လံာ်ကွဲးနီၣ်တၢ်အခီၣ်ထံးတဘ့ၣ် 6:32 - Sgaw Karen Common Bible

³² အဝဲသ့ၣ်ဟံးန့ၢ်မူဒါလၢယွၤအိၣ်ဝဲဆိးဝဲအဒဲပူၤတဂၤလၢ အကတီၢ်ဒၣ်ဝဲဒ်တၢ်ပာ်လီၤအီၤ, ဖဲတၢ်ဆၢကတီၢ်လၢစီၤပၤၡလိၤမိၤတချုးသူၣ်ထီၣ်ဒံးတၢ်လုၢ် ဟံၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 6:32 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 6:10

စီၤဧစၤရယၤ (ပှၤလၢအမၤတၢ်လၢတၢ်လုၢ်ဟံၣ်လၢစီၤၡလိၤမိၤသူၣ် ထီၣ်ဝဲလၢဝ့ၢ်ယရူၤၡလ့ၣ်အပူၤ)

လံာ်ကွဲးနီၣ်တၢ်အခီၣ်ထံးတဘ့ၣ် 6:31

ပှၤတဖၣ်အံၤမ့ၢ်ပှၤလၢစီၤပၤဒၤဝံးပာ်ဝဲလၢပှၤသးဝံၣ်တၢ်ဖိ အခိၣ်လၢတၢ်ဘူၣ်ထီၣ်ဘါထီၣ်ယွၤအလီၢ်လၢဝ့ၢ်ယရူၤၡလ့ၣ်အပူၤ, ဖဲတၢ်အၢၣ်လီၤအီလီၤအတလါဘၣ်တၢ်ဆှၢနုာ်အီၤဖဲန့ၣ်ဝံၤအလီၢ် ခံန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 6:33

ဒူၣ်ထၢအတၢ်လီၤစၢၤတဖၣ်လၢအဟံးန့ၢ်မူဒါအံၤ, မ့ၢ်ဒ်အဖီလာ်အသိးလီၤ. လၢပှၤကဃးဖိအဒူၣ်ထၢပူၤန့ၣ်, စီၤဟ့မၣ်, လၢအမ့ၢ်စီၤယိၤအ့လးအဖိခွါ, မ့ၢ်တၢ်သးဝံၣ်ရိအခီၣ်ထံးတဖုအခိၣ်န့ၣ်လီၤ. အဝဲအတၢ်လီၤစၢၤလီၤသွဲၣ်စးထီၣ်လၢစီၤယၤကိာ်မ့ၢ်ဒ်လာ်အံၤ န့ၣ်လီၤ. စီၤဟ့မၣ်, စီၤယိၤအ့လး, စီၤၡမူၤအ့လး,

လံာ်ကွဲးနီၣ်တၢ်အခီၣ်ထံးတဘ့ၣ် 9:33

လ့ၤဝံအဟံၣ်ဒူၣ်ဃီထၢတနီၤအိၣ်မူအိၣ်ဒါလၢတၢ်လုၢ်ဟံၣ်အတၢ် သူၣ်ဝံၣ်သးဆၢအဂီၢ်န့ၣ်လီၤ. ဟံၣ်ဒူၣ်ဃီထၢတဖၣ်အံၤအခိၣ်အိၣ်ဆိးဝဲလၢတၢ်လုၢ်ဟံၣ်အတၢ်သူၣ် ထီၣ်တနီၤအပူၤ, ဒီးအိၣ်ပူၤအိၣ်ဖျဲးဝဲဒီးမူဒါအဂၤတဖၣ်မ့ၢ်လၢ, အဝဲသ့ၣ်ဘၣ်တၢ်ကိးထီၣ်အီၤလၢမုၢ်ဆါဒီးမုၢ်နၤအဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 31:2

