လံာ်ကွဲးနီၣ်တၢ်အခီၣ်ထံးတဘ့ၣ် 29:11 - Sgaw Karen Common Bible

¹¹ နမ့ၢ်တၢ်ဒိၣ်တၢ်မုၢ်ဒီးစိဒိၣ်ကမီၤထီ, လၤဒိၣ်ကပီၤအါ, ကပြုၢ်ကပြီၤဒီးလီၤကဟုကညီၢ်န့ၣ်လီၤ. ကယဲၢ်တၢ်ခဲလၢာ်လၢအအိၣ်ဝဲလၢမူခိၣ်ဒီးဟီၣ်ခိၣ်န့ၣ်မ့ၢ်နတၢ်, ဒီးနမ့ၢ်စီၤပၤ, ဒီးပှၤပၢတၢ်အဒိၣ်ကတၢၢ်လၢတၢ်ခဲလၢာ်အဖီခိၣ် န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:11 Iomraidhean Croise

လံာ်တၢ်ကဲထီၣ်အခီၣ်ထံး 1:1

လၢထံးလၢသီဖဲကစၢ်ယွၤတ့လီၤပာ်လီၤတ့ၢ်မူခိၣ်ဒီးဟီၣ်ခိၣ်န့ၣ်,

လံာ်တၢ်ကဲထီၣ်အခီၣ်ထံး 14:19

ဒီးဆိၣ်ဂ့ၤအီၤဝံၤဒီးစံးဝဲဒၣ်, “မ်တၢ်ထီကတၢၢ်ကစၢ်ယွၤ လၢအတ့လီၤမူခိၣ်ဒီးဟီၣ်ခိၣ်တဂၤအံၤဆိၣ်ဂ့ၤစီၤအၤဘြၣ်တ က့ၢ်.

လံာ်တၢ်ကဲထီၣ်အခီၣ်ထံး 14:22

စီၤအၤဘြၣ်စံးဆၢဝဲဒၣ်, “ယဆိၣ်လီၤယသးသညူးသပှၢ်လၢယွၤ, တၢ်ထီကတၢၢ်ကစၢ်ယွၤ, ယွၤလၢအတ့လီၤမူခိၣ်ဒီးဟီၣ်ခိၣ်အမဲာ်ညါ,

လံာ်ကွဲးနီၣ်တၢ်အခီၣ်ထံးတဘ့ၣ် 29:10

ဖဲန့ၣ်, လၢပှၤအိၣ်ဖှိၣ်ရိဖှိၣ်ခဲလၢာ်အမဲာ်ညါ, စီၤပၤစီၤဒၤဝံးစံးထီၣ်ပတြၢၤယွၤန့ၣ်လီၤ. အဝဲစံးဝဲ, “ယွၤ, ပပၢ်ဖးဒိၣ်စီၤယၤကိာ်အကစၢ်ယွၤဧၢ, မ်နဘၣ်တၢ်စံးထီၣ်ပတြၢၤနၤအစိၤစိၤအဃၣ်ဃၣ်န့ၣ်တက့ၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 20:6

ဒီးဘါထုကဖၣ်လၢအကလုၢ်ဖးဒိၣ်စံးဝဲ, “အိယွၤ, ပမိၢ်ပၢ်ဖံဖုလၢပျၢၤတဖၣ်အကစၢ်ယွၤဧၢ, နပၢတၢ်လၢမူခိၣ်, လၢကယဲၢ်ပှၤကလုာ်တဖၣ်လၢဟီၣ်ခိၣ်အံၤအဖီခိၣ်န့ၣ်လီၤ. နအိၣ်ဒီးတၢ်စိတၢ်ကမီၤဒီးနဂံၢ်ဆူၣ်ဘါဆူၣ်, ဒီးပှၤထီဒါနၤတသ့ဘၣ်နီတဂၤဘၣ်.

