လံာ်ကွဲးနီၣ်တၢ်အခီၣ်ထံးတဘ့ၣ် 29:23 - Sgaw Karen Common Bible

²³ လၢတၢ်န့ၣ်အဃိ, စီၤၡလိၤမိၤကဲထီၣ်ဘၣ်စီၤပၤလၢအပၢ်စီၤဒၤ ဝံးအလီၢ်လၢလီၢ်ပစိာ်လၢယွၤပာ်လီၤတ့ၢ်ဝဲအဖီခိၣ်န့ၣ်လီၤ. အဝဲမ့ၢ်စီၤပၤတဂၤလၢအတၢ်မၤကဲထီၣ်လိၣ်ထီၣ်ဒီးအံၣ်စရ့လး အပှၤကလုာ်ခဲလၢာ်စူၢ်အီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:23 Iomraidhean Croise

လံာ်စီၤပၤအခီၣ်ထံးတဘ့ၣ် 1:13

“လဲၤတဘျီဃီဆူစီၤပၤဒၤဝံးအအိၣ်ဒီးသံကွၢ်အီၤ, တၢ်ဒိၣ်ကစၢ်စီၤပၤဧၢ, မ့ၢ်နတအၢၣ်လီၤတ့ၢ်နဲယၤသမှံၤသပှၢ်လၢ ယဖိခွါစီၤၡလိၤမိၤကကဲထီၣ်စီၤပၤလၢနလီၢ်န့ၣ်ဘၣ်ဧါ. ခဲကနံၣ်အံၤ, စီၤအဒိနံၤယၤကဲထီၣ်စီၤပၤန့ၣ်, မ့ၢ်တၢ်လဲၤအသးဒ်လဲၣ်.”

လံာ်စီၤပၤအခီၣ်ထံးတဘ့ၣ် 1:30

လၢတနံၤအံၤ, ယကဟံးဃာ်တၢ်အၢၣ်လီၤလၢယမၤတ့ၢ်ဒီးနၤလၢယွၤ, အံၣ်စရ့လးအကစၢ်ယွၤအမံၤအပူၤ, လၢနဖိခွါစီၤၡလိၤမိၤကကဲထီၣ်စီၤပၤလၢယလီၢ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 1:35

ဟဲက့ၤပိာ်ကဒါက့ၤအခံဆူအံၤ, ဖဲအဝဲဟဲက့ၤဒ်သိးကဆ့ၣ်နီၤ လၢယလီၢ်ပစိာ်အဖီခိၣ်အဂီၢ်န့ၣ်တက့ၢ်. အဝဲကကဲထီၣ်စီၤပၤလၢယလီၢ်မ့ၢ်လၢအဝဲမ့ၢ်ပှၤတဂၤလၢယဃုထၢ တ့ၢ်လၢကကဲထီၣ်ပှၤပၢတၢ်လၢကီၢ်အံၣ်စရ့လးဒီးကီၢ်ယူဒၤအဖီ ခိၣ်အဃိန့ၣ်လီၤ.”

လံာ်စီၤပၤအခီၣ်ထံးတဘ့ၣ် 1:46

ခဲကနံၣ်အံၤစီၤၡလိၤမိၤကဲထီၣ်စီၤပၤလံန့ၣ်လီၤ.

လံာ်စီၤပၤအခီၣ်ထံးတဘ့ၣ် 2:12

စီၤၡလိၤမိၤကဲထီၣ်စီၤပၤလၢအပၢ်စီၤဒၤဝံးအလီၢ်, ဒီးအဝဲအတၢ်စိတၢ်ကမီၤဒ်စီၤပၤအသိး, သူၣ်လီၤအသးဂၢၢ်ဂၢၢ်ကျၢၤကျၢၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 11:19

