လံာ်ကွဲးနီၣ်တၢ်အခီၣ်ထံးတဘ့ၣ် 29:6 - Sgaw Karen Common Bible

⁶ အန့ၣ်တစု, ဒူၣ်ထၢတဖၣ်အခိၣ်အနၢ်တဖၣ်, ဒူၣ်တဖၣ်အပဒိၣ်ပပှၢ်တဖၣ်, သုးခိၣ်ကျၢၢ်တဖၣ်လၢသုးမုၢ်အပူၤ, ဒီးပှၤတဖၣ်လၢအပၢဆှၢသုးကျဲၤစီၤပၤအတၢ်စုလီၢ်ခီၣ်ခိၣ်, ဟ့ၣ်လီၤတၢ်လၢတၢ်သးအိၣ်အပူၤလီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:6 Iomraidhean Croise

လံာ်စီၤပၤခံဘ့ၣ်တဘ့ၣ် 12:5

ပှၤလုၢ်တၢ်အခိၣ်တဂၤဘၣ်တဂၤစုာ်စုာ်အိၣ်ဒီးမူဒါလၢစ့လၢအဘၣ် တၢ်ဟဲစိာ်အီၤလၢပှၤတဖၣ်လၢအဝဲမၤန့ၢ်အီၤတၢ်အဂီၢ်, ဒီးစ့န့ၣ်ကဘၣ်တၢ်သူအီၤလၢတၢ်မၤဂ့ၤထီၣ်က့ၤယွၤအတၢ်လုၢ် ဟံၣ်အဂီၢ်ဒ်အလီၢ်အိၣ်ဝဲအသိးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 27:25

အအံၤမ့ၢ်တၢ်ကွဲးနီၣ်ဘၣ်ထွဲဒီးပှၤတဖၣ်လၢအပၢဆှၢစီၤပၤအတၢ် စုလီၢ်ခီၣ်ခိၣ်န့ၣ်လီၤ. စီၤဧဒံၤအ့လးအဖိခွါစီၤဧၤစမၤဝ့း, မ့ၢ်ပှၤအခိၣ်အဒိၣ်ကတၢၢ်လၢစီၤပၤအတၢ်ပာ်ဖှိၣ်အဟံၣ်တဖၣ်အဖီခိၣ် န့ၣ်လီၤ. စီၤဧူးစံယၤအဖိခွါစီၤယိနၤသၣ်မ့ၢ်ပှၤအခိၣ်အဒိၣ်ကတၢၢ်လၢ ထံကီၢ်အတၢ်ပာ်ဖှိၣ်အဟံၣ်တဖၣ်လၢအအိၣ်ဝဲလၢ, ကီၢ်ဆၣ်တဖၣ်, ဝ့ၢ်တဖၣ်, ဒူသဝီတဖၣ်ဒီးတိာ်တဖၣ်အဖီခိၣ်အဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:1

စီၤပၤစီၤဒၤဝံးမၤလိာ်ကယဲၢ်အံၣ်စရ့လးအပဒိၣ်ပပှၢ်ခဲလၢာ်လၢ ကဟဲအိၣ်ဖှိၣ်ရိဖှိၣ်ဖဲဝ့ၢ်ယရူၤရှလ့ၣ်အပူၤန့ၣ်လီၤ. လၢတၢ်န့ၣ်အဃိ, ကယဲၢ်ဒူၣ်တဖၣ်အခိၣ်အနၢ်ခဲလၢာ်, ခိၣ်နၢ်တဖၣ်လၢအပၢဆှၢတ့ၢ်ဘီမုၢ်အတၢ်မၤ, ခိၣ်နၢ်တဖၣ်လၢဒူၣ်ထၢတဖၣ်အပူၤ, ပှၤတဖၣ်လၢအပၢဆှၢသုးကျဲၤ တၢ်စုလီၢ်ခီၣ်ခိၣ်ဒီးဆၣ်ဖိကီၢ်ဖိတဖၣ်လၢအဘၣ်ထွဲ ဆူစီၤပၤဒီးအဝဲအဖိခွါတဖၣ်, သပှၢ်ကတၢၢ်ပှၤလၢအမ့ၢ်ကယဲၢ် ပဒိၣ်ပပှၢ်တဖၣ်လၢနီပူၤ, ပှၤသုးဖိတဖၣ်လၢအလဲၤလၢညါ, ဒီးပှၤအကါဒိၣ်တဖၣ်, ဟဲပာ်ဖှိၣ်အသးလၢဝ့ၢ်ယရူၤရှလ့ၣ်အပူၤ န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:5

