လံာ်ကွဲးနီၣ်တၢ်အခီၣ်ထံးတဘ့ၣ် 28:12 - Sgaw Karen Common Bible

¹² အဝဲဟ့ၣ်လီၤစ့ၢ်ကီးအီၤလၢကယဲၢ်တၢ်တိာ်ကျဲၤလၢအအိၣ်လၢအသး ပူၤ, လၢတၢ်လုၢ်ဟံၣ်ဂၢၤတဖၣ်, ဒီးဒၢးအိၣ်ဝးတရံးအီၤတဖၣ်အဂီၢ်ဒီးလၢယွၤအတၢ်လုၢ်ဟံၣ်အတၢ် ပီးတၢ်လီဒီးတၢ်ဟ့ၣ်လၢအဘၣ်တၢ်ပာ်စီဆှံတ့ၢ်အီၤဆူယွၤ, အတၢ်ပာ်ဖှိၣ်အဒၢးတဖၣ်အဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:12 Iomraidhean Croise

လံာ်စီၤပၤအခီၣ်ထံးတဘ့ၣ် 14:26

အဝဲဟံးန့ၢ်ကွံာ်ကယဲၢ်တၢ်လုၢ်ဒိၣ်ပှ့ၤဒိၣ်ခဲလၢာ်လၢယွၤအတၢ် လုၢ်ဟံၣ်ပူၤဒီးလၢနီအပူၤဃုာ်ဒီးကတီၤထူတဖၣ်လၢစီၤၡလိၤ မိၤမၤတ့ၢ်ဝဲန့ၣ်လီၤ.

လံာ်စီၤပၤအခီၣ်ထံးတဘ့ၣ် 15:15

ကယဲၢ်တၢ်ပီးတၢ်လီလၢအပၢ်ပာ်စီဆှံတ့ၢ်အီၤဆူကစၢ်ယွၤအအိၣ်, ဒီးဒ်န့ၣ်အသိးတၢ်ပီးတၢ်လီတဖၣ်လၢတၢ်မၤအီၤလၢထူဒီးစ့ လၢအဝဲအကစၢ်ဒၣ်ဝဲပာ်စီဆှံထီၣ်န့ၣ်, အဝဲဒၢနုာ်ဝဲဆူယွၤအတၢ်လုၢ်ဟံၣ်အပူၤခဲလၢာ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 15:18

လၢတၢ်န့ၣ်အဃိစီၤအၤစါဟံးထီၣ်ကယဲၢ်စ့ဒီးထူလၢအအိၣ်လီၤ တဲာ်လၢယွၤအတၢ်လုၢ်ဟံၣ်အပူၤဒီးနီအပူၤ, ဒီးဆှၢလီၤဝဲဆူဒၤမ့ၤစ့း, ဆူကီၢ်စူၤရံအစီၤပၤဘ့ၣ် ဟဒးအအိၣ်ခီဖျိပဒိၣ်ပပှၢ်တနီၤဃုာ်ဒီးတၢ်ကစီၣ်အံၤန့ၣ်လီၤ. စီၤပၤဘ့ၤဟဒးမ့ၢ်စီၤတၤဘြံမိၣ်အဖိခွါ, ဒီးစီၤဃ့စိၣ်အလံၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 7:51

ကယဲၢ်တၢ်အပီးအလီခဲလၢာ်အံၤဘၣ်တၢ်မၤအီၤလၢထူန့ၣ်လီၤ. တုၤစီၤပၤၡလိၤမိၤမၤဝံၤကယဲၢ်တၢ်မၤလၢယွၤအတၢ်လုၢ်ဟံၣ် အဂီၢ်န့ၣ်, ကယဲၢ်တၢ်လၢအပၢ်စီၤဒၤဝံးလုၢ်ထီၣ်တ့ၢ်ဝဲဆူ ယွၤအအိၣ်လၢအမ့ၢ်စ့, ထူဒီးတၢ်ပီးတၢ်လီအဂၤတဖၣ်န့ၣ်, အဝဲဒၢနုာ်ဝဲဆူယွၤအတၢ်လုၢ်ဟံၣ်အတၢ်ပာ်ဖှိၣ်အဒၢးတဖၣ်အပူၤ န့ၣ်လီၤ.

