လံာ်ကွဲးနီၣ်တၢ်အခီၣ်ထံးတဘ့ၣ် 4:43 - Sgaw Karen Common Bible

⁴³ ဖဲန့ၣ်အဝဲသ့ၣ်မၤသံကွံာ်ဝဲပှၤဧမၤလ့းဖိလၢအအိၣ်လီၤတဲာ် တဖၣ်ဒီးအဝဲသ့ၣ်အိၣ်ဝဲဆိးဝဲဖဲန့ၣ်တုၤမုၢ်မဆါတနံၤအံၤ န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 4:43 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 8:12

လၢအမ့ၢ်ကီၢ်အဒိၣ်, ကီၢ်မိၤအး, ကီၢ်ဧၤမိၣ်, ကီၢ်ဖလ့ၡသး, ဒီးကီၢ်ဧမၤလ့း, ဃုာ်ဒီးတၢ်ဂုာ်န့ၢ်တနီၤလၢအဟဲက့ၤစိာ်ဝဲ လၢစီၤဟးဒးဧ့စ့ၢ်အအိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:9

နီၣ်ယိးဘိအထိးနါတဖၣ်ဘၣ်တၢ်ထံၣ်အီၤသ့လၢကယဲၢ်ပှၤတဂၤလၢ်လၢ် လၢအဆၢထၢၣ်ဖဲတၢ်လီၢ်စီဆှံကတၢၢ်အမဲာ်ညါလိၤလိၤ, မ့မ့ၢ်ပှၤဆၢထၢၣ်လၢတၢ်လီၢ်အဂၤတဖၣ်ထံၣ်အီၤတသ့ဘၣ်. (နီၣ်ယိးဘိတဖၣ်အိၣ်ဒံးဝဲဖဲန့ၣ်, တုၤမုၢ်မဆါတနံၤအံၤန့ၣ်လီၤ.)

လံာ်ယံးရမံယၤ 44:6

သတးဒီး, ယလူလီၤဂၢ်လီၤတ့ၢ် ယတၢ်သးဒိၣ်ဒီးသးကဲၤထီၣ်လၢ ကီၢ်ယူဒၤအဝ့ၢ်တဖၣ်အဖီခိၣ်ဒီးလၢဝ့ၢ်ယရူၤရှလ့ၣ်အကျဲမုၢ် ကျဲဘိတဖၣ် အဖီခိၣ်ဒီးယဒွဲၣ်အူထီၣ်ကွံာ် အဝဲသ့ၣ်လၢ မ့ၣ်အူန့ၣ်လီၤ. အဝဲသ့ၣ်အိၣ်လီၤပှီၢ်တ့ၢ်ဝဲလၢ တၢ်ဟးဂူာ်ဟးဂီၤ အပူၤဒီး ကဲထီၣ်တၢ်ထံၣ်ဘၣ်အလီၢ်တပူၤလၢ အလီၤ ပျံၤလီၤဖုးဒ် အအိၣ်ဝဲခဲအံၤအသိးန့ၣ်လီၤ.

လံာ်မးသဲ 27:8

လၢတၢ်န့ၣ်အဃိ, ပျီအဝဲန့ၣ်ဘၣ်တၢ်ကိးအီၤလၢတၢ်သွံၣ်အပျီ” တုၤလီၤလၢမုၢ်မဆါတနံၤအံၤလီၤ.

လံာ်မးသဲ 28:15

ပှၤပၢၤတၢ်ဖိတဖၣ်ဟံးန့ၢ်စ့ဒီး မၤဝဲဒ်အဘၣ်တၢ်မၢအီၤအသိးန့ၣ်လီၤ. ဒီးလၢတၢ်န့ၣ်အဃိ, တၢ်န့ၣ်, မ့ၢ်တၢ်ကစီၣ်လၢပှၤယူဒၤဖိတဖၣ်ဟ့ၣ်ထီၣ်သကုၤဆးဒး တုၤမုၢ်မဆါတနံၤအံၤလီၤ.

လံာ်သိၣ်လီၤသီလီၤတၢ် 34:6

ယွၤခူၣ်လီၤကွံာ်အီၤလၢတၢ်တြီၤပူၤတတီၤလၢကီၢ်မိၤအးအပူၤ, အိၣ်သဃီၤဝဲဖဲဝ့ၢ်ဘ့ၤသပဧိၢ်အမဲာ်ညါ, ဘၣ်ဆၣ်တုၤလၢမုၢ်မဆါ တနံၤအံၤန့ၣ်, ပှၤတသ့ၣ်ညါဘၣ်တၢ်လီၢ်လီၤတံၢ်လီၤဆဲးဖဲ အဝဲဘၣ်တၢ်ခူၣ်လီၤအီၤန့ၣ်နီတဂၤဘၣ်.

လံာ်ပှၤစံၣ်ညီၣ်ကွီၢ် 1:26

ဒီးပှၤတဂၤန့ၣ်လဲၤဆူပှၤဃ့ၤသးဖိအကီၢ်ဒီးသူၣ်ထီၣ်ဝ့ၢ်တဝ့ၢ် ဒီးကိးအီၤလၢဝ့ၢ်လူးစးဒီးဝ့ၢ်န့ၣ်အမံၤအိၣ်တုၤမုၢ်မဆါတနံၤအံၤ န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:16

ဒီးအဝဲဆှၢစီၤဒၤဝံးဆူအဝဲသ့ၣ်အအိၣ်လီၤ. ပှၤဂုာ်ဆူၣ်ပျိဆူၣ်တၢ်တဖၣ်ရၤလီၤအသးသကုၤတၢ်လီၢ်ကိးပူၤဒဲး, အီၣ်တၢ်အီတၢ်ဒီးမၤမူးလၢအဂုာ်န့ၢ်တၢ်အါအါကလဲာ်လၢကီၢ်ဖလ့ၡသး ဒီးကီၢ်ယူဒၤအဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:17

လၢမုၢ်ဆ့ၣ်ထီၣ်ဂီၤဂီၤန့ၣ်, စီၤဒၤဝံးဒုးအဝဲသ့ၣ်တုၤလၢ မုၢ်ဟါလီၤတစုန့ၣ်လီၤ. မ့တမ့ၢ်ဘၣ်လၢပှၤသးစၢ်အဂၤလွံၢ်ကယၤဒိးထီၣ်ကီၤလၤအူးဒီး ဃ့ၢ်ကွံာ်အဃိန့ၣ်ပှၤပူၤဖျဲးတအိၣ်ဘၣ်နီတဂၤဘၣ်.