လံာ်ကွဲးနီၣ်တၢ်အခီၣ်ထံးတဘ့ၣ် 3:2 - Sgaw Karen Common Bible

² စီၤအးဘၡါလိၣ်လၢအမိၢ်မ့ၢ်ကၡူၢ်အစီၤပၤစီၤတးလမဲ အဖိမုၣ်နီၢ်မၤကၤ, စီၤအဒိနံၤယၤလၢအမိၢ်မ့ၢ်နီၢ်ဃးကံၤ,

လံာ်ကွဲးနီၣ်တၢ်အခီၣ်ထံးတဘ့ၣ် 3:2 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 13:1

စီၤဒၤဝံးအဖိခွါစီၤအးဘၡါလိၣ်အိၣ်ဒီးအဒီပုၢ်ဝဲၢ်မုၣ်, မုၣ်ကနီၤဃံလၤတဂၤလၢအမံၤမ့ၢ်ဝဲနီၢ်တၤမၢ်န့ၣ်လီၤ. စီၤဒၤဝံးအဖိခွါအဂၤတဂၤလၢအမံၤမ့ၢ်ဝဲစီၤအၤမနိၣ် အဲၣ်ဘၣ်ဝဲဒၣ်ပိာ်မုၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:38

အဝဲလဲၤအိၣ်ဖဲန့ၣ်သၢနံၣ်န့ၣ်လီၤ. စီၤဒၤဝံးဟီၣ်ဝဲယၢၤဝဲလၢတၢ်သးအုးအပူၤဖးယံာ်, လၢအဖိခွါစီၤအၤမနိၣ်အဃိန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 14:23

အန့ၣ်ဝံၤဒီး, အဝဲဆၢထၢၣ်လဲၤဆူဝ့ၢ်ကၡူၢ်ဒီးဟဲက့ၤကိးကဒါက့ၤစီၤအးဘၡါလိၣ်ဆူဝ့ၢ်ယရူၤၡလ့ၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 14:32

စီၤအးဘၡါလိၣ်စံးဆၢဝဲဒၣ်, “အဂ့ၢ်ဒ်အံၤ, ဖဲယမၢပှၤလဲၤကိးနၤန့ၣ်နတဟဲဘၣ်. ယအဲၣ်ဒိးလၢနကလဲၤဆူ စီၤပၤအအိၣ်လၢယဂီၢ်ဒီးသံကွၢ်န့ၢ်ယၤ, ဘၣ်မနုၤလၢယဟးထီၣ်လၢဝ့ၢ်ကၡူၢ်ဒီးဟဲဆူအံၤန့ၣ်လဲၣ်. ယအိၣ်ဖဲန့ၣ်န့ၣ်, ဂ့ၤဒိၣ်ဒၣ်တၢ်တက့ၢ်လၢယဂီၢ်န့ၣ်လီၤ.” ဒီးစီၤအးဘၡါလိၣ်စံးအါထီၣ်ကဒီးဝဲ, “ယအဲၣ်ဒိးလၢနကသုးကျဲၤတၢ်လၢယဂီၢ်ဒ်သိးယကထံၣ်ဘၣ်စီၤပၤ, ဒီးယတၢ်ကမၣ်မ့ၢ်အိၣ်န့ၣ်, မ်အမၤသံကွံာ်ယၤတက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 15:8

ဖဲယအိၣ်လၢကီၢ်စူၤရံအပူၤလၢဝ့ၢ်ကၡူၢ်အခါန့ၣ်, ယအၢၣ်လီၤတ့ၢ်ကစၢ်ယွၤလၢအဝဲမ့ၢ်ဆှၢကဒါက့ၤယၤဆူ ဝ့ၢ်ယရူၤၡလ့ၣ်ဒီးယကဘူၣ်ထီၣ်ဘါထီၣ်အီၤလၢဝ့ၢ်ဃ့ဘြိၣ်အပူၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 18:14

စီၤယိၤအာ်စံးဝဲဒၣ်, “ယတမၤလၢာ်အါထီၣ်ယတၢ်ဆၢကတီၢ်ဒီးနၤနီတစဲးလၢၤဘၣ်.” အဝဲစိာ်ထီၣ်ဘီသၢဘ့ၣ်ဒီးဆဲးနုာ်အီၤဆူစီၤအးဘၡါလိၣ်အသးနါပှၢ်အပူၤ, ဖဲအဝဲမူဒံးဝဲအဖၢမုၢ်ဒီးအိၣ်လီၤစဲၤဝဲလၢသ့ၣ်သ့ထိးဖၣ် အလိၤအခါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 18:18

