လံာ်ကွဲးနီၣ်တၢ်အခီၣ်ထံးတဘ့ၣ် 28:11 - Sgaw Karen Common Bible

¹¹ စီၤဒၤဝံးဟ့ၣ်ဃီၤစီၤၡလိၤမိၤလၢကယဲၢ်တၢ်တိာ်ကျဲၤတဖၣ်လၢ တၢ်သူၣ်ထီၣ်ယွၤအတၢ်လုၢ်ဟံၣ်ဒီးအဂၢၤတဖၣ်အဂီၢ်, လၢတၢ်ပာ်ဖှိၣ်အဒၢးတဖၣ်ဒီးကယဲၢ်ဒၢးအဂၤခဲလၢာ်အဂီၢ်ဒီးလၢ တၢ်အလီၢ်စီဆှံကတၢၢ်, ဖဲတၢ်ဒဲးဘးတဖၣ်ဘၣ်တၢ်ပျၢ်ကွံာ်အီၤအလီၢ်အဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:11 Iomraidhean Croise

လံာ်စီၤပၤအခီၣ်ထံးတဘ့ၣ် 6:10

တၢ်သူၣ်ထီၣ်ဖိသၢဆီ, လၢတဆီစုာ်စုာ်ကစီၤထီၣ်ဝဲယဲၢ်ပျၢ်န့ၣ် ဘၣ်တၢ်ဘှီထီၣ်အီၤလၢယွၤအတၢ်လုၢ်ဟံၣ်အဒူၣ်အချၢတခီ ဒီးဘၣ်တၢ်ဒုးစဲဘူးအဝဲသ့ၣ်လၢသ့ၣ်ဆှိအ့ရ့းအကျိၤတဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 6:3

ဒၢးတၢ်မဲာ်ညါန့ၣ်အထီအိၣ်ဝဲအပျၢ်တဆံဒီးအဒီၣ်ဃီၤအိၣ်ဝဲ အပျၢ်ခံဆံ, လဲၢ်ထဲသိးသိးဒီးတၢ်လီၢ်စီဆှံအတၢ်ထီအသိးန့ၣ် လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:12

အဝဲဟ့ၣ်လီၤစ့ၢ်ကီးအီၤလၢကယဲၢ်တၢ်တိာ်ကျဲၤလၢအအိၣ်လၢအသး ပူၤ, လၢတၢ်လုၢ်ဟံၣ်ဂၢၤတဖၣ်, ဒီးဒၢးအိၣ်ဝးတရံးအီၤတဖၣ်အဂီၢ်ဒီးလၢယွၤအတၢ်လုၢ်ဟံၣ်အတၢ် ပီးတၢ်လီဒီးတၢ်ဟ့ၣ်လၢအဘၣ်တၢ်ပာ်စီဆှံတ့ၢ်အီၤဆူယွၤ, အတၢ်ပာ်ဖှိၣ်အဒၢးတဖၣ်အဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:19

စီၤပၤဒၤဝံးစံးဝဲ, “ကယဲၢ်တၢ်ခဲလၢာ်အံၤအိၣ်လၢတၢ်တိာ် ကျဲၤလၢတၢ်ကွဲးလီၤအီၤဒ်ယွၤအနီၢ်ကစၢ်ဒၣ်ဝဲသိၣ်လီၤမၤလိာ် ဒီးဟ့ၣ်လီၤယၤလၢယကမၤထွဲအီၤအပူၤအသိးန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 5:7

အန့ၣ်ဝံၤဒီး, ပှၤလုၢ်တၢ်အခိၣ်တဖၣ်စိာ်ထီၣ်ဝဲယွၤအတၢ်အၢၣ်လီၤ အီလီၤအတလါဆူယွၤအတၢ်လုၢ်ဟံၣ်အပူၤဒီးပာ်ဝဲလၢတၢ်လီၢ်စီ ဆှံကတၢၢ်အပူၤဖဲခ့ရူာ်တဖၣ်အခီၣ်ထံးန့ၣ်လီၤ.

