လံာ်ကွဲးနီၣ်တၢ်အခီၣ်ထံးတဘ့ၣ် 6:71 - Sgaw Karen Common Bible

⁷¹ ဟံၣ်ဒူၣ်ဃီထၢတဖၣ်လၢပှၤက့ရၡိၣ်ဖိအဒူၣ်ထၢပူၤန့ၣ်ဘၣ်တၢ်ဟ့ၣ် လီၤအီၤလၢဝ့ၢ်လၢလာ်တဖၣ်အံၤဃုာ်ဒီးတၢ်အီၣ်ဆၣ်အလီၢ်လါဟ့ အိၣ်ဝးတရံးအီၤန့ၣ်လီၤ. လၢမုၢ်ထီၣ်မနၤၡ့ၤအိၣ်ဆိးလီၢ်အပူၤန့ၣ်ဝ့ၢ်ကိလၣ်လၢကီၢ်ဘၤ ၡၣ်အပူၤ, ဒီးဝ့ၢ်ဧၤၡတြိးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 6:71 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 6:70

လၢမုၢ်နုာ်မနၤၡ့ၤအိၣ်ဆိးလီၢ်အပူၤန့ၣ်အဝဲသ့ၣ်တဖၣ်ဘၣ်တၢ် ဟ့ၣ်လီၤအီၤလၢဝ့ၢ်တဖၣ်လၢအမ့ၢ်, ဝ့ၢ်ဧၤန့ၢ်ဒီးဝ့ၢ်ဘံးလၣ်ဃုာ်ဒီးတၢ်အီၣ်ဆၣ်လီၢ်လါဟ့လၢ အအိၣ်ဝးတရံးအီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 6:72

လၢပှၤယံးစၣ်ကၢ်ဖိအိၣ်ဆိးလီၢ်အပူၤန့ၣ်မ့ၢ်ဝဲဝ့ၢ်ကၤဒ့ၣ်, ဝ့ၢ်ဒၤဘြး,

လံာ်သိၣ်လီၤသီလီၤတၢ် 1:4

တၢ်အံၤမ့ၢ်ဖဲယွၤမၤနၢၤကွံာ်ပှၤဧၣ်မိၣ်ဖိတဖၣ်အစီၤပၤစံဃိၣ် လၢအပၢတၢ်လၢဝ့ၢ်ဃ့ၡဘိၣ်, ဒီးကီၢ်ဘၤၡၣ်အစီၤပၤစီၤဧိာ်လၢအပၢတၢ်လၢဝ့ၢ်ဧၤၡတြိးဒီး ဝ့ၢ်အ့ဒြၤတဖၣ်, အလီၢ်ခံန့ၣ်လီၤ.

လံာ်သိၣ်လီၤသီလီၤတၢ် 4:43

လၢပှၤရူၤဘ့ၣ်ဖိအဒူၣ်အဂီၢ်န့ၣ်, ဝ့ၢ်ဘ့စ့ၢ်လၢအမ့ၢ်ဝ့ၢ်အိၣ် လၢပှၢ်မုၢ်ကနၢ, လၢတၢ်လူၢ်ခိၣ်ထိးန့ၣ်လီၤ. လၢပှၤကးဖိအဒူၣ်အဂီၢ်န့ၣ်, ဝ့ၢ်ရၤမိးမ့ၢ်ဝ့ၢ်လၢအအိၣ်လၢကီၢ် ကံးလဧးလီၢ်ကဝီၤအပူၤန့ၣ်လီၤ. ဒီးလၢပှၤမနၤၡ့ၤဖိအဒူၣ်အဂီၢ်, မ့ၢ်ဝ့ၢ်ကိလၣ်အိၣ်ဝဲလၢကီၢ် ဘၤၡၣ်အလီၢ်ကဝီၤအပူၤန့ၣ်လီၤ.