လံာ်စီၤပၤခံဘ့ၣ်တဘ့ၣ် 16:8

စီၤအၤဃာ်ဟံးထီၣ်စ့ဒီးထူလၢယွၤအတၢ်လုၢ်ဟံၣ်ဒီးနူၢ်ဧိၤ စီၤဧိၤအတၢ်ပာ်ဖှိၣ်လီၢ်အပူၤဒီးဆှၢလီၤအီၤဆူစီၤပၤဖး ဒိၣ်အအိၣ်ဒ်တၢ်ဟ့ၣ်ကနၢၤအသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:15

စီၤဃံးစကံယၤဆှၢလီၤန့ၢ်အီၤကယဲၢ်စ့လၢအိၣ်လၢယွၤအတၢ်လုၢ် ဟံၣ်ပူၤဒီးလၢအအိၣ်လၢစီၤပၤအနူၢ်အစီၤအတၢ်ပာ်ဖှိၣ်အလီၢ်န့ၣ် လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 26:20

အဝဲသ့ၣ်အပှၤလ့ၤဝံဖိကဒဲကဒဲအဂၤတဖၣ်ဘၣ်ကဲခိၣ်ကဲနၢ်လၢတၢ် လုၢ်ဟံၣ်အစ့ပာ်ဖှိၣ်အလီၢ်အဂီၢ်ဒီးလၢတၢ်ပာ်ဖှိၣ်အဒၢးတဖၣ်ဖဲ တၢ်ဟ့ၣ်တဖၣ်လၢဘၣ်တၢ်ပာ်စီဆှံတ့ၢ်အီၤလၢကစၢ်ယွၤအဂီၢ် အိၣ်ဝဲအလီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:11

စီၤဒၤဝံးဟ့ၣ်ဃီၤစီၤၡလိၤမိၤလၢကယဲၢ်တၢ်တိာ်ကျဲၤတဖၣ်လၢ တၢ်သူၣ်ထီၣ်ယွၤအတၢ်လုၢ်ဟံၣ်ဒီးအဂၢၤတဖၣ်အဂီၢ်, လၢတၢ်ပာ်ဖှိၣ်အဒၢးတဖၣ်ဒီးကယဲၢ်ဒၢးအဂၤခဲလၢာ်အဂီၢ်ဒီးလၢ တၢ်အလီၢ်စီဆှံကတၢၢ်, ဖဲတၢ်ဒဲးဘးတဖၣ်ဘၣ်တၢ်ပျၢ်ကွံာ်အီၤအလီၢ်အဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:19

စီၤပၤဒၤဝံးစံးဝဲ, “ကယဲၢ်တၢ်ခဲလၢာ်အံၤအိၣ်လၢတၢ်တိာ် ကျဲၤလၢတၢ်ကွဲးလီၤအီၤဒ်ယွၤအနီၢ်ကစၢ်ဒၣ်ဝဲသိၣ်လီၤမၤလိာ် ဒီးဟ့ၣ်လီၤယၤလၢယကမၤထွဲအီၤအပူၤအသိးန့ၣ်လီၤ.”

လံာ်တၢ်ဟးထီၣ်ကွံာ် 25:40

ပာ်သူၣ်ပာ်သးလၢသုကမၤအီၤဒ်တၢ်တိာ်ကျဲၤလၢယဒုးနဲၣ်တ့ၢ်သု လၢကစၢၢ်အလိၤန့ၣ်တက့ၢ်.

