လံာ်ကွဲးနီၣ်တၢ်အခီၣ်ထံးတဘ့ၣ် 27:1 - Sgaw Karen Common Bible

¹ အအံၤမ့ၢ်တၢ်ကွဲးနီၣ်ဘၣ်ထွဲဒီးပှၤအံၣ်စရ့လးဖိ, အဟံၣ်ဖိဃီဖိအခိၣ်တဖၣ်ဒီးဒူၣ်ထၢအခိၣ်အနၢ်တဖၣ်ဒီး အဝဲသ့ၣ်အပဒိၣ်ပပှၢ်တဖၣ်လၢအပၢဆှၢတ့ၢ်ဘီမုၢ်အတၢ်ဖံးတၢ်မၤန့ၣ်လီၤ. တလါစုာ်စုာ်လၢတနံၣ်အတီၢ်ပူၤန့ၣ်, ပှၤခံကလးလွံၢ်ကထိဂၤ တကရူၢ်စုာ်စုာ်လၢအလီၤဆီလိာ်အသးန့ၣ်, ဘၣ်ဟံးန့ၢ်မူဒါလၢအဝဲန့ၣ်အသုးခိၣ်ဖးဒိၣ်အတၢ်ပၢဆှၢအဖီ လာ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 27:1 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 23:8

ပှၤတဖၣ်အံၤမ့ၢ်စီၤဒၤဝံးအပှၤသုးဖိတဖၣ်လၢအမံၤဟူသၣ်ဖျါ န့ၣ်လီၤ. အခီၣ်ထံးတဂၤမ့ၢ်ဝဲ, စီၤယိစဘးဘၡဘး လၢတၤဃမိၣ်န့ၣ်လီၤ. အဝဲမ့ၢ်ပှၤအခိၣ်လၢပှၤသၢဂၤအကျါတဂၤဒီး အဝဲဒုးတၢ်ဒီးအဘီထီဒါပှၤအဂၤဃိးကယၤဒီးမၤသံကွံာ်အဝဲသ့ၣ် ခဲလၢာ်လၢတၢ်ဒုးတဘျီအပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 4:27

လၢလါတလါဘၣ်တလါလၢတၢ်ဟ့ၣ်မူဟ့ၣ်ဒါအီၤအပူၤန့ၣ်, အဝဲအပဒိၣ်ဖးဒိၣ်တဆံခံဂၤ, တဂၤဘၣ်တဂၤစုာ်စုာ်ဟ့ၣ်ထီၣ်တၢ် အီၣ်လၢစီၤပၤၡလိၤမိၤလိၣ်ဘၣ်ဝဲလၢအဂီၢ်ဒီးလၢပှၤခဲလၢာ်လၢ အအီၣ်ဃုာ်တၢ်ဒီးအီၤလၢနီပူၤအဂီၢ်န့ၣ်လီၤ. ထီဘိအဝဲသ့ၣ်ဟ့ၣ်ထီၣ်တၢ်ခဲလၢာ်လၢတၢ်လိၣ်ဘၣ်အီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 4:7

စီၤၡလိၤမိၤဃုထၢပာ်လီၤပှၤတဆံခံဂၤဒ်ကီၢ်ဆၣ်အပဒိၣ်ဖးဒိၣ် တဖၣ်အသိးလၢကီၢ်အံၣ်စရ့လးအပူၤန့ၣ်လီၤ. အဝဲသ့ၣ်ကဘၣ်ဟ့ၣ်ထီၣ်တၢ်အီၣ်တၢ်အီလၢအကီၢ်ဆၣ်ဒၣ်ဝဲလၢစီၤပၤ ဒီးပှၤအိၣ်လၢနီပူၤခဲလၢာ်အဂီၢ်န့ၣ်လီၤ. လၢတနံၣ်အတီၢ်ပူၤန့ၣ်အဝဲသ့ၣ်တဂၤစုာ်စုာ်အိၣ်ဒီးမူဒါလၢ တၢ်အီၣ်တလါအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 5:14

ဒီးပာ်လီၤစီၤအဒိနံရၣ်ဒ်ပှၤအခိၣ်လၢကပၢဆှၢအဝဲသ့ၣ်န့ၣ်လီၤ. စီၤၡလိၤမိၤနီၤဖးလီၤအဝဲသ့ၣ်ဆူပှၤတကလးစုာ်စုာ်, သၢကရူၢ်ဒီးပှၤတကရူၢ်ဘၣ်တကရူၢ်စုာ်စုာ်မၤတၢ်လၢကီၢ်လဘၤနိၣ်တလါ, ဒီးလၢအထံအကီၢ်အပူၤခံလါန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 11:10

