လံာ်ကွဲးနီၣ်တၢ်အခီၣ်ထံးတဘ့ၣ် 28:8 - Sgaw Karen Common Bible

⁸ လၢတၢ်န့ၣ်အဃိ, ယပှၤဂီၢ်မုၢ်သ့ၣ်ဧၢ, လၢပကစၢ်ယွၤဒီးကယဲၢ်အံၣ် စရ့လး, ယွၤအပှၤဂီၢ်မုၢ်, အတၢ်ပာ်ဖှိၣ်သးအံၤအမဲာ်ညါ, ယသိၣ်လီၤမၤလိာ်သုလၢသုကစူၢ်ကယဲၢ်တၢ်လၢယွၤပကစၢ်ယွၤမၤလိာ် တ့ၢ်ပှၤလီၤတံၢ်လီၤဆဲး, ဒ်သိးသုကအိၣ်ဆိးထွဲဘၣ်လၢကီၢ်အဂ့ၤအံၤအပူၤ, ဒီးဒ်သိးသုကဟ့ၣ်န့ၢ်သါဘၣ်ဒံးဆူပှၤစိၤလၢခံတဖၣ်လီၤစိၤ လီၤထီအဂီၢ်န့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 28:8 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 28:7

အဝဲမ့ၢ်စူၢ်ထွဲကယဲၢ်ယတၢ်သိၣ်တၢ်သီတဖၣ်ဒီးတၢ်မၤလိာ်တဖၣ်လီၤ တံၢ်လီၤဆဲးဒ်အမၤဝဲခဲအံၤအသိးန့ၣ်ဒီး, ယကဒုးအိၣ်ဂၢၢ်ဆိးကျၢၤအဘီအမုၢ်လီၤစိၤလီၤထီန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:9

ဒီးအဝဲစံးဘၣ်ဝဲစီၤၡလိၤမိၤ, “ယဖိခွါဧၢ, ယသိၣ်လိမၤလိာ်နၤလၢနကသ့ၣ်ညါနပၢ်အကစၢ်ယွၤဒီးနကမၤအတၢ်မၤ လၢနသးဒီဖျၢၣ်ညါဒီးလၢတၢ်သူၣ်အိၣ်သးအိၣ်အပူၤန့ၣ်လီၤ. အဝဲသ့ၣ်ညါပတၢ်ဆိကမိၣ်တဖၣ်ခဲလၢာ်ဒီးပတၢ်မိၣ်န့ၢ်သးလီ တဖၣ်ခဲလၢာ်န့ၣ်လီၤ. နမ့ၢ်လဲၤဆူအအိၣ်ဒီးအဝဲကတူၢ်လိာ်နၤ, ဘၣ်ဆၣ်နမ့ၢ်ဃၣ်ကွံာ်နသးလၢအီၤဒီးအဝဲကကွံာ်တ့ၢ်ကွံာ်နၤလီၤ စိၤလီၤထီန့ၣ်လီၤ.

လံာ်စီၤဧ့စြၤ 9:12

အဝဲသ့ၣ်တဲဘၣ်ပှၤလၢပမ့ၢ်အဲၣ်ဒိးအိၣ်မုာ်ဆိးပၢၤလၢကီၢ်အံၤ အပူၤဒီးဟ့ၣ်န့ၢ်သါပစၢၤပသွဲၣ်တဖၣ်လီၤစိၤလီၤထီဒီး, ပတဘၣ်ဆီဟံၣ်ဆီဃီဒီးပှၤဂီၢ်မုၢ်တဖၣ်န့ၣ်နီတစုဒီးမၤစၢၤ အဝဲသ့ၣ်လၢကဘီၣ်ထီၣ်ညီထီၣ်မ့ၢ်ဂ့ၤ, အိၣ်ဒီးတၢ်မၤနၢၤမ့ၢ်ဂ့ၤနီတစုဘၣ်.