လံာ်ယံးရမံယၤ 35:2

“လဲၤဆူပှၤရ့ကးဖိအဒူၣ်ထၢ အဟံၣ်ဖိဃီဖိတဖၣ်အအိၣ်ဒီး ကတိၤတၢ်ဒီး အဝဲသ့ၣ်တက့ၢ်. ဝံၤဒီးဟဲက့ၤ ကိးအဝဲ သ့ၣ်ဆူဒၢးအကျါတဒၢးလၢ ယွၤအတၢ်လုၢ်ဟံၣ်အပူၤဒီး ဟ့ၣ်အီအဝဲသ့ၣ် လၢစပံးထံတနီၤတက့ၢ်.”

လံာ်ယဃ့းစက့လး 40:2

လၢတၢ်ထံၣ်ညါခီတမံၤအပူၤန့ၣ်, ကစၢ်ယွၤစိာ်ယၤဆူကီၢ်အံၣ်စရ့ လးပူၤဒီးပာ်လီၤယၤလၢကစၢၢ်ဖးထီတဖျၢၣ်အလိၤန့ၣ်လီၤ. လၢယမဲာ်ညါန့ၣ်ယထံၣ်ဘၣ်တၢ်သူၣ်ထီၣ်တဖၣ်အိၣ် တကရူၢ်လၢအအိၣ်ဖျါလီၤဂာ်ဒီးဝ့ၢ်တဝ့ၢ်န့ၣ်လီၤ.

လံာ်ယဃ့းစက့လး 40:38

လၢတၢ်လုၢ်ဟံၣ်အဂၢၤလၢတၢ်ချၢတတီၤအပူၤန့ၣ်ဒၢးအိၣ်ဝဲတဖျၢၣ် လၢအအိၣ်စဲဘူးဒီးတၢ်အိပူၤအကျဲစၢၤကျိၤထံးလၢကလံၤစိး တကပၤန့ၣ်လီၤ. ဒၢးအံၤအိၣ်အိးထီၣ်ပာ်အသးဆူကျဲစၢၤ ထံးအဒၢးလၢအကွၢ်ဃီၤတၢ်ဆူတၢ်လုၢ်ဟံၣ်အဂၢၤပူၤ, ဒီးဖဲန့ၣ် အဝဲသ့ၣ်သ့ကွံာ်ဆၣ်ဖိကီၢ်ဖိတဖၣ်လၢအဘၣ်တၢ်မၤသံအီၤဒ်သိး ကဘၣ်တၢ်ဆိၣ်ကဲၤအီၤဒီဒုဒ်တၢ်လုၢ်တၢ်ပာ်တဖၣ်အသိးန့ၣ်လီၤ.

ဧ့ၤဘြံၤ 8:5

အဝဲသ့ၣ်မၤတၢ်အခ့အပှၤအတၢ်မၤဒ်ပှၤလုၢ်တၢ်အခိၣ်တဖၣ် အသိးန့ၣ်, နီၢ်နီၢ်တခီမ့ၢ်ဒၣ်တၢ်လၢအမၤအသးလၢမူခိၣ်တၢ်လီၢ် စီဆှံအဒိဒီးအကဒုန့ၣ်လီၤ. တၢ်အဝဲအံၤဒ်သိးဒၣ်ဒီးတၢ်လၢအမၤအသးဒီးစီၤမိၤၡ့လီၤ. ဖဲစီၤမိၤၡ့ကဘှီထီၣ်တၢ်အၢၣ်လီၤအီလီၤအဒဲစီဆှံန့ၣ်ကစၢ်ယွၤ စံးဘၣ်အီၤဒီးစံးဝဲ, “ပလီၢ်နသးလၢနကသူၣ်ထီၣ်ဘှီထီၣ်တၢ်ခဲလၢာ်ဒ်တၢ်အဒိ လၢနဘၣ်တၢ်ဒုးနဲၣ်နၤလၢကစၢၢ်ဒီခိၣ်အသိးန့ၣ်တက့ၢ်.”