လံာ်စီၤနဃ့မယၤ 9:5

ဒီးပှၤလ့ၤဝံဖိ, စီၤယ့ၤၡူ, စီၤကးမံၤအ့လး, စီၤၡကၤနယၤ, စီၤဘၤနံ, စီၤဃၡၤဘံယၤ, စီၤၡ့ရ့ဘယၤ, စီၤဟိၤဒံယၤ, စီၤၡဘၤနယၤ, စီၤပသၤဃယၤတဖၣ်စံးဝဲဒၣ် “ဂဲၤဆၢထၢၣ်ဒီးစံးထီၣ်ပတြၢၤယွၤသုကစၢ်ယွၤတက့ၢ်. စံးထီၣ်ပတြၢၤအီၤလီၤစိၤလီၤထီတက့ၢ်. မ်ပှၤကိးဂၤဒဲးစံးထီၣ်ပတြၢၤအတၢ်လၤကပီၤအမံၤတက့ၢ်. မ်အဘၣ်တၢ်စံးထီၣ်ပတြၢၤအီၤလၢတၢ်ခဲလၢာ်အဖီခိၣ်တက့ၢ်.”

လံာ်စီၤယိၤဘး 37:22

တၢ်ကပီၤအယဲၤထူအိၣ်ဖျါထီၣ်လၢကလံၤစိးဒီးကစၢ်ယွၤ အလၤကပီၤမၤပှဲၤယသးဒီးတၢ်ယူးယီၣ်အီၤန့ၣ်လီၤ.

စံးထီၣ်ပတြၢၤ 10:16

ယွၤမ့ၢ်စီၤပၤအစိၤစိၤအဃၣ်ဃၣ်လီၤ. ပှၤလၢအဘူၣ်ထီၣ်ဘါထီၣ် ကစၢ်အဂၤတဖၣ်န့ၣ် ကလီၤမၢ်ကွံာ်လၢအကီၢ်ပူၤလီၤ.

စံးထီၣ်ပတြၢၤ 103:19

ယွၤပာ်လီၤအလီၢ်ပစိာ်လၢမူခိၣ်, ဒီးအဘီအမုၢ်န့ၣ် ပၢတၢ်လၢတၢ်ခဲလၢာ်အဖီခိၣ်လီၤ.

စံးထီၣ်ပတြၢၤ 104:1

ယသးဧၢ, စံးထီၣ်ပတြၢၤယွၤတက့ၢ်. ယွၤယကစၢ်ယွၤဧၢ, နဒိၣ်ဝဲဒိၣ်နီၢ်မးလီၤ. နကူနသိးဒီးတၢ်လၤတၢ်ကပီၤ ဒီးတၢ်ကဟုကညီၢ်လီၤ.

စံးထီၣ်ပတြၢၤ 145:1

ယကစၢ်ယွၤဒီးယစီၤပၤဧၢ, ယကပာ်ထီၣ်ထီနၤဒီးစံးထီၣ်ပတြၢၤနမံၤ လီၤစိၤလီၤထီန့ၣ်လီၤ.

စံးထီၣ်ပတြၢၤ 145:6

ပှၤကကတိၤနတၢ်မၤလီၤလးတဖၣ်အစိအကမီၤ, ဒီးယကတဲဖျါနတၢ်ဒိၣ်တၢ်ထီန့ၣ်လီၤ.

စံးထီၣ်ပတြၢၤ 21:13

ယွၤဧၢ, ပစံးထီၣ်ပတြၢၤနၤ လၢနဂံၢ်ဆူၣ်နဘါဆူၣ်အဃိ, ပကသးဝံၣ်ဒီးစံးထီၣ်ပတြၢၤနစိနကမီၤန့ၣ်လီၤ.

စံးထီၣ်ပတြၢၤ 29:4

ယွၤအကလုၢ်အံၤအိၣ်ဒီးအစိအကမီၤ, ယွၤအကလုၢ်အံၤပှဲၤဝဲဒီးတၢ်ကဟုကညီၢ်န့ၣ်လီၤ.

စံးထီၣ်ပတြၢၤ 46:10

အဝဲစံးဝဲ, “ဆိကတီၢ်တၢ်ဒုးတၢ်ယၤ, ဒီးသ့ၣ်ညါလၢယမ့ၢ်ကစၢ်ယွၤ, တၢ်စိတၢ်ကမီၤအဒိၣ်ကတၢၢ် လၢပှၤကလုာ်တဖၣ်အကျါ, တၢ်စိတၢ်ကမီၤအဒိၣ်ကတၢၢ်လၢ ဟီၣ်ခိၣ်ချၢန့ၣ်တက့ၢ်.”