စီၤပၤယဃံးစကံၤယၤဒုးအိၣ်ထီၣ်ကဒါက့ၤတၢ်ကရၢကရိ ဘၣ်ထွဲဒီးပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ်, လၢအဝဲသ့ၣ်တဂၤဘၣ်တဂၤစုာ်စုာ်အိၣ်ဒီးအမူအဒါလီၤတံၢ်လီၤဆဲးန့ၣ် လီၤ. မူဒါတဖၣ်အံၤအိၣ်စ့ၢ်ကီးဒီးတၢ်ဆူးကဲၤထီၣ်တၢ်လုၢ်မ့ၣ်အူ, တၢ်လုၢ်ထီၣ်တၢ်လုၢ်မၤဃူမၤဖိးတဖၣ်, တၢ်ဟံးန့ၢ်မူဒါလၢယွၤ အတၢ်လုၢ်ဟံၣ်အတၢ်ဘူၣ်တၢ်ဘါအပူၤ, တၢ်ဟ့ၣ်ထီၣ်တၢ်စံၣ်ထီၣ်ပတြၢၤဒီးတၢ်စံးဘျုးတဖၣ်လၢယွၤအတၢ် လုၢ်ဟံၣ်အလီၢ်တတီၤဘၣ်တတီၤအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 35:15

ပှၤဒ့တၢ်အူတၢ်ဖိဒီးပှၤသူၣ်ဝံၣ်သးဆၢတၢ်ဖိတဖၣ်လၢလ့ၤဝံ အဒူၣ်ထၢလၢအဟဲလီၤစၢၤလၢစီၤအၤစာ်န့ၣ်, ဘၣ်အိၣ်ဖဲတၢ်လီၢ်တဖၣ်လၢစီၤပၤဒၤဝံးအတၢ်သိၣ်လိနဲၣ်ယုၤပာ် လီၤန့ၢ်အီၤန့ၣ်လီၤ. အဝဲသ့ၣ်တဖၣ်န့ၣ်မ့ၢ်ဝဲ, စီၤအၤစာ်, စီၤဟ့မၣ်ဒီးစီၤပၤအဝံစီၤယဒူသူၣ်န့ၣ်လီၤ. ပှၤခိးယွၤအတၢ်လုၢ်ဟံၣ်အတြဲၤတဖၣ်အလီၢ် တအိၣ်ဘၣ်လၢကဘၣ်သုးအသးလၢအမူအဒါအလီၢ်တဖၣ်ဘၣ်. မ့ၢ်လၢပှၤလ့ၤဝံဖိအဂၤတဖၣ်ကတဲာ်ကတီၤဘူၣ်လဲၤကပာ်လၢအဂီၢ် အဃိန့ၣ်လီၤ.

လံာ်စီၤဧ့စြၤ 6:18

ဒ်တၢ်မၤလိာ်အိၣ်တ့ၢ်ဝဲလၢစီၤမိၤၡ့အလံာ်တၢ်ကွဲးအပူၤအသိး န့ၣ်, အဝဲသ့ၣ်ကရၢကရိထီၣ်စ့ၢ်ကီးပှၤလုၢ်တၢ်အခိၣ်တဖၣ်ဒီးပှၤလ့ၤဝံ ဖိတဖၣ်လၢတၢ်လုၢ်ဟံၣ်အတၢ်ဖံးတၢ်မၤတဖၣ်အဂီၢ်လၢဝ့ၢ်ယရူၤၡလ့ၣ် အပူၤန့ၣ်လီၤ.

လံာ်ယဃ့းစက့လး 40:44

အန့ၣ်ဝံၤဒီးအဝဲဆှၢဃီၤယၤဆူတၢ်လုၢ်လီၢ်အဂၢၤလၢတၢ်အိပူၤ န့ၣ်လီၤ. ဒၢးအိၣ်ဝဲဒၣ်ခံဖျၢၣ်လၢအအိၣ်အိးထီၣ်ဃာ်အသး လၢတၢ်လုၢ်ဟံၣ်အဂၢၤတၢ်အိပူၤ, တဖျၢၣ်အိၣ်ဖဲကလံၤစီး အကျဲစၢၤကျိၤထံးဒီးအမဲာ်ကွၢ်တၢ်ဆူကလံၤထံး, ဒီးအဂၤ တဖျၢၣ်န့ၣ်အိၣ်လၢကလံၤထံးအကျဲစၢၤကျိၤထံးဒီးအမဲာ် ကွၢ်တၢ်ဆူကလံၤစိးတကပၤန့ၣ်လီၤ.