ဝံၤဒီးအဝဲဒီးသုးခိၣ်သုးနၢ်တဖၣ်, ပှၤခိးစီၤပၤအသးသမူ တဖၣ်, ဒီးပှၤပၢၤနူၢ်ဧိၤစီၤဧိၤတဖၣ်လဲၤဃုာ်ဒီးကဟုကယာ်စီၤပၤလၢ ယွၤအတၢ်လုၢ်ဟံၣ်ဆူနူၢ်ဧိၤစီၤဧိၤဒီးပှၤဂီၢ်မုၢ်ခဲလၢာ်ပိာ်ထွဲ အခံန့ၣ်လီၤ. စီၤယိၤအၣ်လဲၤနုာ်ခီဖျိတၢ်ခိးတၢ်အတြဲၤဒီး ဟံးန့ၢ်အလီၢ်လၢစီၤပၤအလီၢ်ပစိာ်အဖီခိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:11

စီၤဒၤဝံးစံးထွဲကဒီးဝဲ, “ခဲကနံၣ်အံၤယဖိခွါဧၢ, မ်ယွၤ, နကစၢ်ယွၤအိၣ်ဒီးနၤ, ဒီးမ်အဝဲတီဒီးအတၢ်အၢၣ်လီၤ လၢကဟ့ၣ်နၤတၢ်မၤနၢၤလၢတၢ်သူၣ်ထီၣ်တၢ်လုၢ်ဟံၣ်တဖျၢၣ်လၢအဂီၢ် န့ၣ်တက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 28:5

အဝဲဟ့ၣ်ယၤဖိခွါအါဂၤဒီးလၢကယဲၢ်အဝဲသ့ၣ်အကျါန့ၣ်, အဝဲဃုထၢထီၣ်တ့ၢ်စီၤၡလိၤမိၤဒ်သိးကပၢတၢ်လၢကီၢ်အံၣ်စရ့ လး, ယွၤအဘီအမုၢ်အဖီခိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:24

ကယဲၢ်ပဒိၣ်ပပှၢ်တဖၣ်ဒီးသုးမုၢ်သံၣ်ဘိတဖၣ်ဒီးကယဲၢ်စီၤဒၤဝံး အဖိခွါအဂၤခဲလၢာ်ဒၣ်လဲာ်အၢၣ်လီၤအီလီၤတ့ၢ်ဝဲလၢကတီ ဒီးစီၤၡလိၤမိၤဒ်စီၤပၤအသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:1

စီၤပၤဒၤဝံးအဖိခွါစီၤၡလိၤမိၤဟံးဃာ်ဂၢၢ်ကျၢၤဒီးပၢၤ အံၣ်စရ့လးအဘီအမုၢ်, ဒီးယွၤ, အကစၢ်ယွၤဆိၣ်ဂ့ၤတ့ၢ်အီၤဒီးဒုးကဲထီၣ်အီၤလၢပှၤ လၢအစိဒိၣ်ကမီၤထီဒိၣ်မးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:8

စီၤၡလိၤမိၤစံးဆၢဝဲ, “ထီဘိနဒုးနဲၣ်နတၢ်အဲၣ်ဖးဒိၣ်လၢ ယပၢ်စီၤဒၤဝံးအဂီၢ်, ဒီးခဲကနံၣ်အံၤ, နပျဲယကဲထီၣ်စီၤပၤလၢအဝဲအလီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 23:20

သုးခိၣ်သုးနၢ်တဖၣ်, ပှၤတူၢ်ဒိၣ်ကီၤဒိၣ်တဖၣ်, ပဒိၣ်ပပှၢ်တဖၣ်, ဒီးကယဲၢ်ပှၤဂီၢ်မုၢ်အိၣ်လီၤတဲာ်တဖၣ်ပာ်ဖှိၣ်ဃုာ် အသးဒီးစီၤယဟိယဒါလၢတၢ်ဟးထီၣ်လဲၤသကိးတၢ်လၢတၢ်ဟဲ ကိးထီၣ်စီၤပၤလၢယွၤအတၢ်လုၢ်ဟံၣ်ဆူစီၤပၤအနီအဂီၢ်န့ၣ်လီၤ. အဝဲသ့ၣ်ဟဲနုာ်လီၤဝဲလၢတၢ်မဲာ်ညါအတြဲၤဖးဒိၣ်, ဒီးစီၤပၤဟံးန့ၢ်အလီၢ်လၢလီၢ်ပစိာ်အဖီခိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 9:30

