လံာ်ကွဲးနီၣ်တၢ်အခီၣ်ထံးတဘ့ၣ် 8:33 - Sgaw Karen Common Bible

³³ စီၤန့ၢ်မ့ၢ်စီၤကံၣ်အပၢ်, ဒီးစီၤကံၣ်မ့ၢ်စီၤပၤစီၤစီလူးအပၢ်န့ၣ်လီၤ. စီၤစီလူးအိၣ်ဒီးအဖိခွါလွံၢ်ဂၤလၢအမ့ၢ်, စီၤယိနၤသၣ်, စီၤမၤလကံၡူၤ, စီၤအဘံနဒာ်ဒီးစီၤအ့ၡဘဧၤလးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 8:33 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 2:8

သုးခိၣ်ကျၢၢ်လၢစီၤစီလူးအသုးမုၢ်အပူၤ, စီၤန့ၢ်အဖိခွါစီၤအဘံန့ၢ်ဃ့ၢ်ပူၤဖျဲးကွံာ်ဒီးစီၤစီလူး အဖိခွါစီၤအံၤၡဘိၡ့းခီဂာ်ကွံာ်ထံကျိယၢ်ဒ့ၣ်ဆူဝ့ၢ်မၤ ဃန့ၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 4:12

စီၤဒၤဝံးဟ့ၣ်လီၤအကလုၢ်ဒီးအဝဲအပှၤသုးဖိတဖၣ်မၤသံကွံာ် စီၤရ့ကးဒီးစီၤဘၤနါ, ဒီးဒီၣ်တဲာ်ကွံာ်အဝဲသ့ၣ်အစုတဖၣ်ဒီးအခိၣ်တဖၣ်ဒီးဘျးထီၣ် အဝဲသ့ၣ်အစိၣ်တဖၣ်လၢနိၣ်အိၣ်လၢဝ့ၢ်ဃ့ဘြိၣ်အပူၤအကပၤန့ၣ် လီၤ. အဝဲသ့ၣ်ဟံးထီၣ်စီၤအံၤၡဘိၡ့းအခိၣ်ဒီးဘျၢလီၤအီၤဖဲ စီၤအဘံန့ၢ်အသွၣ်ခိၣ်လၢဝ့ၢ်ဃ့ဘြိၣ်အပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 8:32

ဒီးစီၤမံးကလိးလၢအမ့ၢ်စီၤၡံမံၤအပၢ်န့ၣ်လီၤ. အဝဲသ့ၣ်အစၢၤအသွဲၣ်တဖၣ်အိၣ်ဆိးတ့ၢ်ဝဲဖဲဝ့ၢ်ယရူၤၡလ့ၣ်, ဘူးဒီးအဟံၣ်ဒူၣ်ဃီထၢအဂၤတဖၣ်လၢအဝဲသ့ၣ်အဒူၣ်ထၢန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 8:34

စီၤယိနၤသၣ်မ့ၢ်စီၤမရံးဘဧၤလးလၢအထီၣ်ဖိစီၤမံၤကါအပၢ် န့ၣ်လီၤ.

မၤတၢ် 13:21

ဒီးဖဲအဝဲသ့ၣ်ဃ့စီၤပၤန့ၣ်, ကစၢ်ယွၤဃုထၢထီၣ်န့ၢ်အီၤစီၤစီလူးလၢ အမ့ၢ်စီၤကံၣ်ဘၣ်ဃးဒီးစီၤဘံၣ်ယၤမံၣ်အဒူၣ်န့ၣ်အဖိခွါ, ဒ်သိးအကမ့ၢ်အဝဲသ့ၣ်အစီၤပၤလၢအနံၣ်လွံၢ်ဆံအတီၢ်ပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 31:2

ဘၣ်ဆၣ်ဒီးပှၤဖလ့ၡသးဖိတဖၣ်ချုးန့ၢ်အဝဲသ့ၣ်ဒီးမၤသံကွံာ် စီၤစီလူးအဖိခွါသၢဂၤ, စီၤယိနၤသၣ်, စီၤအဘံနဒာ်ဒီးစီၤမၤလကံၡူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:1

ပှၤအိၣ်ဝဲတဂၤလၢအမ့ၢ်ပှၤထူးပှၤတီၤဒီးမ့ၢ်ပှၤအစိကမီၤအိၣ် လၢပှၤဂၤအဖီခိၣ်ဒီးအမံၤမ့ၢ်ဝဲ စီၤကံၣ်လၢစီၤဘံၣ်ယၤမံၣ်အဒူၣ်ပူၤန့ၣ်လီၤ. အဝဲမ့ၢ်စီၤစရိာ်အလံၤခွါ, စီၤအဘိၤအ့လးအဖိခွါ, ဒီးဘၣ်ထွဲဒီးစီၤအဖံၤအဒူၣ်ထၢအကျါဒူၣ်ထၢဖိတဒူၣ်လၢအမ့ၢ်စီၤဘကိရး အဟံၣ်ဖိဃီဖိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:2

အဝဲအိၣ်ဒီးအဖိခွါတဂၤလၢအမံၤမ့ၢ်ဝဲစီၤစီလူး, ပှၤဒိၣ်တၢ်ဂ့ၤဖဲအဒိၣ်တုာ်ခိၣ်ပှဲၤဂ့ၤအကတီၢ်န့ၣ်လီၤ. စီၤစီလူးမ့ၢ်ပှၤအဂီၤထီန့ၣ်ပှၤအဂၤခဲလၢာ်လၢကီၢ်အံၣ်စရ့လးအပူၤ, ခိၣ်တဖျၢၣ်ဒီးဒိၣ်တၢ်ဂ့ၤန့ၣ်ပှၤအဂၤစ့ၢ်ကီးလီၤ.