လံာ်ကွဲးနီၣ်တၢ်အခီၣ်ထံးတဘ့ၣ် 5:1 - Sgaw Karen Common Bible

¹ အအံၤမ့ၢ်စီၤယၤကိာ်အဖိခွါဝဲၢ်ကိစီၤရူၤဘ့ၣ်အစၢၤအသွဲၣ် တဖၣ်န့ၣ်လီၤ. (မ့ၢ်လၢအဝဲအိၣ်ဃုာ်ဒီးအပၢ်အသံၣ်မါတဖၣ်အကျါတဂၤအဃိ, တၢ်ခွဲးတၢ်ယာ်တဖၣ်လၢအဘၣ်ဃးဒီးဖိဝဲၢ်ကိလီၤမၢ်ကွံာ်န့ၢ် အီၤ, ဒီးတၢ်ခွဲးတၢ်ယာ်တဖၣ်န့ၣ်ဘၣ်တၢ်ဟ့ၣ်လီၤကွံာ်အီၤဆူစီၤယိၤ သးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 5:1 Iomraidhean Croise

လံာ်တၢ်ကဲထီၣ်အခီၣ်ထံး 25:23

ဒီးယွၤစံးဘၣ်အီၤ, “ပှၤကလုာ်ခံကလုာ်အိၣ်ဝဲလၢနပူၤလီၤ. နကဆံးစၢ်ထီၣ်, ပှၤဂီၢ်မုၢ်ထီဒါလိာ်သးခံဖုန့ၣ်လီၤ. ပှၤတကလုာ်ကဆူၣ်န့ၢ်အဂၤတကလုာ်လီၤ. ပှၤအဒိၣ်ကဘၣ်မၤတၢ်ခ့တၢ်ပှၤ အတၢ်မၤလၢပှၤအဆံးအဂီၢ်န့ၣ်လီၤ.”

လံာ်တၢ်ကဲထီၣ်အခီၣ်ထံး 25:31

ဒီးစီၤယၤကိာ်စံးဆၢအီၤ, “နမ့ၢ်ဟ့ၣ်ယၤလၢဖိဝဲၢ်ကိတၢ် န့ၢ်သါအတၢ်ဆိၣ်ဂ့ၤန့ၣ်ယကဟ့ၣ်နၤတၢ်န့ၣ်လီၤ.”

လံာ်တၢ်ကဲထီၣ်အခီၣ်ထံး 29:32

ဒီးနီၢ်လ့ၤအၤဒၢထီၣ်ဒီးဆံးစၢ်န့ၣ်အဖိခွါတဂၤလီၤ. ဒီးစံးဝဲ, “ယွၤထံၣ်တ့ၢ်လံယတၢ်ကီတၢ်ခဲလံ, ဒီးခဲကနံၣ်အံၤယဝၤကအဲၣ်ယၤလီၤ.” ဒီးယုၢ်န့ၢ်အမံၤလၢစီၤရူၤဘ့ၣ်လီၤ.

လံာ်တၢ်ကဲထီၣ်အခီၣ်ထံး 35:22

ဖဲစီၤယၤကိာ်အိၣ်ဝဲဆိးဝဲလၢကီၢ်န့ၣ်အခါ, စီၤရူၤဘ့ၣ်လဲၤမံဃုာ်ဒီးနီၢ်ဘံၤလဟၤ, လၢအမ့ၢ်အပၢ်အသံၣ်မါ ကျါတဂၤန့ၣ်လီၤ. စီၤယၤကိာ်နၢ်ဟူတၢ်န့ၣ်ဒီးအသးကဲၤထီၣ်ဝဲဒၣ်န့ၣ်လီၤ. စီၤယၤကိာ်အိၣ်ဒီးအဖိခွါတဆံခံဂၤန့ၣ်လီၤ.

