လံာ်ကွဲးနီၣ်တၢ်အခီၣ်ထံးတဘ့ၣ် 27:25 - Sgaw Karen Common Bible

²⁵ အအံၤမ့ၢ်တၢ်ကွဲးနီၣ်ဘၣ်ထွဲဒီးပှၤတဖၣ်လၢအပၢဆှၢစီၤပၤအတၢ် စုလီၢ်ခီၣ်ခိၣ်န့ၣ်လီၤ. စီၤဧဒံၤအ့လးအဖိခွါစီၤဧၤစမၤဝ့း, မ့ၢ်ပှၤအခိၣ်အဒိၣ်ကတၢၢ်လၢစီၤပၤအတၢ်ပာ်ဖှိၣ်အဟံၣ်တဖၣ်အဖီခိၣ် န့ၣ်လီၤ. စီၤဧူးစံယၤအဖိခွါစီၤယိနၤသၣ်မ့ၢ်ပှၤအခိၣ်အဒိၣ်ကတၢၢ်လၢ ထံကီၢ်အတၢ်ပာ်ဖှိၣ်အဟံၣ်တဖၣ်လၢအအိၣ်ဝဲလၢ, ကီၢ်ဆၣ်တဖၣ်, ဝ့ၢ်တဖၣ်, ဒူသဝီတဖၣ်ဒီးတိာ်တဖၣ်အဖီခိၣ်အဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 27:25 Iomraidhean Croise

လံာ်တၢ်ကဲထီၣ်အခီၣ်ထံး 41:48

တၢ်န့ၣ်တဖၣ်ခဲလၢာ်စီၤယိၤသးထၢဖှိၣ်ဒီးပဒၢးပာ်အီၤလၢဝ့ၢ် တဖၣ်အပူၤန့ၣ်လီၤ. ဒီးလၢတဝ့ၢ်ဘၣ်တဝ့ၢ်န့ၣ်, အဝဲပဒၢးပာ်တၢ်အီၣ်တဖၣ်လၢအဟဲလၢပျီအိၣ်ခိၣ်အိၣ်ဃၢၤအီၤန့ၣ် လီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:31

ပှၤဝ့ၢ်ဧၤရဘၤဖိစီၤအဘံဧၤလဘိၣ်, ပှၤဝ့ၢ်ဘၤဃူၣ်ဖိစီၤဧၤစမၤဝ့း,

လံာ်စီၤပၤခံဘ့ၣ်တဘ့ၣ် 18:15

စီၤဃံးစကံယၤဆှၢလီၤန့ၢ်အီၤကယဲၢ်စ့လၢအိၣ်လၢယွၤအတၢ်လုၢ် ဟံၣ်ပူၤဒီးလၢအအိၣ်လၢစီၤပၤအနူၢ်အစီၤအတၢ်ပာ်ဖှိၣ်အလီၢ်န့ၣ် လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 27:24

နီၢ်စရူၤယၤအဖိခွါစီၤယိၤအာ်စးထီၣ်မၤတၢ်ဂံၢ်ဒီးဆဲးလီၤ မံၤတခါ, ဘၣ်ဆၣ်တမၤဘၣ်ဝဲတုၤအဝံၤဘၣ်. ကစၢ်ယွၤစံၣ်ညီၣ်အံၣ်စရ့လးလၢတၢ် ဂံၢ်ဒီးဆဲးလီၤမံၤအံၤအဃိ, သတးဒီးလၢစီၤပၤစီၤဒၤဝံးအလံာ်ကွဲးနီၣ်တၢ်တဖၣ်အပူၤန့ၣ်, နီၣ်ဂံၢ်လၢခံကတၢၢ်တဖၣ်တဘၣ်တၢ်ကွဲးနီၣ်ဘၣ်အီၤနီတစုဘၣ်.

လံာ်ကွဲးနီၣ်တၢ်အခီၣ်ထံးတဘ့ၣ် 27:26

စီၤကလူာ်အဖိခွါစီၤဧ့စရံၤမ့ၢ်ပှၤအခိၣ်အဒိၣ်ကတၢၢ်လၢပှၤထူ စံာ်ဖိလၢအထူစံာ်ဧိၤပှဲၤဧိၤတဖၣ်အဖီခိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:1

စီၤပၤစီၤဒၤဝံးမၤလိာ်ကယဲၢ်အံၣ်စရ့လးအပဒိၣ်ပပှၢ်ခဲလၢာ်လၢ ကဟဲအိၣ်ဖှိၣ်ရိဖှိၣ်ဖဲဝ့ၢ်ယရူၤရှလ့ၣ်အပူၤန့ၣ်လီၤ. လၢတၢ်န့ၣ်အဃိ, ကယဲၢ်ဒူၣ်တဖၣ်အခိၣ်အနၢ်ခဲလၢာ်, ခိၣ်နၢ်တဖၣ်လၢအပၢဆှၢတ့ၢ်ဘီမုၢ်အတၢ်မၤ, ခိၣ်နၢ်တဖၣ်လၢဒူၣ်ထၢတဖၣ်အပူၤ, ပှၤတဖၣ်လၢအပၢဆှၢသုးကျဲၤ တၢ်စုလီၢ်ခီၣ်ခိၣ်ဒီးဆၣ်ဖိကီၢ်ဖိတဖၣ်လၢအဘၣ်ထွဲ ဆူစီၤပၤဒီးအဝဲအဖိခွါတဖၣ်, သပှၢ်ကတၢၢ်ပှၤလၢအမ့ၢ်ကယဲၢ် ပဒိၣ်ပပှၢ်တဖၣ်လၢနီပူၤ, ပှၤသုးဖိတဖၣ်လၢအလဲၤလၢညါ, ဒီးပှၤအကါဒိၣ်တဖၣ်, ဟဲပာ်ဖှိၣ်အသးလၢဝ့ၢ်ယရူၤရှလ့ၣ်အပူၤ န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:6