စံးထီၣ်ပတြၢၤ 47:9

ပှၤပၢတၢ်လၢအပၢပှၤကလုာ်တဖၣ်အိၣ်ဖှိၣ်ရိဖှိၣ် ဒီးစီၤအၤဘြၤဟၣ်အကစၢ်ယွၤ အပှၤဂီၢ်မုၢ်တဖၣ်န့ၣ်လီၤ. အဂ့ၢ်ဒ်အံၤ ဟီၣ်ခိၣ်အကတီၤတဖၣ် ဘၣ်ဃးဒီးယွၤန့ၣ်လီၤ. အဝဲဘၣ်တၢ်ပာ်ထီၣ်ထီအီၤဒိၣ်မးန့ၣ်လီၤ.

စံးထီၣ်ပတြၢၤ 57:11

ကစၢ်ယွၤဧၢ, မ်နဘၣ်တၢ်ပာ်ထီၣ်ထီနၤလၢမူခိၣ် ဒီးနလၤကပီၤလၢဟီၣ်ခိၣ်ဒီဘ့ၣ်ညါန့ၣ်တက့ၢ်.

စံးထီၣ်ပတြၢၤ 57:5

ကစၢ်ယွၤဧၢ, မ်နဘၣ်တၢ်ပာ်ထီၣ်ထီနၤလၢမူခိၣ် ဒီးနလၤကပီၤလၢဟီၣ်ခိၣ်ဒီဘ့ၣ်ညါန့ၣ်တက့ၢ်.

စံးထီၣ်ပတြၢၤ 57:6

ယဒုၣ်ယဒါသ့ၣ်တဖၣ်ရၤလီၤအပှာ် ဧိၤစၤဧိၤလၢကဖီၣ်န့ၢ်ယၤအဂီၢ်လီၤ. ယဘၣ်တၢ်မၤနၢၤယၤလၢတၢ်ကိၢ်တၢ်ဂီၤန့ၣ်လီၤ. အဝဲသ့ၣ်ခူၣ်လီၤတၢ်ပူၤလၢယကျဲ, ဘၣ်ဆၣ်အကစၢ်ဒၣ်ဝဲလီၤတဲာ်လၢတၢ်ပူၤန့ၣ်လီၤ. စ့လၤ

စံးထီၣ်ပတြၢၤ 89:11

မူခိၣ်မ့ၢ်နတၢ်, ဟီၣ်ခိၣ်စ့ၢ်ကီးမ့ၢ်နတၢ်, ဟီၣ်ခိၣ်ဒီးတၢ်လၢအအိၣ်လၢအပူၤခဲလၢာ်န့ၣ် နပာ်လီၤအခီၣ်ထံးလီၤ.

စံးထီၣ်ပတြၢၤ 97:1

ယွၤမ့ၢ်စီၤပၤ, မ်ဟီၣ်ခိၣ်သူၣ်ဖှံသးညီတက့ၢ်. မ်ကီးတဖၣ်သူၣ်ခုသးခုတက့ၢ်.

စံးထီၣ်ပတြၢၤ 97:9

တၢ်စိဒိၣ်ကမီၤထီယွၤဧၢ, နမ့ၢ်ပှၤပၢဟီၣ်ခိၣ်ဒီဘ့ၣ်ညါ ဒီးနဒိၣ်န့ၢ်ဒံးကယဲၢ်ကစၢ်ခဲလၢာ်န့ၣ်လီၤ.

စံးထီၣ်ပတြၢၤ 98:1

သးဝံၣ်ထီၣ်ယွၤလၢတၢ်သးဝံၣ်အသီတက့ၢ်. အဂ့ၢ်ဒ်အံၤ, အဝဲမၤတ့ၢ်တၢ်လီၤလးတဖၣ်လီၤ. အစုထွဲဒီးအစုဒုၣ်စီဆှံ မၤတ့ၢ်တၢ်အုၣ်က့ၤခီၣ်က့ၤလၢအဂီၢ်လီၤ.

