လံာ်ကွဲးနီၣ်တၢ်အခီၣ်ထံးတဘ့ၣ် 28:1 - Sgaw Karen Common Bible

¹ စီၤပၤစီၤဒၤဝံးမၤလိာ်ကယဲၢ်အံၣ်စရ့လးအပဒိၣ်ပပှၢ်ခဲလၢာ်လၢ ကဟဲအိၣ်ဖှိၣ်ရိဖှိၣ်ဖဲဝ့ၢ်ယရူၤရှလ့ၣ်အပူၤန့ၣ်လီၤ. လၢတၢ်န့ၣ်အဃိ, ကယဲၢ်ဒူၣ်တဖၣ်အခိၣ်အနၢ်ခဲလၢာ်, ခိၣ်နၢ်တဖၣ်လၢအပၢဆှၢတ့ၢ်ဘီမုၢ်အတၢ်မၤ, ခိၣ်နၢ်တဖၣ်လၢဒူၣ်ထၢတဖၣ်အပူၤ, ပှၤတဖၣ်လၢအပၢဆှၢသုးကျဲၤ တၢ်စုလီၢ်ခီၣ်ခိၣ်ဒီးဆၣ်ဖိကီၢ်ဖိတဖၣ်လၢအဘၣ်ထွဲ ဆူစီၤပၤဒီးအဝဲအဖိခွါတဖၣ်, သပှၢ်ကတၢၢ်ပှၤလၢအမ့ၢ်ကယဲၢ် ပဒိၣ်ပပှၢ်တဖၣ်လၢနီပူၤ, ပှၤသုးဖိတဖၣ်လၢအလဲၤလၢညါ, ဒီးပှၤအကါဒိၣ်တဖၣ်, ဟဲပာ်ဖှိၣ်အသးလၢဝ့ၢ်ယရူၤရှလ့ၣ်အပူၤ န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:1 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 22:17

စီၤဒၤဝံးဟ့ၣ်လီၤတ့ၢ်အကလုၢ်ဆူအံၣ်စရ့လးအပှၤခိၣ်ပှၤနၢ်တဖၣ် ဒ်သိးကမၤစၢၤစီၤၡလိၤမိၤအဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 23:2

စီၤပၤဒၤဝံးဒုးအိၣ်ဖှိၣ်ရိဖှိၣ်ကယဲၢ်ပှၤအံၣ်စရ့လးအခိၣ် အနၢ်ခဲလၢာ်ဒီးကယဲၢ်ပှၤလုၢ်တၢ်အခိၣ်ဒီးပှၤလ့ၤဝံဖိတဖၣ်ခဲ လၢာ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:1

စီၤပၤဒၤဝံးဘိးဘၣ်သ့ၣ်ညါပှၤလၢအဟဲပာ်ဖှိၣ်အသးခဲလၢာ်, “ယဖိခွါစီၤၡလိၤမိၤ, မ့ၢ်ပှၤတဂၤလၢကစၢ်ယွၤဃုထၢတ့ၢ်ဝဲ, ဘၣ်ဆၣ်အဝဲအသးစၢ်ဒံး, ဒီးအတၢ်လဲၤခီဖျိစှၤဒံးဝဲန့ၣ်လီၤ. တၢ်မၤလၢတၢ်ကဘၣ်မၤအီၤန့ၣ်, မ့ၢ်တၢ်မၤလီၤဘီလီၤမုၢ်, မ့ၢ်လၢတၢ်အံၤတမ့ၢ်ဘၣ်နီတဖျၢၣ်လၢပှၤကညီအဂီၢ်ဘၣ်. မ့မ့ၢ်, မ့ၢ်တၢ်လုၢ်ဟံၣ်တဖျၢၣ်လၢယွၤ, ကစၢ်ယွၤအဂီၢ်အဃိန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:6

အန့ၣ်တစု, ဒူၣ်ထၢတဖၣ်အခိၣ်အနၢ်တဖၣ်, ဒူၣ်တဖၣ်အပဒိၣ်ပပှၢ်တဖၣ်, သုးခိၣ်ကျၢၢ်တဖၣ်လၢသုးမုၢ်အပူၤ, ဒီးပှၤတဖၣ်လၢအပၢဆှၢသုးကျဲၤစီၤပၤအတၢ်စုလီၢ်ခီၣ်ခိၣ်, ဟ့ၣ်လီၤတၢ်လၢတၢ်သးအိၣ်အပူၤလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:2

စီၤပၤၡလိၤမိၤဟ့ၣ်လီၤအကလုၢ်ဆူကယဲၢ်သုးခိၣ်သုးနၢ်တဖၣ်လၢ အအိၣ်မူအိၣ်ဒါလၢပှၤတကထိအဖီခိၣ်, ပှၤတကယၤအဖီခိၣ်, ကယဲၢ်တၢ်ပၢတၢ်ပြးအပဒိၣ်တဖၣ်, ကယဲၢ်ဟံၣ်ဖိဃီဖိအခိၣ်အနၢ်တ ဖၣ်, ဒီးဆူကယဲၢ်ပှၤဂီၢ်မုၢ်အိၣ်လီၤတဲာ်အဂၤတဖၣ်,

လံာ်စီၤယိၤၡူ 23:2

စီၤယိၤၡူကိးဖှိၣ်ပှၤအံၣ်စရ့လးဖိခဲလၢာ်, အပှၤသူၣ်က့သးပှၢ်, အခိၣ်အနၢ်, အပှၤစံၣ်ညီၣ်ကွီၢ်ဒီး အသုးခိၣ်သုးနၢ်တဖၣ်, ဒီးစံးဘၣ်အဝဲသ့ၣ်, “အခဲအံၤယသးပှၢ်ထီၣ်ဒီးယနံၣ်ယလါအါလံ,

လံာ်စီၤယိၤၡူ 24:1

စီၤယိၤၡူပာ်ဖှိၣ်အံၣ်စရ့လးအဒူၣ်တဖၣ်ခဲလၢာ် ဖဲၡက့ၣ်ဒီးကိးန့ၢ်ပှၤသူၣ်က့သးပှၢ်တဖၣ်, ပှၤခိၣ်ပှၤနၢ်တဖၣ်, စံၣ်ညီၣ်ကွီၢ်တဖၣ်ဒီးအံၣ်စရ့လးအပှၤကွဲး လံာ်တဖၣ်ဒီးအဝဲသ့ၣ်ခဲလၢာ်ပာ်ဖှိၣ်အသးလၢယွၤအမဲာ်ညါလီၤ.