လံာ်တၢ်ကဲထီၣ်အခီၣ်ထံး 46:8

စီၤယၤကိာ်အဒူၣ်ဖိထၢဖိလၢအလဲၤဃုာ်တၢ်ဒီးအီၤဆူကီၢ်အဲၤ ကူပတူးတဖၣ်အမံၤဒီးအနီၣ်ဂံၢ်မ့ၢ်ဝဲ, အဖိဝဲၢ်ကိစီၤရူၤဘ့ၣ်

လံာ်တၢ်ကဲထီၣ်အခီၣ်ထံး 48:5

စီၤယၤကိာ်စံးကဒီးဝဲ, “စီၤယိၤသးဧၢ, နဖိခွါခံဂၤလၢအအိၣ်ဖျဲၣ်ထီၣ်လၢနဂီၢ်လၢကီၢ်အဲၤကူပတူးအ ပူၤ, တချုးယဟဲဒံးဘၣ်ဖဲအံၤန့ၣ်ဘၣ်ဃးဒီးယၤလီၤ. စီၤအ့ဖရဲၣ်ဒီးစီၤမနၤၡ့ၤတဖၣ်န့ၣ်, မ့ၢ်စ့ၢ်ကီးယဖိခွါတဖၣ် ဒ်စီၤရူၤဘ့ၣ်ဒီးစီၤစူၤမ့းအိၣ်အသိးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 2:1

စီၤယၤကိာ်အိၣ်ဒီးအဖိခွါတဆံခံဂၤလၢအမ့ၢ်ဝဲ, စီၤရူၤဘ့ၣ်, စီၤစူၤမ့းအိၣ်, စီၤလ့ၤဝံ, စီၤယူဒၤ, စီၤယံးစၣ်ကၢ်, စီၤစဘူလိၣ်,

လံာ်ကွဲးနီၣ်တၢ်အခီၣ်ထံးတဘ့ၣ် 26:10

လၢပှၤမရၤရံအဒူၣ်ထၢပူၤန့ၣ်, စီၤဃိစၤလၢအအိၣ်ဒီးအဖိခွါ လွံၢ်ဂၤအိၣ်စ့ၢ်ကီးဝဲလီၤ. အဖိခွါတဖၣ်မ့ၢ်ဝဲ, စီၤၡံမရံ (အဝဲတမ့ၢ်ဖိဝဲၢ်ကိသနာ်က့, အပၢ်ပာ်အီၤလၢပှၤအခိၣ်အလီၢ်န့ၣ်လီၤ),

လံာ်တၢ်ဟးထီၣ်ကွံာ် 6:14

ဒီးစီၤရူၤဘ့ၣ်လၢအမ့ၢ်စီၤယၤကိာ်အဖိဝဲၢ်ကိအိၣ်ဒီးအဖိခွါ လွံၢ်ဂၤလၢအမ့ၢ်စီၤဃနိာ်, စီၤပးလူး, စီၤဃ့စရိၣ်ဒီးစီၤကၢ်မံၤန့ၣ်လီၤ. အဝဲသ့ၣ်တဖၣ်န့ၣ်မ့ၢ်ရူၤဘ့ၣ်အဒူၣ်အထၢတဖၣ်အပၢ်လၢပျၢၤတဖၣ် န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 18:8

မၤမဲာ်ဆှးနပၢ်လၢတၢ်မံဃုာ်ဒီးနပၢ်အမါအဂုၤအဂၤတဂၤလၢ်လၢ်န့ၣ်တဂ့ၤ.

လံာ်တၢ်ဘူၣ်ထီၣ်ဘါထီၣ် 20:11

ဒီးပှၤလၢအမံဃုာ်ဒီးအပၢ်အမါတဂၤန့ၣ်မ့ၢ်အမၤမဲာ်ဆှးအပၢ်လီၤ. ဒီးကဘၣ်တၢ်မၤသံကွံာ်အီၤခံဂၤလိာ်န့ၣ်လီၤ. အဝဲသ့ၣ်အိၣ်ဒီးတၢ်ကမၣ်လၢကြၢးဘၣ်တၢ်မၤသံအီၤန့ၣ်လီၤ.