စံးထီၣ်ပတြၢၤ 99:1

ယွၤပၢတၢ်, မ်ပှၤကလုာ်တဖၣ်ကနိးကစုာ်တက့ၢ်. အဝဲဆ့ၣ်နီၤပၢတၢ်လၢခ့ရူာ်တဖၣ်အဖီခိၣ်, မ်ဟီၣ်ခိၣ်ဟူးဝးတက့ၢ်.

လံာ်ယၡါယၤ 12:4

မုၢ်တနံၤကဟဲဝဲဖဲပှၤကသးဝံၣ်ထီၣ်, “ဟ့ၣ်ထီၣ်တၢ်စံးဘျုးစံးဖှိၣ်ဆူယွၤအအိၣ်တက့ၢ်. ကိးထီၣ်အီၤလၢကမၤစၢၤနၤအဂီၢ်တက့ၢ်. တဲဘၣ်ပှၤကလုာ်ခဲလၢာ်လၢတၢ်လၢအဝဲမၤတ့ၢ်ဝဲတက့ၢ်. တဲဘၣ်အဝဲသ့ၣ်လၢယွၤအံၤဒိၣ်ဝဲထဲလဲၣ်ထဲလဲၣ်န့ၣ်တက့ၢ်.

လံာ်ယၡါယၤ 42:5

ကစၢ်ယွၤတ့လီၤပာ်လီၤမူခိၣ်မူကပိာ်လိၤဒီးသလၣ်ထီၣ်အဝဲ သ့ၣ်လီၤ. အဝဲဒုးကဲထီၣ်ဟီၣ်ခိၣ်ဒီးကယဲၢ်တၢ်အိၣ်ဖဲန့ၣ်ခဲလၢာ်အက့ၢ် အဂီၤလီၤ. အဝဲဟ့ၣ်တၢ်မူဒီးတၢ်သါဆူအပှၤဂီၢ်မုၢ်ခဲလၢာ်လီၤ. ဒီးခဲအံၤ, ယွၤ, ကစၢ်ယွၤစံးဘၣ်အခ့အပှၤ,

လံာ်ယၡါယၤ 66:1

ယွၤစံးဝဲဒၣ်, “မူခိၣ်မ့ၢ်ယလီၢ်ပစိာ်, ဒီးဟီၣ်ခိၣ်မ့ၢ် ယခီၣ်ယီၢ်လီၤတၢ်အလီၢ်လီၤ. ဟံၣ်လၢသုသူၣ် ထီၣ်လၢယဂီၢ်ကသ့, ကမ့ၢ်ဟံၣ်ဒ်လဲၣ်တကလုာ်လဲၣ်. ကမ့ၢ်တၢ်လီၢ်ဒ်လဲၣ်တကလုာ်လၢယကအိၣ်ကဆိးလၢ အပူၤအဂီၢ်န့ၣ်လဲၣ်.

လံာ်ယံးရမံယၤ 27:5

“လၢယစိဒိၣ်ကမီၤဒိၣ်ဒီး ယဂံၢ်ယဘါဒၣ်ယဲန့ၣ်, ယတ့လီၤပာ်လီၤ ဟီၣ်ခိၣ်, ပှၤကညီ, ဒီးဆၣ်ဖိကီၢ်ဖိခဲလၢာ်လၢအအိၣ်ဆိးလၢ ဟီၣ် ခိၣ်အဖီခိၣ်, ဒီးယဟ့ၣ်လီၤအီၤဆူ ပှၤတဂၤလၢ်လၢ်လၢယဃုထၢအီၤ န့ၣ်လီၤ.

လံာ်ဒၤနံးယ့လး 2:20

ဒီးစီၤဒၤနံးယ့လးစံးဝဲဒၣ်, “ကစၢ်ယွၤမ့ၢ်တၢ်ကူၣ်သ့ဒီး အစိအကမီၤဒိၣ်ဝဲလီၤ. စံးထီၣ်ပတြၢၤအီၤအစိၤစိၤအဃၣ်ဃၣ်တက့ၢ်.

