လံာ်ကွဲးနီၣ်တၢ်အခီၣ်ထံးတဘ့ၣ် 5:26 - Sgaw Karen Common Bible

²⁶ လၢတၢ်န့ၣ်အဃိကစၢ်ယွၤထိၣ်ဂဲၤထီၣ်ကီၢ်အၤၡူၢ်အစီၤပၤဖးဒိၣ် ပူလး (ဘၣ်တၢ်သ့ၣ်ညါစ့ၢ်ကီးလၢစီၤပၤတံးကလးပလ့စ့ၢ်) အသးလၢကနုာ်လီၤဒုးအဝဲသ့ၣ်အထံအကီၢ်န့ၣ်လီၤ. ဒီးအဝဲဟီထီၣ်ကွံာ်ပှၤရူၤဘ့ၣ်, ကးဒီးမုၢ်ထီၣ်မနၤၡ့ၤအဒူၣ် တဖၣ်ဒီးလဲၤဒုးအိၣ်ဆိးဂၢၢ်ကျၢၤအဝဲသ့ၣ်လၢဃၤလၤ, ဃၤဘိၢ်, ဟၤရၢ်ဒီးထံကျိကိစၣ်အကပၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 5:26 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 24:1

လၢတၢ်မၤအသးအဂၤတဘျီန့ၣ်, ယွၤသးဒိၣ်ဘၣ်ပှၤကီၢ်အံၣ်စ ရ့လးဖိဒီးအဝဲမၤဒ်သိးစီၤဒၤဝံးကဒုးဟဲဘၣ်တၢ်ကီတၢ်ခဲ လၢအဝဲသ့ၣ်အဖီခိၣ်လီၤ. ယွၤစံးဘၣ်အီၤ, “လဲၤဒီးဂံၢ်ပှၤဂီၢ်မုၢ် လၢကီၢ်အံၣ်စရ့လးဒီးကီၢ်ယူဒၤအပူၤတက့ၢ်.”

လံာ်စီၤပၤခံဘ့ၣ်တဘ့ၣ် 15:19

ကီၢ်အၤၡူၢ်အစီၤပၤတံးကလးပလ့စ့ၢ်နုာ်လီၤဒုးကီၢ်အံၣ်စရ့ လးဒီးစီၤမနၤဃ့ၣ်ဟ့ၣ်လီၤစ့လီၤတယၢၢ်အပီၢ်ခံကလးခံကထိ ဃိးကယၤဒ်သိးကမၤန့ၢ်အဝဲအတၢ်ဆီၣ်ထွဲမၤစၢၤအီၤလၢတၢ်ဒုး ဆူၣ်ထီၣ်စီၤမနၤဃ့ၣ်အစိကမီၤလၢထံကီၢ်အဖီခိၣ်အဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 15:29

ဖဲစီၤပ့ကးကဲစီၤပၤအကတီၢ်န့ၣ်ကီၢ်အၤၡူၢ်အစီၤပၤဖးဒိၣ် တံးကလးပလ့စ့ၢ်မၤန့ၢ်ဝ့ၢ်တဖၣ်လၢအမ့ၢ်ဝဲဧံၤယိၣ်, အၤဘ့ၤလးဘ့ၤသမၤကၤ, ယၤနိဃၤ, က့ဒ့ၣ်ဒီးဃါစိၢ်, ဒီးလီၢ်ကဝီၤတဖၣ်လၢကီၢ်ကံးလဧးလၢအမ့ၢ်ကၤလံၤလါဒီးနးသၤ လံဒီးက့ၤကိးပှၤဂီၢ်မုၢ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ် အသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 16:7

စီၤအၤဃးမၢလီၤပှၤတဖၣ်ဆူကီၢ်အၤၡူၢ်အစီၤပၤဖးဒိၣ်တံးကလး ပလ့စ့ၢ်အအိၣ်, အိၣ်ဒီးတၢ်ကစီၣ်ဒ်လာ်အံၤန့ၣ်လီၤ. “ယမ့ၢ်နခ့နပှၤလၢအတီဒီးနၤလီၤ. ဟဲဒီးမၤပူၤဖျဲးယၤလၢကီၢ်စူၤရံအစီၤပၤဒီးကီၢ်အံၣ်စရ့ လးအစီၤပၤတဖၣ်လၢအဟဲထီၣ်ဒုးယၤန့ၣ်တက့ၢ်.”