ဖဲအဝဲအိၣ်မူဒံးအခါန့ၣ်စီၤအးဘၡါလိၣ်သူၣ်ထီၣ်တ့ၢ် တၢ်သ့ၣ်နီၣ်အလၢၢ်ထူၣ်တထူၣ်လၢအဂီၢ်ဒၣ်ဝဲလၢစီၤပၤအတၢ်တြီၤပူၤန့ၣ် လီၤ. အဂ့ၢ်ဒ်အံၤ, အဝဲတအိၣ်ဒီးအဖိခွါနီတဂၤလၢကစိာ်မူအဝဲအမံၤ အဂီၢ်န့ၣ်ဘၣ်. လၢတၢ်န့ၣ်အဃိအဝဲယုၢ်န့ၢ်လၢၢ်ထူၣ်န့ၣ်အမံၤဒ်အဝဲအမံၤဒၣ်ဝဲ ဒီးတုၤမုၢ်မဆါတနံၤအံၤန့ၣ်, လၢၢ်ထူၣ်န့ၣ်ဘၣ်တၢ်သ့ၣ်ညါအီၤဒ်တၢ်သ့ၣ်နီၣ်စီၤအးဘၡါလိၣ် အလၢၢ်ထူၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 18:33

တၢ်သးအုးလုၣ်ဘၢကွံာ်စီၤပၤန့ၣ်လီၤ. အဝဲလဲၤထီၣ်ဆူဒၢးလၢကျဲစၢၤအတြဲၤအဖီခိၣ်ဒီးဟီၣ်ဝဲလီၤ. ဖဲအလဲၤထီၣ်အဖၢမုၢ်န့ၣ်ဟီၣ်တၢ်ယၢၤတၢ်စံးဝဲ, “အိယဖိခွါဧၢ, ယဖိခွါစီၤအးဘၡါလိၣ်ဧၢ. စီၤအးဘၡါလိၣ်, ယဖိခွါဧၢ. ဘၣ်မနုၤယတသံတ့ၢ်လၢနလီၢ်လဲၣ် ယဖိခွါဧၢ, စီၤအးဘၡါလိၣ်, ယဖိခွါဧၢ.”

လံာ်စီၤၡမူၤအ့လးခံဘ့ၣ်တဘ့ၣ် 3:3

စီၤကံးလအၢ်လၢအမ့ၢ်ပှၤကၤမ့လးဖိစီၤနၤဘလးအမါမုၣ်ကမဲ နီၢ်အဘံၤကါယံးလးအဖိခွါ,

လံာ်စီၤၡမူၤအ့လးခံဘ့ၣ်တဘ့ၣ် 3:4

စီၤအးဘၡါလိၣ်လၢအမ့ၢ်ဝ့ၢ်ကရူၢ်အစီၤပၤစီၤတးလမဲအဖိမုၣ် နီၢ်မၤက့ၤအဖိခွါ,

လံာ်စီၤပၤအခီၣ်ထံးတဘ့ၣ် 1:5

ဒီးခဲအံၤမ့ၢ်လၢစီၤအးဘၡါလိၣ်သံလံအဃိ, စီးဒၤဝံးဒီးနီၢ်ဃးကံၤအဖိခွါစီၤအဒိနံၤယၤမ့ၢ်ဖိခွါ အဒိၣ်ကတၢၢ်လၢဖိလၢအအိၣ်မူတ့ၢ်တဖၣ်အကျါန့ၣ်လီၤ. အဝဲသူၣ်ဆူၣ်သးဂဲၤလၢကကဲထီၣ်ဘၣ်စီၤပၤဒိၣ်မးလီၤ. လၢအကစၢ်ဒၣ်ဝဲအဂီၢ်, အဝဲကတဲာ်ကတီၤလ့ၣ်ကဟၣ်တဖၣ်, ကသ့ၣ်တဖၣ်ဒီးပှၤလၢအကလဲၤယုၤဒီးကဟုကယာ်အီၤယဲၢ်ဆံဂၤန့ၣ် လီၤ.

