လံာ်ကွဲးနီၣ်တၢ်အခီၣ်ထံးတဘ့ၣ် 29:15 - Sgaw Karen Common Bible

¹⁵ အိ, ယွၤဧၢ, နသ့ၣ်ညါနဲလၢပလဲၤခီဖျိတၢ်အိၣ်မူလီၤဂာ်ဒ်ပှၤ ဘၣ်တၢ်စိာ်မၢကဲကုၢ်တဖၣ်ဒီးပှၤတမှံၤတဖၣ်အသိး, ဒ်ပမိၢ်ပၢ်ဖံဖုလၢပျၢၤတဖၣ်လဲၤခီဖျိတ့ၢ်ဝဲန့ၣ်လီၤ. ပမုၢ်နံၤတဖၣ်လီၤဂာ်ဒ်တၢ်ကဒုလၢအလဲၤပူၤကွံာ်အသိးဒီးပပူၤ ဖျဲးထီၣ်ကွံာ်လၢတၢ်သံတသ့ဘၣ်.

လံာ်ကွဲးနီၣ်တၢ်အခီၣ်ထံးတဘ့ၣ် 29:15 Iomraidhean Croise

လံာ်တၢ်ကဲထီၣ်အခီၣ်ထံး 21:34

စီၤအၤဘြၤဟၣ်အိၣ်ဝဲဆိးဝဲလၢပှၤဖလ့ၡသးဖိအကီၢ်ပူၤအါနံၣ်အါလါန့ၣ်လီၤ.

လံာ်တၢ်ကဲထီၣ်အခီၣ်ထံး 23:4

“ယဲဒၣ်အံၤယမ့ၢ်ပှၤတခီဘီမုၢ်ဖိတဂၤလၢအအိၣ်ဆိးဖဲအံၤလၢ သုကျါလီၤ. ဆါန့ၢ်ယၤတၢ်လီၢ်တနီၤဒ်သိးယ ခူၣ်လီၤယမါကသ့အဂီၢ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 28:4

မ်ယွၤဆိၣ်ဂ့ၤနၤဒီးနစၢၤနသွဲၣ်တဖၣ်ဒ်အဆိၣ်ဂ့ၤတ့ၢ်စီၤအၤ ဘြၤဟၣ်အသိးဒီးမ်နကန့ၢ်သါကီၢ်လၢနအိၣ်တ့ၢ်လံလၢအပူၤလၢ ကစၢ်ယွၤဟ့ၣ်တ့ၢ်စီၤအၤဘြၤဟၣ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 36:7

အဝဲဟးထီၣ်ကွံာ်မ့ၢ်လၢထံကီၢ်လၢအဝဲဒီးစီၤယၤကိာ်အိၣ်ဆိး ဝဲခဲအံၤလုၢ်အီၣ်လုၢ်အီအဝဲသ့ၣ်တန့ၢ်လၢၤဘၣ်အဃိန့ၣ်လီၤ. အဂ့ၢ်ဒ်အံၤ, အဝဲသ့ၣ်အိၣ်ဒီးအဆၣ်ဖိကီၢ်ဖိအါကဲာ်ဆိးဒီးအိၣ် သကိးတပူၤဃီတသ့လၢၤဘၣ်.

လံာ်တၢ်ကဲထီၣ်အခီၣ်ထံး 47:9

စီၤယၤကိာ်စံးဆၢဝဲ, “ယတၢ်ဟးဝ့ၤဝီၤအတၢ်အိၣ်မူယံာ်ဝဲ အနံၣ်တကယၤသၢဆံလီၤ. ဒီးနံၣ်ဧိၤလါဧိၤတဖၣ်အံၤတဒ်သိးဘၣ် ယမိၢ်ပၢ်ဖံဖုလၢပျၢၤအတၢ်ဟးဝ့ၤဝီၤလၢအါနံၣ်အါလါအပူၤ ဘၣ်. စှၤဝဲဒီးကီခဲဒိၣ်မးလီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 29:14