စံးထီၣ်ပတြၢၤ 119:27

ဒုးနၢ်ပၢၢ်ယၤလၢ နတၢ်သိၣ်တၢ်သီအကျဲတဖၣ်န့ၣ်တက့ၢ်. ဒီးယကဆိကမိၣ်တၢ်လၢ နတၢ်မၤလီၤလးတဖၣ်အဂ့ၢ်န့ၣ်လီၤ.

စံးထီၣ်ပတြၢၤ 119:4

နမၤလိာ်တ့ၢ်ပှၤလၢ ပဘၣ်တိၢ်န့ၢ်ဟံးဃာ် နတၢ်သိၣ်တၢ်သီထံထံဆးဆးလီၤ.

စံးထီၣ်ပတြၢၤ 119:44

ယကတိၢ်န့ၢ်ဟံးဃာ်နတၢ်သိၣ်တၢ်သီတထံၣ်ဃီ အစိၤစိၤအဃၣ်ဃၣ်န့ၣ်လီၤ.

လံာ်တၢ်ဟးထီၣ်ကွံာ် 23:13

ဒိကနၣ်တၢ်ကိးမံၤဒဲးလၢယၤ, ယွၤ, စံးတ့ၢ်သုတက့ၢ်. ဘါထုကဖၣ်တၢ်ဆူကစၢ်အဂၤတဖၣ်အအိၣ်တဂ့ၤ. ယၢၤထီၣ်ဒၣ်လဲာ်အမံၤတဖၣ်တဂ့ၤ.

တၢ်ကတိၤဒိ. 13:22

ပှၤအဂ့ၤတဂၤကအိၣ်ဒီးတၢ်ထူးတၢ်တီၤလၢကပာ်လီၤတဲာ်တ့ၢ်ဝဲလၢ အလံၤတဖၣ်အဂီၢ်လီၤ. မ့မ့ၢ်ပှၤတၢ်ဒဲးဘးဖိတဖၣ်အတၢ်ထူးတၢ်တီၤန့ၣ်ကလဲၤဆူပှၤတီ ပှၤလိၤတဖၣ်အအိၣ်လီၤ.

တၢ်ကတိၤဒိ. 3:1

ယဖိခွါဧၢ, သးပ့ၤနီၣ်ယသိၣ်က့ၤသီက့ၤတၢ်တဂ့ၤ. တၢ်လၢယမၤလိာ်နၤဒ်သိးနကမၤအီၤန့ၣ်ဟံးဃာ်အီၤထီဘိ တက့ၢ်.

လံာ်ယၡါယၤ 34:16

ဃုကွၢ်တၢ်လၢယွၤအလံာ်ပူၤဘၣ်ဃးဆၣ်ဖိကီၢ်ဖိ, တၢ်ဘၣ်တ့လၢအမူတဖၣ်ဒီးဖးတၢ်လၢအစံးဘၣ်သုန့ၣ်တက့ၢ်. ဆၣ်ဖိကီၢ်ဖိတဖၣ်အံၤတလီၤမၢ်ကွံာ်ဝဲဘၣ်, ကအိၣ်ဘၣ်ဒ်ဒီမိၢ်ဖါ အသိးစ့ၢ်ကီး, တအိၣ်ဝဲဘၣ်. ယွၤမၤလိာ်တ့ၢ်ဝဲဒ်န့ၣ်အသိး, ဒီးအကစၢ်ဒၣ်ဝဲကပာ်ဖှိၣ်အဝဲသ့ၣ်တပူၤဃီလီၤ.