စီၤၡလိၤမိၤပၢတၢ်လၢပှၤအံၣ်စရ့လးဖိခဲလၢာ်အဖီခိၣ်လၢဝ့ၢ် ယရူၤၡလ့ၣ်အပူၤအနံၣ်လွံၢ်ဆံန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 9:8

မ်ယွၤ, နကစၢ်ယွၤဘၣ်တၢ်စံးထီၣ်ပတြၢၤအီၤတက့ၢ်. အဝဲဒုးနဲၣ်ဖျါထီၣ်အတၢ်ဘၣ်သူၣ်ဘၣ်သးနၤထဲလဲၣ်ခီဖျိအဒုး ကဲထီၣ်နၤလၢစီၤပၤဒ်သိးကပၢတၢ်လၢအမံၤအပူၤန့ၣ်လီၤ. အဂ့ၢ်ဒ်အံၤ, အဝဲအဲၣ်အပှၤဂီၢ်မုၢ်အံၣ်စရ့လးဒီးကတီၤဃာ်အီၤ လီၤစိၤလီၤထီအဃိ, အဝဲဒုးကဲထီၣ်နၤလၢအဝဲသ့ၣ်အစီၤပၤဒ်သိး, နဟံးဃာ်တၢ်သိၣ်တၢ်သီဘၣ်ထွဲဒီးတၢ်စူၢ်တၢ်နာ်ဒီးတၢ်စံၣ်ညီၣ် တီကသ့ဝဲန့ၣ်လီၤ.

စံးထီၣ်ပတြၢၤ 132:11

နမၤတ့ၢ်တၢ်အၢၣ်လီၤအီလီၤ သမှံၤသပှၢ်တမံၤဒီး စီၤဒၤဝံး တၢ်အၢၣ်လီၤတမံၤလၢ နတထုးကွံာ်အီၤဘၣ်န့ၣ်လီၤ. “ယကဒုးကဲထီၣ်နဖိခွါတဖၣ်အကျါ တဂၤလၢ စီၤပၤ, ဒီးအဝဲကပၢတၢ်လၢ နလီၢ်န့ၣ်လီၤ.

တၢ်ကတိၤဒိ. 1:1

အံၣ်စရ့လးအစီၤပၤစီၤဒၤဝံးအဖိခွါစီၤၡလိၤမိၤအတၢ်ကူၣ်သ့ အတၢ်ကတိၤတဖၣ်.

ရိမ့ၤ 13:1

ပှၤကိးဂၤဒဲးကဘၣ်ဒိကနၣ်ထံကီၢ်ပဒိၣ်ပပှၢ်တဖၣ်အကလုၢ်လီၤ. အဂ့ၢ်ဒ်အံၤမ့တမ့ၢ်လၢကစၢ်ယွၤဟ့ၣ်အခွဲးဘၣ်ဒီး, အဝဲသ့ၣ်အိၣ်ထီၣ် တသ့ဘၣ်. ဒီးပဒိၣ်ပပှၢ်လၢအအိၣ်ထီၣ်ခဲအံၤတဖၣ်ဘၣ်တၢ်ပာ်လီၤ အီၤလၢကစၢ်ယွၤန့ၣ်လီၤ.

လံာ်သိၣ်လီၤသီလီၤတၢ် 34:9

စီၤနိၣ်အဖိခွါစီၤယိၤၡူဘၣ်တၢ်မၤပှဲၤအီၤဒီးတၢ်ကူၣ်သ့, မ့ၢ်လၢစီၤမိၤၡ့ဃုထၢပာ်လီၤတ့ၢ်အီၤဒ်ပှၤလၢကထီၣ်က့ၤအဝဲ အလီၢ်အသိးအဃိန့ၣ်လီၤ. ကီၢ်အံၣ်စရ့လးအပှၤဂီၢ်မုၢ်စူၢ်စီၤ ယိၤၡူဒီးတိၢ်န့ၢ်ဖံးဃာ်တၢ်မၤလိာ်တဖၣ်လၢယွၤဟ့ၣ်လီၤတ့ၢ် အဝဲသ့ၣ်ခီဖျိစီၤမိၤၡ့န့ၣ်လီၤ.