လံာ်ကွဲးနီၣ်တၢ်အခီၣ်ထံးတဘ့ၣ် 4:9 - Sgaw Karen Common Bible

⁹ ပှၤအိၣ်ဝဲတဂၤလၢအမံၤမ့ၢ်ဝဲစီၤယၤဘ့း, လၢအဘၣ်တၢ်ပာ်ကဲ အီၤဒိၣ်ဒိၣ်ကလဲာ်လၢအဟံၣ်ဖိဃီဖိန့ၣ်လီၤ. အမိၢ်ယုၢ်န့ၢ်အမံၤလၢစီၤယၤဘ့းမ့ၢ်လၢအတၢ်အိၣ်ဖျဲၣ်ထီၣ်န့ၣ် ဒုးဆိးကဲးအမိၢ်ဒိၣ်မးအဃိန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 4:9 Iomraidhean Croise

လံာ်တၢ်ကဲထီၣ်အခီၣ်ထံး 3:16

ဒီးအဝဲစံးဘၣ်ပိာ်မုၣ်, “ယကမၤအါထီၣ်နတၢ်ကိၢ်တၢ်ဂီၤလၢနတၢ် ဒံၣ်ထီၣ်ဒၢထီၣ်အပူၤဒီးနတၢ်ဆိးကဲးလၢတၢ်ဆံးစၢ်ထီၣ်နဖိ အပူၤန့ၣ်လီၤ. တၢ်အံၤဒၣ်လဲာ်န့ၣ်နသးကအိၣ်ဒံးနဝၤဒီးအဝဲဒၣ်ကပၢနၤလီၤ.”

လံာ်တၢ်ကဲထီၣ်အခီၣ်ထံး 34:19

ဒီးစီၤၡက့ၣ်တသုးဆၢသုးကတီၢ်လၢကမၤတၢ်ဒ်အဘၣ်တၢ်ဟ့ၣ်ကူၣ်အီၤ ဘၣ်လီၤ. အဂ့ၢ်ဒ်အံၤ, အဝဲအဲၣ်လိာ်အသးဒီးစီၤယၤကိာ်အဖိမုၣ်န့ၣ်လီၤ. အဝဲဒၣ်န့ၣ်မ့ၢ်ပှၤအကါဒိၣ်ကတၢၢ်တဂၤလၢအဟံၣ်ဒူၣ်ဃီထၢအပူၤ န့ၣ်လီၤ.

လံာ်တၢ်ကဲထီၣ်အခီၣ်ထံး 35:18

ဘၣ်ဆၣ်ဘူးလၢအကသံ, ဖဲအတၢ်သါလၢခံကတၢၢ်န့ၣ်, အဝဲယုၢ်န့ၢ်အဖိခွါအမံၤလၢစီၤဘံၣ်အိနံလီၤ. မ့မ့ၢ်အပၢ်ယုၢ်န့ၢ်အမံၤလၢစီၤဘံၣ်ယၤမံၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 4:10

ဘၣ်ဆၣ်စီၤယၤဘ့းဘါထုကဖၣ်တၢ်ဆူအံၣ်စရ့လးအကစၢ် ယွၤဒီးစံးဝဲ, “ကစၢ်ယွၤဧၢ, ဆိၣ်ဂ့ၤယၤဒီးဟ့ၣ်လဲၢ်ထီၣ်ယအိၣ်ယဆိးအလီၢ်တ က့ၢ်. အိၣ်ဒီးယၤဒီးတြီဃာ်န့ၢ်ယၤလၢကယဲၢ်တၢ်အၢတၢ်သီ တမံၤလၢ်လၢ်လၢကမၤဆူးဆါယၤန့ၣ်တက့ၢ်.” ဒီးကစၢ်ယွၤဟ့ၣ်အီၤတၢ်လၢအဃ့ဝဲဒၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 4:8

စီၤကိးမ့ၢ်စီၤဧၤနူာ်ဒီးစီၤစိၤဘ့ဘၤတဖၣ်အပၢ်, ဒီးပၢ်ဖးဒိၣ်လၢပျၢၤလၤဒူၣ်ထၢတဖၣ်လၢအဟဲလီၤစၢၤလီၤသွဲၣ် လၢစီၤဟ့ၤရူၣ်အဖိခွါစီၤအဃၤရဃ့လးအဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 7:23

ဒီးအဝဲမံဃုာ်ကဒီးဒီးအမါဒီးအမါဒၢထီၣ်ဝဲဒီးဆံးစၢ်န့ၢ် အဖိခွါတဂၤန့ၣ်လီၤ. အဝဲသ့ၣ်ယုၢ်န့ၢ်ဝဲအမံၤလၢစီၤဘရံဧၤလီၤ. အဂ့ၢ်ဒ်အံၤ, တၢ်ကိၢ်တၢ်ဂီၤဟဲတုၤအိၣ်ဘၣ်အဝဲသ့ၣ်အဒူၣ်ဖိ ထၢဖိအဃိလီၤ.

တၢ်ကတိၤဒိ. 23:25

မ်နမိၢ်ဒီးနပၢ်ပာ်ကဖၢလၢအသးလၢနဃိန့ၣ်တက့ၢ်. ဟ့ၣ်နမိၢ်တၢ်သးခုအဝဲန့ၣ်တက့ၢ်.

လံာ်ယၡါယၤ 43:4

ယကဟ့ၣ်လီၤကွံာ်ပှၤဒီကလုာ်ခဲလၢာ်ခဲဆ့လၢတၢ်အုၣ်က့ၤခီၣ်က့ၤ နသးသမူအဂီၢ်လီၤ. အဂ့ၢ်ဒ်အံၤ, နမ့ၢ်တၢ်လုၢ်ဒိၣ်ပှ့ၤဒိၣ်လၢယဂီၢ်, ဒီးမ့ၢ်စ့ၢ်ကီးလၢယအဲၣ်နၤဒီးဟ့ၣ်နၤတၢ်လၤကပီၤအဃိန့ၣ် လီၤ.

မၤတၢ် 17:11

ပှၤဖဲန့ၣ်တဖၣ်ပာ်အသးလဲၢ်ဒိၣ်န့ၢ်ဒံးပှၤဝ့ၢ်သ့းစၤလနံဖိ တဖၣ်လီၤ. အဝဲသ့ၣ်ဒိကနၣ်တၢ်ကစီၣ်လၢတၢ်သူၣ်ဆူၣ်သးဂဲၤ အပူၤ, ဒီးဃုသ့ၣ်ညါနၢ်ပၢၢ်တၢ်ကွဲးအသးစီဆှံကိးနံၤဒဲးဒ်သိး အကသ့ၣ်ညါဘၣ်ဝဲတၢ်လၢစီၤပီလူးစံးကတိၤလၢအဂ့ၢ်တဖၣ်မ့ၢ်, တမ့ၢ်လဲၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:21

ပိာ်မုၣ်န့ၣ်ယုၢ်အဖိအမံၤလၢစီၤအံကဘိး, အခီပညီမ့ၢ်ဝဲ, “ကစၢ်ယွၤအလၤကပီၤပာ်တ့ၢ်ကွံာ်ကီၢ်အံၣ်စရ့လးလီၤ.” မ့ၢ်တၢ်ဒုးနဲၣ်လၢတၢ်မၤန့ၢ်ယွၤအတၢ်အၢၣ်လီၤအီလီၤအတလါစီ ဆှံဒီးအမံၤပှၢ်ဒီးအဝၤအတၢ်သံန့ၣ်အပနီၣ်လီၤ.