လံာ်ကွဲးနီၣ်တၢ်အခီၣ်ထံးတဘ့ၣ် 28:20 - Sgaw Karen Common Bible

²⁰ စီၤပၤစီၤဒၤဝံးစံးဘၣ်အဖိခွါစီၤၡလိၤမိၤ, “နာ်န့ၢ်လီၤနသးဒီးပာ်နသးကျၢၤမုဆှုတက့ၢ်. စးထီၣ်နတၢ်မၤဒီးပျဲတၢ်နီတမံၤဒုးဆိကတီၢ်နၤတဂ့ၤ. ယွၤ, ကစၢ်ယွၤလၢယမၤအတၢ်ကအိၣ်ဒီးနၤလီၤ. အဝဲတပာ်လီၤတဲာ်နၤဘၣ်. မ့မ့ၢ်အဝဲကအိၣ်ဒီးနၤတုၤနသူၣ်ထီၣ်ယွၤအတၢ်လုၢ်ဟံၣ်ဝံၤဝဲ တစုန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 28:20 Iomraidhean Croise

လံာ်စီၤပၤအခီၣ်ထံးတဘ့ၣ် 6:38

ဖဲစီၤၡလိၤမိၤပၢတၢ်တဆံတနံၣ်အပူၤလါဃိးလါတလါ, လၢအမ့ၢ်လါဘူလ့ၤအပူၤန့ၣ်, ယွၤအတၢ်လုၢ်ဟံၣ်ဘၣ်တၢ်မၤဝံၤအီၤ လၢလၢပှဲၤပှဲၤဒ်တၢ်တိာ်ကျဲၤပာ်အီၤလီၤတံၢ်လီၤဆဲးအသိးန့ၣ်လီၤ. စီၤၡလိၤမိၤသူၣ်ထီၣ်တၢ်လုၢ်ဟံၣ်အံၤယံာ်ဝဲ နွံနံၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:13

နမ့ၢ်စူၢ်ကယဲၢ်တၢ်စူၢ်တၢ်နာ်အတၢ်သိၣ်တၢ်သီတဖၣ်လၢယွၤဟ့ၣ်လီၤ စီၤမိၤၡ့လၢကီၢ်အံၣ်စရ့လးအဂီၢ်ဒီးနကအိၣ်ဒီးတၢ်မၤနၢၤ န့ၣ်လီၤ. ပာ်လီၤနသးကျၢၤမုဆှုအိၣ်ဒီးတၢ်နာ်န့ၢ်လီၤနသးတက့ၢ်. ဒီးမ်နသုတပျဲတၢ်မၤပျံၤမၤဖုးနၤနီတမံၤတဂ့ၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:10

နကဘၣ်သ့ၣ်ညါလၢယွၤဃုထၢတ့ၢ်နၤလၢနကသူၣ်ထီၣ်အတၢ်လုၢ်ဟံၣ်စီ ဆှံအဂီၢ်န့ၣ်လီၤ. ခဲကနံၣ်အံၤမၤအီၤ, ဒီးမၤအီၤအိၣ်ဒီးတၢ်ပာ်လီၤသးကျၢၤမုဆှုတက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 19:11

ပှၤလုၢ်တၢ်အခိၣ်အဒိၣ်ကတၢၢ်စီၤအမၤရယၤကအိၣ်ဒီးတၢ်စိ တၢ်ကမီၤလၢခံကတၢၢ်တပတီၢ်လၢကယဲၢ်တၢ်ဘူၣ်တၢ်ဘါအကွီၢ်တဖၣ်အ ဂီၢ်, ဒီးကီၢ်ယူဒၤအပဒိၣ်ဖးဒိၣ်အဒိၣ်ကတၢၢ်စီၤယံးၡမၤဧ့လးအဖိ ခွါစီၤစဘၤဒယၤကအိၣ်ဒီးတၢ်စိတၢ်ကမီၤလၢခံကတၢၢ်တပတီၢ်လၢ ကယဲၢ်ထံဖိကီၢ်ဖိအကွီၢ်တဖၣ်အဂီၢ်န့ၣ်လီၤ. ပှၤလ့ၤဝံဖိတဖၣ်အိၣ်မူအိၣ်ဒါလၢတၢ်ကွၢ်ထွဲကွီၢ်ဘျီၣ်အတၢ် စံၣ်ညီၣ်တဖၣ်မ့ၢ်အဘၣ်တၢ်မၤထွဲအီၤဧါ, တဘၣ်တၢ်မၤထွဲအီၤဘၣ်လဲၣ်အဂ့ၢ်န့ၣ်လီၤ. အိၣ်ဒီးတၢ်သူၣ်ဒူသးဒူဒီးစိာ်ထီၣ်မၤထွဲတၢ်သိၣ်လိနဲၣ်ယုၤ တဖၣ်အံၤအခံ, ဒီးမ်ယွၤအိၣ်လၢတၢ်အဘၣ်တကပၤန့ၣ်တက့ၢ်.”

