ်ပှၤနၢ်တဖၣ်သူၣ်လီၤဆီလီၤအသးလၢဝ့ၢ်ယရူၤၡလ့ၣ်အပူၤ, ဒီးပှၤဂီၢ်မုၢ်အိၣ်လီၤတဲာ်တဖၣ်ဖီၣ်တၢ်ဖးတဖၣ်လၢကဃုထၢဒူၣ် ဖိထၢဖိတဒူၣ်လၢကယဲၢ်ဒူၣ်ဖိထၢဖိတဆံဒူၣ်စုာ်စုာ်အပူၤဒ်သိး ကလဲၤဒီးအိၣ်ဝဲဆိးဝဲလၢဝ့ၢ်ယရူၤရှလ့ၣ်ဝ့ၢ်စီဆှံအပူၤ, ဖဲပှၤအိၣ်လီၤတဲာ်အဂၤတဖၣ်ကဘၣ်လဲၤအိၣ်လၢဝ့ၢ်အဂၤတဖၣ်အပူၤ အခါန့ၣ်လီၤ.

လံာ်စီၤနဃ့မယၤ 7:5

ဒီးကစၢ်ယွၤထိၣ်ဂဲၤယသးလၢယကဒုးအိၣ်ဖှိၣ်ပှၤဂီၢ်မုၢ်, အခိၣ်အနၢ်တဖၣ်ဒီးအပဒိၣ်တဖၣ်လၢတၢ်မၤနီၣ်အဟံၣ်ဖိဃီဖိ အတၢ်ကွဲးနီၣ်ကွဲးဃါတဖၣ်န့ၣ်အဂီၢ်လီၤ. ဒီးယပာ်လီၤတၢ်ကွဲးနီၣ်ကွဲးဃါဘၣ်ဃးဒီးပှၤလၢအဟဲက့ၤလၢ တၢ်စိာ်မၢကဲကုၢ်သ့ၣ်တဖၣ်အထူအထံးဒီးယထံၣ်န့ၢ်တၢ်ကွဲး အသးလၢအပူၤဒ်အံၤလီၤ.

လံာ်စီၤနဃ့မယၤ 7:64

မ့ၢ်လၢအဝဲသ့ၣ်ပာ်ဖျါအမိၢ်ပၢ်ဖံဖုလၢပျၢၤတဖၣ်မ့ၢ်မတၤန့ၣ်, တသ့ဝဲအဃိ, အဝဲသ့ၣ်တဘၣ်တၢ်တူၢ်လိာ်အီၤဒ်ပှၤလုၢ်တၢ်အခိၣ်တဖၣ် ဘၣ်.

လံာ်ယၡါယၤ 3:2

အပှၤဒူပှၤဃိၤတဖၣ်, အသုးမုၢ်သံၣ်ဘိတဖၣ်, အစံၣ်ညီၣ်ကွီၢ်တဖၣ်ဒီးအဝံတဖၣ်, အပှၤဖးတၢ်ဟဲဝံဟဲစိာ် တဖၣ်ဒီးအပဒိၣ်ပၢတၢ်ပြးတၢ်တဖၣ်,

လံာ်ယံးရမံယၤ 13:19

ကီၢ်ယူဒၤကလံၤထံးအဝ့ၢ်တဖၣ်ဘၣ်တၢ်ကဝီၤဃာ်အီၤလံ. ပှၤလဲၤခီဂာ်အဝဲသ့ၣ်တသ့နီတဂၤဘၣ်. ကီၢ်ယူဒၤအပှၤဂီၢ်မုၢ် ခဲလၢာ်ဘၣ်တၢ်စိာ်ကွံာ်အီၤဆူတၢ်မၢကဲကုၢ်အပူၤလံန့ၣ်လီၤ.

လံာ်ယံးရမံယၤ 39:9

လၢခံကတၢၢ်, စီၤနဘူစၢ်ရဒၣ်လၢ အမ့ၢ်သုးခိၣ်ကျၢၢ်န့ၣ်, စိာ်ကွံာ်ပှၤဂီၢ်မုၢ်လၢ အိၣ်လီၤတဲာ်လၢ ဝ့ၢ်ပူၤတဖၣ် အဟဲဃ့ၢ်ခီနုာ်ဆူ အဝဲသ့ၣ်အအိၣ်, ဒ်ကုၢ်တဖၣ်အသိးဆူ ကီၢ်ဘၤဘူၤလိၣ်န့ၣ်လီၤ.

လံာ်ဒၤနံးယ့လး 1:2

ဒီးယွၤဟ့ၣ်လီၤကွံာ်ကီၢ်ယူဒၤအစီၤပၤစီၤယဟိၤယါကံၣ်ဆူအစု ပူၤဃုာ်ဒီးတၢ်လုၢ်ဒိၣ်ပှ့ၤဒိၣ်တနီၤလၢယွၤအတၢ်လုၢ်ဟံၣ်အပူၤ န့ၣ်လီၤ. ဒီးက့ၤဖီၣ်န့ၢ်ဝဲပှၤယူဒၤဖိတနီၤဆူကီၢ်ၡံနၢ်ဒီးပာ်ဝဲလီခီ ထူလီခီစ့တဖၣ်န့ၣ်, လၢအကစၢ်တဖၣ်အဟံၣ်အတၢ်ပာ်ဖှိၣ် အလီၢ်ပူၤန့ၣ်လီၤ.