လံာ်ကွဲးနီၣ်တၢ်အခီၣ်ထံးတဘ့ၣ် 26:8 - Sgaw Karen Common Bible

⁸ စီၤဧိၤဘ့းအ့ဒိၣ်အဟံၣ်ဖိဃီဖိဟ့ၣ်ထီၣ်ပှၤလၢအကြၢးဝဲဘၣ် ဝဲကတၢၢ်ဒီးတၢ်မၤအံၤ, ပှၤခဲလၢာ်ဃုဆံခံဂၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 26:8 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 6:10

လၢတၢ်န့ၣ်အဃိ, အဝဲပာ်လီၤတ့ၢ်အသးလၢတက့ၤစိာ်လၢၤယွၤအတၢ် အၢၣ်လီၤအီလီၤအတလါစီဆှံန့ၣ်ဒီးအီၤဆူဝ့ၢ်ယရူၤရှလ့ၣ်ဘၣ်န့ၣ်လီၤ. အခိၣ်တလိာ်အဝဲဃၣ်ကွံာ်အသးလၢကျဲဒီးလဲၤစိာ်အီၤဆူ ပှၤအိၣ်ဆိးဖဲဝ့ၢ်ကးအပူၤစီၤဧိၤဘ့းအ့ဒိၣ်အဟံၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 26:7

အဝဲသ့ၣ်တဖၣ်မ့ၢ်ဝဲ, စီၤဧိၤသနံ, စီၤရဖၤအ့လး, စီၤဧိၤဘ့း, စီၤအ့လစၤဘး, စီၤအလံဟူၤဒီးစီၤစမၤကယၤန့ၣ်လီၤ. ပှၤအမံၤလၢခံကတၢၢ်ခံဂၤန့ၣ်မ့ၢ်ပှၤအိၣ်ဒီးတၤလၣ်လီၤဆီတဖၣ် န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 26:9

စီၤမၡ့လ့ၤမယၤအဟံၣ်ဖိဃီဖိဟ့ၣ်ထီၣ်ပှၤကြၢးဝဲဘၣ်ဝဲဒီး တၢ်မၤအံၤတဆံဃိးဂၤန့ၣ်လီၤ.

လံာ်မးသဲ 25:15

အဝဲဟ့ၣ်လီၤဝဲအခ့အပှၤတဖၣ်ဒ်အတၢ်သ့တၢ်ဘၣ်အိၣ်ဝဲအသိးလီၤ. အခီၣ်ထံးတဂၤန့ၣ်ဟ့ၣ်ဝဲယဲၢ်တၤလၣ်, လၢခံတဂၤန့ၣ်ဟ့ၣ်ဝဲခံတၤလၣ်, ဒီးအဂၤတဂၤန့ၣ်တတၤလၣ်လီၤ. တုၤနုၤတစုအဝဲဟးထီၣ်ဒီးလဲၤတၢ်လီၤ.

၂ ကရံၣ်သူး 3:6

အဝဲဒၣ်မ့ၢ်ပှၤလၢအဟ့ၣ်ပှၤတၢ်သ့တၢ်ဘၣ်လၢပကမၤတၢ်ခ့ တၢ်ပှၤအတၢ်မၤလၢတၢ်အၢၣ်လီၤအီလီၤအသီအဂီၢ်, တၢ်အၢၣ်လီၤအီလီၤအသီလၢအတဘၣ်ဃးဒီးတၢ်သိၣ် တၢ်သီအလံာ်မဲာ်ဖျၢၣ်လၢအဘၣ်တၢ်ကွဲးအီၤန့ၣ်ဘၣ်. မ့မ့ၢ်ဘၣ်ဃးဒီးယွၤအသးန့ၣ်လီၤ. အဂ့ၢ်ဒ်အံၤ, တၢ်သိၣ်တၢ်သီအလံာ်မဲာ်ဖျၢၣ်လၢအဘၣ်တၢ်ကွဲးအီၤ န့ၣ်ဒုးအိၣ်ထီၣ်တၢ်သံ, မ့မ့ၢ်ယွၤအသးန့ၣ် ဟ့ၣ်ပှၤတၢ်မူလီၤ.

၁ ပ့းတရူး 4:11

ပှၤတဂၤဂ့ၤတဂၤဂ့ၤလၢအစံၣ်တဲၤတဲလီၤတၢ်န့ၣ်, ကဘၣ်စံၣ်တဲၤတဲလီၤကစၢ်ယွၤအတၢ်ကစီၣ်တဖၣ်, ဒီးပှၤတဂၤဂ့ၤတဂၤဂ့ၤလၢအမၤတၢ်ခ့တၢ်ပှၤအတၢ်မၤန့ၣ်, ကဘၣ်မၤဝဲလၢတၢ်ဂံၢ်တၢ်ဘါလၢကစၢ်ယွၤဟ့ၣ်လီၤအီၤ အပူၤ, ဒ်သိးလၢတၢ်ခဲလၢာ်အပူၤယွၤကဘၣ်တၢ်စံးထီၣ်ပတြၢၤ အီၤခီဖျိယ့ၣ်ၡူးခရံာ်န့ၣ်လီၤ. တၢ်လၤကပီၤဒီးတၢ်စိတၢ်ကမီၤ န့ၣ်, မ့ၢ်အဝဲဒၣ်အတၢ်အစိၤစိၤအဃၣ်ဃၣ်လီၤ. အၤမ့ၣ်.