အအံၤမ့ၢ်တၢ်ကွဲးနီၣ်ကွဲးဃါဘၣ်ထွဲဒီးစီၤဒၤဝံးအပှၤသုး ဖိအမံၤဟူသၣ်ဖျါတဖၣ်န့ၣ်လီၤ. အဝဲသ့ၣ်တဖၣ်ဃုာ်ဒီးပှၤအံၣ်စရ့လးဖိအိၣ်လီၤတဲာ်တဖၣ်န့ၣ်, မၤစၢၤသကိးစီၤဒၤဝံးဒ်သိးကကဲထီၣ်ဘၣ်စီၤပၤအဂီၢ်ဒ်ယွၤ အၢၣ်လီၤတ့ၢ်အသိးဒီးအဝဲသ့ၣ်ပၢၤဃာ်အဘီအမုၢ်ဒ်သိးကအိၣ်ဂၢၢ် အိၣ်ကျၢၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 13:1

စီၤပၤစီၤဒၤဝံးကူၣ်လိာ်အသးဒီးကယဲၢ်ပှၤသုးဖိတကထိ အခိၣ်တဖၣ်မ့ၢ်ဂ့ၤဒီးပှၤသုးဖိတကယၤအခိၣ်တဖၣ်မ့ၢ်ဂ့ၤန့ၣ် လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 26:32

စီၤပၤစီၤဒၤဝံးဃုထၢဟံၣ်ဖိဃီဖိအခိၣ်အနၢ်လၢအသ့အဘၣ်လီၤ ဆီ, ခံကထိနွံကယၤဂၤလၢစီၤယရံယၤအဘူးအတံၢ်တဖၣ်အကျါဒီးပာ် အီၤလၢကကဲခိၣ်ကဲနၢ်လၢတၢ်ပၢတၢ်ဆှၢကယဲၢ်တၢ်ဘူၣ်တၢ်ဘါဒီး တၢ်မၤဘၣ်ထွဲဒီးထံကီၢ်အတၢ်ဂ့ၢ်တၢ်ကျိၤတဖၣ်လၢထံကျိယၢ်ဒ့ၣ် အမုၢ်ထီၣ်ကီၢ်အံၣ်စရ့လးအပူၤ, လၢလီၢ်ကဝီၤတဖၣ်ဖဲပှၤရူၤဘ့ၣ်ဖိ, ပှၤကးဖိဒီးပှၤမနၤၡ့ၤမုၢ်ထီၣ်ဖိအိၣ်ဆိးဝဲန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 27:2

သုးခိၣ်ဖးဒိၣ်တဖၣ်လၢတလါဘၣ်တလါအတၢ်ရဲၣ်တၢ်ကျဲၤမ့ၢ်ဒ်လာ် အံၤအသိးလီၤ. တၢတလါ, စီၤစးဘဒံၤအ့လးအဖိခွါစီၤယၤၡၤဘၣ်.

လံာ်ကွဲးနီၣ်တၢ်အခီၣ်ထံးတဘ့ၣ် 28:1

စီၤပၤစီၤဒၤဝံးမၤလိာ်ကယဲၢ်အံၣ်စရ့လးအပဒိၣ်ပပှၢ်ခဲလၢာ်လၢ ကဟဲအိၣ်ဖှိၣ်ရိဖှိၣ်ဖဲဝ့ၢ်ယရူၤရှလ့ၣ်အပူၤန့ၣ်လီၤ. လၢတၢ်န့ၣ်အဃိ, ကယဲၢ်ဒူၣ်တဖၣ်အခိၣ်အနၢ်ခဲလၢာ်, ခိၣ်နၢ်တဖၣ်လၢအပၢဆှၢတ့ၢ်ဘီမုၢ်အတၢ်မၤ, ခိၣ်နၢ်တဖၣ်လၢဒူၣ်ထၢတဖၣ်အပူၤ, ပှၤတဖၣ်လၢအပၢဆှၢသုးကျဲၤ တၢ်စုလီၢ်ခီၣ်ခိၣ်ဒီးဆၣ်ဖိကီၢ်ဖိတဖၣ်လၢအဘၣ်ထွဲ ဆူစီၤပၤဒီးအဝဲအဖိခွါတဖၣ်, သပှၢ်ကတၢၢ်ပှၤလၢအမ့ၢ်ကယဲၢ် ပဒိၣ်ပပှၢ်တဖၣ်လၢနီပူၤ, ပှၤသုးဖိတဖၣ်လၢအလဲၤလၢညါ, ဒီးပှၤအကါဒိၣ်တဖၣ်, ဟဲပာ်ဖှိၣ်အသးလၢဝ့ၢ်ယရူၤရှလ့ၣ်အပူၤ န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:6

