လံာ်ကွဲးနီၣ်တၢ်အခီၣ်ထံးတဘ့ၣ် 28:5 - Sgaw Karen Common Bible

⁵ အဝဲဟ့ၣ်ယၤဖိခွါအါဂၤဒီးလၢကယဲၢ်အဝဲသ့ၣ်အကျါန့ၣ်, အဝဲဃုထၢထီၣ်တ့ၢ်စီၤၡလိၤမိၤဒ်သိးကပၢတၢ်လၢကီၢ်အံၣ်စရ့ လး, ယွၤအဘီအမုၢ်အဖီခိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:5 Iomraidhean Croise

လံာ်စီၤပၤအခီၣ်ထံးတဘ့ၣ် 1:13

“လဲၤတဘျီဃီဆူစီၤပၤဒၤဝံးအအိၣ်ဒီးသံကွၢ်အီၤ, တၢ်ဒိၣ်ကစၢ်စီၤပၤဧၢ, မ့ၢ်နတအၢၣ်လီၤတ့ၢ်နဲယၤသမှံၤသပှၢ်လၢ ယဖိခွါစီၤၡလိၤမိၤကကဲထီၣ်စီၤပၤလၢနလီၢ်န့ၣ်ဘၣ်ဧါ. ခဲကနံၣ်အံၤ, စီၤအဒိနံၤယၤကဲထီၣ်စီၤပၤန့ၣ်, မ့ၢ်တၢ်လဲၤအသးဒ်လဲၣ်.”

လံာ်စီၤပၤအခီၣ်ထံးတဘ့ၣ် 1:20

တၢ်ဒိၣ်ကစၢ်စီၤပၤဧၢ, ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ် ကွၢ်ထီၣ်တၢ်ဆူနအိၣ်လၢနကတဲဘၣ်အဝဲသ့ၣ်လၢမ့ၢ်မတၤကကဲ ထီၣ်စီၤပၤလၢနလီၢ်လဲၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 1:30

လၢတနံၤအံၤ, ယကဟံးဃာ်တၢ်အၢၣ်လီၤလၢယမၤတ့ၢ်ဒီးနၤလၢယွၤ, အံၣ်စရ့လးအကစၢ်ယွၤအမံၤအပူၤ, လၢနဖိခွါစီၤၡလိၤမိၤကကဲထီၣ်စီၤပၤလၢယလီၢ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 1:35

ဟဲက့ၤပိာ်ကဒါက့ၤအခံဆူအံၤ, ဖဲအဝဲဟဲက့ၤဒ်သိးကဆ့ၣ်နီၤ လၢယလီၢ်ပစိာ်အဖီခိၣ်အဂီၢ်န့ၣ်တက့ၢ်. အဝဲကကဲထီၣ်စီၤပၤလၢယလီၢ်မ့ၢ်လၢအဝဲမ့ၢ်ပှၤတဂၤလၢယဃုထၢ တ့ၢ်လၢကကဲထီၣ်ပှၤပၢတၢ်လၢကီၢ်အံၣ်စရ့လးဒီးကီၢ်ယူဒၤအဖီ ခိၣ်အဃိန့ၣ်လီၤ.”

လံာ်စီၤပၤအခီၣ်ထံးတဘ့ၣ် 2:15

အဝဲစံးဆၢဝဲ, “နသ့ၣ်ညါလၢယကဘၣ်ကဲထီၣ်စီၤပၤဒီးပှၤကိး ဂၤဒဲးလၢကီၢ်အံၣ်စရ့လးအပူၤမုၢ်လၢ်တၢ်အံၤန့ၣ်လီၤ. ဘၣ်ဆၣ်, တၢ်တမံၤဒၣ်မၤအသး, တၢ်မၤအသးလီၤဆီကွံာ်ဒီးယဒီပုၢ် ဝဲၢ်ခွါကဲထီၣ်စီၤပၤ, မ့ၢ်လၢတၢ်န့ၣ်မ့ၢ်ယွၤအတၢ်ဘၣ်အသးအဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:20

ဒီးခဲကနံၣ်အံၤယွၤဟံးဃာ်ဂၢၢ်ကျၢၤအတၢ်အၢၣ်လီၤန့ၣ်လံ. ယကဲထီၣ်လံအံၣ်စရ့လးအစီၤပၤလၢယပၢ်အလီၢ်ဒီးယသူၣ်ထီၣ်ဘၣ်လံ ယွၤအတၢ်လုၢ်ဟံၣ်တဖျၢၣ်လၢတၢ်ကဘူၣ်ထီၣ်ဘါထီၣ်ယွၤ, အံၣ်စရ့လးအကစၢ်ယွၤအဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 17:14

