လံာ်ကွဲးနီၣ်တၢ်အခီၣ်ထံးတဘ့ၣ် 26:26 - Sgaw Karen Common Bible

²⁶ စီၤၡလိမံးအဘူးအတံၢ်တဖၣ်မ့ၢ်ပှၤဘၣ်ကဲခိၣ်ကဲနၢ်လၢတၢ်ပၢၤ ဃာ်တၢ်ဟ့ၣ်တဖၣ်လၢဘၣ်တၢ်ပာ်စီဆှံတ့ၢ်အီၤဆူကစၢ်ယွၤလၢစီၤ ပၤဒၤဝံး, ဒ်ဟံၣ်ဖိဃီဖိတဖၣ်အခိၣ်, ဒူၣ်ထၢကရူၢ်တဖၣ်အခိၣ်ဒီးသုးခိၣ် သုးနၢ်တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 26:26 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 8:11

စီၤပၤဒၤဝံးပာ်စီဆှံတၢ်တဖၣ်န့ၣ်ဒ်သိးတၢ်ကသူအီၤလၢတၢ် ဘူၣ်တၢ်ဘါအပူၤ, ဃုာ်ဒီးထူဒီးစ့လၢအဝဲဟဲက့ၤစိာ်ဝဲလၢထံကီၢ်တဖၣ်လၢအဝဲ မၤနၢၤတ့ၢ်လံဝဲ,

လံာ်ကွဲးနီၣ်တၢ်အခီၣ်ထံးတဘ့ၣ် 18:11

စီၤပၤဒၤဝံးပာ်စီဆှံတၢ်သ့ၣ်တဖၣ်န့ၣ်လၢတၢ်ကသူအီၤလၢတၢ် ဘူၣ်တၢ်ဘါအပူၤအဂီၢ်ဃုာ်ဒီးကျိၣ်ဧိၤစ့ဧိၤ, ထူဧိၤလွဲဧိၤလၢအဟံးန့ၢ်တ့ၢ်ဝဲလၢပှၤကလုာ်လၢအမၤနၢၤကွံာ် ဝဲလၢအမ့ၢ်, ပှၤအဒိၣ်ဖိ, ပှၤမိၤအးဖိ, ပှၤဧၣ်မိၣ်ဖိ, ပှၤဖလ့ၡသးဖိဒီးပှၤဧမၤလ့းဖိတဖၣ်အအိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:14

လၢယွၤအတၢ်လုၢ်ဟံၣ်အဂီၢ်န့ၣ်, လၢယတၢ်ကျဲးစၢးဒၣ်ယဲ အဃိ, ယပာ်ဖှိၣ်ပာ်စၢၤထူအဃၢလီၤတယၢၢ်အါန့ၢ်ဒံးအကံကၢ် တကလီၢ်ဒီးစ့အဃၢလီၤတယၢၢ်အါန့ၢ်ဒံးအကံကၢ်တကကွဲၢ်လၢတၢ် ကသူအီၤလၢတၢ်ဘှီထီၣ်အဂီၢ်လီၤ. လၢတၢ်န့ၣ်အမဲာ်ညါ, တိၢ်ဘီဒီးထးလၢတၢ်စီၤအဃၢတသ့ဘၣ်, အိၣ်စ့ၢ်ကီးဝဲလီၤ. ယအိၣ်ကတဲာ်ကတီၤပာ်စ့ၢ်ကီးသ့ၣ်ဒီးလၢၢ်တဖၣ်, ဘၣ်ဆၣ်နကဘၣ်မၤန့ၢ်အါထီၣ်ဒီးအီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 26:25

အဝဲဒီဘူးဒီတံၢ်ဒီးစီၤၡလိမံးခီဖျိစီၤက့ရၡိၣ်အဒီပုၢ် ဝဲၢ်ခွါစီၤအလၤဧစၢ်န့ၣ်လီၤ. ဒီးစီၤအလၤဧစၢ်မ့ၢ်စီၤရဃါဘယၤအပၢ်, ဒီးစီၤရဃါဘယၤမ့ၢ်စီၤယၡၤယါအပၢ်, ဒီးစီၤယၡၤယါမ့ၢ်စီၤ ယိၤရၣ်အပၢ်, စီၤယိၤရၣ်မ့ၢ်စီၤစံးကရံးအပၢ်ဒီးစီၤစံးကရံးမ့ၢ်စီၤၡလိ မံးအပၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 26:27

အဝဲသ့ၣ်ဟံးထီၣ်တ့ၢ်တၢ်ဘၣ်ဂုာ်န့ၢ်တနီၤလၢအမၤန့ၢ်တ့ၢ်ဝဲ လၢတၢ်ဒုးအပူၤဒီးပာ်စီဆှံတ့ၢ်ဝဲဒ်သိးတၢ်ကသူအီၤလၢယွၤ အတၢ်လုၢ်ဟံၣ်အပူၤအဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:21

ပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ်ဘၣ်တၢ်ဟ့ၣ်လီၤတ့ၢ်လံ အမူအဒါလၢကမၤဝဲလၢယွၤအတၢ်လုၢ်ဟံၣ်အပူၤအဂီၢ်န့ၣ်လီၤ. ပှၤမၤတၢ်ဖိတဖၣ်လၢအအိၣ်ဒီးကယဲၢ်တၢ်သ့တၢ်ဘၣ်အကလုာ်ကလုာ်သး အိၣ်မၤစၢၤနၤ, ဒီးကယဲၢ်ပှၤဂီၢ်မုၢ်ခဲလၢာ်ဒီးအဝဲသ့ၣ်အခိၣ်အနၢ်တဖၣ်ကမၤတၢ်ဒ် နမၤလိာ်အီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:14

ပှၤလ့ၤဝံဖိလၢလာ်သ့ၣ်တဖၣ်အံၤအိၣ်ဝဲဆိးဝဲလၢဝ့ၢ်ယရူၤ ၡလ့ၣ်အပူၤန့ၣ်လီၤ. စီၤၡမါယၤလၢအမ့ၢ်စီၤဃၤၡူာ်အဖိခွါ, လၢအပၢ်ဖးဒိၣ်လၢပျၢၤတဖၣ်အကျါအိၣ်ဃုာ်ဒီး စီၤဧးစရံကၣ်ဒီးစီၤဃၡၤဘယၤလၢအဘၣ်ဃး ဒီးပှၤမရၤရံၤအဒူၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 23:8

ပှၤလ့ၤဝံဖိတဖၣ်ဒီးကီၢ်ယူဒၤအပှၤဂီၢ်မုၢ်တဖၣ်မၤတၢ်ဒ်ပှၤ လုၢ်တၢ်အခိၣ်စီၤယဟိယဒါအတၢ်သိၣ်လိနဲၣ်ယုၤအသိးန့ၣ်လီၤ. လၢမုၢ်အိၣ်ဘှံးနံၤန့ၣ်ပှၤလၢတအိၣ်ဒီးမူဒါလၢတၢ်လုၢ်ဟံၣ် ပူၤတဖၣ်တဘၣ်တၢ်ပျၢ်က့ၤအီၤဘၣ်. လၢတၢ်န့ၣ်အဃိ, သုးခိၣ်ဖးဒိၣ်တဖၣ်သူဘၣ်ပှၤလၢအလီၤဘၣ်တၢ်မၤတဖၣ်မ့ၢ်ဂ့ၤ, တလီၤဘၣ်တၢ်မၤတဖၣ်မ့ၢ်ဂ့ၤသ့ဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 31:2

စီၤပၤယဃံးစကံၤယၤဒုးအိၣ်ထီၣ်ကဒါက့ၤတၢ်ကရၢကရိ ဘၣ်ထွဲဒီးပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ်, လၢအဝဲသ့ၣ်တဂၤဘၣ်တဂၤစုာ်စုာ်အိၣ်ဒီးအမူအဒါလီၤတံၢ်လီၤဆဲးန့ၣ် လီၤ. မူဒါတဖၣ်အံၤအိၣ်စ့ၢ်ကီးဒီးတၢ်ဆူးကဲၤထီၣ်တၢ်လုၢ်မ့ၣ်အူ, တၢ်လုၢ်ထီၣ်တၢ်လုၢ်မၤဃူမၤဖိးတဖၣ်, တၢ်ဟံးန့ၢ်မူဒါလၢယွၤ အတၢ်လုၢ်ဟံၣ်အတၢ်ဘူၣ်တၢ်ဘါအပူၤ, တၢ်ဟ့ၣ်ထီၣ်တၢ်စံၣ်ထီၣ်ပတြၢၤဒီးတၢ်စံးဘျုးတဖၣ်လၢယွၤအတၢ် လုၢ်ဟံၣ်အလီၢ်တတီၤဘၣ်တတီၤအပူၤန့ၣ်လီၤ.

လံာ်စီၤဧ့စြၤ 2:42

တၢ်လုၢ်ဟံၣ်အပှၤပၢၤတၢ်တဖၣ် (စီၤၡၤလူၣ်, စီၤအၤတ့ၢ်, စီၤတၤလမိၣ်, စီၤဧးကူာ်, စီၤဃတံတၤ, စီၤၡိဘံၤအစၢၤအသွဲၣ် တဖၣ်), တကယၤသၢဆံခွံ ဂၤ,

လံာ်စီၤနဃ့မယၤ 12:45

အဂ့ၢ်ဒ်အံၤအဝဲသ့ၣ်မၤဝဲတၢ်မၤကဆှီထီၣ်တၢ်အမူးတဖၣ်ဒီးတၢ် တၢ်ဘူၣ်တၢ်ဘါအလုၢ်အလၢ်အဂၤတဖၣ်လၢကစၢ်ယွၤမၤလိာ်တ့ၢ်ဝဲန့ၣ် လီၤ. ပှၤသးဝံၣ်တၢ်ဖိလၢတၢ်လုၢ်ဟံၣ်အပူၤတဖၣ်, ပှၤခိးတၢ်လုၢ်ဟံၣ်သ့ၣ်တဖၣ်စ့ၢ်ကီးမၤအမူအဒါတဖၣ်ဒ်အကြၢးဝဲ ဒီးတၢ်သိၣ်တၢ်ဘျၢတဖၣ်လၢအဘၣ်တၢ်ပာ်လီၤလၢစီၤပၤဒၤဝံးဒီး အဖိခွါစီၤၡလိၤမိၤန့ၣ်လီၤ.