လံာ်ကွဲးနီၣ်တၢ်အခီၣ်ထံးတဘ့ၣ် 7:14 - Sgaw Karen Common Bible

¹⁴ စီၤမနၤၡ့ၤအဖိခွါခံဂၤလၢအဒိးန့ၢ်ဝဲလၢအသံၣ်မါပှၤအရၣ် မုၣ်န့ၣ်မ့ၢ်ဝဲစီၤအၤစရံၤအ့လးဒီးစီၤမၤကံၢ်န့ၣ်လီၤ. စီၤမၤကံၢ်န့ၣ်မ့ၢ်စီၤကံးလဧးအပၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 7:14 Iomraidhean Croise

လံာ်တၢ်ကဲထီၣ်အခီၣ်ထံး 25:20

ဒီးဖဲစီၤအံၤစဲးန့ၢ်မါလၢနီၢ်ရံးဘကၤ, လၢအမ့ၢ်ပှၤစူၤရံဖိ စီၤဘသူၤအ့လးအိၣ်လၢပၤဒနါရၣ်အပျီပူၤ (ပှၤအမံနယၣ်ဖိလၢ ကီၢ်မ့းစပံတၤမ, အဖိမုၣ်), ပှၤစူၤရံဖိစီၤလၤဘၣ်အဒီပုၢ်ဝဲၢ်မုၣ်န့ၣ်, အသးအိၣ်လံဝဲအနံၣ်လွံၢ်ဆံန့ၣ်လီၤ.

လံာ်တၢ်ကဲထီၣ်အခီၣ်ထံး 50:23

အဝဲအိၣ်မူဝဲတုၤအထံၣ်ဘၣ်စီၤအ့ဖရဲၣ်အဖိတဖၣ်ဒီးအလံၤတဖၣ် န့ၣ်လီၤ. အဝဲအိၣ်မူဘၣ်စ့ၢ်ကီးဝဲတုၤလၢအဒိးန့ၢ်ဘၣ်စီၤမနၤၡ့ၤအဖိ ခွါစီၤမၤကံၢ်အဖိတဖၣ်လၢအဝဲအဒူၣ်ဖိထၢဖိအပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 7:13

စီၤနးသၤလံအိၣ်ဒီးအဖိခွါလွံၢ်ဂၤလၢအမ့ၢ်စီၤယၤဃစံၤအ့ လး, စီၤကူနံၤ, စီၤယ့စ့ၢ်ဒီးစီၤၡၤလူၣ်န့ၣ်လီၤ. (အဝဲသ့ၣ်မ့ၢ်နီၢ်ဘံၤလဟၤအစၢၤအသွဲၣ်တဖၣ်န့ၣ်လီၤ.)

လံာ်ကွဲးနီၣ်တၢ်အခီၣ်ထံးတဘ့ၣ် 7:15

စီၤမၤကံၢ်ဃုထံၣ်န့ၢ်မါတဂၤလၢစီၤဃူဖံၣ်အဂီၢ်ဒီးတဂၤလၢ စီၤၡူဖံၣ်အဂီၢ်န့ၣ်လီၤ. စီၤမၤကံၢ်အိၣ်ဒီးအဒီပုၢ်ဝဲၢ်မုၣ်တဂၤလၢအမံၤမ့ၢ်နီၢ်မၤကၤန့ၣ်လီၤ. စီၤမၤကံၢ်အဖိခွါခံဂၤတဂၤမ့ၢ်စီၤစလၤဖဃးဒီးအဝဲအိၣ်ထဲ အဖိမုၣ်တဖၣ်ဧိၤန့ၣ်လီၤ.

လံာ်တၢ်ဂံၢ် 26:28

ဒူၣ်တဖၣ်လၢအဘၣ်ထွဲဒီးစီၤယိၤသးလၢအမ့ၢ်ဖိခွါခံဂၤအပၢ် န့ၣ်မ့ၢ်မနၤၡ့ၤအဒူၣ်ဒီးအ့ဖရဲၣ်အဒူၣ်န့ၣ်လီၤ.

လံာ်တၢ်ဂံၢ် 27:1

နီၢ်မၤလၤ, နီၢ်နိဧၤ, နီၢ်ဃၤကလၤ, နီၢ်မံးလကၤဒီးနီၢ်တံး ရစၢ်မ့ၢ်ဝဲစီၤစလၤဖဃးအဖိမုၣ်တဖၣ်လီၤ. စီၤစလၤဖဃးမ့ၢ်ဝဲစီၤဃ့ဖ့ၢ်အဖိခွါ, စီၤဃ့ဖ့ၢ်မ့ၢ်စီၤ ကံးလဧးအဖိခွါ, စီၤကံးလဧးမ့ၢ်စီၤမၤကံၢ်အဖိခွါစီၤမၤကံၢ်မ့ၢ်စီၤမနၤ ၡ့ၤအဖိခွါ, စီၤမနၤၡ့ၤမ့ၢ်စီၤယိၤသးအဖိခွါန့ၣ်လီၤ.

လံာ်စီၤယိၤၡူ 13:31

ပၣ်ဃုာ်ဒီးကီၢ်ကံးလဧးတဝာ်, ဃုာ်ဒီးဧၤၡတြိးဒီးအ့ဒြံၤ, လၢအမ့ၢ်ဝ့ၢ်ခိၣ်တဖၣ်လၢစီၤပၤစီၤဧိာ်အဘီအမုၢ်လၢ ကီၢ်ဘၤၡၣ်အပူၤန့ၣ်လီၤ. တၢ်ခဲလၢာ်အံၤဘၣ်တၢ်ဟ့ၣ်လီၤအီၤဆူစီၤမနၤၡ့ၤအဖိခွါစီၤ မၤက့ၢ်အဖိအလံၤအဒူၣ်ဖိထၢဖိတဝာ်န့ၣ်လီၤ.

လံာ်ပှၤစံၣ်ညီၣ်ကွီၢ် 5:14

အဝဲသ့ၣ်ဟဲဝဲလၢအ့ဖရဲၣ်, ပှၤတဖၣ်လၢအိၣ်ဆိးဝဲလၢကီၢ်ဧမၤလ့း, လၢဘံၣ်ယၤမံၣ်အဒူၣ်ဒီးအပှၤဂီၢ်မုၢ်အလီၢ်ခံလီၤ. သုးခိၣ်ဖးဒိၣ်တဖၣ်ဟဲဝဲလၢကီၢ်မၤကံၢ်, ဒီးသုးခိၣ်သုးနၢ်တဖၣ်ဟဲဝဲလၢကီၢ်စဘူလိၣ်လီၤ.