လံာ်ကွဲးနီၣ်တၢ်အခီၣ်ထံးတဘ့ၣ် 5:2 - Sgaw Karen Common Bible

² မ့ၢ်နာ်သက့ဒီး, ယူဒၤမ့ၢ်ဒူၣ်တဒူၣ်လၢအကဲထီၣ်ပှၤဂံၢ်ဆူၣ်ဘါ ဆူၣ်ကတၢၢ်ဒီးဒုးအိၣ်ထီၣ်ပှၤပၢတၢ်တဂၤလၢကယဲၢ်ပှၤအဒူၣ်ခဲလၢာ် အဂီၢ်န့ၣ်လီၤ.)

လံာ်ကွဲးနီၣ်တၢ်အခီၣ်ထံးတဘ့ၣ် 5:2 Iomraidhean Croise

လံာ်တၢ်ကဲထီၣ်အခီၣ်ထံး 25:31

ဒီးစီၤယၤကိာ်စံးဆၢအီၤ, “နမ့ၢ်ဟ့ၣ်ယၤလၢဖိဝဲၢ်ကိတၢ် န့ၢ်သါအတၢ်ဆိၣ်ဂ့ၤန့ၣ်ယကဟ့ၣ်နၤတၢ်န့ၣ်လီၤ.”

လံာ်တၢ်ကဲထီၣ်အခီၣ်ထံး 35:23

နီၢ်လ့ၤအၤအဖိခွါတဖၣ်မ့ၢ်ဝဲ, စီၤရူၤဘ့ၣ် (စီၤယၤကိာ်အဖိ ဝဲၢ်ကိ) စီၤစူၤမ့းအိၣ်, စီၤလ့ၤဝံ, စီၤယူဒၤ, စီၤယံးစၣ်ကၢ်ဒီး စီၤစဘူလိၣ်လီၤ.

လံာ်တၢ်ကဲထီၣ်အခီၣ်ထံး 48:5

စီၤယၤကိာ်စံးကဒီးဝဲ, “စီၤယိၤသးဧၢ, နဖိခွါခံဂၤလၢအအိၣ်ဖျဲၣ်ထီၣ်လၢနဂီၢ်လၢကီၢ်အဲၤကူပတူးအ ပူၤ, တချုးယဟဲဒံးဘၣ်ဖဲအံၤန့ၣ်ဘၣ်ဃးဒီးယၤလီၤ. စီၤအ့ဖရဲၣ်ဒီးစီၤမနၤၡ့ၤတဖၣ်န့ၣ်, မ့ၢ်စ့ၢ်ကီးယဖိခွါတဖၣ် ဒ်စီၤရူၤဘ့ၣ်ဒီးစီၤစူၤမ့းအိၣ်အသိးန့ၣ်လီၤ.

လံာ်တၢ်ကဲထီၣ်အခီၣ်ထံး 49:26

တၢ်ဆိၣ်ဂ့ၤတဖၣ်လၢဘုဧိၤဟုဧိၤဒီးဖီတဖၣ်, တၢ်ဆိၣ်ဂ့ၤတဖၣ်ဟဲလၢကစၢၢ်ကလိလၢပျၢၤတဖၣ်, တၢ်လၢအဘၣ်သူၣ်ဘၣ်သးပှၤတဖၣ်လၢအဟဲလၢတၢ်လူၢ် အထူအယိာ်တဖၣ်န့ၣ်လီၤ. မ်တၢ်ဆိၣ်ဂ့ၤတဖၣ်အံၤလီၤဘၣ်လၢစီၤယိၤသး, ပှၤတဂၤလၢအဘၣ်တၢ်ပာ်လီၤဆီအီၤဒီးအဒီပုၢ်ဝဲၢ်ခွါတဖၣ်, အခိၣ်ဖီခိၣ်အမဲာ်တူၢ်ခိၣ်တက့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 8:15

စီၤဒၤဝံးပၢတၢ်လၢကီၢ်အံၣ်စရ့လးဒီကီၢ်ညါအဖီခိၣ်, ဒီးမၤလီၤတံၢ်ဝဲလၢ, အဝဲအပှၤဂီၢ်မုၢ်တဖၣ်ဘၣ်တၢ်မၤအီၤဒ်အကြၢးဝဲဘၣ်ဝဲ, အိၣ်ဒီးတၢ်စံၣ်ညီၣ်တီတဘိယူၢ်ဃီန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:4