အန့ၣ်ဒၣ်လဲာ်, ယပှၤဂီၢ်မုၢ်ဒီးယၤပဟ့ၣ်နၤတၢ်တသ့နီၢ်နီၢ်နီ တမံၤဘၣ်. အဂ့ၢ်ဒ်အံၤ, တၢ်ခဲလၢာ်န့ၣ်မ့ၢ်တၢ်ဟ့ၣ်ဟဲလၢနၤဒီးပဟ့ၣ်ဆၢ က့ၤနၤတၢ်လၢအမ့ၢ်တ့ၢ်နတၢ်တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:16

အိယွၤ, ပကစၢ်ယွၤဧၢ, ပဟဲပာ်ဖှိၣ်သကိးကယဲၢ်တၢ်ထူးတၢ်တီၤခဲ လၢာ်အံၤလၢတၢ်ကသူၣ်ထီၣ်တၢ်လုၢ်ဟံၣ်တဖျၢၣ်လၢတၢ်ကမၤလၤကပီၤ နမံၤစီဆှံအဂီၢ်, ဘၣ်ဆၣ်, တၢ်အံၤခဲလၢာ်ဟဲဒၣ်လၢနၤဒီးမ့ၢ်ဒၣ်နတၢ်န့ၣ်လီၤ.

လံာ်စီၤယိၤဘး 14:10

ဘၣ်ဆၣ်ပှၤကညီသံဝဲဒီးမ့ၢ်တၢ်အကတၢၢ်လၢအဂီၢ်န့ၣ်လီၤ. သံဝဲ, ဒီးအန့ၣ်တစုမ့ၢ်အအိၣ်ဝဲဖဲလဲၣ်.

လံာ်စီၤယိၤဘး 14:2

ပဒိၣ်ထီၣ်ဒီးဃ့ထီကွံာ်ချ့သဒံးဒ်ဖီတဖၣ်အသိးလီၤ. ပဟါမၢ်ကွံာ်ဒ်တၢ်အကဒုတဖၣ်အသိးန့ၣ်လီၤ.

လံာ်စီၤယိၤဘး 8:9

ပသးအနံၣ်အလါစှၤအဃိ, ပတသ့ၣ်ညါတၢ်နီတမံၤဘၣ်. ပမုၢ်နံၤတဖၣ်လဲၤပူၤကွံာ်လၢဟီၣ်ခိၣ်အံၤဒ်တၢ်အကဒုအသိး န့ၣ်လီၤ.

စံးထီၣ်ပတြၢၤ 102:11

ယမုၢ်နံၤတဖၣ်လီၤဂာ်ဒ်မုၢ်ဟါအတၢ်ကဒုတဖၣ်အသိး ဒီးယဃ့ထီၣ်ကွံာ်ဝဲဒ်နီၣ်ဧိၤမံၤဧိၤအသိးန့ၣ်လီၤ.

စံးထီၣ်ပတြၢၤ 119:19

ယမ့ၢ်ဒၣ်ပှၤသမှံၤလၢဟီၣ်ခိၣ်ချၢအံၤလီၤ. သုတပာ်ခူသူၣ်နတၢ်မၤလိာ်တဖၣ်လၢယၤတဂ့ၤ.

စံးထီၣ်ပတြၢၤ 144:4

အဝဲလီၤဂာ်ဒ်တၢ်သါတဘီအသိး ဒီးအမုၢ်နံၤတဖၣ်မၤအသးဒ်တၢ်အကဒုလၢ အလဲၤပူၤကွံာ်အသိးန့ၣ်လီၤ.

