လံာ်ကွဲးနီၣ်တၢ်အခီၣ်ထံးတဘ့ၣ် 27:29 - Sgaw Karen Common Bible

²⁹ စီၤၡံးတြဲၤလၢဝ့ၢ်ၡၤရိၣ်မ့ၢ်ပှၤအခိၣ်အဒိၣ်ကတၢၢ်လၢအကွၢ်ထွဲ ဂီၤဘုၣ်ဂီၤဖံးတဖၣ်လၢၡၤရိၣ်အအီၣ်ဆၣ်လီၢ်လါဟ့ပူၤန့ၣ်လီၤ. စီၤဧၤလဒဲအဖိခွါစီၤၡၤဖးမ့ၢ်ပှၤအခိၣ်အဒိၣ်ကတၢၢ်လၢအကွၢ် ထွဲဂီၤဘုၣ်ဂီၤဖံးတဖၣ်လၢကစၢၢ်ကဆူးပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 27:29 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 27:30

စီၤအိၤဘံလၢအမ့ၢ်ပှၤယံးၡမၤဧ့လးဖိတဂၤ, မ့ၢ်ပှၤအခိၣ်အဒိၣ်ကတၢၢ်လၢအကွၢ်ထွဲကီၤလၤအူးတဖၣ်န့ၣ်လီၤ. စီၤယ့ဒယၤလၢဝ့ၢ်မၤရိနိၤမ့ၢ်ပှၤအခိၣ်အဒိၣ်ကတၢၢ်လၢအကွၢ် ထွဲကသ့ၣ်ယီၤတဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 5:16

အဝဲသ့ၣ်အိၣ်ဝဲဆိးဝဲလၢကီၢ်ဘၤၡၣ်ဒီးကီၢ်ကံးလဧးအလီၢ်ကဝီၤ တဖၣ်အပူၤ, ဒီးဝ့ၢ်အိၣ်ဖဲန့ၣ်သ့ၣ်တဖၣ်အပူၤဒီးကယဲၢ်တၢ်အီၣ်ဆၣ်လီၢ်တဖၣ် လၢအအိၣ်ဖဲၡၤရိၣ်တၢ်ပျီပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:10

အဝဲသူၣ်ထီၣ်စ့ၢ်ကီးပှၤပၢၤတၢ်အလီၢ်တိာ်ဧိၤတာ်ဧိၤတဖၣ်လၢတၢ် လီၢ်လီၤပျီဒီးခူၣ်လီၤစ့ၢ်ကီးထံပူၤအါပူၤ, မ့ၢ်လၢအဝဲအိၣ်ဒီးဆၣ်ဖိကီၢ်ဖိအဖုအဂီၢ်အါမး, လၢမုၢ်နုာ်ကစၢၢ်ခီၣ်ထံးမ့ၢ်ဂ့ၤ, ပျီပူၤတဖၣ်မ့ၢ်ဂ့ၤအဃိန့ၣ်လီၤ. မ့ၢ်လၢအဝဲအဲၣ်တၢ်သူၣ်တၢ်ဖျးအဃိ, အဝဲဟ့ၣ်ဂံၢ်ဟ့ၣ်ဘါပှၤဂီၢ် မုၢ်လၢကသူၣ်လီၤစပံးလီၢ်တဖၣ်လၢတၢ်လူၢ်တၢ်တြီၤတဖၣ်ဒီးထဲၣ် ထီၣ်တၢ်လီၢ်လၢဟီၣ်ခိၣ်ညၣ်ထ့ၣ်ဂ့ၤဝဲတဖၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 2:7

ယပှ့ၤတ့ၢ်ကုၢ်တဖၣ်အါမးဒီးယအိၣ်စ့ၢ်ကီးဒီးကုၢ်တဖၣ်လၢအအိၣ် ဖျဲၣ်ထီၣ်လၢယဟံၣ်ပူၤလီၤ. ယအိၣ်ဒီးဂီၤဘုၣ်ဂီၤဖံး, သိ, မဲာ်တဲးလဲးအဖုအဂီၢ်တဖၣ်အါန့ၢ်ဒံးပှၤလၢအအိၣ်ဝဲလၢ ယမဲာ်ညါလၢဝ့ၢ်ယရူၤၡလ့ၣ်အပူၤတက့ၢ်န့ၣ်လီၤ.

