လံာ်ကွဲးနီၣ်တၢ်အခီၣ်ထံးတဘ့ၣ် 5:22 - Sgaw Karen Common Bible

²² အဝဲသ့ၣ်မၤသံကွံာ်အဒုၣ်အဒါအါအါဂီၢ်ဂီၢ်မ့ၢ်လၢတၢ်ဒုးတၢ် ယၤမ့ၢ်ကစၢ်ယွၤအတၢ်ဘၣ်အသးအဃိန့ၣ်လီၤ. ဒီးအဝဲသ့ၣ်အိၣ်ဝဲဆိးဝဲဖဲတၢ်လီၢ်ဖဲန့ၣ်တုၤအဘၣ်တၢ်စိာ်မၢ ကဲကုၢ်အီၤတစုန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 5:22 Iomraidhean Croise

လံာ်တၢ်ကဲထီၣ်အခီၣ်ထံး 49:19

စီၤကးကဘၣ်တၢ်ဒုးအီၤလၢတမျိးတမျာ်တဖု, ဘၣ်ဆၣ်အဝဲကဃၣ်အသးဒီးလူၤကဒါက့ၤအဝဲသ့ၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 15:29

ဖဲစီၤပ့ကးကဲစီၤပၤအကတီၢ်န့ၣ်ကီၢ်အၤၡူၢ်အစီၤပၤဖးဒိၣ် တံးကလးပလ့စ့ၢ်မၤန့ၢ်ဝ့ၢ်တဖၣ်လၢအမ့ၢ်ဝဲဧံၤယိၣ်, အၤဘ့ၤလးဘ့ၤသမၤကၤ, ယၤနိဃၤ, က့ဒ့ၣ်ဒီးဃါစိၢ်, ဒီးလီၢ်ကဝီၤတဖၣ်လၢကီၢ်ကံးလဧးလၢအမ့ၢ်ကၤလံၤလါဒီးနးသၤ လံဒီးက့ၤကိးပှၤဂီၢ်မုၢ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ် အသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:6

လၢအမ့ၢ်စီၤဟိၤၡ့ပၢတၢ်ခွံနံၣ်တနံၣ်န့ၣ်, ကီၢ်အၤၡူၢ်အစီၤပၤဖးဒိၣ်မၤန့ၢ်ၡၤမရံဒီးစိာ်ထီၣ်ကွံာ်ပှၤ အံၣ်စရ့လးဖိတဖၣ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ်အသိး, ဒီးပာ်လီၤအဝဲသ့ၣ်ပှၤတနီၤလၢဝ့ၢ်ဃၤလၤအပူၤ, တနီၤဘူးဒီးထံကျိဃၤဘိၢ်လၢကီၢ်ဆၣ်ကိစၣ်အပူၤ, ဒီးတနီၤလၢကီၢ်မံးဒယၣ်အဝ့ၢ်တဖၣ်အပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 4:41

လၢယူဒၤအစီၤပၤဃံးစကံယၤအစိၤန့ၣ်ပှၤလၢအမံၤဘၣ်တၢ်ယၢၤ ထီၣ်အီၤလၢထးသ့ၣ်တဖၣ်အံၤလဲၤဝဲဆူဝ့ၢ်ကဒိၢ်ဒီးမၤဟးဂီၤကွံာ် ပှၤအိၣ်ဖဲန့ၣ်အဒဲဒီးအတၢ်အိၣ်တၢ်ဆိးအလီၢ်တဖၣ်န့ၣ်လီၤ. အဝဲသ့ၣ်ဟီထီၣ်ကွံာ်ပှၤဂီၢ်မုၢ်တဖၣ်န့ၣ်ဒီးအိၣ်ဆိးဖဲန့ၣ်ထီဘိ ဂၢၢ်ကျၢၤမ့ၢ်လၢတၢ်အီၣ်ဆၣ်အလီၢ်အါအါဂီၢ်ဂီၢ်အိၣ်လၢအသိတဖၣ် အဂီၢ်အဃိန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 5:21