လံာ်တၢ်ဂံၢ် 1:5

ဒီးအအံၤမ့ၢ်ပိာ်ခွါတဖၣ်, ခိၣ်နၢ်တဖၣ်လၢပှၤအဒူၣ်တဖၣ်အပူၤ, လၢအဘၣ်တၢ်ဃုထၢအီၤလၢကမျၢၢ်ဒူၣ်ထၢအကျါလၢတၢ်မၤအံၤ အဂီၢ်လီၤ. ပှၤအဒူၣ် ပှၤအဒူၣ်အခိၣ် ရူၤဘ့ၣ် စီၤၡဒ့အူၢ်အဖိခွါစီၤအလံစူၢ် စူၤမ့းအိၣ် စီၤစူၤရံၡးဒံၤအဖိခွါစီၤၡ လူမံၤအ့လး ယူဒၤ စီၤဧမံၤနဒးအဖိခွါစီၤနၤဃၡိၣ် ယံးစၣ်ကၢ် စီၤစူဧၢ်အဖိခွါစီၤနၤသန့လး စဘူလိၣ် စီၤဃ့လူၣ်အဖိခွါစီၤအလံအာ် အ့ဖရဲၣ် စီၤဧးမံၤဟူးအဖိခွါစီၤအလံၡမၤ မနၤၡ့ၤ စီၤပဒၤစူၢ်အဖိခွါစီၤကမၤလ့လး ဘံၣ်ယၤမံၣ် စီၤကံးဒဧိနံၤအဖိခွါစီၤအဘံဒၣ် ဒၣ် စီၤဧးမံၤၡးဒံၤအဖိခွါစီၤအဃံၤဧ့စ့ၢ် အၤၡ့ၢ် စီၤဧးကရၣ်အဖိခွါစီၤပးကံၤအ့လး ကး စီၤဒဧူၤအ့လးအဖိခွါစီၤအ့လယၤစာ် နးသၤလံ စီၤဧ့နၣ်အဖိခွါစီၤအဃံရၤ

လံာ်တၢ်ဂံၢ် 16:1

စီၤယံးစဟၢ်အဖိခွါစီၤကိၤရးလၢပှၤလ့ၤဝံဖိစီၤကဃးအဒူၣ် ထၢပူၤ, အိၣ်ဒီးတၢ်ပာ်ဒူထီၣ်သးလၢတအဲၣ်ဒိးပာ်ကဲဘၣ်ဒီးကပူ ထီၣ်ထီဒါစီၤမိၤၡ့န့ၣ်လီၤ. ပှၤသၢဂၤလၢရူၤဘ့ၣ်အဒူၣ်ပူၤလၢအမ့ၢ်စီၤအလံအာ်အဖိခွါစီၤ ဒၤသၣ်ဒီးစီၤအဘံရၣ်ဒီးစီၤပ့ၤလ့းအဖိခွါစီၤအိၣ်, ပာ်ဖှိၣ်ထီၣ်အသးဒီးအီၤ,

လံာ်တၢ်ဂံၢ် 26:5

လၢရူၤဘ့ၣ်အဒူၣ်ပူၤ (စီၤရူၤဘ့ၣ်မ့ၢ်စီၤယၤကိာ်အဖိခွါအဒိၣ် ကတၢၢ်), ဒူၣ်ထၢတဖၣ်လၢအဘၣ်ထွဲဒီးစီၤဟနိာ်, စီၤပးလူး,

1 ကရံၣ်သူး 5:1

ခဲကနံၣ်အံၤ, တၢ်စံးတ့ၢ်စဲဃဲၤဝဲဒၣ်လၢတၢ်အိၣ်မူအအၢ အသီဘၣ်ဃးဒီးမုၣ်ခွါအတၢ်ဘၣ်ထွဲအိၣ်ဝဲလၢသုသိးသုကျါ, လၢအအၢမးဝဲတုၤဒၣ်လဲာ်, ပှၤသူခိၣ်ဖိဒၣ်လဲာ်တမၤတၢ်အၢတၢ်သီဒ်န့ၣ်အသိးဘၣ်လီၤ. ယဘၣ်တၢ်စံးဘၣ်တဲဘၣ်တ့ၢ်ယၤလၢပှၤပိာ်ခွါတဂၤအိၣ်ဃုာ်ဒီး အမိၢ်ယၢ်န့ၣ်လီၤ.