လံာ်ယၡါယၤ 35:2

မဲးမုၢ်ခိၣ်ကသူၣ်ဝံၣ်သးဆၢဒီးကိးထီၣ်လၢတၢ်သးခုလီၤ. ကဖျါဃံဖျါလၤဒ်လဘၤနိၣ်အကစၢၢ်ကလိတဖၣ်အသိး, ဒီးဟီၣ်ခိၣ်ညၣ်ထ့ၣ်ကဂ့ၤဝဲဒ်ကၢ်မ့ၤလးဒီးၡၤရိၣ်အပျီတဖၣ် အသိးလီၤ. ပှၤကိးဂၤဒဲးကထံၣ်ဘၣ်ယွၤအတၢ်လီၤဘီလီၤမုၢ်, အတၢ်ဒိၣ်တၢ်မုၢ်ဒီးအစိကမီၤန့ၣ်လီၤ.

လံာ်ယၡါယၤ 65:10

အဝဲသ့ၣ်ကဘူၣ်ထီၣ်ဘါထီၣ်ယၤဒီးကဆှၢအသိဒီးဂီၤ ဘုၣ်ဂီၤဖံးတဖၣ်ဆူတၢ်အီၣ်ဆၣ်အလီၢ်လါဟ့ဖဲၡၤရိၣ် အပျီလၢမုၢ်နုာ်တခီဒီးဆူတၢ်ကီတၢ်ခဲအတြီၤလၢမုၢ် ထီၣ်တခီအပူၤန့ၣ်လီၤ.

မၤတၢ် 9:35

ကယဲၢ်ပှၤအိၣ်လၢဝ့ၢ်လူးဒၤဒီးတၢ်ပၢၤခိၣ်ၡၤရိၣ်ခဲလၢာ်ထံၣ်ဘၣ်အီၤ သတးဒီးကဲထီၣ်ပှၤစူၢ်က့ၤနာ်က့ၤကစၢ်န့ၣ်လီၤ.

လံာ်သိၣ်လီၤသီလီၤတၢ် 1:7

ဘိၣ်ထီၣ်စှၢၤထီၣ်သုတၢ်ဖိတၢ်လံၤဒီးလဲၤဆူညါတက့ၢ်. လဲၤဆူပှၤဧၣ်မိၣ်ဖိတဖၣ်အကီၢ်လၢအအိၣ်ဒီးတၢ်လူၢ်တၢ်တြီၤဒီး ဆူကယဲၢ်တၢ်လီၢ်အိၣ်ခိၣ်အိၣ်ဃၢၤတဖၣ်, လၢအမ့ၢ်ဆူထံကျိယၢ်ဒ့ၣ်အတြီၤပူၤ, ဆူတၢ်လူၢ်တၢ်တြီၤဒီး တၢ်ပၢၤခိၣ်တဖၣ်, ဆူလီၢ်ကဝီၤလၢကလံၤထံးတကပၤဒီးဆူပီၣ်လဲၣ်ဖးဒိၣ်မဲးဒံး ထၢၣ်ရ့နယၢၣ်အကၢၢ်နံၤန့ၣ်တက့ၢ်. လဲၤဆူကီၢ်ကနၤဧၣ်ဒီးဆူညါဆူကီၢ်လဘၤနိၣ်အကစၢၢ်ကလိ တဖၣ်ယံၤဝဲတုၤဆူထံကျိမိၢ်ပှၢ်ဖရၤသးန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 21:7

(စီၤစီလူးအပှၤကွၢ်ဂီၤဖံးတဖၣ်အခိၣ်စီၤဒိအ့းလၢအမ့ၢ်ပှၤကီၢ်အဒိၣ်ဖိ, လဲၤတုၤဖဲန့ၣ်သတူၢ်ကလာ်လၢအနံၤဝဲန့ၣ်လီၤ. အဂ့ၢ်ဒ်အံၤ, အဝဲကဘၣ်မၤပှဲၤတၢ်ဘူၣ်တၢ်ဘါအမူအဒါအိၣ်ဝဲတမံၤလီၤ.)