လံာ်စီၤယိၤၡူ 13:31

ပၣ်ဃုာ်ဒီးကီၢ်ကံးလဧးတဝာ်, ဃုာ်ဒီးဧၤၡတြိးဒီးအ့ဒြံၤ, လၢအမ့ၢ်ဝ့ၢ်ခိၣ်တဖၣ်လၢစီၤပၤစီၤဧိာ်အဘီအမုၢ်လၢ ကီၢ်ဘၤၡၣ်အပူၤန့ၣ်လီၤ. တၢ်ခဲလၢာ်အံၤဘၣ်တၢ်ဟ့ၣ်လီၤအီၤဆူစီၤမနၤၡ့ၤအဖိခွါစီၤ မၤက့ၢ်အဖိအလံၤအဒူၣ်ဖိထၢဖိတဝာ်န့ၣ်လီၤ.

လံာ်စီၤယိၤၡူ 20:8

ဒီးလၢထံကျိယၢ်ဒ့ၣ်အမုၢ်ထီၣ်လၢပှၢ်မုၢ်ကနၢတၢ်ပျီပူၤလၢ ဝ့ၢ်ယရံၤဃိအမုၢ်ထီၣ်တခီ, အဝဲသ့ၣ်ဃုထၢဝဲဝ့ၢ်ဘ့စ့ၢ် လၢရူၤဘ့ၣ်အကီၢ်ပူၤ, ဝ့ၢ်ရၤမိးလၢကီၢ်ကံးလဧးအပူၤ လၢပှၤကးအဒူၣ်အဂီၢ်ဒီးဝ့ၢ်ကိလၣ်လၢကီၢ်ဘၤၡၣ်အပူၤလၢ မနၤၡ့ၤအဒူၣ်အဂီၢ်န့ၣ်လီၤ.

လံာ်စီၤယိၤၡူ 21:27

ဒီးပှၤက့ရၡိၣ်ဖိတဖၣ်, လၢအမ့ၢ်ပှၤလ့ၤဝံဖိအဒူၣ်ဖိထၢဖိအကျါတဒူၣ်, ဒိးန့ၢ်ဘၣ်ဝဲဝ့ၢ်ခံဝ့ၢ်လၢအမ့ၢ်ဝဲကိလၣ်လၢကီၢ်ဘၤၡၣ်အပူၤ (တၢ်ပူၤဖျဲးအဝ့ၢ်အကျါတဝ့ၢ်) ဒီးဘဧ့ၡတရၤဃုာ်ဒီးအတၢ်အီၣ်ဆၣ်အလီၢ်တဖၣ်လၢမုၢ်ထီၣ်မနၤၡ့ၤ အကီၢ်ပူၤတခီန့ၣ်လီၤ.

လံာ်စီၤယိၤၡူ 21:6

ဒီးပှၤက့ရၡိၣ်ဖိတဖၣ်, ခီဖျိတၢ်ဖးန့ၣ်, ဒိးန့ၢ်ဘၣ်ဝဲဝ့ၢ်တဆံသၢဖျၢၣ်လၢပှၤယံးစၣ်ကၢ်အဒူၣ်, လၢပှၤအၤၡ့ၢ်အဒူၣ်, လၢပှၤနးသၤလံအဒူၣ်, ဒီးလၢပှၤမနၤၡ့ၤအဒူၣ်တဝာ်လၢကီၢ်ဘၤၡၣ်အပူၤ, အဒူၣ်ဖိထၢဖိတဖၣ်အအိၣ်န့ၣ်လီၤ.

လံာ်စီၤယိၤၡူ 9:10

ဒီးတၢ်လၢအမၤဘၣ်ပှၤအမိၢ်ဖိအစီၤ ပၤခံဂၤလၢထံကျိယၢ်ဒ့ၣ်အမုၢ်ထီၣ်ဃ့ၡဘိၣ်အစီၤပၤစံ ဃိၣ်, ဒီးဘၤၡၣ်အစီၤပၤဧိာ်လၢအအိၣ်ဝဲလၢဧၤၡၤတြိးန့ၣ်လီၤ.