ယွၤ, အံၣ်စရ့လးအကစၢ်ယွၤဃုထၢတ့ၢ်ယၤဒီးယစၢၤယသွဲၣ်တဖၣ်လၢ ကပၢအံၣ်စရ့လးလီၤစိၤလီၤထီန့ၣ်လီၤ. အဝဲဃုထၢတ့ၢ်ပှၤယူဒၤဖိအဒူၣ်လၢကဟ့ၣ်ထီၣ်ခိၣ်နၢ်တဖၣ်, ဒီးလၢယူဒၤအကျါန့ၣ်, အဝဲဃုထၢတ့ၢ်ယပၢ်အပှၤဟံၣ်ဖိ ဃီဖိန့ၣ်လီၤ. လၢကယဲၢ်ပှၤဟံၣ်ဖိဃီဖိခဲလၢာ်အကျါ, အဝဲဘၣ်သူၣ်ဘၣ်သးတ့ၢ်လၢကဃုထၢယၤဒီးဒုးကဲထီၣ်ယၤစီၤပၤ လၢပှၤအံၣ်စရ့လးဖိခဲလၢာ်အဖီခိၣ်န့ၣ်လီၤ.

စံးထီၣ်ပတြၢၤ 108:8

ကံးလဧးမ့ၢ်ယတၢ်, ဒီးမနၤၡ့ၤမ့ၢ်ယတၢ်စ့ၢ်ကီးလီၤ. အ့ဖရဲၣ်မ့ၢ်ယခိၣ်သလုးထး, ယူဒၤမ့ၢ်ယစီၤပၤအနီၣ်ထိးဘိလီၤ.

စံးထီၣ်ပတြၢၤ 60:7

ကံးလဧးမ့ၢ်ယတၢ်, မနၤၡ့ၤမ့ၢ်ယတၢ်, အ့ဖရဲၣ်မ့ၢ် ယခိၣ်သလုးထး, ဒီးယူဒၤမ့ၢ်ယစီၤပၤအနီၣ်ထိးလီၤ.

လံာ်မံကၤ 5:2

ယွၤစံးဝဲဒၣ်, “ဘ့ၤသလ့ဃ့ၣ်အ့ဖရၤသးဧၢ, နမ့ၢ်ဝ့ၢ်အဆံးကတၢၢ်တဖၣ်အကျါတဝ့ၢ်လၢကီၢ်ယူဒၤအပူၤလီၤ. ဘၣ်ဆၣ်ယကဒုးဟဲထီၣ်ပှၤပၢတၢ်တဂၤလၢကီၢ်အံၣ်စရ့လးအဂီၢ်လၢ နပူၤလီၤ. အဝဲအဒူၣ်ဖိထၢဖိအခီၣ်ထံးခီၣ်ဘိန့ၣ်မ့ၢ်တၢ်လၢပျၢၤလၢကစၢၤ လံၤလံၤန့ၣ်လီၤ”.

လံာ်တၢ်ဂံၢ် 2:3

လၢမုၢ်ထီၣ်တကပၤန့ၣ်ပှၤလၢအအိၣ်လၢယူဒၤအကရူၢ်အနီၣ်တယၢ်အဖီ လာ်တဖၣ်ကပာ်လီၤအသူၣ်ဒဲလီၢ်လၢအပှၤကရူၢ်တဖၣ်ဒၣ်ဝဲအပူၤ, လၢအပှၤခိၣ်ပှၤနၢ်တဖၣ်အဖီလာ်ဒ်လၢလာ်အံၤအသိးန့ၣ်လီၤ. ယူဒၤအကရူၢ်, အပှၤအခိၣ်မ့ၢ်, စီၤဧမံၤနဒးအဖိခွါစီၤနၤဃၡိၣ်, ဒီးအပှၤခဲလၢာ် နွံကလးလွံၢ်ကထိဃုကယၤ ဂၤန့ၣ်လီၤ. ယံးစၣ်ကၢ် အကရူၢ်, အပှၤအခိၣ်မ့ၢ်, စီၤစူဧၢ်အဖိခွါစီၤနၤသန့လး, ဒီးအပှၤခဲလၢာ် ယဲၢ်ကလးလွံၢ်ကထိလွံၢ်ကယၤဂၤန့ၣ်လီၤ. စဘူလိၣ်အကရူၢ်, အပှၤအခိၣ်မ့ၢ်, စီၤဃ့လူၣ်အဖိခွါစီၤအလံအာ်, ဒီးအပှၤခဲလၢာ် ယဲၢ်ကလးနွံကထိလွံၢ်ကယၤ ဂၤန့ၣ်လီၤ. ပှၤနီၣ်ဂံၢ် ပာ်ဖှိၣ်ခဲလၢာ်မ့ၢ်ဝဲ, တကလီၢ်ဃိးကလးဃုကထိလွံၢ် ကယၤဂၤ န့ၣ်လီၤ. ယူဒၤအကရူၢ်ကလဲၤထီၣ်ဝဲလၢညါလီၤ.

