လံာ်ကွဲးနီၣ်တၢ်အခီၣ်ထံးတဘ့ၣ် 29:2 - Sgaw Karen Common Bible

² လၢယဂံၢ်ယဘါခဲလၢာ်အပူၤန့ၣ်, ယကတဲာ်ကတီၤတ့ၢ်တၢ်လၢအလိၣ်ဝဲ တဖၣ်လၢယွၤအတၢ်လုၢ်ဟံၣ်အဂီၢ်ဒ်ထူ, စ့, တိၢ်ဘီ, ထး, သ့ၣ်, လၢၢ်လုၢ်ဒိၣ်ပှ့ၤဒိၣ်တဖၣ်, တၢ်မျၢ်ထးသံတဖၣ်, လၢၢ်အလွဲၢ်အကလုာ်ကလုာ်လၢတၢ်ကရဲၣ်လီၤထီထီၣ်အီၤတဖၣ်, လၢၢ်ဝါအါအါဂီၢ်ဂီၢ်တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:2 Iomraidhean Croise

လံာ်တၢ်ကဲထီၣ်အခီၣ်ထံး 2:12

(ထူအစီဘၣ်တၢ်ထံၣ်န့ၢ်အီၤဖဲန့ၣ်, ဒီးသိနၢမူလၢအကၤဒီးလၢၢ်လုၢ်ဒိၣ်ပှ့ၤဒိၣ်တဖၣ်ဘၣ်တၢ်ထံၣ်န့ၢ်အီၤဖဲန့ၣ်စ့ၢ်ကီးန့ၣ်လီၤ.)

လံာ်ကွဲးနီၣ်တၢ်အခီၣ်ထံးတဘ့ၣ် 29:19

ယဟ့ၣ်လီၤယဖိခွါစီၤၡလိၤမိၤလၢကစူၢ်တၢ်တမံၤလၢ်လၢ်လၢန မၤလိာ်အီၤလၢအသးဒီဖျၢၣ်ညါလၢတၢ်သးအိၣ်, ဒီးလၢကသူၣ်ထီၣ်ယွၤအတၢ်လုၢ်ဟံၣ်လၢယကတဲာ်ကတီၤတ့ၢ်တၢ်သ့ၣ်တဖၣ် အံၤလၢအဂီၢ်န့ၣ်တက့ၢ်.”

လံာ်ကွဲးနီၣ်တၢ်အခီၣ်ထံးတဘ့ၣ် 29:3

ဒိၣ်န့ၢ်အါန့ၢ်ကယဲၢ်တၢ်အံၤခဲလၢာ်လၢယမၤတ့ၢ်န့ၣ်, ယဟ့ၣ်လီၤစ့ၢ်ကီး, စ့ဒီးထူလၢယကစၢ်ဒၣ်ယဲအတၢ်စုလီၢ်ခီၣ်ခိၣ် အကျါ, မ့ၢ်လၢယတၢ်အဲၣ်အိၣ်ဝဲလၢကစၢ်ယွၤအတၢ်လုၢ်ဟံၣ်အဂီၢ်အဃိန့ၣ် လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 3:6

စီၤပၤကယၢကယဲဝဲယွၤအတၢ်လုၢ်ဟံၣ်လၢလၢၢ်အဃံအလၤလုၢ်ဒိၣ်ပှ့ၤ ဒိၣ်တဖၣ်ဒီးထူလၢအဘၣ်တၢ်ဟဲစိာ်အီၤလၢကီၢ်ပးရဝဲၣ်န့ၣ်လီၤ.

လံာ်စီၤယိၤဘး 28:1

စ့အပူၤတဖၣ်အိၣ်ဝဲလၢစ့ကဘၣ်တၢ်ခူၣ်ထုးထီၣ်အီၤအဂီၢ်, ဒီးတၢ်လီၢ်တဖၣ်လၢထူဘၣ်တၢ်ပှံၢ်အီၤအဂီၢ်အိၣ်ဝဲဒၣ်န့ၣ်လီၤ.

လံာ်စီၤယိၤဘး 28:16

ထူဧိၤလွဲဧိၤအဂ့ၤကတၢၢ်ဒီးတၢ်လုၢ်ဒိၣ်ပှ့ၤဒိၣ်တဖၣ်, ထိၣ်အလုၢ်အပှ့ၤထဲသိးဒီးအီၤတသ့ဘၣ်.

လံာ်တၢ်ဟးထီၣ်ကွံာ် 28:17

ပိာ်တၢ်မျၢ်လုၢ်ဒိၣ်ပှ့ၤဒိၣ်လွံၢ်ကျိၤလၢအလိၤတက့ၢ်. ဒီးလၢအခီၣ်ထံးတကျိၤန့ၣ်ပိာ်တၢ်မျၢ်ဆီသွံၣ်တဖျၢၣ်, တၢ်မျၢ်ဘီတဖျၢၣ်ဒီးတၢ်မျၢ်ဟ့မၠးတဖျၢၣ်တက့ၢ်.