လၢကယဲၢ်တၢ်တမံၤလၢ်လၢ်လၢပှၤပိာ်တၢ်ဖိတဖၣ်ကမၤဝဲဒၣ်အဂီၢ်န့ၣ် လီၤ. ခဲအံၤမ့ၢ်မတၤတဂၤကအိၣ်ဒံးဝဲလၢအသးအိၣ်ဟ့ၣ်လီၤတၢ်သးအ့ၣ် တဲာ်အါအါဂီၢ်ဂီၢ်အတၢ်ဟ့ၣ်တမံၤဆူယွၤန့ၣ်လဲၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 35:8

အဝဲအပဒိၣ်ပပှၢ်တဖၣ်ဟ့ၣ်လီၤစ့ၢ်ကီးတၢ်မၤဘူၣ်တဖၣ်လၢပှၤဂီၢ် မုၢ်, ပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ်ကသူဝဲအဂီၢ်စ့ၢ်ကီး န့ၣ်လီၤ. ဒီးယွၤအတၢ်လုၢ်ဟံၣ်အပှၤအခိၣ်အဒိၣ်ကတၢၢ်တဖၣ်လၢအမ့ၢ်ဝဲ, ပှၤလုၢ်တၢ်အခိၣ်အဒိၣ်ကတၢၢ်စီၤဃံးလကံယၤ, စီၤစကၤရယၤဒီးစီၤယဃံအ့လးလၢအမ့ၢ်ပှၤကွၢ်ထွဲပၢဆှၢတၢ်တဖၣ်, ဟ့ၣ်လီၤဝဲပှၤလုၢ်တၢ်အခိၣ်တဖၣ်လၢသိဖိဒီးမဲာ်တဲးလဲးဖိအဒု ခံကထိဃုကယၤ ဒီးဂီၤဖံးဖါအဒု သၢကယၤလၢဘူၣ်လဲၤက ပာ်အတၢ်လုၢ်တၢ်ပာ်တဖၣ်အဂီၢ်န့ၣ်လီၤ.

လံာ်စီၤဧ့စြၤ 7:16

နကဘၣ်လဲၤစိာ်ဃုာ်စ့ၢ်ကီးကယဲၢ်စ့ဒီးထူလၢနထၢဖှိၣ်လၢကီၢ် ဘၤဘူၤလိၣ်ဒီဘ့ၣ်ညါဒီးတၢ်မၤဘူၣ်တဖၣ်လၢအံၣ်စရ့လးအပှၤဂီၢ် မုၢ်ဒီးအဝဲသ့ၣ်အပှၤလုၢ်တၢ်အခိၣ်တဖၣ်ဟ့ၣ်လီၤဝဲလၢအကစၢ်ယွၤ အတၢ်လုၢ်ဟံၣ်လၢအအိၣ်လၢဝ့ၢ်ယရူၤၡလ့ၣ်အပူၤအဂီၢ်န့ၣ်လီၤ.

၂ ကရံၣ်သူး 9:7

လၢတၢ်န့ၣ်အဃိ, ပှၤတဂၤဘၣ်တဂၤကြၢးဟ့ၣ်တၢ်ဒ် အပာ်လီၤတ့ၢ်လံအသးအသိး, တမ့ၢ်လၢတၢ်သးအုးအပူၤ, မ့တမ့ၢ်လၢတၢ်သ့ၣ်ညါအမူအဒါအဃိဘၣ်န့ၣ်လီၤ. အဂ့ၢ်ဒ်အံၤ, ယွၤအဲၣ်ပှၤတဂၤလၢအဟ့ၣ်တၢ်လၢတၢ်သးခု အပူၤန့ၣ်လီၤ.