မၤတၢ် 10:33

လၢတၢ်န့ၣ်အဃိယမၢလီၤပှၤလၢအကလဲၤကိးနၤတဘျီဃီ, ဒီးမ့ၢ်မးတၢ်အဂ့ၤလၢနဟဲအဃိလီၤ. ခဲကနံၣ်အံၤ, ပဝဲကိးဂၤဒဲးပအိၣ်လၢကစၢ်ယွၤအမဲာ်ညါ, ဒီးအိၣ်ခိးဒ်သိးပကနၢ်ဟူဘၣ်တၢ်တမံၤလၢ်လၢ်လၢကစၢ်မၤလိာ်တ့ၢ် နၤလၢနကကတိၤအီၤန့ၣ်လီၤ.

မၤတၢ် 17:11

ပှၤဖဲန့ၣ်တဖၣ်ပာ်အသးလဲၢ်ဒိၣ်န့ၢ်ဒံးပှၤဝ့ၢ်သ့းစၤလနံဖိ တဖၣ်လီၤ. အဝဲသ့ၣ်ဒိကနၣ်တၢ်ကစီၣ်လၢတၢ်သူၣ်ဆူၣ်သးဂဲၤ အပူၤ, ဒီးဃုသ့ၣ်ညါနၢ်ပၢၢ်တၢ်ကွဲးအသးစီဆှံကိးနံၤဒဲးဒ်သိး အကသ့ၣ်ညါဘၣ်ဝဲတၢ်လၢစီၤပီလူးစံးကတိၤလၢအဂ့ၢ်တဖၣ်မ့ၢ်, တမ့ၢ်လဲၣ်န့ၣ်လီၤ.

လံာ်သိၣ်လီၤသီလီၤတၢ် 27:1

အန့ၣ်ဝံၤဒီး, စီၤမိၤၡ့ဃုာ်ဒီးကီၢ်အံၣ်စရ့လးအခိၣ်အနၢ်တဖၣ် စံးဘၣ်ပှၤဂီၢ်မုၢ်, “စူၢ်ကယဲၢ်တၢ်သိၣ်လိနဲၣ်ယုၤတဖၣ်လၢယက ဟ့ၣ်လီၤသုလၢမုၢ်မဆါတနံၤအံၤတက့ၢ်.

လံာ်သိၣ်လီၤသီလီၤတၢ် 29:10

တနံၤအံၤသုအိၣ်ဆၢထၢၣ်လၢယွၤ, သုကစၢ်ယွၤအမဲာ်ညါ, ကယဲၢ်သုဝဲခဲလၢာ်လၢအမ့ၢ်သုပှၤခိၣ်ပှၤနၢ်တဖၣ်ဒီးပဒိၣ်ပပှၢ်တဖၣ်, သုပှၤပိာ်ခွါတဖၣ်,

လံာ်သိၣ်လီၤသီလီၤတၢ် 29:15

အဝဲမၤတၢ်န့ၣ်ဒီးကယဲၢ်ပဝဲခဲလၢာ်လၢတနံၤအံၤဆၢထၢၣ်ဖဲအံၤ, လၢအဝဲအမဲာ်ညါဒီးမ့ၢ်စ့ၢ်ကီးလၢပစၢၤပသွဲၣ်တဖၣ်လၢတအိၣ် ဖျဲၣ်ထီၣ်ဒံးဘၣ်အဂီၢ်န့ၣ်လီၤ.

လံာ်သိၣ်လီၤသီလီၤတၢ် 4:1

အန့ၣ်ဝံၤဒီးစီၤမိၤၡ့စံးဘၣ်ပှၤဂီၢ်မုၢ်, “စူၢ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီခဲလၢာ်လၢယသိၣ်လိတ့ၢ် သုန့ၣ်တက့ၢ်. ဒီးသုကမူဒီးမၤန့ၢ်ကီၢ်လၢယွၤ, သုမိၢ်ပၢ်ဖံဖုလၢပျၢၤတဖၣ်အကစၢ်ယွၤဟ့ၣ်လီၤသုန့ၣ်လီၤ.