လံာ်တၢ်ဟးထီၣ်ကွံာ် 28:20

လွံၢ်ကျိၤတကျိၤန့ၣ်ပိာ်တၢ်မျၢ်ဟ့ဘီတဖျၢၣ်, တၢ်မျၢ်သူတဖျၢၣ်, တၢ်မျၢ်ဂီၤလုးတဖျၢၣ်တက့ၢ်. တၢ်မျၢ်ခဲလၢာ်အံၤကဘၣ်တၢ်ပိာ်ဝးတရံးအကနူၤလၢထူလီၤ.

လံာ်တၢ်ဟးထီၣ်ကွံာ် 28:9

ဟံးန့ၢ်လၢၢ်တၢ်မျၢ်သူခံဖျၢၣ်ဒီးစိးပျၤလီၤစီၤယၤကိာ်အဖိခွါတဆံခံဂၤအမံၤလၢအလိၤ,

လံာ်တၢ်ဟးထီၣ်ကွံာ် 39:13

ဒီးလွံၢ်ဂ့ၢ်တဂ့ၢ်န့ၣ်ထီထီၣ်ဝဲတၢ်မျၢ်လါဟ့တဖျၢၣ်, တၢ်မျၢ်မဟူယၤဂီၤတဖျၢၣ်ဒီးတၢ်မျၢ်နကၤသွဲးတဖျၢၣ်န့ၣ်လီၤ. ဒီးတၢ်မျၢ်တဖၣ်အံၤဘၣ်တၢ်ကွီၤအီၤလၢထူအကွီၤတဖၣ်န့ၣ်လီၤ.

လံာ်တၢ်ဟးထီၣ်ကွံာ် 39:6

အဝဲသ့ၣ်ကတဲာ်ကတီၤတၢ်မျၢ်မဟူယၤဂီၤတဖၣ်ဒီးကွီၤအီၤလၢထူအကွီၤတဖၣ်လီၤ. ဒီးလၢတၢ်မျၢ်မဟူယၤဂီၤတဖၣ်အလိၤန့ၣ်တၢ်စိးပျၤစီၤယၤကိာ် အဖိခွါတဖၣ်အမံၤလၢတၢ်သ့တၢ်ဘၣ်ဖးဒိၣ်အပူၤလီၤ.

လံာ်ပှၤစံၣ်တဲၤတဲလီၤတၢ် 9:10

ကယဲၢ်တၢ်လၢနမၤအီၤတမံၤလၢ်လၢ်န့ၣ်, မၤအီၤဆူၣ်ဆူၣ်တက့ၢ်. အဂ့ၢ်ဒ်အံၤ, တၢ်မၤမ့ၢ်ဂ့ၤ, တၢ်ကူၣ်မ့ၢ်ဂ့ၤ, တၢ်သ့ၣ်ညါမ့ၢ်ဂ့ၤ, တၢ်ကူၣ်သ့မ့ၢ်ဂ့ၤတအိၣ်ဘၣ်ဖဲပျုၤပူၤဘၣ်. ဒီးအဝဲန့ၣ်မ့ၢ်တၢ်လီၢ်လၢနကလဲၤလီၤန့ၣ်လီၤ.

လံာ်မးသဲ 4:24

ယ့ၣ်ၡူးအကစီၣ်ဟူထီၣ်သါလီၤလၢကီၢ်ဒီဘ့ၣ်ညါပၢၢ်တုၤလၢကီၢ် စူၤရံဒီးပှၤဟဲကိးန့ၢ်အီၤလၢပှၤဆူးပှၤဆါလၢအတူၢ်ဘၣ်တၢ်ဆူး တၢ်ဆါအကလုာ်ကလုာ်လၢအတူၢ်ဘၣ်တၢ်နးနးကျံၤကျံၤတဖၣ်, ဒ်ပှၤလၢတၢ်နါဒိးအီၤ, ပှၤလၢအပျုၢ်ထိးတဖၣ်ဒီးပှၤသံတခီပၤတဖၣ်, ဒီးယ့ၣ်ၡူးမၤဘျါက့ၤအဝဲသ့ၣ်ခဲလၢာ်လီၤ.

၂ ကရံၣ်သူး 8:3

ယစံးဘၣ်သုနီၢ်ကတုၤသ့ဝဲ, လၢအဝဲသ့ၣ်ဟ့ၣ်တၢ်ဖဲ အဟ့ၣ်ဝဲသ့, ဒီးအါန့ၢ်အဟ့ၣ်ဝဲသ့တက့ၢ်လီၤ. လၢအတၢ်သး ဆူၣ်ဒၣ်ဝဲအပူၤန့ၣ်

ကလီးစဲ 3:23

တၢ်လၢသုမၤတမံၤလၢ်လၢ်န့ၣ်, မၤအီၤလၢတၢ်သူၣ်ခုသးခု အပူၤဒ်သုမၤတၢ်လၢကစၢ်အဂီၢ်ဒီးတမ့ၢ်ဘၣ်လၢပှၤကညီ အဂီၢ်အသိးန့ၣ်တက့ၢ်.