လံာ်ကွဲးနီၣ်တၢ်အခီၣ်ထံးတဘ့ၣ် 6:49 - Sgaw Karen Common Bible

⁴⁹ စီၤအၤဟရိၣ်ဒီးအစၢၤအသွဲၣ်တဖၣ်ပာ်ထီၣ်တၢ်လုၢ်နၢမူ တဖၣ်ဒီးလုၢ်ထီၣ်တၢ်လုၢ်တၢ်ပာ်တဖၣ်လၢအဘၣ်တၢ်ဆူးကဲၤအီၤလၢတၢ် လုၢ်လီၢ်အဖီခိၣ်န့ၣ်လီၤ. အဝဲသ့ၣ်အိၣ်မူအိၣ်ဒါလၢတၢ်ဘူၣ်ထီၣ်ဘါထီၣ်ယွၤလၢတၢ်လီၢ်စီ ဆှံကတၢၢ်ခဲလၢာ်ဒီးလၢတၢ်လုၢ်တၢ်ပာ်တဖၣ်လၢကစၢ်ယွၤပျၢ်ကွံာ် ပှၤအံၣ်စရ့လးဖိတဖၣ်အတၢ်ဒဲးဘးအဂီၢ်န့ၣ်လီၤ. အဝဲသ့ၣ်မၤတ့ၢ်တၢ်အံၤခဲလၢာ်ဒ်တၢ်သိၣ်တၢ်သီလၢအဘၣ်တၢ်ဟ့ၣ် လီၤခီဖျိကစၢ်ယွၤအခ့အပှၤစီၤမိၤၡ့န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 6:49 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 6:48

အဝဲသ့ၣ်အပှၤလ့ၤဝံဖိကဒဲကဒဲဒီးအီၤသ့ၣ်တဖၣ်န့ၣ်ဘၣ်တၢ်ဟ့ၣ် မူဟ့ၣ်ဒါအီၤလၢမူဒါအဂၤအကလုာ်ကလုာ်လၢတၢ်ဘူၣ်ထီၣ်ဘါထီၣ် ယွၤအလီၢ်န့ၣ်လီၤ.

လံာ်စီၤယိၤဘး 33:24

လၢတၢ်သးကညီၤအပူၤ, ကလူးန့ၣ်ကစံးဘၣ်အီၤ, “ပျၢ်ဖျဲးအီၤတက့ၢ်. အဝဲတဘၣ်လဲၤလီၤဆူ တၢ်သံအကီၢ် ဘၣ်. အအံၤမ့ၢ်တၢ်ပှ့ၤထီၣ်က့ၤတၢ်လၢ ကမၤထူၣ်ဖျဲးအီၤအဂီၢ်လီၤ.”

လံာ်တၢ်ဟးထီၣ်ကွံာ် 29:33

အဝဲသ့ၣ်ကဘၣ်အီၣ်တၢ်အီၣ်လၢဘၣ်တၢ်သူအီၤဒ်တၢ်ပျၢ်တၢ်ဒဲးဘး အတၢ်ဘူၣ်တၢ်ဘါအလုၢ်အလၢ်, ဖဲတၢ်ဖှူအဝဲသ့ၣ်အကတီၢ်န့ၣ်လီၤ. ထဲပှၤလုၢ်တၢ်အခိၣ်တဖၣ်ဧိၤ ကဘၣ်အီၣ်တၢ်အီၣ်အံၤန့ၣ်လီၤ. အဂ့ၢ်ဒ်အံၤမ့ၢ်ဝဲတၢ်စီဆှံန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:5

ဒီးကဘၣ်မၤသံဂီၤဖံးဖါဖဲန့ၣ်, ဒီးပှၤလုၢ်တၢ်အခိၣ်လၢအလီၤစၢၤလီၤသွဲၣ် လၢစီၤအၤဟရိၣ်တဖၣ်ကလုၢ်ထီၣ်တၢ်သွံၣ်ဆူယွၤအအိၣ်ဒီးလူ လီၤတၢ်သွံၣ်ဝးတရံးတၢ်လုၢ်လီၢ်လၢအအိၣ်လၢတၢ်ဘူၣ်ထီၣ်ဘါထီၣ် ယွၤအဒဲအကျဲစၢၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:20

ဒီးကဘၣ်မၤဂီၤဖံးဖါတဒုအံၤဒ်အမၤဝဲဂီၤဖံးဖါလၢတၢ်ပျၢ် တၢ်ဒဲးဘးအတၢ်လုၢ်အဂီၢ်အသိးန့ၣ်လီၤ. တၢ်အံၤမ့ၢ်တၢ်လုၢ်တၢ်ပာ်လၢပှၤအံၣ်စရ့လးဖိဒီတဖုအတၢ်ဒဲး ဘးအဂီၢ်ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤန့ၣ်လီၤ.

လံာ်တၢ်ဂံၢ် 15:25

ပှၤလုၢ်တၢ်အခိၣ်ကဘၣ်မၤတၢ်ဘူၣ်တၢ်ဘါအတၢ်မၤကဆှီအလုၢ်အလၢ်လၢ ကမျၢၢ်ဒီဒူၣ်အဂီၢ်, ဒီးအဝဲသ့ၣ်ကဘၣ်တၢ်ပျၢ်ကွံာ်အီၤလၢအတၢ်ကမၣ်မ့ၢ်လၢတၢ်ကမူၤ ကမၣ်န့ၣ်မ့ၢ်ဒၣ်လၢတၢ်တပာ်သူၣ်ပာ်သးအဃိ, ဒီးအဝဲသ့ၣ်ဟဲစိာ် ထီၣ်အတၢ်လုၢ်တၢ်အီၣ်တၢ်အီလၢတၢ်လုၢ်တၢ်ပျၢ်တၢ်ဒဲးဘးအဂီၢ်လံ အဃိန့ၣ်လီၤ.

လံာ်တၢ်ဂံၢ် 16:16

စီၤမိၤၡ့စံးဘၣ်စီၤကိၤရး, “ခဲမုၢ်ဆ့ၣ်န့ၣ်နၤဒီးနပှၤ ပိာ်နခံအဂၤခံကယၤယဲၢ်ဆံကဘၣ်ဟဲဆူယွၤအိၣ်ဝဲဆိးဝဲအဒဲစီ ဆှံန့ၣ်လီၤ. စီၤအၤဟရိၣ်စ့ၢ်ကီးကအိၣ်ဖဲန့ၣ်လီၤ.

လံာ်သိၣ်လီၤသီလီၤတၢ် 34:5

လၢတၢ်န့ၣ်အဃိ, ဒ်ယွၤစံးတ့ၢ်ဝဲလၢအဝဲကသံအသိးန့ၣ်, ယွၤအခ့အပှၤစီၤမိၤၡ့သံဝဲဖဲန့ၣ်, လၢကီၢ်မိၤအးအပူၤန့ၣ် လီၤ.

လံာ်စီၤယိၤၡူ 1:1

ယွၤအခ့အပှၤစီၤမိၤၡ့သံဝံၤအလီၢ်ခံန့ၣ်, ယွၤကတိၤတၢ်ဒီးပှၤလၢအမၤစၢၤစီၤမိၤၡ့, စီၤယိၤၡူလၢအမ့ၢ်စီၤနိၣ်အဖိခွါန့ၣ်လီၤ.