လံာ်တၢ်ဂံၢ် 7:12

အဝဲသ့ၣ်ဟ့ၣ်ထီၣ်အတၢ်လုၢ်မၤဘူၣ်တဖၣ်ဒ်တၢ်ရဲၣ်လီၤကျဲၤလီၤလၢ လာ်အံၤအသိးန့ၣ်လီၤ. မုၢ်နံၤ ပှၤအဒူၣ် အခိၣ်အနၢ် တၢတသီ ယူဒၤ စီၤဧမံၤနဒးအဖိခွါစီၤနၤဃၡိၣ် ခံသီတသီ ယံးစၣ်ကၢ် စီၤစူဧၢ်အဖိခွါစီၤနၤသန့လး သၢသီတသီ စဘူလိၣ် စီၤဃ့လူၣ်အဖိခွါစီၤအလံအာ် လွံၢ်သီတသီ ရူၤဘ့ၣ် စီၤၡဒ့အူၢ်အဖိခွါစီၤအလံစူၢ် ယဲၢ်သီတသီ စူၤမ့းအိၣ် စီၤစူၤရံၡးဒံၤအဖိခွါစီၤၡလူမံၤအ့လး ဃုသီတသီ ကး စီၤဒဧူၤအ့လးအဖိခွါစီၤအ့လယၤစာ် နွံသီတသီ အ့ဖရဲၣ် စီၤဧးမံၤဟူးအဖိခွါစီၤအလံၡမၤ ဃိးသီတသီ မနၤၡ့ၤ စီၤပဒၤစူၢ်အဖိခွါစီၤကမၤလ့လး ခွံသီတသီ ဘံၣ်ယၤမံၣ် စီၤကံးဒဧိနံၤအဖိခွါစီၤအဘံဒၣ် တဆံသီတသီ ဒၣ် စီၤဧးမံၤၡးဒံၤအဖိခွါစီၤအဃံၤဧ့စ့ၢ် တဆံတၢသီတသီ အၤၡ့ၢ် စီၤဧးကရၣ်အဖိခွါစီၤပးကံၤအ့လး တဆံခံသီတသီ နးသၤလံ စီၤဧ့နၣ်အဖိခွါစီၤအဃံရၤ တၢ်လုၢ်မၤဘူၣ်တဖၣ်လၢပှၤတဂၤ ဘၣ်တဂၤဟဲစိာ်ဝဲဒ်သိးသိးလိာ်အသးန့ၣ်လီၤ. မ့ၢ်ဝဲ, သလၢစ့တဖျၢၣ်လၢအဃၢလီၤတယၢၢ်ၡက့လးနွံဆံဒီးသီတ့ၤစ့တဘ့ၣ် လၢအဃၢလီၤတယၢၢ်ၡက့လးတကယၤသၢဆံဒ်တၢ်လုၢ်လီၢ် အနီၣ်ထိၣ်အိၣ်ဝဲဒၣ်အသိးန့ၣ်လီၤ. ဒီးလၢခံမံၤလိာ်အပူၤန့ၣ်ပှဲၤဝဲဒၣ်လၢကိၣ်ကမူၣ်ဃါဃုာ် အသးလၢသိလၢတၢ်လုၢ်မၤဘူၣ်ကိၣ်တဖၣ်အဂီၢ်န့ၣ်လီၤ. လီခီထူတဘ့ၣ်လၢအဃၢလီၤတယၢၢ်ၡက့လးတဆံပှဲၤဒီးတၢ်နၢမူ, ကျီၢ်ဖါဖိတဒု, သိဖါတဒု, ဒီးသိဖိအသးအိၣ်တနံၣ်တဒု, လၢတၢ်လုၢ်မ့ၣ်အူအဂီၢ်, ဒီးမဲာ်တဲးလဲးတဒုလၢတၢ်လုၢ်တၢ်ပျၢ်တၢ်ဒဲးဘးအဂီၢ်, ဒီးကျီၢ်ဖါခံဒု, သိဖါယဲၢ်ဒု, မဲာ်တဲးလဲးယဲၢ်ဒု, သိဖိအသးအိၣ်တနံၣ်ယဲၢ်ဒုလၢတၢ်လုၢ်မၤဃူမၤဖိးအဂီၢ်န့ၣ် လီၤ.