လံာ်ဒၤနံးယ့လး 4:3

ယွၤအတၢ်ပနီၣ်တဖၣ်ဒိၣ်နီၢ်မး, အတၢ်လီၤလးတဖၣ်လီၤဘီလီၤမုၢ်မးလီၤ. ကစၢ်ယွၤအဘီအမုၢ်န့ၣ်မ့ၢ်ဘီမုၢ်အထူအယိာ်ဒီးအတၢ်ပၢတၢ် ပြးမ့ၢ်တၢ်အစိၤစိၤအဃၣ်ဃၣ်တမံၤန့ၣ်လီၤ.

လံာ်ဒၤနံးယ့လး 4:30

ဒီးစံးဝဲဒၣ်, “ဘၤဘူၤလိၣ်ဒိၣ်ဝဲဆံးဒိၣ်ဆံးဒိၣ်လဲၣ်န့ၣ်ကွၢ်တက့ၢ်. ယသူၣ်ထီၣ်အီၤဒ်ယဝ့ၢ်ခိၣ်အသိးလၢကလီၣ်ဖျါ ထီၣ်ယစိကမီၤဒီးယဂံၢ်ယဘါယလၤကပီၤယကဟုကညီၢ်လီၤ.”

လံာ်ဒၤနံးယ့လး 4:32

ဒီးနကဘၣ်တၢ်နီၣ်ထီၣ်ကွံာ်နၤလၢပှၤကညီအကျါ, ဒီးနတၢ်အိၣ်တၢ်ဆိးအလီၢ်ကမ့ၢ်ဝဲလၢဆၣ်ဖိကီၢ်ဖိအမံၤတဖၣ် အသိးအကျါလီၤ. နကအီၣ်တပံၢ်တမါဒ်ဂီၤဖံးတဒုအသိး လၢနွံနံၣ်အတီၢ်ပူၤလီၤ. တုၤနုၤတစု, နကသ့ၣ်ညါက့ၤလၢတၢ်ထီကတၢၢ်ကစၢ်ယွၤတဂၤပၢတၢ်လၢပှၤဟီၣ် ခိၣ်ဖိအဘီအမုၢ်တဖၣ်အဖီခိၣ်ဒီးဟ့ၣ်လီၤတၢ်ဆူပှၤလၢအဃု ထၢဝဲဒ်အသးအိၣ်ဒၣ်ဝဲအသိးအစုပူၤသ့ဝဲန့ၣ်လီၤ.”

လံာ်မးသဲ 6:13

သုတဒုးလဲၤနုာ်ပှၤဆူတၢ်လ့ပစီအပူၤတဂ့ၤ. မ့မ့ၢ်ထုးထီၣ်ဖျဲးကွံာ်ပှၤလၢတၢ်အၢတၢ်သီအပူၤတက့ၢ်. (အဂ့ၢ်ဒ်အံၤ, ဘီမုၢ်, တၢ်စိတၢ်ကမီၤဒီး တၢ်လၤကပီၤန့ၣ်မ့ၢ်နတၢ်အစိၤစိၤအဃၣ်ဃၣ်လီၤ. အၤမ့ၣ်)’

၁ တံၤမသ့း 1:17

စီၤပၤလၢအပၢတၢ်လီၤထူလီၤယိာ်လၢအသံတသ့ ဒီးတၢ်ထံၣ်အီၤတသ့, ကစၢ်ယွၤထဲတဂၤဧိၤအံၤ, မ်တၢ်ယူးယီၣ်ဒီးတၢ်လၤကပီၤအိၣ်ဒီးအီၤအစိၤစိၤ အဃၣ်ဃၣ်တက့ၢ်. အၤမ့ၣ်.

ဧ့ၤဘြံၤ 1:3

အဝဲလီၣ်ဖျါထီၣ်န့ၢ်ပှၤလၢကစၢ်ယွၤအလၤကပီၤဒီးစိာ်မူ ဝဲကစၢ်ယွၤအက့ၢ်အဂီၤအန့ဆၢၣ်လီၤတံၢ်လီၤဆဲးဒီးဟံး ဃာ်ပၢၤဃာ်ဟီၣ်ခိၣ်မူခိၣ်လၢအကလုၢ်အစိအကမီၤလီၤ. တုၤအမၤကဆှီထီၣ်ပှၤလၢပတၢ်ဒဲးဘးလၢအကစၢ် ဒၣ်ဝဲဝံၤဒီး, ဆ့ၣ်နီၤဝဲလၢတၢ်စိဒိၣ်ကမီၤထီကစၢ်ယွၤ အစုထွဲတခီလီၤ.