ယကပာ်အီၤလၢယပှၤဂီၢ်မုၢ်ဒီးယဘီယမုၢ်အခိၣ်လီၤစိၤလီၤထီ န့ၣ်လီၤ. အဝဲအလီၢ်ပစိာ်အကတၢၢ်တအိၣ်နီတဘျီဘၣ်န့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 23:1

ဖဲစီၤဒၤဝံးအသးပှၢ်ထီၣ်နးမးန့ၣ်အဝဲဒုးကဲထီၣ်အဖိခွါ စီၤၡလိၤမိၤလၢအံၣ်စရ့လးအစီၤပၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:1

စီၤပၤဒၤဝံးဘိးဘၣ်သ့ၣ်ညါပှၤလၢအဟဲပာ်ဖှိၣ်အသးခဲလၢာ်, “ယဖိခွါစီၤၡလိၤမိၤ, မ့ၢ်ပှၤတဂၤလၢကစၢ်ယွၤဃုထၢတ့ၢ်ဝဲ, ဘၣ်ဆၣ်အဝဲအသးစၢ်ဒံး, ဒီးအတၢ်လဲၤခီဖျိစှၤဒံးဝဲန့ၣ်လီၤ. တၢ်မၤလၢတၢ်ကဘၣ်မၤအီၤန့ၣ်, မ့ၢ်တၢ်မၤလီၤဘီလီၤမုၢ်, မ့ၢ်လၢတၢ်အံၤတမ့ၢ်ဘၣ်နီတဖျၢၣ်လၢပှၤကညီအဂီၢ်ဘၣ်. မ့မ့ၢ်, မ့ၢ်တၢ်လုၢ်ဟံၣ်တဖျၢၣ်လၢယွၤ, ကစၢ်ယွၤအဂီၢ်အဃိန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:23

လၢတၢ်န့ၣ်အဃိ, စီၤၡလိၤမိၤကဲထီၣ်ဘၣ်စီၤပၤလၢအပၢ်စီၤဒၤ ဝံးအလီၢ်လၢလီၢ်ပစိာ်လၢယွၤပာ်လီၤတ့ၢ်ဝဲအဖီခိၣ်န့ၣ်လီၤ. အဝဲမ့ၢ်စီၤပၤတဂၤလၢအတၢ်မၤကဲထီၣ်လိၣ်ထီၣ်ဒီးအံၣ်စရ့လး အပှၤကလုာ်ခဲလၢာ်စူၢ်အီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:28

အဝဲသံဖဲအမှံၤတုာ်ပှၢ်တီၤ, အိၣ်ပှဲၤဒီးနံၣ်အါလါအါ, တၢ်ထူးဒိၣ်တၢ်တီၤအါ, ဒီးတၢ်လီၤယူးယီၣ်ပာ်ကဲ, ဒီးအဝဲအဖိခွါစီၤၡလိၤမိၤကဲထီၣ်ဘၣ်စီၤပၤလၢအလီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 9:8

မ်ယွၤ, နကစၢ်ယွၤဘၣ်တၢ်စံးထီၣ်ပတြၢၤအီၤတက့ၢ်. အဝဲဒုးနဲၣ်ဖျါထီၣ်အတၢ်ဘၣ်သူၣ်ဘၣ်သးနၤထဲလဲၣ်ခီဖျိအဒုး ကဲထီၣ်နၤလၢစီၤပၤဒ်သိးကပၢတၢ်လၢအမံၤအပူၤန့ၣ်လီၤ. အဂ့ၢ်ဒ်အံၤ, အဝဲအဲၣ်အပှၤဂီၢ်မုၢ်အံၣ်စရ့လးဒီးကတီၤဃာ်အီၤ လီၤစိၤလီၤထီအဃိ, အဝဲဒုးကဲထီၣ်နၤလၢအဝဲသ့ၣ်အစီၤပၤဒ်သိး, နဟံးဃာ်တၢ်သိၣ်တၢ်သီဘၣ်ထွဲဒီးတၢ်စူၢ်တၢ်နာ်ဒီးတၢ်စံၣ်ညီၣ် တီကသ့ဝဲန့ၣ်လီၤ.

လံာ်သိၣ်လီၤသီလီၤတၢ် 17:15

မၤလီၤတံၢ်လၢပှၤတဂၤလၢသုကဃုထၢအီၤလၢစီၤပၤန့ၣ်, မ့ၢ်ပှၤတဂၤလၢယွၤဃုထၢအီၤန့ၣ်တက့ၢ်. အဝဲကဘၣ်မ့ၢ်ပှၤလၢသုပှၤဂီၢ်မုၢ်ဒၣ်ဝဲအကျါတဂၤန့ၣ်လီၤ. ဒုးကဲထီၣ်ပှၤတခီဘီမုၢ်ဖိတဂၤလၢသုစီၤပၤတဂ့ၤ.