လံာ်မးသဲ 2:6

‘ယွၤစံးဝဲ, ဘ့ၤသလ့ဃ့ၣ်လၢအဘၣ်ဃးဒီး ကီၢ်ယူဒၤဧၢ, နတမ့ၢ်တီနံဝ့ၢ်အဆံးကတၢၢ်လၢ ကီၢ်ယူဒၤအပူၤဘၣ်. အဂ့ၢ်ဒ်အံၤခိၣ်နၢ်တဂၤ လၢကပၢကဆှၢယပှၤဂီၢ်မုၢ်အံၣ်စရ့လးန့ၣ် ကဟဲထီၣ်လၢနပူၤလီၤ’ ” (မံ. ၅:၂).

ရိမ့ၤ 8:29

ပှၤလၢကစၢ်ယွၤဃုထၢပာ်ဝဲတဖၣ်န့ၣ်, ပာ်လီၤဆီဝဲလၢအကကဲထီၣ်ပှၤလၢအလီၤဂာ်ဒီးအဖိခွါ, ဒ်သိးအဖိခွါကကဲထီၣ်ဝဲၢ်ကိလၢဒီပုၢ်ဝဲၢ်အါဂၤအကျါ န့ၣ်လီၤ.

လံာ်သိၣ်လီၤသီလီၤတၢ် 21:17

အဝဲကဘၣ်ဟ့ၣ်အတၢ်စုလီၢ်ခီၣ်ခိၣ်အတၢ်ဟ့ၣ်နီၤခံစးဆူဖိခွါဝဲၢ်ကိ, ဖဲအဝဲတမ့ၢ်ဘၣ်အဝဲအမါလၢအအဲၣ်ဒိၣ်ဝဲအဖိခွါဒၣ်လဲာ်န့ၣ်လီၤ. ပှၤတဂၤန့ၣ်ကဘၣ်သ့ၣ်ညါနီၣ်အဖိခွါဝဲၢ်ကိဒီးဟ့ၣ်အီၤတၢ်ဟ့ၣ် နီၤလၢအဝဲကြၢးဒိးန့ၢ်ဝဲအလီၢ်အိၣ်ဒ်တၢ်သိၣ်တၢ်သီအိၣ်ဝဲအသိးန့ၣ်လီၤ.

လံာ်သိၣ်လီၤသီလီၤတၢ် 33:17

စီၤယိၤသးအိၣ်ဒီးဂီၤဖံးဖါတဒုအတၢ်ဂံၢ်တၢ်ဘါ, ဂီၤဖံးဖါလၢအရၢၢ်အစၢၢ်တစုအနၢၤတဖၣ်လီၤ. အဝဲအနၢၤတဖၣ်န့ၣ်မ့ၢ်ဒ်မနၤၡ့ၣ်အကထိတဖၣ် ဒီးအ့ဖရဲၣ်အကလးတဖၣ်အသိးန့ၣ်လီၤ. အဝဲဘျၢၣ်ပှၤကလုာ်တဖၣ်လၢနၢၤတဖၣ်န့ၣ်, ဒီးဆီၣ်လီၤကွံာ်အဝဲသ့ၣ်တုၤလၢဟီၣ်ခိၣ်အကတၢၢ်တဖၣ်န့ၣ်လီၤ.”

ဧ့ၤဘြံၤ 7:14

ပှၤသ့ၣ်ညါလီၤတံၢ်လီၤဆဲးလၢပကစၢ်ဟဲလီၤစၢၤဝဲလၢ စီၤယူဒၤအဒူၣ်ဒီးဖဲအဘၣ်ဃးဒီးဒူၣ်အံၤအဂ့ၢ်န့ၣ်, စီၤမိၤၡ့တယၢၤထီၣ်ပှၤလုၢ်တၢ်အခိၣ်တဖၣ်အဂ့ၢ်နီတမံၤဘၣ်.