စံးထီၣ်ပတြၢၤ 39:12

ကနၣ်ယတၢ်ထုကဖၣ်တက့ၢ်. ယွၤဧၢ, ဒိကနၣ်ယတၢ်ကိးထီၣ်လၢ တၢ်မၤစၢၤအဂီၢ်န့ၣ်တက့ၢ်. ဖဲလၢယအိၣ်ဒီးတၢ်မဲာ်ထံမဲာ်နိန့ၣ်, အိၣ်ဘှီၣ်နဲတဂ့ၤ. အဂ့ၢ်ဒ်အံၤ, ယမ့ၢ်ဒၣ်နပှၤသမှံၤလၢ အအိၣ်တစိၢ်တလီၢ်ဖိ, ဒ်ယမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ.

စံးထီၣ်ပတြၢၤ 39:13

တချုးယသးဟးထီၣ်ကွံာ်ဒီးတအိၣ်လၢၤဘၣ်န့ၣ်, ပျဲယၤလၢယကအိၣ်ဘၣ်ဒီး တၢ်သးခုတစဲးတက့ၢ်.

စံးထီၣ်ပတြၢၤ 90:9

အဂ့ၢ်ဒ်အံၤ, ပမုၢ်နံၤမုၢ်သီခဲလၢာ် လဲၤပူၤကွံာ်ဝဲလၢနတၢ်သးထီၣ်အပူၤ, ဒီးပနံၣ်ပလါကတၢၢ်ကွံာ်ဝဲလီၤဂာ်ဒ် တၢ်ကအုကစွါအသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 6:12

တၢ်အဂ့ၤကတၢၢ်လၢပှၤကညီတဂၤအဂီၢ်လၢအဝဲအတၢ်အိၣ်မူ ဖုၣ်ကိာ်, တၢ်အိၣ်မူလၢအဘျုးတအိၣ်ဘၣ်, တၢ်အိၣ်မူလၢအလဲၤပူၤကွံာ်ဝဲဒ်တၢ်ကဒုအသိးန့ၣ်အပူၤအံၤ, မ့ၢ်တၢ်မနုၤလဲၣ်န့ၣ်, အဝဲသ့ၣ်ညါကသ့ဒ်လဲၣ်. အဝဲသံဝံၤအလီၢ်ခံ, တၢ်မနုၤကမၤအသးလၢဟီၣ်ခိၣ်ချၢအံၤလဲၣ် န့ၣ်, မ့ၢ်မတၤသ့ၣ်ညါကသ့တဂၤလဲၣ်.

လံာ်တၢ်ဘူၣ်ထီၣ်ဘါထီၣ် 25:23

ဒီးသုဟီၣ်ခိၣ်န့ၣ်တဘၣ်တၢ်ဆါလီၤကွံာ်အီၤလီၤထူလီၤယိာ်ဘၣ်. အဂ့ၢ်ဒ်အံၤ, တမ့ၢ်သုတၢ်ဘၣ်. ဒီးသုမ့ၢ်ပှၤတခီဘီမုၢ်ဖိဒီးပှၤသမှံၤလၢယဂီၢ်လီၤ.

ယၤကိာ် 4:14

သုတၢ်အိၣ်မူခဲမုၢ်ဆ့ၣ်ကမ့ၢ်တၢ်ဒ်လဲၣ်န့ၣ်, သုတသ့ၣ်ညါ ဒၣ်လဲာ်ဘၣ်. သုလီၤဂာ်ဒီးဘှ့ၣ်လၢအအိၣ်ဖျါတစိၢ်ဖိဝံၤ, လၢခံက့ၤလီၤမၢ်ကွံာ်ဝဲဒၣ်န့ၣ်လီၤ.

၁ ပ့းတရူး 2:11

ယတံၤသကိးသ့ၣ်ဧၢ, ယဃ့ကညးသုဒ်ပှၤသမှံၤဒီးပှၤလီၤပြံလီၤပြါတဖၣ်လၢဟီၣ်ခိၣ် အံၤအပူၤအသိးန့ၣ်လီၤ. တဘၣ်ပျဲနီၢ်ခိဖံးညၣ်အတၢ်သးကွံတဖၣ်လၢအဒုးလိာ်ယၤလိာ် အသးဒီးသုသးသမူန့ၣ်, မၤနၢၤသုတဂ့ၤ.