အဝဲသ့ၣ်မၤန့ၢ်ကီၤလးအူးအဒုယဲၢ်ကလး, သိအဒု ခံကလီၢ်ယဲၢ်ကလး, ကသ့ၣ်ယီၤအဒု ခံကထိ လၢအဒုၣ်အဒါတဖၣ်အအိၣ်ဒီးဖီၣ်န့ၢ်ပှၤက ညီတကလီၢ် ဂၤဒ်တၢ်ဒုးတၢ်ယၤအပှၤဘၣ်စၢဃာ်တဖၣ်အသိးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 5:26

လၢတၢ်န့ၣ်အဃိကစၢ်ယွၤထိၣ်ဂဲၤထီၣ်ကီၢ်အၤၡူၢ်အစီၤပၤဖးဒိၣ် ပူလး (ဘၣ်တၢ်သ့ၣ်ညါစ့ၢ်ကီးလၢစီၤပၤတံးကလးပလ့စ့ၢ်) အသးလၢကနုာ်လီၤဒုးအဝဲသ့ၣ်အထံအကီၢ်န့ၣ်လီၤ. ဒီးအဝဲဟီထီၣ်ကွံာ်ပှၤရူၤဘ့ၣ်, ကးဒီးမုၢ်ထီၣ်မနၤၡ့ၤအဒူၣ် တဖၣ်ဒီးလဲၤဒုးအိၣ်ဆိးဂၢၢ်ကျၢၤအဝဲသ့ၣ်လၢဃၤလၤ, ဃၤဘိၢ်, ဟၤရၢ်ဒီးထံကျိကိစၣ်အကပၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 6:26

အအံၤမ့ၢ်စီၤအဃံမိးအစၢၤအသွဲၣ်တဖၣ်လၢစိၤတစိၤဘၣ်တစိၤန့ၣ် လီၤ. စီၤအ့လကါနၤ, စီၤစိၤဖဲ, စီၤနၤဃး,

လံာ်ကွဲးနီၣ်တၢ်ခံဘ့ၣ်တဘ့ၣ် 26:7

ကစၢ်ယွၤမၤစၢၤအီၤလၢအကမၤနၢၤကွံာ်ပှၤဖလ့ၡသးဖိတဖၣ်, ပှၤဧ့ရ့းဖိတဖၣ်လၢအအိၣ်ဝဲဆိးဝဲလၢကူၢ်ဘဧၤလး, ဒီးပှၤမူနးဖိသ့ၣ်တဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:8

အဝဲအိၣ်ဒီးပှၤဟီၣ်ခိၣ်ဖိအတၢ်စိတၢ်ကမီၤ, မ့မ့ၢ်ပဝဲပအိၣ်ဒီးယွၤ, ပကစၢ်ယွၤလၢကမၤစၢၤပှၤဒီးဒုးန့ၢ်ပတၢ်ဒုးတဖၣ်န့ၣ်လီၤ.” ပှၤဂီၢ်မုၢ်ဘၣ်တၢ်ဟ့ၣ်ဂံၢ်ဟ့ၣ်ဘါအီၤလၢအဝဲသ့ၣ်အစီၤပၤအတၢ် ကတိၤတဖၣ်အံၤန့ၣ်လီၤ.

ရိမ့ၤ 8:31

လၢတၢ်အံၤအဃိ, ပစံးမနုၤကသ့လဲၣ်. ကစၢ်ယွၤမ့ၢ်အိၣ် လၢပဂီၢ်ဒီး, မ့ၢ်မတၤကထီဒါပှၤတဂၤလဲၣ်.

လံာ်စီၤယိၤၡူ 23:10

ပှၤလၢသုကျါတဂၤဒုးဃ့ၢ်ပှၤအဂၤတကထိသ့လီၤ. အဂ့ၢ်မ့ၢ်လၢယွၤသုကစၢ်ယွၤဒုးတၢ်လၢသုဂီၢ်ဒ်အအၢၣ်လီၤတ့ၢ်ဝဲအသိးအဃိန့ၣ်လီၤ.