လံာ်ကွဲးနီၣ်တၢ်အခီၣ်ထံးတဘ့ၣ် 26:17 - Sgaw Karen Common Bible

¹⁷ လၢမုၢ်ထီၣ်န့ၣ်ပှၤပၢၤတၢ်ဖိဃုဂၤဘၣ်ခိးတၢ်ကိးမုၢ်နံၤဒဲး, လၢကလံၤစိးန့ၣ်ပှၤလွံၢ်ဂၤ, ဒီးလၢကလံၤထံးန့ၣ်ပှၤလွံၢ်ဂၤ န့ၣ်လီၤ. ပှၤပၢၤတၢ်ဖိလွံၢ်ဂၤဘၣ်တၢ်ပာ်လီၤအီၤဖဲတၢ်ပာ်ဖှိၣ်အဒၢးတဖၣ် ကိးမုၢ်နံၤဒဲး, ခံဂၤ, ခံဂၤလၢတၢ်ပာ်ဖှိၣ်အဒၢးတဖျၢၣ်စုာ်စုာ်အဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 26:17 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 26:16

စီၤၡူပံၣ်ဒီးစီၤဃိစၤဖီၣ်တၢ်ဖးလီၤလၢမုၢ်နုာ်တြဲၤဒီး တြဲၤၡးလ့က့လၤကျဲထးခီတကပၤန့ၣ်လီၤ. တၢ်ပၢၤတြဲၤအမူအဒါဘၣ်တၢ်နီၤဖးလီၤအီၤဆူအဆၢကတီၢ်သ့ၣ်တဖၣ် တကတီၢ်ဝံၤတကတီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 26:18

ဘူးဒီးဘျီၣ်အိၣ်လၢမုၢ်နုာ်တခီန့ၣ်, ပှၤပၢၤတၢ်ဖိအိၣ်လွံၢ် ဂၤလၢကျဲကပၤဒီးအိၣ်ခံဂၤဖဲဘျီၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:24

တြဲၤလၢအမဲာ်ကွၢ်ဃီၤဆူမူပၤလွံၢ်ကျိၤ, ကလံၤစိး, ကလံၤထံး, မုၢ်ထီၣ်ဒီးမုၢ်နုာ်အိၣ်တဘ့ၣ်စုာ်စုာ်, ဒီးအပှၤပၢၤတၢ်အဒိၣ်အိၣ်တဂၤစုာ်စုာ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 31:14

ပှၤလ့ၤဝံဖိတဂၤလၢအမ့ၢ်စီၤယံးမနၤအဖိခွါစီၤကိၤရ့, ပှၤပၢၤတၢ်အခိၣ်အဒိၣ်ကတၢၢ်လၢယွၤအတၢ်လုၢ်ဟံၣ်အတြဲၤမုၢ်ထီၣ် တကပၤန့ၣ်, ဘၣ်ကွၢ်ထွဲတၢ်တူၢ်လိာ်တၢ်ဟ့ၣ်တဖၣ်လၢတၢ် လုၢ်ထီၣ်အီၤဆူယွၤဒီးနီၤဟ့ၣ်လီၤတၢ်ဟ့ၣ်တဖၣ်န့ၣ်စ့ၢ်ကီးလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 8:14

ပိာ်ထွဲထီၣ်တၢ်သိၣ်တၢ်ဘျၢတဖၣ်လၢအဘၣ်တၢ်ပာ်လီၤတ့ၢ်အီၤလၢ အပၢ်စီၤဒၤဝံးအခံန့ၣ်, အဝဲကရၢကရိထီၣ်တနံၤဘၣ်တနံၤအတၢ်မၤလၢပှၤလုၢ်တၢ်အခိၣ်တဖၣ်အ ဂီၢ်, ဒီးလၢပှၤလ့ၤဝံဖိတဖၣ်လၢအမၤစၢၤပှၤလုၢ်တၢ်အခိၣ်တဖၣ်လၢတၢ် သးဝံၣ်ထါသးဝံၣ်တဖၣ်ဒီးလၢတၢ်မၤအဝဲသ့ၣ်အတၢ်မၤအပူၤအဂီၢ် န့ၣ်လီၤ. အဝဲကရၢကရိထီၣ်စ့ၢ်ကီးပှၤပၢၤတၢ်လုၢ်ဟံၣ်တဖၣ်တဖုဘၣ်တဖု လၢအကမၤအဝဲသ့ၣ်အမူအဒါတနံၤဘၣ်တနံၤဖဲတြဲၤဖးဒိၣ်တဘ့ၣ်စုာ် စုာ်, လီၤပလိာ်ဝဲဒီးကစၢ်ယွၤအပှၤကညီစီၤဒၤဝံးအတၢ်မၤလိာ်တဖၣ် န့ၣ်လီၤ.

လံာ်စီၤနဃ့မယၤ 12:25

ပှၤခိးတၢ်လုၢ်ဟံၣ်လၢလာ်တဖၣ်အံၤမ့ၢ်ပှၤအခိၣ်လၢအပၢၤတၢ်ပာ် ဖှိၣ်အဒၢးတဖၣ်ဖဲယွၤအတၢ်လုၢ်ဟံၣ်အတြဲၤတဖၣ်န့ၣ်လီၤ. အဝဲသ့ၣ်မ့ၢ်ဝဲ, စီၤမးတၤနယၤ, စီၤဘးကဘူကယၤ, စီၤဧိၤဘါဒယၤ, စီၤမၡူလၣ်, စီၤတၤလမိၣ်ဒီးစီၤဧးကူာ်န့ၣ်လီၤ.