လံာ်စီၤပၤခံဘ့ၣ်တဘ့ၣ် 17:6

လၢအမ့ၢ်စီၤဟိၤၡ့ပၢတၢ်ခွံနံၣ်တနံၣ်န့ၣ်, ကီၢ်အၤၡူၢ်အစီၤပၤဖးဒိၣ်မၤန့ၢ်ၡၤမရံဒီးစိာ်ထီၣ်ကွံာ်ပှၤ အံၣ်စရ့လးဖိတဖၣ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ်အသိး, ဒီးပာ်လီၤအဝဲသ့ၣ်ပှၤတနီၤလၢဝ့ၢ်ဃၤလၤအပူၤ, တနီၤဘူးဒီးထံကျိဃၤဘိၢ်လၢကီၢ်ဆၣ်ကိစၣ်အပူၤ, ဒီးတနီၤလၢကီၢ်မံးဒယၣ်အဝ့ၢ်တဖၣ်အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:11

ကီၢ်အၤၡူၢ်အစီၤပၤဖးဒိၣ်က့ၤကိးပှၤအံၣ်စရ့လးဖိတဖၣ်ဆူ ကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ်အသိး, ဒီးပာ်လီၤန့ၢ်ပှၤတနီၤအလီၢ်အိၣ်လီၢ်ဆိးလၢဝ့ၢ်ဃၤလၤအပူၤ, တနီၤဘူးဒီးထံကျိဃၤဘိၢ်လၢကိစၣ်အကီၢ်ဆၣ်အပူၤ, ဒီးပှၤတနီၤလၢကီၢ်မံးဒယၣ်အဝ့ၢ်တဖၣ်အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 19:12

အပၢ်ဖးဒိၣ်လၢပျၢၤတဖၣ်မၤဟးဂီၤတ့ၢ်ဝ့ၢ်တဖၣ်လၢအမ့ၢ်ဝဲ, ကိစၣ်, ဃရၣ်, ရ့စ့းဒီးမၤသံကွံာ်ဧ့ဒ့ၣ်အပှၤဂီၢ်မုၢ်တဖၣ်လၢ အအိၣ်ဆိးဝဲဖဲဝ့ၢ်တံၤသလးစၢ်အပူၤ, ဒီးအဝဲသ့ၣ်အယွၤကစၢ်တဖၣ်မၤပူၤဖျဲးအဝဲသ့ၣ်တသ့ဘၣ်နီတဂၤ ဘၣ်.

လံာ်ကွဲးနီၣ်တၢ်အခီၣ်ထံးတဘ့ၣ် 5:22

အဝဲသ့ၣ်မၤသံကွံာ်အဒုၣ်အဒါအါအါဂီၢ်ဂီၢ်မ့ၢ်လၢတၢ်ဒုးတၢ် ယၤမ့ၢ်ကစၢ်ယွၤအတၢ်ဘၣ်အသးအဃိန့ၣ်လီၤ. ဒီးအဝဲသ့ၣ်အိၣ်ဝဲဆိးဝဲဖဲတၢ်လီၢ်ဖဲန့ၣ်တုၤအဘၣ်တၢ်စိာ်မၢ ကဲကုၢ်အီၤတစုန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 5:6

ပှၤအၤၡူၢ်ဖိအစီၤပၤဖးဒိၣ်တံးလကးပံးလန့စ့ၢ်စိာ်မၢကဲ ကုၢ်စီၤဘ့ရၤလၢအမ့ၢ်ပှၤအဒူၣ်ဖိအခိၣ်တဂၤဒီးဟီထီၣ်ကွံာ် အီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:1

ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ်ဘၣ်တၢ်ကွဲးနီၣ်အမံၤဒ် အဝဲသ့ၣ်အဟံၣ်ဒူၣ်ဃီထၢတဖၣ်အိၣ်ဝဲအသိး, ဒီးတၢ်ဂ့ၢ်ကြၢးသ့ၣ်ညါအံၤဘၣ်တၢ်ကွဲးနီၣ်အီၤလၢကီၢ်အံၣ်စရ့ လးအစီၤပၤတဖၣ်အလံာ်အပူၤန့ၣ်လီၤ. ကီၢ်ယူဒၤအပှၤဂီၢ်မုၢ်တဖၣ်ဘၣ်တၢ်ဆှၢဖျိးကွံာ်အီၤဆူ ကီၢ်ဘၤဘူၤလိၣ်ဒ်တၢ်စံၣ်ညီၣ်လၢအဝဲသ့ၣ်အတၢ်ကမၣ်တဖၣ်အဃိန့ၣ် လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:20

