လံာ်ကွဲးနီၣ်တၢ်အခီၣ်ထံးတဘ့ၣ် 4:41 - Sgaw Karen Common Bible

⁴¹ လၢယူဒၤအစီၤပၤဃံးစကံယၤအစိၤန့ၣ်ပှၤလၢအမံၤဘၣ်တၢ်ယၢၤ ထီၣ်အီၤလၢထးသ့ၣ်တဖၣ်အံၤလဲၤဝဲဆူဝ့ၢ်ကဒိၢ်ဒီးမၤဟးဂီၤကွံာ် ပှၤအိၣ်ဖဲန့ၣ်အဒဲဒီးအတၢ်အိၣ်တၢ်ဆိးအလီၢ်တဖၣ်န့ၣ်လီၤ. အဝဲသ့ၣ်ဟီထီၣ်ကွံာ်ပှၤဂီၢ်မုၢ်တဖၣ်န့ၣ်ဒီးအိၣ်ဆိးဖဲန့ၣ်ထီဘိ ဂၢၢ်ကျၢၤမ့ၢ်လၢတၢ်အီၣ်ဆၣ်အလီၢ်အါအါဂီၢ်ဂီၢ်အိၣ်လၢအသိတဖၣ် အဂီၢ်အဃိန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 4:41 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 3:13

စီၤအၤဃး, စီၤဃံးစကံယၤ, စီၤမနၤၡ့ၤ,

လံာ်ကွဲးနီၣ်တၢ်အခီၣ်ထံးတဘ့ၣ် 4:33

ဒီးသဝီအိၣ်ဝးတရံးတဖၣ်, ယံၤတုၤလၢမုၢ်နုာ်ကလံၤထံးတခီလၢ ဝ့ၢ်ဘဧၤလးန့ၣ်လီၤ. အအံၤမ့ၢ်တၢ်ကွဲးနီၣ်တဖၣ်လၢအဝဲသ့ၣ်ပၢၤဃာ်ဝဲဘၣ်ဃးဒီးအပှၤ ဟံၣ်ဖိဃီဖိဒီးတၢ်လီၢ်တဖၣ်လၢအအိၣ်အဆိးတ့ၢ်ဝဲန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 5:22

အဝဲသ့ၣ်မၤသံကွံာ်အဒုၣ်အဒါအါအါဂီၢ်ဂီၢ်မ့ၢ်လၢတၢ်ဒုးတၢ် ယၤမ့ၢ်ကစၢ်ယွၤအတၢ်ဘၣ်အသးအဃိန့ၣ်လီၤ. ဒီးအဝဲသ့ၣ်အိၣ်ဝဲဆိးဝဲဖဲတၢ်လီၢ်ဖဲန့ၣ်တုၤအဘၣ်တၢ်စိာ်မၢ ကဲကုၢ်အီၤတစုန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 14:15

အဝဲသ့ၣ်လဲၤထီၣ်ဒုးစ့ၢ်ကီးပှၤကွၢ်သိတနီၤအသူၣ်ဒဲအလီၢ်တ ဖၣ်, မၤန့ၢ်သိဒီးကီၤလၤအူးအါအါဂီၢ်ဂီၢ်န့ၣ်လီၤ. ဝံၤဒီးအဝဲသ့ၣ်က့ၤကဒါက့ၤဆူဝ့ၢ်ယရူၤၡလ့ၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:1

တၢ်န့ၣ်တဖၣ်အလီၢ်ခံတယံာ်ဘၣ်န့ၣ်, ကီၢ်မိၤအးဒီးကီၢ်ဧၤမိၣ် အသုးမုၢ်တဖၣ်ပာ်ဖှိၣ်ဃုာ်သကိးအသးဒီးအဝဲသ့ၣ်အသိၣ်အမှံၤတဖၣ် လၢအမ့ၢ်ပှၤမူနးဖိတဖၣ်ဒီးဟဲထီၣ်ဒုးကီၢ်ယူဒၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:7

ကစၢ်ယွၤမၤစၢၤအီၤလၢအကမၤနၢၤကွံာ်ပှၤဖလ့ၡသးဖိတဖၣ်, ပှၤဧ့ရ့းဖိတဖၣ်လၢအအိၣ်ဝဲဆိးဝဲလၢကူၢ်ဘဧၤလး, ဒီးပှၤမူနးဖိသ့ၣ်တဖၣ်န့ၣ်လီၤ.

လံာ်ယံးရမံယၤ 49:20

အဃိဒီး, ဒိကနၣ်ယတၢ်ကူၣ်ကျဲၤလၢ ယမၤအီၤထီဒါ ကီၢ်အဒိၣ်အပှၤဂီၢ်မုၢ်ဒီး တၢ်လၢယတိာ်အီၤလၢယကမၤဘၣ် ဝ့ၢ်တ့ၤမၣ် အပှၤဂီၢ်မုၢ်န့ၣ်တက့ၢ်. အဝဲသ့ၣ်အဖိတဖၣ်ဒၣ်လဲာ် ကဘၣ်တၢ်တွံၢ်ထီၣ်ကွံာ်အီၤဒီး ပှၤကိးဂၤဒဲးကပျံၤတၢ်ဖုးတၢ် န့ၣ်လီၤ.

မၤတၢ် 17:26

ယွၤတ့လီၤဆိပှၤကညီတဂၤဒီးဒုးအိၣ်ထီၣ်ပှၤဟီၣ်ခိၣ်ဖိကိး ကလုာ်ဒဲးဒီးဒုးအိၣ်ဝဲဆိးဝဲလၢဟီၣ်ခိၣ်ဒီဘ့ၣ်အပူၤန့ၣ်လီၤ. အဝဲအနီၢ်ကစၢ်ဒၣ်ဝဲသုးကျဲၤဆိပာ်စၢၤတၢ်အဆၢအကတီၢ် လီၤတံၢ်လီၤဆဲးဒီးတၢ်အလီၢ်အကျဲဖဲအဝဲသ့ၣ်ကအိၣ်ကဆိးဝဲ အဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 10:12

ပှၤစံဒိၣ်ဖိ, ပှၤဧမၤလ့းဖိ, ဒီးပှၤမၤဧိၣ်ဖိတဖၣ်ဆီၣ်ဘံၣ်ဆီၣ်ဘၢတ့ၢ်သုလၢ အပူၤကွံာ်ဒီးသုကိးထီၣ်တ့ၢ်ယၤလီၤ. မ့ၢ်ယတအုၣ်က့ၤခီၣ်က့ၤသုလၢအဝဲသ့ၣ်အစုပူၤဘၣ်ဧါ.