လံာ်သိၣ်လီၤသီလီၤတၢ် 4:26

ယကိးထီၣ်မူခိၣ်ဒီးဟီၣ်ခိၣ်ဒ်တၢ်အုၣ်အသးတဖၣ်လၢအထီဒါသု တနံၤအံၤလၢသုမ့ၢ်တစူၢ်ဘၣ်ယၤဘၣ်ဒီး, တယံာ်ဘၣ်န့ၣ်သုကဟါမၢ်ကွံာ်လၢကီၢ်တဘ့ၣ်အံၤအပူၤန့ၣ်လီၤ. သုတအိၣ်ဆိးဘၣ်ယံာ်ယံာ်ထၢထၢလၢကီၢ်တဘ့ၣ်အံၤလၢအအိၣ်လၢထံ ကျိယၢ်ဒ့ၣ်အဘးခီအပူၤလၢ, ဘူးတ့ၢ်မးလၢသုကမၤန့ၢ်အီၤလံန့ၣ်ဘၣ်. သုကဘၣ်တၢ်မၤဟးဂီၤ သုလၢာ်လၢာ်ဆ့ဆ့န့ၣ်လီၤ.

လံာ်သိၣ်လီၤသီလီၤတၢ် 4:6

စူၢ်အီၤလၢတၢ်သူၣ်တီသးရၤအပူၤ, ဒီးတၢ်အံၤကဒုးနဲၣ်ပှၤ ကလုာ်ဂၤအပှၤဂီၢ်မုၢ်တဖၣ်လၢသုကူၣ်တၢ်သ့ဆံးအါလဲၣ်န့ၣ်လီၤ. ဖဲအဝဲသ့ၣ်နၢ်ဟူဘၣ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီ တဖၣ်အံၤအဂ့ၢ်န့ၣ်အဝဲသ့ၣ်ကစံးဝဲ, (တၢ်ကူၣ်သ့ဒီးတၢ်သ့ၣ်ညါ နၢ်ပၢၢ်လၢအအိၣ်ဒီးပှၤကလုာ်ဖးဒိၣ်တကလုာ်အံၤ, မ့ၢ်တၢ်လၢအဒိၣ်နီၢ်မးလဲၣ်.)

လံာ်သိၣ်လီၤသီလီၤတၢ် 5:32

ကီၢ်အံၣ်စရ့လးအပှၤဂီၢ်မုၢ်ဧၢ, မၤတၢ်ကိးမံၤလၢယွၤ, သုကစၢ်ယွၤမၤလိာ်တ့ၢ်သုသပှၢ်ကတၢၢ်တက့ၢ်. စူၢ်အဝဲအတၢ်ဘူၣ်တၢ်ဘါအတၢ်သိၣ်တၢ်သီတမံၤလၢ်လၢ်တက့ၢ်.

လံာ်သိၣ်လီၤသီလီၤတၢ် 5:33

စူၢ်အီၤကိးထံၣ်ဒဲး, ဒ်သိးတၢ်ကိးမံၤဒဲးကလဲၤအသးဂ့ၤဂ့ၤ ဘၣ်ဘၣ်လၢသုဂီၢ်ဒီးဒ်သိးသုကအိၣ်ဆိးဘၣ်ဒံးဆူညါလၢကီၢ် တဘ့ၣ်လၢသုကလဲၤနုာ်လီၤမၤန့ၢ်အီၤအပူၤအဂီၢ်န့ၣ်တက့ၢ်.

လံာ်စီၤယိၤၡူ 24:20

ဒီးသုမ့ၢ်လဲၤသဒၣ်အီၤလၢသုကမၤကစၢ်အဂၤတဖၣ်အတၢ်ဒီး, အဝဲကဃၣ်အသးထီဒါသုဒီးမၤအၢမၤနးသုလီၤ. လၢအပူၤကွံာ်အဝဲမ့ၢ်ဂ့ၤလၢသုဂီၢ်ဒၣ်လဲာ်, ကမၤဟးဂီၤသုန့ၣ်လီၤ.”