လံာ်ကွဲးနီၣ်တၢ်အခီၣ်ထံးတဘ့ၣ် 29:9 - Sgaw Karen Common Bible

⁹ ပှၤဂီၢ်မုၢ်ဟ့ၣ်တၢ်လၢတၢ်သူၣ်အိၣ်သးအိၣ်အပူၤဆူယွၤဒီးအဝဲ သ့ၣ်သူၣ်ဖှံသးညီဝဲလီၤ. စီၤပၤစီၤဒၤဝံးစ့ၢ်ကီးအသးခုဝဲဒိၣ်ဒိၣ်ကလဲာ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:9 Iomraidhean Croise

လံာ်စီၤပၤအခီၣ်ထံးတဘ့ၣ် 8:61

မ်သုဝဲ, အပှၤဂီၢ်မုၢ်အိၣ်ဒီးတၢ်သူၣ်တီသးရၤဒီးယွၤ, ပကစၢ်ယွၤထီဘိ, စူၢ်ကယဲၢ်အဝဲအတၢ်သိၣ်တၢ်သီတဖၣ်ဒီးအတၢ်မၤလိာ်တဖၣ်, ဒ်သုမၤအီၤလၢမုၢ်မဆါတနံၤအံၤအသိးန့ၣ်တက့ၢ်.”

လံာ်စီၤပၤခံဘ့ၣ်တဘ့ၣ် 12:5

ပှၤလုၢ်တၢ်အခိၣ်တဂၤဘၣ်တဂၤစုာ်စုာ်အိၣ်ဒီးမူဒါလၢစ့လၢအဘၣ် တၢ်ဟဲစိာ်အီၤလၢပှၤတဖၣ်လၢအဝဲမၤန့ၢ်အီၤတၢ်အဂီၢ်, ဒီးစ့န့ၣ်ကဘၣ်တၢ်သူအီၤလၢတၢ်မၤဂ့ၤထီၣ်က့ၤယွၤအတၢ်လုၢ် ဟံၣ်အဂီၢ်ဒ်အလီၢ်အိၣ်ဝဲအသိးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:10

ဖဲန့ၣ်, လၢပှၤအိၣ်ဖှိၣ်ရိဖှိၣ်ခဲလၢာ်အမဲာ်ညါ, စီၤပၤစီၤဒၤဝံးစံးထီၣ်ပတြၢၤယွၤန့ၣ်လီၤ. အဝဲစံးဝဲ, “ယွၤ, ပပၢ်ဖးဒိၣ်စီၤယၤကိာ်အကစၢ်ယွၤဧၢ, မ်နဘၣ်တၢ်စံးထီၣ်ပတြၢၤနၤအစိၤစိၤအဃၣ်ဃၣ်န့ၣ်တက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 29:17

ယသ့ၣ်ညါလၢနမၤကွၢ်ပှၤခဲလၢာ်အသး, ဒီးနမုာ်သူၣ်မုာ်သးတ့ၢ် ဒီးပှၤဂီၢ်မုၢ်လၢအသူၣ်တီသးရၤန့ၣ်လီၤ. ဒီးလၢတၢ်သူၣ်တီသးလိၤနီၢ်နီၢ်အပူၤန့ၣ်, ယဟ့ၣ်လီၤတၢ်သ့ၣ်တဖၣ်အံၤခဲလၢာ်ဆူနၤ, လၢတၢ်သူၣ်အိၣ်သးအိၣ်အပူၤ, ဒီးယထံၣ်တ့ၢ်နပှၤဂီၢ်မုၢ်လၢအဟဲပာ်ဖှိၣ်အသးဖဲအံၤတဖၣ်သူၣ် ဖှံသးညီတ့ၢ်ဒ်လဲၣ်, လၢကဟဲစိာ်တၢ်မၤဘူၣ်တဖၣ်ဆူနအိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 17:16

ဒီးသုးခိၣ်ဖးဒိၣ်သၢဂၤတဂၤမ့ၢ်စီၤစံးကရံးအဖိခွါစီၤ ဧမၤစယၤလၢအအိၣ်ဒီးပှၤသုးဖိအဂၤခံကလီၢ် န့ၣ်လီၤ. (စီၤဧမၤစယၤမၤတ့ၢ်ဝဲယွၤအတၢ်မၤလၢတၢ်သးအိၣ်အပူၤန့ၣ် လီၤ.)