အန့ၣ်တစု, ဒူၣ်ထၢတဖၣ်အခိၣ်အနၢ်တဖၣ်, ဒူၣ်တဖၣ်အပဒိၣ်ပပှၢ်တဖၣ်, သုးခိၣ်ကျၢၢ်တဖၣ်လၢသုးမုၢ်အပူၤ, ဒီးပှၤတဖၣ်လၢအပၢဆှၢသုးကျဲၤစီၤပၤအတၢ်စုလီၢ်ခီၣ်ခိၣ်, ဟ့ၣ်လီၤတၢ်လၢတၢ်သးအိၣ်အပူၤလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:2

စီၤပၤၡလိၤမိၤဟ့ၣ်လီၤအကလုၢ်ဆူကယဲၢ်သုးခိၣ်သုးနၢ်တဖၣ်လၢ အအိၣ်မူအိၣ်ဒါလၢပှၤတကထိအဖီခိၣ်, ပှၤတကယၤအဖီခိၣ်, ကယဲၢ်တၢ်ပၢတၢ်ပြးအပဒိၣ်တဖၣ်, ကယဲၢ်ဟံၣ်ဖိဃီဖိအခိၣ်အနၢ်တ ဖၣ်, ဒီးဆူကယဲၢ်ပှၤဂီၢ်မုၢ်အိၣ်လီၤတဲာ်အဂၤတဖၣ်,

လံာ်မံကၤ 5:2

ယွၤစံးဝဲဒၣ်, “ဘ့ၤသလ့ဃ့ၣ်အ့ဖရၤသးဧၢ, နမ့ၢ်ဝ့ၢ်အဆံးကတၢၢ်တဖၣ်အကျါတဝ့ၢ်လၢကီၢ်ယူဒၤအပူၤလီၤ. ဘၣ်ဆၣ်ယကဒုးဟဲထီၣ်ပှၤပၢတၢ်တဂၤလၢကီၢ်အံၣ်စရ့လးအဂီၢ်လၢ နပူၤလီၤ. အဝဲအဒူၣ်ဖိထၢဖိအခီၣ်ထံးခီၣ်ဘိန့ၣ်မ့ၢ်တၢ်လၢပျၢၤလၢကစၢၤ လံၤလံၤန့ၣ်လီၤ”.

လံာ်သိၣ်လီၤသီလီၤတၢ် 1:15

မၤသးဒ်န့ၣ်ဒီး, ယဟံးန့ၢ်ပှၤကူၣ်တၢ်သ့ဒီးခိၣ်နၢ်တဖၣ်လၢအတၢ် လဲၤခီဖျိအါဝဲလၢသုဃုထၢထီၣ်အီၤလၢသုဒူၣ်တဖၣ်အကျါ, ဒီးယပာ်ထီၣ်အဝဲသ့ၣ်ဒ်သုခိၣ်သုနၢ်အသိးန့ၣ်လီၤ. ပှၤတနီၤအမူအဒါအိၣ်ဝဲလၢပှၤတကထိအဖီခိၣ်, တနီၤလၢပှၤတကယၤအဖီခိၣ်, တနီၤလၢပှၤယဲၢ်ဆံအဖီခိၣ်, ဒီးတနီၤလၢပှၤတဆံအဖီခိၣ်အဂီၢ်န့ၣ်လီၤ. ယဃုထၢပာ်လီၤစ့ၢ် ကီးပှၤခိၣ်ပှၤနၢ်အဂၤတဖၣ်လၢပှၤအဒူၣ်တဖၣ်န့ၣ်လီၤ.

လံာ်စီၤယိၤၡူ 23:1

ဖဲယွၤဟ့ၣ်ဒုးအိၣ်ဘှံးအံၣ်စရ့လးလၢအဒုၣ်အဒါလၢအအိၣ်ဝးတရံးအီၤခဲလၢာ်ဝံၤအလီၢ်ခံဖးယံာ်ဒီးဖဲ စီၤယိၤၡူအသးအနံၣ်အလါပှၢ်ထီၣ်လံန့ၣ်,

လံာ်စီၤၡမူၤအ့လးအခီၣ်ထံးတဘ့ၣ် 8:12

အဝဲကဒုးကဲထီၣ်အီၤတနီၤလၢပှၤအဂၤတကထိအခိၣ်ဒီးတနီၤလၢပှၤ အဂၤယဲၢ်ဆံအခိၣ်လီၤ. သုဖိခွါတဖၣ်ကဘၣ်ထူန့ၢ်အဝဲအစံာ်တဖၣ်, ကူးန့ၢ်က့ၤအဘုဧိၤဟုဧိၤ, ဒီးဘှီန့ၢ်အစုကဝဲၤဒီးတၢ်အပီးအလီလၢအလ့ၣ်ကဟၣ်ဒုးသုးတဖၣ် အဂီၢ်န့ၣ်လီၤ.