လံာ်စီၤယိၤၡူ 3:11

ဖဲဟီၣ်ခိၣ်ဒီဘ့ၣ်အကစၢ်အတၢ်အၢၣ်လီၤအီလီၤအတလါလဲၤခီဂာ်ထံ ကျိယၢ်ဒ့ၣ်လၢသုမဲာ်ညါအဆၢကတီၢ်န့ၣ်လီၤ.

လံာ်စီၤယိၤၡူ 3:13

ဒီးဖဲပှၤလုၢ်တၢ်အခိၣ် တဖၣ်လၢအစိာ်ဟီၣ်ခိၣ်ဒီဘ့ၣ်အယွၤအတၢ်အၢၣ်လီၤအီလီၤအတလါ, ဒီးယီၢ်လီၤထံစှၤခါန့ၣ်ဒီး, ယၢ်ဒ့ၣ်အထံလၢအယွၤလီၤကအိၣ်ပတုာ်ဝဲဒီးထံလၢအဟဲလီၤလၢထး ခီကအိၣ်ပတုာ်ဝဲဒီးအိၣ်ဖှိၣ်စိထီၣ်န့ၣ်လီၤ.”

ယူဒၤ 1:25

ကစၢ်ယွၤတဂၤဃီ, ပပှၤအုၣ်က့ၤခီၣ်က့ၤတၢ်ခီဖျိပကစၢ် ယ့ၣ်ၡူးခရံာ်အံၤ, မ်တၢ်လၤကပီၤ, တၢ်ကဟုကညီၢ်, တၢ်ဂံၢ်ဆူၣ်ဘါဆူၣ်, ဒီးတၢ်စိတၢ်ကမီၤအိၣ်ဒီးအီၤ, လၢစိၤလၢအပူၤကွံာ်ခဲလၢာ်, ဒီးစိၤခဲအံၤ, ဒီးဆူညါအစိၤစိၤအဃၣ်ဃၣ်န့ၣ်တက့ၢ်. အၤမ့ၣ်.

လံာ်လီၣ်ဖျါ 11:15

အန့ၣ်ဝံၤဒီး, ကလူးနွံဂၤတဂၤအူထီၣ်အကွဲၤ, ဒီးတၢ်ကလုၢ်တဖၣ်သီၣ်ထီၣ်ဖးဒိၣ်လၢမူခိၣ်, ဒီးစံးဝဲဒၣ်, “ခဲကနံၣ်အံၤ, တၢ်စိကမီၤဘၣ်ဃးဒီးတၢ်ပၢဘၣ်ဟီၣ်ခိၣ်မ့ၢ် ပကစၢ်ဒီးအမ့းၡံအၤအတၢ်, ဒီးအဝဲဒၣ်ကပၢတၢ်လီၤထူလီၤ ယိာ်လီၤ.”

လံာ်လီၣ်ဖျါ 19:1

တၢ်အံၤဝံၤအလီၢ်ခံ, ယနၢ်ဟူတၢ်လၢအသီၣ်လီၤဂာ်ပှၤဂီၢ်မုၢ်အကလုၢ်ဖးဒိၣ်လၢမူခိၣ် စံးဝဲ, “စံးထီၣ်ပတြၢၤယွၤတက့ၢ်. တၢ်အုၣ်က့ၤခီၣ်က့ၤ, တၢ်လၤ ကပီၤ, ဒီးတၢ်စိတၢ်ကမီၤမ့ၢ်ပကစၢ်ယွၤအတၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:29

ကီၢ်အံၣ်စရ့လးအကစၢ်ယွၤလၢအကဟုကညီၢ်ဒိၣ်န့ၣ်တလီတၢ်မ့ၢ်ဂ့ၤ, ဆီတလဲအတၢ်ပာ်သူၣ်ပာ်သးမ့ၢ်ဂ့ၤဘၣ်. အဝဲတမ့ၢ်ပှၤကညီတဂၤ, ဒီးအဝဲတဆီတလဲအတၢ်ပာ်သူၣ်ပာ်သးဘၣ်.”