လံာ်ကွဲးနီၣ်တၢ်အခီၣ်ထံးတဘ့ၣ် 28:18 - Sgaw Karen Common Bible

¹⁸ ဒီးလၢတၢ်ကမၤတၢ်လုၢ်လီၢ်လၢတၢ်နၢမူဘၣ်တၢ်ဆိၣ်ကဲၤအီၤအ ဂီၢ်, ဒီးလၢတၢ်မၤလ့ၣ်ကဟၣ်လၢယွၤအတၢ်အၢၣ်လီၤအီလီၤအတလါစီဆှံ လၢခ့ရူာ်တဖၣ်သလၣ်ထီၣ်အဒံးဆ့လၢအလိၤဘၣ်တၢ်ပာ်ထီၣ်အီၤအ ဂီၢ်, တၢ်ကဘၣ်သူထူစီဆံးအါလဲၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:18 Iomraidhean Croise

လံာ်စီၤပၤအခီၣ်ထံးတဘ့ၣ် 7:48

စီၤၡလိၤမိၤမၢပှၤမၤစ့ၢ်ကီးတၢ်အပီးအလီလၢထူတဖၣ်, လၢယွၤအတၢ်လုၢ်ဟံၣ်အဂီၢ်, လၢအမ့ၢ်ဝဲတၢ်လုၢ်လီၢ်, စီၢ်နီၤခိၣ်တဖၣ်လၢတၢ်ကပာ်ထီၣ်ကိၣ်လၢတၢ်လုၢ်ထီၣ်အီၤဆူကစၢ် ယွၤအအိၣ်,

လံာ်ကွဲးနီၣ်တၢ်အခီၣ်ထံးတဘ့ၣ် 28:17

အဝဲဟ့ၣ်လီၤစ့ၢ်ကီးတၢ်သိၣ်လီၤမၤလိာ်တဖၣ်ဘၣ်ထွဲဒီးတၢ်က ဘၣ်သူထူအစီဆံးအါလၢတၢ်ကမၤနီၣ်ဆဲးတဖၣ်, သလၢတဖၣ်ဒီးသပၢၤတဖၣ်အဂီၢ်လဲၣ်, တၢ်ကဘၣ်သူစ့ဒီးထူ ဆံးအါလၢတၢ်ကမၤလီခီတဖၣ်အဂီၢ်လဲၣ်,

စံးထီၣ်ပတြၢၤ 18:10

အဝဲဒိးခ့ရူာ်ဒီးယူၤဝဲ, ဟဲဝဲချ့သဒံးလၢကလံၤအဒံးဆ့အဖီခိၣ်လီၤ.

စံးထီၣ်ပတြၢၤ 68:17

ယွၤဟဲလၢစံၤနါဆူတၢ်လီၢ်စီဆှံ ဃုာ်ဒီးအလ့ၣ်ကဟၣ်လၢအအိၣ်ဒီး အစိကမီၤ အကထိတဖၣ်အကထိန့ၣ်လီၤ.

စံးထီၣ်ပတြၢၤ 80:1

အံၣ်စရ့လးအပှၤကွၢ်သိဧၢ, ဒိကနၣ်ပှၤတက့ၢ်. နဲဒၣ်ပှၤလၢအဆှၢယိၤသးဒ်သိတဖုအသိး, လၢအဆ့ၣ်နီၤကဲစီၤပၤလၢ ခ့ရူာ်တဖၣ်အဘၢၣ်စၢၤတဂၤဧၢ,

စံးထီၣ်ပတြၢၤ 99:1

ယွၤပၢတၢ်, မ်ပှၤကလုာ်တဖၣ်ကနိးကစုာ်တက့ၢ်. အဝဲဆ့ၣ်နီၤပၢတၢ်လၢခ့ရူာ်တဖၣ်အဖီခိၣ်, မ်ဟီၣ်ခိၣ်ဟူးဝးတက့ၢ်.

ဧ့ၤဘြံၤ 9:5

လၢတလါအံၤအဖီခိၣ်န့ၣ်တၢ်လၤကပီၤအခ့ရူာ်တဖၣ်အိၣ်ဝဲလီၤ. အဒံးဆ့တဖၣ်သလၣ်ထီၣ်အသးဒီးကဒုလီၤဘၣ်လၢတၢ်သူၣ် ကညီၤသးကညီၤအလီၢ်ပစိာ်အလိၤန့ၣ်လီၤ. ဘၣ်ဆၣ်ခဲအံၤ, တမ့ၢ်ဘၣ်တၢ်အကတီၢ်လၢပကတဲဖျါတၢ်ဂ့ၢ်တဖၣ်အံၤလီၤ တံၢ်လီၤဆဲးန့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 4:4

မၤသးဒ်န့ၣ်ဒီးအဝဲသ့ၣ်ဆှၢလီၤပှၤစိာ်တၢ်ကစီၣ်တဖၣ်ဆူဝ့ၢ်ၡံလိၤဒီး ဟဲစိာ်ယွၤသ့တၢ်လၢာ်ကစၢ်အတၢ်အၢၣ်လီၤအီလီၤတလါစီဆှံ, လၢတၢ်ပာ်အီၤလၢလီၢ်ပစိာ်အိၣ်လၢတၢ်ဘၣ်တ့အိၣ်ဒီးအဒံးဆ့ လွံၢ်ဂၤအဖီခိၣ်န့ၣ်လီၤ. ဒီးစီၤဧ့လံၤအဖိခွါခံဂၤ, စီၤဃၤမနံဒီးစီၤဖံနဃၣ်ဟဲဃုာ်ဒီး ယွၤအတၢ်အၢၣ်လီၤအီလီၤအတလါစီဆှံန့ၣ်လီၤ.