လံာ်စီၤဧ့စြၤ 10:4

တၢ်အံၤမ့ၢ်နမူနဒါလၢနဘၣ်မၤအီၤန့ၣ်လီၤ. ဂဲၤဆၢထၢၣ်ဒီးမၤဝံၤအီၤတက့ၢ်. ပအိၣ်လၢနလီၢ်ခံလီၤ.”

လံာ်ယၡါယၤ 41:10

ပျံၤတၢ်တဂ့ၤ. ယအိၣ်ဒီးသုလီၤ. ယမ့ၢ်သုကစၢ်ယွၤလီၤ. ပျဲတၢ်မၤပျံၤမၤဖုးသုနီတမံၤတဂ့ၤ. ယကဒုးကဲထီၣ်သုပှၤအဂံၢ်ဆူၣ်ဘါဆူၣ်ဒီးမၤစၢၤသုလီၤ. ယကဒီဒၣ်အိၣ်ပှိၤသုဒီးအုၣ်က့ၤခီၣ်က့ၤသုလီၤ.

လံာ်ယၡါယၤ 41:13

ယမ့ၢ်ယွၤသုကစၢ်ယွၤလီၤ. ယဟ့ၣ်ဂံၢ်ဟ့ၣ်ဘါသုဒီးစံး, ပျံၤတၢ်တဂ့ၤ. ယကမၤစၢၤသုလီၤ.”

လံာ်ဃးကဲ 1:13

ဒီးစီၤဃးကဲတဲဘၣ်ပှၤဂီၢ်မုၢ်လၢယွၤအတၢ်ကစီၣ်, “ယကအိၣ်ဒီးသု, တၢ်န့ၣ်မ့ၢ်ယတၢ်အၢၣ်လီၤအီလီၤလီၤ.”

လံာ်ဃးကဲ 2:4

ဘၣ်ဆၣ်ခဲအံၤသးဟးဂီၤနီတဂၤတဂ့ၤ. မၤတၢ်တက့ၢ်. အဂ့ၢ်ဒ်အံၤ, ယအိၣ်ဒီးသုလီၤ.

ရိမ့ၤ 8:31

လၢတၢ်အံၤအဃိ, ပစံးမနုၤကသ့လဲၣ်. ကစၢ်ယွၤမ့ၢ်အိၣ် လၢပဂီၢ်ဒီး, မ့ၢ်မတၤကထီဒါပှၤတဂၤလဲၣ်.

1 ကရံၣ်သူး 16:13

အိၣ်ပလီၢ်သူၣ်ပလီၢ်သး, ဆၢထၢၣ်ကျၢၤကျၢၤလၢတၢ်စူၢ်တၢ်နာ် အပူၤ, အိၣ်ဒီးတၢ်သးဒူ, အိၣ်ဒီးတၢ်ဂံၢ်တၢ်ဘါတက့ၢ်.

လံာ်သိၣ်လီၤသီလီၤတၢ် 31:6

ပာ်လီၤသုသးလီၤတံၢ်လီၤဆဲးသပှၢ်တၢၢ်ဒီးအိၣ်ဒီးတၢ်နာ်အဂၢၢ် အကျၢၤတက့ၢ်. ပျံၤဘၣ်အဝဲသ့ၣ်တဂ့ၤ, ယွၤ, သုကစၢ်ယွၤအနီၢ်ကစၢ်ဒၣ်ဝဲကအိၣ်ဒီးသုလီၤ. အဝဲတလီၤတိၢ်ကွံာ်ဘၣ်လၢသုဂီၢ်မ့ၢ်ဂ့ၤ, ပာ်လီၤတဲာ်တ့ၢ်ကွံာ် သုမ့ၢ်ဂ့ၤန့ၣ်ဘၣ်.”

လံာ်သိၣ်လီၤသီလီၤတၢ် 4:31

အဝဲမ့ၢ်ကစၢ်ယွၤတဂၤလၢအသူၣ်ကညီၤသးကညီၤတၢ်လီၤ. အဝဲတပာ်လီၤတဲာ်ကွံာ်သုမ့ၢ်ဂ့ၤ, မၤဟးဂီၤသုမ့ၢ်ဂ့ၤဘၣ်. ဒီးအဝဲတသးပ့ၤနီၣ်တၢ်အၢၣ်လီၤအီလီၤလၢအနီၢ်ကစၢ်ဒၣ်ဝဲ မၤတ့ၢ်ဒီးသုမိၢ်ပၢ်ဖံဖုလၢပျၢၤတဖၣ်န့ၣ်ဘၣ်.

ဧ့ၤဘြံၤ 13:5

လၢတၢ်အိၣ်မူအပူၤန့ၣ်အိၣ်သဘျ့ဒီးတၢ်အဲၣ်ကျိၣ်အဲၣ်စ့တ က့ၢ်. သးမံနဲဒီးတၢ်လၢအအိၣ်ဒီးနၤတက့ၢ်. အဂ့ၢ်ဒ်အံၤ အဝဲဒၣ်စံးတ့ၢ်လံဝဲ, “ယတညိကွံာ်ဘၣ်နၤဘၣ် ယတလဲၤ သဒၣ်ဘၣ်နၤဘၣ်.”