လံာ်ကွဲးနီၣ်တၢ်ခံဘ့ၣ်တဘ့ၣ် 24:10

တၢ်အံၤမ့ၢ်တၢ်လၢအဘၣ်ပှၤဂီၢ်မုၢ်, ဒီးအဝဲသ့ၣ်အခိၣ်အနၢ်တဖၣ်အ သး, ဒီးအဝဲသ့ၣ်ဟဲစိာ်ဃီၤအတၢ်ခိတၢ်သွဲတဖၣ်ဒီးမၤပှဲၤတလါလၢ တၢ်ထၢဖှိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 31:8

တုၤစီၤပၤယဃံးစကံယၤဒီးအဝဲအပဒိၣ်ပပှၢ်တဖၣ်, ထံၣ်ဘၣ်တၢ်ဟ့ၣ်တဖၣ်ဘၣ်တၢ်ဟ့ၣ်လီၤအီၤအါထဲလဲၣ်န့ၣ်, အဝဲသ့ၣ်စံးထီၣ်ပတြၢၤယွၤဒီးစံးထီၣ်ပတြၢၤအဝဲအပှၤဂီၢ် မုၢ်အံၣ်စရ့လးန့ၣ်လီၤ.

လံာ်စီၤဧ့စြၤ 1:6

ကယဲၢ်ပှၤအိၣ်ခိၣ်အိၣ်ဃၢၤခဲလၢာ်မၤစၢၤအဝဲသ့ၣ်ခီဖျိဟ့ၣ်အ ဝဲသ့ၣ်လၢတၢ်အါမံၤဒ်, တၢ်အဃၢၤအဃိၢ်စ့တဖၣ်, ထူဧိၤလွဲဧိၤ, တၢ်အလိၣ်တဖၣ်, ဆၣ်ဖိကီၢ်ဖိအဒၢလၢဂီၤကၢ်အသး တဖၣ်, တၢ်လုၢ်ဒိၣ်ပှ့ၤဒိၣ်အဂၤတဖၣ်, ဒီးတၢ်မၤဘူၣ်မၤတီၢ်တဖၣ်လၢတၢ် လုၢ်ဟံၣ်အဂီၢ်န့ၣ်လီၤ.

စံးထီၣ်ပတြၢၤ 110:3

မုၢ်တနံၤလၢနဒုးနဒုၣ်နဒါတဖၣ်န့ၣ်, နပှၤဂီၢ်မုၢ်ကဟ့ၣ်လီၤအသးလၢ တၢ်သးအိၣ်အပူၤလီၤ. ဒ်မုၢ်ဂီၤအပစီၤထံအသိး နပှၤသးစၢ်တဖၣ်ကဟဲဆူနအိၣ်လၢ ကစၢၢ်စီဆှံတဖၣ်အလိၤလီၤ.

လံာ်တၢ်ဟးထီၣ်ကွံာ် 35:29

ကယဲၢ်ကီၢ်အံၣ်စရ့လးအပှၤဂီၢ်မုၢ်လၢအသးအိၣ်ဟဲစိာ်တၢ်လုၢ်မၤ ဘူၣ်ဆူယွၤအအိၣ်လၢတၢ်ဖံးတၢ်မၤအဂီၢ်ဒ်ယွၤမၤလိာ်စီၤမိၤၡ့ လၢကမၤဝဲန့ၣ်, ဟဲစိာ်ဝဲကိးဂၤဒဲးလီၤ.

လံာ်လူၤကၣ် 15:6

ဒီးကဟဲက့ၤစိာ်ဝဲဆူဟံၣ်လီၤ. အန့ၣ်ဝံၤဒီး, အဝဲဒၣ်ကကိးဖှိၣ်အတံၤ သကိးဒီးပှၤလၢအဃၢၤတဖၣ်တပူၤဃီဒီးစံးဘၣ်အဝဲသ့ၣ်, ‘ယထံၣ်န့ၢ်က့ၤယသိလၢအလီၤမၢ်တဒုအဃိယသးခုဒိၣ်မးလီၤ. မ်ပကသူၣ်ဖှံသးညီသကိးလၢအဃိတက့ၢ်.’