လံာ်စီၤနဃ့မယၤ 13:5

အဝဲပျဲတ့ၢ်စီၤတိၤဘံယၤလၢကသူဝဲဒၢးဖးဒိၣ်တဖျၢၣ်လၢတၢ် ပာ်လီၤဆီအီၤထဲဒၣ်လၢတၢ်ကပာ်တၢ်မၤဘူၣ်လၢဘုဧိၤဟုဧိၤဒီး တၢ်နၢမူ, တၢ်ပီးတၢ်လီလၢတၢ်သူအီၤလၢယွၤအတၢ်လုၢ်ဟံၣ်အပူၤ, တၢ်မၤဘူၣ်တဖၣ်လၢပှၤလုၢ်တၢ်အဒိၣ်တဖၣ်အဂီၢ်, ဒီးတၢ်ဆံဆဲၣ်ပူတပူတဖၣ်လၢဘုဧိၤဟုဧိၤ, စပံးထံ, သ့ၣ်စၤယံးအသိလၢအဘၣ်တၢ်ဟ့ၣ်အီၤဆူပှၤလ့ၤဝံဖိ တဖၣ်ဆူတၢ်လုၢ်ဟံၣ်အပှၤသးဝံၣ်တၢ်ဖိတဖၣ်ဒီးဆူပှၤခိးတၢ်လုၢ် ဟံၣ်တဖၣ်အဂီၢ်န့ၣ်လီၤ.

လံာ်တၢ်ဟးထီၣ်ကွံာ် 25:40

ပာ်သူၣ်ပာ်သးလၢသုကမၤအီၤဒ်တၢ်တိာ်ကျဲၤလၢယဒုးနဲၣ်တ့ၢ်သု လၢကစၢၢ်အလိၤန့ၣ်တက့ၢ်.

လံာ်တၢ်ဟးထီၣ်ကွံာ် 25:9

မၤအီၤဒီးကယၢကယဲအီၤဒ်တၢ်တိာ်ကျဲၤလၢယကဒုးနဲၣ်သုန့ၣ်တက့ၢ်.

လံာ်တၢ်ဟးထီၣ်ကွံာ် 26:30

သူၣ်ထီၣ်ယွၤအဒဲစီဆှံဒ်တၢ်တိာ်ကျဲၤလၢယဒုးနဲၣ်သုလၢကစၢၢ် အလိၤအသိးန့ၣ်တက့ၢ်.

လံာ်ယံးရမံယၤ 35:2

“လဲၤဆူပှၤရ့ကးဖိအဒူၣ်ထၢ အဟံၣ်ဖိဃီဖိတဖၣ်အအိၣ်ဒီး ကတိၤတၢ်ဒီး အဝဲသ့ၣ်တက့ၢ်. ဝံၤဒီးဟဲက့ၤ ကိးအဝဲ သ့ၣ်ဆူဒၢးအကျါတဒၢးလၢ ယွၤအတၢ်လုၢ်ဟံၣ်အပူၤဒီး ဟ့ၣ်အီအဝဲသ့ၣ် လၢစပံးထံတနီၤတက့ၢ်.”

လံာ်ယဃ့းစက့လး 40:15

ကျဲစၢၤအထီခဲလၢာ်စးထီၣ်လၢပဲတြီဖးဒိၣ်အတၢ်ဒူၣ်ချၢတုၤဆူဒၢး လၢခံကတၢၢ်တဖျၢၣ်အကပၤန့ၣ်မ့ၢ်ဝဲဒၣ်အပျၢ်ယဲၢ်ဆံန့ၣ်လီၤ.

လံာ်လူၤကၣ် 21:1

ယ့ၣ်ၡူးကွၢ်တၢ်ဝးတရံးဒီးထံၣ်ဘၣ်ပှၤထူးပှၤတီၤတဖၣ်ဒၢနုာ်လီၤ အတၢ်ဟ့ၣ်တဖၣ်ဆူတၢ်လုၢ်ဟံၣ်အတၢ်ပာ်ဖှိၣ်ကျိၣ်စ့အလီၢ်န့ၣ်လီၤ.

ဧ့ၤဘြံၤ 8:5

အဝဲသ့ၣ်မၤတၢ်အခ့အပှၤအတၢ်မၤဒ်ပှၤလုၢ်တၢ်အခိၣ်တဖၣ် အသိးန့ၣ်, နီၢ်နီၢ်တခီမ့ၢ်ဒၣ်တၢ်လၢအမၤအသးလၢမူခိၣ်တၢ်လီၢ် စီဆှံအဒိဒီးအကဒုန့ၣ်လီၤ. တၢ်အဝဲအံၤဒ်သိးဒၣ်ဒီးတၢ်လၢအမၤအသးဒီးစီၤမိၤၡ့လီၤ. ဖဲစီၤမိၤၡ့ကဘှီထီၣ်တၢ်အၢၣ်လီၤအီလီၤအဒဲစီဆှံန့ၣ်ကစၢ်ယွၤ စံးဘၣ်အီၤဒီးစံးဝဲ, “ပလီၢ်နသးလၢနကသူၣ်ထီၣ်ဘှီထီၣ်တၢ်ခဲလၢာ်ဒ်တၢ်အဒိ လၢနဘၣ်တၢ်ဒုးနဲၣ်နၤလၢကစၢၢ်ဒီခိၣ်အသိးန့ၣ်တက့ၢ်.”