လံာ်သိၣ်လီၤသီလီၤတၢ် 21:17

အဝဲကဘၣ်ဟ့ၣ်အတၢ်စုလီၢ်ခီၣ်ခိၣ်အတၢ်ဟ့ၣ်နီၤခံစးဆူဖိခွါဝဲၢ်ကိ, ဖဲအဝဲတမ့ၢ်ဘၣ်အဝဲအမါလၢအအဲၣ်ဒိၣ်ဝဲအဖိခွါဒၣ်လဲာ်န့ၣ်လီၤ. ပှၤတဂၤန့ၣ်ကဘၣ်သ့ၣ်ညါနီၣ်အဖိခွါဝဲၢ်ကိဒီးဟ့ၣ်အီၤတၢ်ဟ့ၣ် နီၤလၢအဝဲကြၢးဒိးန့ၢ်ဝဲအလီၢ်အိၣ်ဒ်တၢ်သိၣ်တၢ်သီအိၣ်ဝဲအသိးန့ၣ်လီၤ.

လံာ်သိၣ်လီၤသီလီၤတၢ် 27:20

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢအမၤမဲာ်ဆှးအပၢ်ခီဖျိမံဃုာ်ဒီးအပၢ်အမါတဖၣ်အကျါတဂၤ ဂၤန့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

လံာ်သိၣ်လီၤသီလီၤတၢ် 33:17

စီၤယိၤသးအိၣ်ဒီးဂီၤဖံးဖါတဒုအတၢ်ဂံၢ်တၢ်ဘါ, ဂီၤဖံးဖါလၢအရၢၢ်အစၢၢ်တစုအနၢၤတဖၣ်လီၤ. အဝဲအနၢၤတဖၣ်န့ၣ်မ့ၢ်ဒ်မနၤၡ့ၣ်အကထိတဖၣ် ဒီးအ့ဖရဲၣ်အကလးတဖၣ်အသိးန့ၣ်လီၤ. အဝဲဘျၢၣ်ပှၤကလုာ်တဖၣ်လၢနၢၤတဖၣ်န့ၣ်, ဒီးဆီၣ်လီၤကွံာ်အဝဲသ့ၣ်တုၤလၢဟီၣ်ခိၣ်အကတၢၢ်တဖၣ်န့ၣ်လီၤ.”

ကလီးစဲ 1:15

ခရံာ်မ့ၢ်ကစၢ်ယွၤလၢပထံၣ်အီၤတသ့ဘၣ်တဂၤအက့ၢ်အဂီၤလီၤ. အဝဲမ့ၢ်ယွၤအဖိဝဲၢ်ကိလၢအအိၣ်ဆိဒီးအတီၤထီန့ၢ်တၢ်ဘၣ်တ့ အဂုၤအဂၤခဲလၢာ်န့ၣ်လီၤ.

လံာ်စီၤယိၤၡူ 14:6

ဘၣ်တနံၤပှၤယူဒၤအဒူၣ်ဖိတနီၤဟဲဆူစီၤယိၤၡူအအိၣ်ဖဲဝ့ၢ်ကံး လကၤလးန့ၣ်လီၤ. အကျါတဂၤလၢအမ့ၢ်ပှၤကနးဖိစီၤယဖူန့ၤအဖိခွါစီၤကၤလ့းန့ၣ်စံးဘၣ်အီၤ, “နသ့ၣ်ညါတၢ်လၢယွၤစံးဘၣ်စီၤမိၤၡ့လၢယဂ့ၢ်ဒီးနဂ့ၢ် ဖဲဝ့ၢ်ကၤဒ့ၣ်ဘၢ်န့အပူၤကစီဒီလီၤ.