လံာ်ယိၤဟၣ် 15:11

ယစံးဘၣ်တဲဘၣ်တ့ၢ်သုတၢ်အံၤဒ်သိးယတၢ်သးခုကအိၣ် လၢသုပူၤဒီးဒ်သိးသုတၢ်သးခုကလၢထီၣ်ပှဲၤထီၣ်ဝဲ အဂီၢ်လီၤ.

၂ ကရံၣ်သူး 8:12

သုမ့ၢ်အိၣ်ဒီးတၢ်သးဆူၣ်ဟ့ၣ်တၢ်န့ၣ်, ကစၢ်ယွၤကတူၢ်လိာ် သုတၢ်ဟ့ၣ်, ဒ်အကြၢးဒီးတၢ်အိၣ်ဒီးသုလၢသုကဟ့ၣ်အဂီၢ်ဒီး တမ့ၢ်လၢတၢ်တအိၣ်ဒီးသုန့ၣ်ဘၣ်လီၤ.

၂ ကရံၣ်သူး 8:3

ယစံးဘၣ်သုနီၢ်ကတုၤသ့ဝဲ, လၢအဝဲသ့ၣ်ဟ့ၣ်တၢ်ဖဲ အဟ့ၣ်ဝဲသ့, ဒီးအါန့ၢ်အဟ့ၣ်ဝဲသ့တက့ၢ်လီၤ. လၢအတၢ်သး ဆူၣ်ဒၣ်ဝဲအပူၤန့ၣ်

ဖံလံးပံၤ 4:1

မ်ဒ်န့ၣ်ဒီး, ယဒီပုၢ်ဝဲၢ်သ့ၣ်ဧၢ, ယအဲၣ်ဘၣ်သုဒီးသးသယုၢ်ဘၣ်သုဒိၣ်မးလီၤ. သုဒုးသးခုယၤဒိၣ်မး, ဒီးယပာ်ကဖၢလၢယသးလၢ သုဃိဒိၣ်မးလီၤ. ဒီပုၢ်ဝဲၢ်သးဘိသ့ၣ်ဧၢ, အဝဲအံၤ မ့ၢ်ကျဲလၢသုကဆၢထၢၣ်ဂၢၢ်ကျၢၤလၢသုတၢ်အိၣ်မူလၢ ကစၢ်အပူၤန့ၣ်လီၤ.

ဖံလံးပံၤ 4:10

ယသူၣ်ခုသးခုလၢကစၢ်အပူၤဒိၣ်မးလီၤ. အဂ့ၢ်ဒ်လဲၣ်န့ၣ်, လၢဆၢကတီၢ်ဖးယံာ်ဝံၤအလီၢ်ခံသုဒိးန့ၢ်ဘၣ်ကဒီးတၢ် အခွဲးအယာ်လၢသုကပာ်ဖျါသုတၢ်သူၣ်အိၣ်သးအိၣ်ယၤ န့ၣ်လီၤ. တမ့ၢ်ယစံးလၢသုတသူၣ်အိၣ်သးအိၣ်ယၤလၢၤ န့ၣ်ဘၣ်. မ့ၢ်ဒၣ်လၢအခွဲးအယာ်တအိၣ်လၢသုကပာ်ဖျါ ထီၣ်အီၤအဂီၢ်အဃိန့ၣ်လီၤ.

လံာ်ပှၤစံၣ်ညီၣ်ကွီၢ် 5:9

ယသးလဲၤဃုာ်ဒီးအံၣ်စရ့လးအသုးခိၣ်တဖၣ်, ဃုာ်ဒီးပှၤဂီၢ်မုၢ်လၢအသူၣ်အိၣ်သးအိၣ်ဟ့ၣ်လီၤသးလၢတၢ်သးခု အပူၤန့ၣ်လီၤ. စံးထီၣ်ပတြၢၤယွၤတက့ၢ်.