လံာ်စီၤယိၤၡူ 14:6

ဘၣ်တနံၤပှၤယူဒၤအဒူၣ်ဖိတနီၤဟဲဆူစီၤယိၤၡူအအိၣ်ဖဲဝ့ၢ်ကံး လကၤလးန့ၣ်လီၤ. အကျါတဂၤလၢအမ့ၢ်ပှၤကနးဖိစီၤယဖူန့ၤအဖိခွါစီၤကၤလ့းန့ၣ်စံးဘၣ်အီၤ, “နသ့ၣ်ညါတၢ်လၢယွၤစံးဘၣ်စီၤမိၤၡ့လၢယဂ့ၢ်ဒီးနဂ့ၢ် ဖဲဝ့ၢ်ကၤဒ့ၣ်ဘၢ်န့အပူၤကစီဒီလီၤ.

လံာ်လီၣ်ဖျါ 5:5

တုၤနုၤတစု ပှၤသူၣ်က့သးပှၢ်အကျါတဂၤစံးဘၣ်ယၤ, “တဘၣ်ဟီၣ်တဂ့ၤ. ကွၢ်တက့ၢ်. ခ့ယုၢ်လၢစီၤယူဒၤအဒူၣ် အထၢအပူၤ, ပှၤဖးဒိၣ်လၢအဟဲလီၤစၢၤလၢစီၤဒၤဝံးတဂၤန့ၣ်, ဒိးန့ၢ်ဘၣ်တၢ်မၤနၢၤလံ, ဒီးအဝဲဒၣ်မၤသ့ၣ်ဖးတၢ်စဲပနီၣ်ဃာ်နွံခါဒီးအိးထီၣ်လံာ်ထူ န့ၣ်သ့ဝဲလီၤ.”

လံာ်ပှၤစံၣ်ညီၣ်ကွီၢ် 1:2

ဒီးယွၤစံးဝဲဒၣ်, “ယူဒၤအဒူၣ်ကလဲၤလၢညါလီၤ. ယဟ့ၣ်လီၤကီၢ်တဘ့ၣ်န့ၣ်လၢအတၢ်ပၢအဖီလာ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 16:1

ယွၤစံးဘၣ်စီၤၡမူၤအ့လး, “မ့ၢ်နကသးအုးလၢစီၤစီလူးအဃိ ဆူညါဆံးယံာ်လဲၣ်. ယညိကွံာ်တ့ၢ်အီၤဒ်ကီၢ်အံၣ်စရ့လး အစီၤပၤတဂၤအသိးလံ. မ့မ့ၢ်ခဲကနံၣ်အံၤဟံးန့ၢ်သ့ၣ်စၤယံးအသိတနီၤဒီးလဲၤဆူ ဝ့ၢ်ဘ့ၤသလ့ဃ့ၣ်ဆူပှၤတဂၤလၢအမံၤမ့ၢ် စီၤယံးၡဲအအိၣ်တက့ၢ်. အဂ့ၢ်ဒ်အံၤ, ယဃုထၢတ့ၢ်အဖိခွါတဖၣ်အကျါတဂၤလၢအကကဲထီၣ်စီၤပၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 16:10

လၢကျဲဒ်အံၤန့ၣ်စီၤယံးၡဲဟဲကိးအဖိခွါခဲလၢာ်နွံဂၤဆူ စီၤၡမူၤအ့လးအအိၣ်လီၤ. ဒီးစီၤၡမူၤအ့လးစံးဘၣ်အီၤ, “တမ့ၢ်ဘၣ်. ယွၤတဃုထၢဘၣ်ပှၤတဖၣ်အံၤနီတဂၤဂၤဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 16:12

မၤသးဒ်န့ၣ်ဒီး, စီၤယံးၡဲမၢပှၤလဲၤကိးအီၤလီၤ. အဝဲမ့ၢ်ပှၤဒိၣ်တၢ်ဂ့ၤ, ပှၤသးစၢ်လၢအအိၣ်ဆူၣ်အိၣ်ချ့ ဒီးအမဲာ်ချံတဖၣ်ကပြုၢ်ကပြီၤဝဲလီၤ. ယွၤစံးဘၣ်စီၤၡမူၤအ့လး, “အဝဲအံၤမ့ၢ်ပှၤတဂၤန့ၣ်လီၤ. ဖှူအီၤတက့ၢ်.”