အန့ၣ်တစု, ဒူၣ်ထၢတဖၣ်အခိၣ်အနၢ်တဖၣ်, ဒူၣ်တဖၣ်အပဒိၣ်ပပှၢ်တဖၣ်, သုးခိၣ်ကျၢၢ်တဖၣ်လၢသုးမုၢ်အပူၤ, ဒီးပှၤတဖၣ်လၢအပၢဆှၢသုးကျဲၤစီၤပၤအတၢ်စုလီၢ်ခီၣ်ခိၣ်, ဟ့ၣ်လီၤတၢ်လၢတၢ်သးအိၣ်အပူၤလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 16:2

လၢတၢ်န့ၣ်အဃိစီၤအၤစါဟံးထီၣ်ကွံာ်စ့ဒီးထူလၢယွၤအတၢ် လုၢ်ဟံၣ်ဒီးနီအတၢ်ပာ်ဖှိၣ်အလီၢ်တဖၣ်ဒီးဆှၢလီၤဝဲဆူဝ့ၢ်ဒၤ မ့ၤစ့းဆူကီၢ်စူၤရံအစီၤပၤဘ့ၣ်ဟဒးအအိၣ်ဃုာ်ဒီးတၢ်ကစီၣ်အံၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:10

အဝဲသူၣ်ထီၣ်စ့ၢ်ကီးပှၤပၢၤတၢ်အလီၢ်တိာ်ဧိၤတာ်ဧိၤတဖၣ်လၢတၢ် လီၢ်လီၤပျီဒီးခူၣ်လီၤစ့ၢ်ကီးထံပူၤအါပူၤ, မ့ၢ်လၢအဝဲအိၣ်ဒီးဆၣ်ဖိကီၢ်ဖိအဖုအဂီၢ်အါမး, လၢမုၢ်နုာ်ကစၢၢ်ခီၣ်ထံးမ့ၢ်ဂ့ၤ, ပျီပူၤတဖၣ်မ့ၢ်ဂ့ၤအဃိန့ၣ်လီၤ. မ့ၢ်လၢအဝဲအဲၣ်တၢ်သူၣ်တၢ်ဖျးအဃိ, အဝဲဟ့ၣ်ဂံၢ်ဟ့ၣ်ဘါပှၤဂီၢ် မုၢ်လၢကသူၣ်လီၤစပံးလီၢ်တဖၣ်လၢတၢ်လူၢ်တၢ်တြီၤတဖၣ်ဒီးထဲၣ် ထီၣ်တၢ်လီၢ်လၢဟီၣ်ခိၣ်ညၣ်ထ့ၣ်ဂ့ၤဝဲတဖၣ်န့ၣ်လီၤ.

လံာ်တၢ်ဟးထီၣ်ကွံာ် 1:11

မၤသးဒ်န့ၣ်ဒီး, ပှၤအဲၤကူပတူးဖိတဖၣ်ပာ်လီၤပှၤအခိၣ်တဖၣ်လၢ တၢ်မၢကဲကုၢ်တၢ်အဂီၢ်လၢပှၤအံၣ်စရ့လးဖိသ့ၣ်တဖၣ်အဖီခိၣ်ဒ် သိးကမၤဟးဂီၤကွံာ်အသူၣ်အသးခီဖျိတၢ်မၤဆူၣ်မၤနၢၤန့ၣ် လီၤ. ဒီးပှၤအံၣ်စရ့လးဖိသ့ၣ်တဖၣ်သူၣ်ထီၣ်ဝ့ၢ်ပံသိၣ်ဒီးဝ့ၢ်ရၤ မစ့လၢကကဲထီၣ်တၢ်ပာ်ဖှိၣ်တၢ်အလီၢ်ခၢၣ်သးတဖၣ်လၢစီၤပၤအဂီၢ် န့ၣ်လီၤ.

လံာ်ယံးရမံယၤ 41:8

ဘၣ်ဆၣ်ဒီး ပှၤအိၣ်ဆံဆဲၣ်ဂၤလၢ အကျါလၢ အစံးဘၣ် စီၤယံးၡမၤအ့လး, “ဝံသးစူၤ မၤသံပှၤတဂ့ၤ. ပအိၣ်ဒီး ဘုကၠူၣ်, ဘုမုယီၤ, သ့ၣ်စၤယံးအသိ, ဒီးကနဲစီလၢပပာ်ခူသူၣ်အီၤလၢ စံာ်ပျီတဖၣ်အပူၤန့ၣ်လီၤ.” လၢတၢ်န့ၣ်အဃိ, အဝဲပျဲပူၤဖျဲးကွံာ်ဝဲသ့ၣ်န့ၣ်လီၤ.