လံာ်စီၤပၤအခီၣ်ထံးတဘ့ၣ် 1:6

စီၤဒၤဝံးတသိၣ်က့ၤသီက့ၤဘၣ်အီၤဆါဆါကလဲာ်လၢကယဲၢ်တၢ်ဂ့ၢ် တမံၤလၢ်လၢ်အဃိနီတစုဘၣ်. အဝဲမ့ၢ်ပှၤတဂၤလၢအက့ၢ်ဂီၤဂ့ၤဘၣ်ဒိၣ်မး, ဒီးအိၣ်ဖျဲၣ်ဝဲလၢစီၤအးဘၡါလိၣ်အလီၢ်ခံန့ၣ်လီၤ.

လံာ်စီၤပၤအခီၣ်ထံးတဘ့ၣ် 2:22

စီၤပၤစံးဘၣ်အီၤ, “ဘၣ်မနုၤနဃ့ယၤလၢယကဟ့ၣ်နီၢ်အဘံၡးဆူ အီၤန့ၣ်လဲၣ်. နဂ့ၤဃ့ဃုာ်စ့ၢ်ကီးလၢယကဟ့ၣ်အီၤစီၤပၤအလီၢ်ပစိာ်န့ၣ်လီၤ. အဂ့ၢ်ဒ်အံၤအဝဲမ့ၢ်ယဝဲၢ်, ဒီးပှၤလုၢ်တၢ်အခိၣ်စီၤအ့ဘယၤသၢ် ဒီးစီၤယိၤအာ်အိၣ်လၢအအိၣ်တကပၤန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 2:23

ဘၣ်ဆၣ်ဒီးကၡူၢ်ဒီးအရၣ်အဘီအမုၢ်တဖၣ်မၤန့ၢ်မၤနၢၤဝ့ၢ်ဃုဆံ လၢတၢ်လီၢ်ဖဲန့ၣ်, အိၣ်ဃုာ်ဒီးသဝီတဖၣ်လၢယၤအံၢ်ဒီးကနးဒီးဝ့ၢ်အိၣ်ဘူးအိၣ် တံၢ်ဖဲန့ၣ်တဖၣ်န့ၣ်လီၤ. ကယဲၢ်ပှၤဂီၢ်မုၢ်လၢအအိၣ်ဆိးဖဲန့ၣ်ခဲလၢာ်, မ့ၢ်ပှၤဟဲလီၤစၢၤလီၤသွဲၣ်လၢစီၤကံးလဧးအပၢ်စီၤမၤကံၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 3:1

အအံၤမ့ၢ်စီၤဒၤဝံးအဖိတဖၣ်ဒ်အသးအနံၣ်အလါဒၣ်ဝဲ အဒိၣ်တုၤလၢအဆံးလၢအအိၣ်ဖျဲၣ်ထီၣ်ဝဲဖဲအဝဲဒၣ်အိၣ်လၢဝ့ၢ်ဃ့ ဘြိၣ်အပူၤအခါန့ၣ်လီၤ. စီၤအၤမနိၣ်လၢအမိၢ်မ့ၢ်ပှၤယံးစရ့လးဖိနီၢ်အဃံနိၣ်, စီၤဒၤနံးယ့လးလၢအမိၢ်မ့ၢ်ပှၤကၢ်မ့ၤလးဖိနီၢ်အဘံၤကါယံးလး,

လံာ်ကွဲးနီၣ်တၢ်အခီၣ်ထံးတဘ့ၣ် 3:3

စီၤၡဖးတယၤလၢအမိၢ်မ့ၢ်နီၢ်အဘံတလး, စီၤယံးသြၣ်လၢအမိၢ် မ့ၢ်နီၢ်ဧ့ကလၤလီၤ.

လံာ်စီၤယိၤၡူ 13:13

နာ်က့, ပှၤအံၣ်စရ့လးဖိတဖၣ်တဟီထီၣ်ကွံာ်ပှၤကၡူၢ်ဖိဒီးပှၤ မၤကးဖိတဖၣ်ဘၣ်. အဝဲသ့ၣ်အိၣ်ဒံးဝဲလၢပှၤအံၣ်စရ့လးဖိ တဖၣ်အကျါန့ၣ်လီၤ.