လၢတၢ်ကမၤစၢၤစီၤအၤဃးအလီၢ်န့ၣ်, ကီၢ်အၤၡူၢ်အစီၤပၤဖးဒိၣ် ထီဒါကွံာ်အီၤဒီးဒုးအိၣ်ထီၣ်တၢ်ကိၢ်တၢ်ဂီၤလၢအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:6

တုၤစီၤပၤဒီးအပဒိၣ်ပပှၢ်တဖၣ်ဟ့ၣ်လီၤအကလုၢ်န့ၣ်ပှၤစိာ်တၢ် ကစီၣ်တဖၣ်ဟးထီၣ်ဝဲဆူကီၢ်ယူဒၤဒီးကီၢ်အံၣ်စရ့လးဒီ တဘ့ၣ်ညါအိၣ်ဒီးတၢ်ကွဲဒ်လၢလာ်အံၤန့ၣ်လီၤ. “ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, သုပူၤဖျဲးဒီးအိၣ်မူ လီၤတဲာ်တ့ၢ်ဒံးဖဲပှၤအၤၡူၢ်ဖိဟဲမၤနၢၤထံကီၢ်န့ၣ်လီၤ. ခဲကနံၣ်အံၤဃၣ်က့ၤသုသးဆူယွၤ, စီၤအၤဘြၤဟၣ်, စီၤအံၤစဲး, ဒီးစီၤယၤကိာ်အကစၢ်ယွၤအအိၣ်န့ၣ်တက့ၢ်. ဒီးအဝဲဒၣ်ကဃၣ်က့ၤအသးဆူသုအိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:11

လၢတၢ်န့ၣ်အဃိ, ယွၤပျဲကီၢ်စူၤရံအသုးမုၢ်အခိၣ်အနၢ်တဖၣ်လၢ ကလဲၤနုာ်လီၤဒုးကီၢ်ယူဒၤန့ၣ်လီၤ. ဒီးအဝဲသ့ၣ်ဖီၣ်န့ၢ်စီၤမနၤၡ့ၤ, ဘျးထီၣ်ထးက့ၣ်ခိၣ်တဖၣ်လၢအလိၤ, စၢဃးအီၤလၢထးသွဲဒီးက့ၤမိၤအီၤဆူကီၢ်ဘၤဘူၤလိၣ်န့ၣ်လီၤ.

လံာ်စီၤဧ့စြၤ 1:5

တုၤနုၤတစုပှၤအခိၣ်တဖၣ်လၢ, ဒူၣ်ထၢတဖၣ်လၢယူဒၤအဒူၣ် ဒီးဘံၣ်ယၤမံၣ်အဒူၣ်အပူၤ, ပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိ တဖၣ်, ဒီးပှၤကိးဂၤဒဲးလၢကစၢ်ယွၤထိၣ်ဂဲၤထီၣ်အသးန့ၣ်ကတဲာ်ကတီၤ ထီၣ်အသးလၢကက့ၤဒီးသူၣ်ထီၣ်ကဒါက့ၤယွၤအတၢ်လုၢ်ဟံၣ်လၢ ဝ့ၢ်ယရူၤၡလ့ၣ်အပူၤန့ၣ်လီၤ.

လံာ်ယၡါယၤ 37:12

ယမိၢ်ပၢ်ဖံဖုတဖၣ်မၤဟးဂီၤကွံာ်ဝ့ၢ်တဖၣ်လၢအမ့ၢ်ဝဲကိစၣ်, ဃရၣ်, ဒီးရ့စ့း, ဒီးမၤသံတ့ၢ်ပှၤဧ့ဒ့ၣ်ဖိလၢအအိၣ်လၢသလး စၢ်အပူၤ, ဒီးအကစၢ်တဖၣ်အုၣ်က့ၤခီၣ်က့ၤအဝဲသ့ၣ်တသ့ နီတဂၤဘၣ်.

လံာ်ယၡါယၤ 37:18

ယွၤဧၢ, ပဝဲခဲလၢာ်ပသ့ၣ်ညါလၢကီၢ်အၤၡူၢ်အစီၤပၤဖးဒိၣ်တဖၣ် မၤဟးဂီၤတ့ၢ်ပှၤကလုာ်အါကလုာ်ဒီးဒုးအိၣ်သယုၢ်သညိ အထံအကီၢ်တဖၣ်,